Yamuna jall sajani houn kesein jaauun .. saanware

यमुना जल सजनी हों केसें जाऊं ॥ सांवरे अंग लरिकवा के डर परतन बाहिर पाऊं ॥ १॥ फागुन मास अभागी जाको नाह ओर ही गाऊं ॥ पिय प्यारी हे पियके पाछें को धरवातरे नाऊं ॥२॥ जब होंकर गहि आरसी देखों आपही आप सिहाऊं ॥ ऐसें ऐसें ही अरूण अधर रस सखी तापर बीरा खाऊं ॥३॥ कबहुंक उपजत चोंप चोंपई कुच कच चाहि के चाऊं || कृष्ण जीवन लछीराम के प्रभु कोन मते ठहराऊं | ४॥

Dhamar

Part3-350

Bihaag

Jhuki gulal kinny daari alak parr.. jini daari sou

झुकि गुलाल किनि डारी अलक पर॥ जिनि डारी सो आवी मेंरे सनमुख नातर वेहौंगी गारी ॥ १॥ काहे कौ रिस करति हो मैया डारी ॥ वृषमानु दुलारी ॥ 'रसिक' प्रीतम की जननी जसुदा दोऊ कर लेति है झारी ॥ २॥

Dhamar

Part3-350

Bihaag

Horry khaile vraj barsaanain kii tambolani .. paan

होरी खैले ब्रज बरसानैं की तंबोलनी ॥ पान भरे मुख चमकति चौका वाकी मधुर-रसीली बोलनी ॥१॥ अँग रसीली सुमंध बसीली भौंहैं चलति कपोलनी॥ कोकिला कैसें कंठनि गावति रिझबति पिय को छोलनी ॥२॥ रति रस ध्यावै, केलि बढ़ावे, ब्रज जुबतिन मन मोहनी ॥ “ब्यास स्वामिनी' रिझि परसपर नंद नंदन रस झोलनी ॥३॥

Dhamar

Part3-351

Bihaag

Navrang bheeno gwal nava radha gori brindavan

नवरंग भीनो ग्वाल नव राधा गोरी ब्रिंदावन सोभागिनी खेले दोऊ होरी ॥१॥ मृदंग उपंग भेरि दुंदुंभी बिराजे मनमथ राज पाय मानो बाजे बाजे ॥२॥ घुमड़िये लाल सोहे लोचन सुहाये मानो राते घन खेले मीन छबी धाये ॥३॥ ललना के संग पिय सोभा ऐसी लागे सुभग जराय मानो हीरा जगमगे ॥9॥ रंग भरि दृहु और छूटे पिचकारी तन ते उछरी मानो होत छबि भारी ॥५॥ मुखते चुबत रंग कछु जात न कह्यो जलज ते मानो मकरंद बचह्यो ॥६॥ झलके अलके बीच रंग बूंद गण मानो अलि पांति बनी मुख मधुपन ॥७॥ टूटी उर माल बाल शोभा अपार हिये ते उमणि चली मानो रसधार ॥८॥ छलि आनि पिय रस गोरी मानो विधि कंज मिले विरह विसारी ॥९॥ सखी गहे कर दृग बोरे राधा गोरी आँजे पिय के नैन सब बोले हो हो होरी ॥|१०॥ लीनो फागगु अनुराग भरे प्यारे ऐसे रंग बढ़े बह़े रसह्ि पनारे ॥१॥ इहि विधि खेले होरी वैकुंठ धाम, दामोदर हित हिये बसो स्यामा स्याम |॥१२॥

Dhamar

Part3-351

Bihaag

Nabal badhu rung bheenni nanal peetam sanga khelai ..

नबल बधू रंग भींनी ननल पीतम संग खेलै ॥ झूम-झूम रस ताननि गाबैं रिझवति छैल छबीलै ॥ १॥ रैंगीलौ लाल पिचकाईन रँग भरि उरजन ऊपर मेलै | मुख मूंदें नेनबनि मन खोले भावति कल मन फूल ॥२॥ पटकति धरती चरन लर-लटकति, लटकति हार हमेलै ॥ प्रफुलित नबल बेल-सी लहकत, झेली बल अलबेले ॥३॥ अंचल मधि चंचल चख मानों मैंने सैंन कों पेलै ॥ वल्‍लभ रसिक घुमड़ नब घन लालन अंक सँकेले ॥४॥

Dhamar

Part3-351

Bihaag

Horry khelat ranbhine piya pyaari .. utate juri

होरी खेलत रंणभीने पिय प्यारी ॥ उतते जुरि झुंडन आई स्यामा मोहन बृषभान दुलारी ॥१॥ बाजे साजे कर नवरंगी जंत्र मंत्र डफ वारी ॥ उघटित धुनि संगीत सुघरता गृह-गृह ताता ताता थेई तारी ॥|२॥ जमुना तीर सघन कुंजन में करि कुसुम बरखारी ॥ “नंददास' प्रभु कोतक सामर रसिक लाल गिरिधारी ॥३॥

Dhamar

Part3-351

Bihaag

Horry khelat kumar kanhai ..| chova chandan aggar

होरी खेलत कुमर कन्हाई ॥| चोवा चंदन अगर कुमकुमा धरणी कीच मचाई ॥१॥ अबीर गुलाल उड़ाय ललितादिक शोभा बरणी न जाई ॥ अरस परस छिरके जु श्याम को केसरि भरी पिचकाई ॥२॥ नख सिख अंग परम रूप माधुरी भूषण वबसन बनाई ॥ गिरवरधर की यह छबी निरखत कुभंन दास बलि जाई ॥३॥

Dhamar

Part3-352

Bihaag

Kaanh kunwar khelain horry jamuna tata .. saghan

कान्ह कुँवर खेलैं होरी जमुना तट ॥ सघन कुंज बन बिथिनि चोवा चंदन और अरगजा अबीर लीये भरि झोरी ॥१॥ बाजति ताल मृदंग बाँसुरी सुर की उठति झकोरी ॥ “धोंधी' के प्रभु तुम बहु नाइक खेलि मचायो गोरी ॥२॥

Dhamar

Part3-352

Bihaag

Khelati gopal laal fagu russ bharey .. sakhaa

खेलति गुपाल लाल फागु रस भरे ॥ सखा सब संग बलदाऊ दल करे ॥१९॥ मंजुल कमल बंधु सुता तीर पै री ॥ निरखति सुर मुनि गए मन हेरी ॥२॥ उज्जल बसनन के बागे जु मँगाए ॥ प्रफुलित मन सब ग्वाल पैहिराए ॥ ३॥ अरगजा मृगमद चोबा अंग लगाए ॥ पाछें बलमभैया आपु लीने मन भाए ॥४॥ केसरि के नीर भरि हेम घट जु लीनें ॥ चले स्याम संग जुरि प्रेम भीनें ॥५॥ ब्रज जन मन रैंचि आप बस कीनें ॥। देखति गयो हैं काम सरबसु छीनें ॥६॥| रतन जटित पिचकाई रँग भींनी ॥ हाठक जटित सब सखान कौ दींनीं ॥७॥| छिरकति प्रमुदित धार अति झींनीं ॥ कौंन कबि छबि बरमैं जु मान हींनीं ॥८॥ उड़ति अबीर . बस आँधी भई खरी ॥ दिन मनि किरनि की गई दृति हरी ॥५॥ चकई बिछुरी जाति बिरह की भरी ॥ सुधि सब भूलि चिते परबस परी ॥१०॥ सोहत सुभग कटि गुलाल की झोरी ॥ बनी अति नीकी हरि हलधर की जोरी ॥११॥ हँसि करि सबन के लेति चित चोरी ॥ सखान सहित बोले हो हो हो होरी ॥१२॥ बाजति पटह झांझि बीना मुख चंग ॥ आवज मुरली ढ़फ ताल सौं मृदंग ॥१३॥ सुनि घन गयो लजि भयौ मद भंग ॥ प्रैंम- सिंधु उमग्यौं न मात अंग अंग॥ १ ४॥ खेलनि कौं आँई बृषभानु की कुमारी ॥ सनमुख जोरी सख््री रूप उजियारी ॥१५॥ पैहिंरे सुभग तनसुख सारी ॥ नख सिख सो हैं मनौं बिधि साँचे भरि ढ़ारी ॥१६॥ एकु तें अधिक एक रूप मदर्माति ॥ हँसि हँसि स्याम जु सौं करें मृद्‌ बाती || १७॥ तनक सुवास फूलि मन जाती ॥ खेलति न जानि सब बीती दिन राति ॥१८॥ लींनें गहि औचका नवल गिरिधारी ॥ काजर सों आँजी नींकीं अँखियाँ अनियारी ॥१९॥ चहुँ ओर ब्रज बधू बजावति तारी ॥ छॉड़ि सबै कुल लाज औरू गावति हैं गारी ॥२०॥ आई कै कुँवरी फैंट गहि रहि ठाढ़ी ॥ फगुवा मँगाई देऊ बोलो गुन आड़ी ॥२१।॥ चितवति नैननि सौं प्रीति चित बाढ़ी ॥| भरी है सुह्मग को कोक कला रस पाढ़ी ॥२२॥ रीझै ब्रजनाथ जहाँ दैन कौं मेंगाई | पट आभरन मेबा बहुत मिठाई ॥२३॥ नारी सब सिमिटि झुंडन ढिंग आई ॥ गोकुल कौं चंद हँसि दियौ सुखदाई ॥२४॥ राधिका कुँवरि कान्ह भिले भरि बाँडि ॥ जोरी अबिचल नित रहौ ब्रज माँही ॥२५॥ वह हँसति चली ग्रह आनंद बढ़ाई बरनि न जाई यह सुख परछाँई ॥२६॥

Dhamar

Part3-352

Bihaag

Khelati gopal maai rung bharey horry .. kanak

खेलति गुपाल माइ रंग भरे होरी ॥ कनक बरन सँग लीए सत गोरी ॥ १॥ भूषन बसन साजि सबै मन फूले ॥ निरखति हरि छबि अपन पो भूले ॥२॥ अति सुकुमारि राधा तिन मधि सोहै ॥ बार बार अबलोकि मोहन मन मौहे ॥| ३॥| केसरि रंग कलसनि भरि भरि लींनें ॥ बिबिधि सुगंध सजि अनगन कींनें ॥७॥ बनि ठनि चले जहैँ नव निकुंज पिया री ॥ त्रिबिधि पवन जहँ बहति सुखारी |।५॥ जहाँ बिहरति खग जुगल सुहाए॥ कोकिला कलर प्रमोद सुर गाए ॥६।॥ तहाँ घुमड्यौ गुलाल अंबर छाये ॥ माँनों आप रूप धरि अनुरागु बढ़ाये ॥७॥ छिरकति सुरँग केसरी रँग रंगे ॥ मुदित परसपर मिलि अंग संगे ॥८॥ मुरज किन्नरी बीन ढ़फ सहनाई ॥ बिच बिच बैंनु धुनि अधिक सुहाई ॥९।। इहि बिधि खेलति बाढ़च्ौ जु रँग भारी ॥ सब ब्रज जन मोहे गिरिधारी ॥६०॥

Dhamar

Part3-353

Bihaag

Khelan dey mohe horry hoe rasiya.. jaani naan dehaun gahi

खेलन दे मोहे होरी हो रसीया।। जानि न देहौं गहि राखौंगी काए को बैंयाँ मरोरी हो रसीया | १॥ ब्रिंदाबन बिच ख्रेलि मच्यौ है सँग राधिका गोरी हो रसीया ॥ सखी सहेली सब मिलि खेलैं हम कहा कीनीं चोरी हो रसीया ॥ २॥ फगुवा लीये बिनु जानि न देहौं तुम मत जानौं भोरी हो रसीया ॥ ऋषिकेस' प्रभु मिलि मगन भये डारति है तृन तोरी हो रसीया ॥ ३।।

Dhamar

Part3-353

Bihaag

Chali bunn nirakhi raaj samaaj kratu koun, sakal

चलि बन निरखि राज समाज क्रतु कों, सकल तरू मोरे ॥ यह वसंतहि जानि रति कैं कंत दल जोरे ॥१॥ विरहनी मति विकल करिवे मृगगन दौरे ॥ कोकिला कल कंठरव मिलि, काम सर छोरै ॥२॥ तरनि तनया तीर मलयज पवन झकझोरैे || गहरु तजि ब्रज भामिनि मित्रि नंद किसोरै ॥३॥

Basant Dhamar - Maan

Part3-354

Basant