Sou yeh dinn kaisen nibahego maan tero aayo

सो यह दिन कैसें निबहेगो मान तेरो आयो फाल्णगुन मास कह्मो तू मान॥ तज हठ कपट हठीली नागरि सुनि सांची जिय जान ॥१॥ आयेरी लाल मनावन तोकों भाग आपुने ऊर आनि ॥ ऊठ चलि हिल मिल हरिदास के स्वामी सों अब मोहें जिन तान ॥२॥

Basant Dhamar - Maan

Part3-360

Bihag

Yeh dinn horry koo sou tuu jinn maan karey ..

यह दिन होरी को सो तू जिन मान करे ॥ मेरो कह्मो तू मान हठीली काहेंकू गर्व करे ॥ १॥ उठ चल हिल मिल गिरधर पीयसों तो सब काज सरे॥ तेरे ही बस हैं ब्रजपति अब तेरोई ध्यान धरे ॥२॥

Basant Dhamar - Maan

Part3-360

Bihag

Nita uthh maan manaave hoe pyaari .. kaun tave purry

नित उठ मान मनावे हो प्यारी ॥ कौन टेव परी ब्रज सुंदरी पीय को पांय पडावे हो ॥१॥ नहीं बूझत समजत मनसजनी सहज बात उठ आवे हो ॥ तू जो कहत हों निपट सयानी सयानप कौन कहावे ॥२॥ यह दिन फाग सुहाग राग के सब काह्ूू मनभावे हो ॥ श्रीविद्ठल गिरधरनलाल सों काहे न रंग बढ़ावे हो ॥३॥

Basant Dhamar - Maan

Part3-360

Bihag

Horry key khel mein shuman keso ..| maan maan kii thhor joe tum khel khilaay chaahat hoe rung raag rahey toso ..1.. itate

होरी के खेल में शुमान केसो ॥| मान मान की ठोर जो तुम खेल खिलाय चाहत हो रंग राग रहे तोसो ॥१॥ इतते आई कुंबरि राधिका उततें आये कान्ह ॥| सूरदास प्रभु रस बस कर लीये राख्यो सबन को मान ॥२॥

Basant Dhamar - Maan

Part3-360

Bihag

Pyaari maan dharey munn bhaave .. vrindavan khelat nandanandan

प्यारी मान धरे मन भावे ॥ वृंदावन खेलत नंदनंदन तो बिन सचु नही पावे ॥१॥ अबीर गुलाल अरणजा लेकें ध्यान तेरें मुख लाबे ॥ चोंक परें चितवे फिर इत ऊत ले मुरली फेर जावे ॥ २॥ कर सिंगार सहज थोरी ही बेगि चलो पिय सच्ु पावे ॥ श्रीविद्ठल गिरधरनलाल कों और न कोऊ चित आवे ॥३॥

Basant Dhamar - Maan

Part3-360

Bihag

Piya sanga khelati adhik shram bhayo ree aavareene kukaron

पिय संग खेलति अधिक श्रम भयो री आवरीने कुकरों बयार ॥ अपुनों अंचल ले सकुमार प्यारी निरखि बदन श्रमकनकी बलिहार ॥१९॥ बिधुरी अलक श्रवन नासिका मांग के मोती अस्त व्यस्त भये ताय बांधु संबार॥ सूरदास प्रभु प्यारी के मिले को सुख जाय देखों ताय डारों बार॥ २॥

Basant Dhamar - Maan

Part3-360

Bihag

Pyaari piya khelati barr vasant .. upajati duhuun

प्यारी पिय खेलति बर वसंत ॥ उपजति दुहूँ दिस सुख अनंत ॥ध्रु० ॥ अदभुत सोभा गौर स्याम ॥ लाल पिया उर ललित दाम ॥ उमेँगि उमँगि अँग भरति वाम | सहचरी सँग कला काम ॥१॥ सेज सुहाई अमल खेत ॥ चलत्ति कटाच्छ पिचुकि भरि हेत || सनमुख भरि छबि छींट लेति ॥ रोम रोम आनँद देति ॥२॥| नख प्रहार छबि कनि गुलाल ॥ राजति बिच उर ठुटी माल || जावक रँग रँँग्यौ लाल भाल ॥ पीक पलक रँँगी ललित माल ॥३॥ बाजैं ढफ भूषन सुभाई ॥ बाढ्यो सुख कछु कहयौ न जाई | सुरति रँँग अँग छाई | 'दामोदर' हित सुरस गाई ॥४॥॥

Basant Dhamar - Paudhave

Part3-361

Basant

Khelati khelati paudhi shyama navallal giridhar

खेलति खेलति पौढी श्यामा नवललाल गिरिधर पिय सँग ॥ चोवा चंदन अगर कुँमकुमा झारति फिरति सकल अँग अँग ॥१॥ बाजति ताल मृदंग अघोंटी बीना मुरली तान तरँग ॥ 'कुंभनदास' प्रभु यह बिधि क्रीडति जमुना पुलिन लजावति अनँग ॥२॥

Basant Dhamar - Paudhave

Part3-361

Basant

Horry key dinan mein peeya mosaun bolat naahi

होरी के दिनन में पीया मोसौं बोलत नाही अब कछु जतन बताई भटू री ॥ तपत मेरो मन कबह न छिरक्‍यो गुलाल सुरंग चूनरी मेरी पीत पु रीं ॥१॥ अब कैसें जीवन होई मेरी सजनी जब निकसति श्याम मो तन निहारति वा गोरी सौं भयो है लटूरी ॥ मानति नाही मोसौं सोंह खाई “रसिक' पीतम पीय नागर नट्ट री ॥२॥

Basant Dhamar - Maan

Part3-361

Bihag

Kheli fagu musikaat chaley dauu paudhe sukhad sez

खेलि फागु मुसिकात चले दौऊ पौढे सुखद सेज मिलि दंपति ॥ हँसि हँसि बात करति सुनि सजनी निरखति कृपन मिली मनौं संपति ॥ १॥ करति सिंगार परसपर हुलसति सोभा देखि मदन तन कांपति ॥ . “ब्रजपति” पिय प्यारी मिलि बिलसति सखी ललितादिक चरनन चाँपति ॥ २॥

Basant Dhamar - Paudhave

Part3-361

Basant

Kheli basant jaam chaaryau nisi hansati chaley paudhan

खेलि बसंत जाम चारयौ निसि हँसति चले पौढ़न पिय प्यारी ॥ नवल कुंज नव धाम मनोहर नवल बाल नव केलि बिहारी ॥१॥ नवल सहचरी गान करति नव नबल ताल बीना करधारी ॥ पौढ़े नवल सेज नव 'ब्रजपति' चाँपति चरन नव, भानु कुमारी ॥२॥

Basant Dhamar - Paudhave

Part3-361

Basant

Vasant banaai chully vraj sundari rasik raae giridhar

वसंत बनाई चली ब्रज सुंदरि रसिक राए गिरिधर पिय पास ॥ अँग अँग बेलि फूलि मृग नेंनी कुच उतंग मनों कमल विकास ॥१॥ कोक कला बिध कुँज सदन मैं गिरिवरधर सँग किये बिलास || कुसम पर्यक अँक भरि पौढे निरखति बलि “परमानँद' दास ॥२॥

Basant Dhamar - Paudhave

Part3-362

Basant