Aaee ritu chandish phulai dram kaanan kokila

आई ऋतु चह्ंदिश फुलै द्रम कानन कोकिला समूह मिलि गाबत वसंत ही ॥ मधुप गुंजारत मिलति सप्त सुर भयो हे हलास तनमन सब जंतही ॥१॥ मुदित रसिक जन उमगि भरे हैं नहि पावत मनमथ सुख अंत ही ॥ “कुंभनदास” स्वामिनी बेगि चलि यह समे मिलि गिरिधर नव कंतही ॥२॥

Basant Dhamar - Maan

Part3-357

Basant

Manini maan chhudaavan kaaran madan sahaai vasant

मानिनी मान छुडावन कारन मदन सहाई वसंत ले आयों ॥ चतुरंगनि सैना सजि सुलभ पराग अटपटों छायों ॥१॥ नील कमल दल सहसख मानों गज कदली कुसुम रथ बेगि बनायौ | चंपक जुही गुलाल और कुंज बह रँग तुरी सेन सजि धायौं ॥२॥ कुँद, कनेर, मालती जाती पाईकदली आगें जू सुहायों | नागकेत धुजा, अरून चंबर इब सेत छनत्र मोरि कुसुम धरायों ॥|३॥ अँकुस किंसुक सीखंड केतुकी कुरबक निसान बजायों ॥ त्रिगुन समीर सुजान छूट धर जस बंदी अलि कुल मिल्लि गायौं ॥७॥ कटक सँवारि कामिनी अँग अँग मोहन सों सर चाप चढायों ॥ 'कृष्णदास' गिरिधरि सौं मिलि रति करि रतिपति हार मनायौ ॥५॥

Basant Dhamar - Maan

Part3-357

Basant

) begi chalo bunn kunwari sayani .. samay vasant

) बेगि चलो बन कुंवरि सयानी ॥ समय वसंत बिपिन मधि हय गज मदन सुभट नृप फोज पलानी ॥ १॥ चहूं दिस चाँदनी चमू चय कुसुम धूरि धूंधरी उडानी | सोरड कला छिपांकर की छबि सोहति छनञ्र सीस कर तानी ॥२॥ बोले हंस चपल बंदी जन मनौं प्रसंसित पिक बर बानी ॥ धीर समीर रटत बन अलिगन मनीों काम कर मुरली सुठानी ॥३॥ कुसम सरासन बनि हि बिराजति मनौं मानगढ़ आन आन भानी ॥ 'सूरदास' प्रभु की वेई गति करौ सहाइ राधिका रानी ॥४॥

Basant Dhamar - Maan

Part3-357

Basant

Chali nidharak bunn dekhi sakhiri dwij pramudit

चलि निधरक बन देखि सखीरी द्विज प्रमुदित पिक बानी ॥ जमुना तीर सघन कुंजन बनि ठाढ़ौ छेल गुमानी ॥१॥ फूले बहुरंग कुसुम परामिन त्रिविधि पवन सुख सांनी ॥ “ब्रजाधीश' प्रभु सब सुख सागर दृगन शोभा रंग आनी ॥२॥

Basant Dhamar - Maan

Part3-357

Basant

Aeye pyaari maan naan keejai piya saun bawri merey

ए प्यारी मान न कीजै पिय सौं बावरी मेरे कहै चलि गज गामिनि ॥ बार-बार मुख निहार नवल नवेली नारी तू सुकुमारि आली बस कीए स्याम सुनि भामिनि ॥१॥ ज्यौं-ज्यौं रूक होत त्यौं-त्यों पीतम अधीर होत सुन्दर प्यारी तेरे बस भए ओर सकल ब्रज जुबति खेलति होरी हरि सँग सुनि री स्वामिनि ॥ फागुन में मान कैसो यै तो अनोखी रीति प्रीति क्‍यों न करि प्यारी अतर सुगंध अरगजा केसर घनसार 'ब्रजाधीस' प्रभु रचि राखी है बेगि चलि जात हे जामिनि ॥२॥

Basant Dhamar - Maan

Part3-358

Kanharo

Raig mahal rung faag rangan mill‍you suhag rangili

रैग महल रंग फाग रंगन मिल्‍यो सुहाग रंगीली होरी की राति तोसूं रंग रहेगो आज ॥ रंगीले से गिरिधरन पिय रंग गुलाल अबीर लये सेरो ही मण जोबत मान गढ़ छाँडि प्यारी करि हो रंग अचल राज ॥१॥ दूती के बचन सुनि बृषभानु नंदिनी सकल सिंगार सजि चली भूषण बसन साज ॥ 'नंददास' प्रभु प्यारी हँसि भेटत अँकवारी जाल रंध्र निरखि-निरखि सुफल पूरन काज ॥२॥

Basant Dhamar - Maan

Part3-358

Kanharo

Maan naan keejiye peeya saun nagri naveli naar

मान न कीजिए पीय सौं नागरी नवेली नार यह होरी के दिनन को ॥ अबीर गुलाल केसर चोवा चंदन घनसार मृगमद मलय कपूर सुवासन धरे हे बिबिधि रैंग तो बीनु लागति सब फीको ॥१॥ अधर बिंब ललित प्रवाल करि सिंगार मृगनैनी दसनन हूती तेरी नब जोबन अंग-अंग जगमग जोति रसिक प्रीतम को ॥ चले क्यों न भिरिधरनलाल सो हिलिमेलि आली और अनेक सब सुनि री नागरी भोजन पाछे का अचवन घृत को ॥२॥

Basant Dhamar - Maan

Part3-358

Kanharo

Horry khelei banegi roosen kesein banegi .. aisehi rung

होरी खेलेई बनेगी रूसें केसें बनेगी ॥ ऐसेही रंग रहेगो रंगीली तू बहुरंग सनेगीं ॥ १॥ ऐसें कैसें फनुआ पैयत तामे गुन ओगुन ना गिनेगी ॥ रसिक प्रीतम के संग होरी खेलत खेलिमें भोंह तनेगी ॥२॥ 9 (| राग बिहाग (घर) या ऋतु को सुख मान सखीरी त्तोय मान मनावन मोहि पठाई ॥ तू हठ मांड रही कबह्ू ते तोहि वीर नाहि बिसारी ॥१॥ तो बिन होरी को रंग न ज्हे है बिधिना कर तोए मान महारी ॥। प्रान प्रीया की प्रान पियारी मान मेरो कल्यमो बलिहारी ॥२॥

Basant Dhamar - Maan

Part3-359

Bihag

Pyaari tero mangarh kaun utaare .. dinn prati

प्यारी तेरो मानगढ कौन उतारे ॥ दिन प्रति नौतन होत सखीरी कौन काज बिचारे ॥१॥ तेरे मन कछु ओर सखीरी मेरे मन जो उचारे ॥ काहू मिसले रंगन भरीरी गिरधर लाल समारे ॥२॥ यह समयो है दिवस चार को को यह न्याव विचारे ॥ हित हरि वंश पुलिन यमुना तट लालन दृगन निहारे ॥

Basant Dhamar - Maan

Part3-359

Bihag

Laal karat manuhar ree pyaari maan manaayo tero ..

लाल करत मनुहार री प्यारी मान मनायो तेरो ॥ मदन मोहन पिय नव निकुंज में नाम रटत हैं तेरो ॥ १॥ नवल नागर गुन के आगर देख ऋतुराज आयो नेरो ॥ रसिक प्रीतम सों हिलमिल भामिनी ज्यों रीझे चित्त तेरो ॥२॥

Basant Dhamar - Maan

Part3-359

Bihag

Maan naan keejai piya saun bhamini fagun mein peetam

मान न कीजै पिय सौं भामिनि फागुन में पीतम तौ तोय बोलन ॥ अबीर, गुलाल, कुंमकुमा, केसर मृगमद, घनसार रचि धरे बिबिधि अमोलन ॥१९१॥ मान करि बेठी तोई लाज हू न आवति, होरी के दिनन है घुंघट क्‍यों न खोलत ॥ “नंददास' प्रभु प्यारी, रूप गुन उजियारी बाको मन तेरे आली सँग लाग्यो डोलत ॥१५॥

Basant Dhamar - Maan

Part3-359

Udaano

Ladili maanan keeje horry key dinn mein kaun tihari

लाडिली मानन कीजे होरी के दिन में कौन तिहारी बान ॥ चार दिवस को खेल मच्यो है बेठी है भोडे तान ॥|६॥ मान मनाय बलैया लेहूं कहो जोरि जुग पान ॥ गुन निधान पीय पास उठि चलो केलि खेलि की जान ॥२॥

Basant Dhamar - Maan

Part3-360

Bihag