Madan mohan kunwar brishbhanu-nandini saun bhuvan

मदन मोहन कुँवर बृषभानु-नंदिनी सौं भुवन कुंज मधि खेलति होरी ॥ गोप बालक संग एकु दांई बने, उत सकल ब्रज बधू इकु जोरी ॥१॥ बाजत बीना मृदंग झाँझ ढ़फ किज्नारि चेत झुमकि गान करति गोरी ॥ उड़ति बंदन नब अबीर बहु कुँमकुमा अरू बिबिधि रंगनि गुलाल झोरी ॥२॥ तब सखियन मतों करि धाँईं गिरिधर गहें नील पट पीत सों गाँठि जोरी ॥ एकु सखी स्याम के सीस बैंनी गुही, एकु दृग आँजति मुख माँड़ति रोरी ॥३॥ तब हि ललिता दौरी झटकि मुरली लई, सब हि नंदलाल सौं करें ठठोरी ॥ इक नब कुँमकुमा नबल जागरि भरि आँनि कैं दोऊन के सीस ढोरी ॥४॥ तब सखी आपुनो माँगि फगुवा लयौ दई मुरली अरू गाँठि छोरी ॥ “दास गुपाल' बलि जाई यह छबि निरखति रहौं हरि चरन दृढ़ बुधि मोरी ॥५॥॥

Dhamar

Part3-354

Bihaag

Kheli kheli hoe ladenti sriradhe tohi koun favyo

खेलि खेलि हो लडेंती श्रीराधे तोही कों फव्यो है बसंत ॥ सुनि भामिनि दामिनिसी हो तुम पायो स्याम घन कंत ॥१॥ जमुना के तट श्रीवुंदावन परम अनूपम ठाऊं ॥ कुंजन कुंजन केलि करो मेलि सुबस बसौं बलि जाऊं ॥२॥ मदन गुपाललाल रसिया कों रस तेंई ले जान्यौ ॥ अपनो मन ओर वा मोहन को एकमेक करि सानन्‍्यों ॥३॥ उडत गुलाल धूंधरि मधि राजत राधा अंग लपटानी ॥ कहि “भगवान' हित रामराय प्रभु यह छबि हृदय समानी ॥४॥

Basant Dhamar - Maan

Part3-354

Basant

Kheli kheli hoe ladenti raadhe hari key sanga basant ..

खेलि खेलि हो लडेंती राधे हरि के संग बसंत ॥ मदन गोपाल मनोहर मूरति मिल्यो हे भांवतो कंत ॥६॥ कोन पुन्य तप को फल भामिनि चरन कमल अनुराग ॥ कमल नेन कमला को वल्लभ तोकूं मिल्‍यो सुहाग ॥२॥ यह कालिंदी यह बृंदावन यह तरुवर की पांति ॥ परमानंद स्वामी संग क्रीडत चोसन जानी राति ॥३॥

Basant Dhamar - Maan

Part3-354

Basant

Raadhe dekhi banakain chain || bhang kokil sabd suni suni

राधे देखि बनकैं चैन || भंग कोकिल सब्द सुनि सुनि प्रकट प्रमुदित मैन ॥ १॥ जहाँ बहति मंद सुगंध सीतल भाँमिनी सुख सैन ॥ कौन पुन्य अगाध कौं फल तूं जो बिलसति ऐंन ॥२॥ लाल गिरिधर मिल्यौ चाहति, मोहन मधुर बैन ॥ “दास परमानँद' प्रभु हरि चारू पंकज नैन ॥३॥

Basant Dhamar - Maan

Part3-355

Basant

Ratipati dey duhkh curry ratipati saun .. tuun tau merrie

रतिपति दे दुःख करि रतिपति सौं ॥ तूं तौ मेरी प्यारी और प्यारे हु की प्यारी उठि चलि गज गति सौं ॥१॥ दुती कैं बचन सुनि कैं, मुसक्यानि, भूषन बसन सोंधो लियौ बहु भांतिसौं ॥ “कल्यान' के प्रभु गिरिधर नागर धाई लई उर अतिसों ॥२॥

Basant Dhamar - Maan

Part3-355

Basant

Chali bunn bahati mund sugandh seetal, malay sameerai ..

चलि बन बहति मंद सुगंध सीतल, मलय समीरै ॥ तुव पंथ बेठि निहारति सखी हरि, सूरजा तीरै ॥१॥ चहूं दिस फूल लता हुम हरसित सरीरै || तुव बरन तन स्याम सुंदर धरति पट पीरै ॥२॥ विविधि सुर अलि पुंज गुंजति मत्त पिक कीरै ॥ तुब मिलन हित नंद नंदन हैं अति अधीरे ॥३॥ “दासकुंभन' प्रभु करति बन बहु जतन सीरै ॥ तुव विरह ब्याकुल गोवरधन उद्धरन धीरै ॥४॥

Basant Dhamar - Maan

Part3-355

Basant

Firi pachhitaaigi hoe radha .. kitt tuu kitt hari

फिरि पछिताइगी हो राधा ॥ कित तू कित हरि कित यह औसर करत प्रेमरस बाधा ॥१॥ बहोरि गुपाल भेख कब धरि हैं कब इन कूंजन बसि है ॥ यह जडता तेरे जिय उपजी चतुर नारि सुनि हँसि है ॥२॥ रसिक गुपाल सुनति सुख उपजै आगम निगम पुकारें ॥ “परमानँद” स्वामी पै आवति कौ यह नीति बिचारै ॥३॥

Basant Dhamar - Maan

Part3-355

Basant

Ritu vasant prafulit bunn bakul maalati kund, jaati

ऋतु वसंत प्रफुलित बन बकुल मालती कुंद, जाति नवकरन कारन केतुकी कुरबक गुलाल ॥ चलि राधे चटमट करि तजि हठ सठ जिय कौं, हों पठई लेन तोहि आतुर है अति नदलाल ॥१॥ तेसोई तरनि तनया तीर तेसोई बहति सुख समीर तेसोई चहूं दिस तैं उडति हैं सॉंधौं गुलाल ॥ यह औसर कँँठ लाई रिझये “रघुवीर' राई तो तू एसी लागति है कनकलता कै ढिग तरू तमाल ॥२॥|

Basant Dhamar - Maan

Part3-355

Basant

Kahaa aaee ree taraki abb hii juu khelat hii preetam

कहा आई री तरकि अब ही जू खेलत ही प्रीतम सँग एक हाथ अबीर दूजै फैंटा कर ॥ जब उन भुजन जोरि मुसिकाय वदन मोरयौं ते जान्यों औरन तन चितए एसो यह होय जिन परइ इन नैनन में यही डर ॥९॥ जब ही तू उठि चली तबही लालन उझकि रहै औरन सो बूझन लागै बेझू झुकि गई कौन बात परि ॥ उठि चलि हिलिमिलि तूब रैंग राख और सब लागति चुनी समान तूब मधि नाइक सँग सोहति लाल गुपाल गिरिधरि ॥२॥

Basant Dhamar - Maan

Part3-356

Basant

Chali raadhe tohi syaam bulaavain .. vaha suni dekhi

चलि राधे तोहि स्याम बुलावैं ॥ वह सुनि देखि बेन मधुरे सुर तेरो नाम ले लै गावैं ॥१॥ देखौ ब्रिंदाबनन की सोभा ठौर ठौर द्ुम फूल ॥ कोकिल नाद सुनति मन आनैंद मिथुन बिहँगम झूले ॥२॥। उनमद जोबन मदन कुलाहल यह औसर है नीकौ ॥ 'परमानंद' प्रभु प्रथम समागम मिल्यौ भाँवतो जीकौ ॥३॥

Basant Dhamar - Maan

Part3-356

Basant

11 aeka raag basant eechhu) aiso patra likhi pathyau nrip vasant .. tum tajo

११ एक राग बसंत ईछछु) ऐसो पत्र लिखि पठयौ नृप वसंत ॥ तुम तजो मान मानिनी तुरंत ॥भ्रु० ॥ कागद नव दल अँब पाँति || द्वात कमल मसि भैंवर जाति ॥ लेखन काम कै बान चाँप ॥ लिखि अनैँग ससि दई छाप ॥ मलयानिल पठयौ करि बिचार ॥ बाँचे सुक, पिक, तुम सुनौं नारि॥ 'सूरदास' यौं बदति बानि || तू हरि भजि गोपी तजि सयान ॥२॥

Basant Dhamar - Maan

Part3-356

Basant

Maan tajou bhajau kanta ritu vasant aayou .. vann

मान तजौ भजौ कंत ऋतु वसंत आयौ ॥ वन सोभा निरखि निरखि पथिकन सुख पायौ ॥१॥| फूल बनराई जाईं मधुकर लपटायौ॥ अँब मोर ठोर ठोर ब्रिंदाबन छायौ ।| २।। अति सुगंध बह॒ति वायु बस पराग उडायौ || उनमद झंकार करति विरही जन डरायौ ॥३॥ तिहारै हित कारन मैं यह सब्द सुनायौ॥ 'रसिक' प्रीतम जाई मिलो जुवतीन मनभायौ ॥४॥

Basant Dhamar - Maan

Part3-356

Basant