Kheli faag anurag bharey douu hansati chaley podhan

खेलि फाग अनुराग भरे दोऊ हँसति चले पोढन पीय प्यारी ॥ नवल कुंज नव धाम मनोहर नवल बाल नव केलि बिहारी ॥१॥ नवल सहचरी गान करति नव नवल ताल बीना कर धारी ॥ पौढे नवल सेज नव ब्रजपति चांपत चरन नव भानु कुमारी ॥२॥

Basant Dhamar - Paudhave

Part3-362

Basant

Vraj mein horry ranga suhaayo .. bansi butt jamuna

ब्रज में होरी रँग सुहायो ॥ बंसी बट जमुना तट कुंजन पींतम प्यारी भायो ॥१॥ पौढन के समै के औसर ललिता रैंग जमायो ॥ 'सरस रुँग'ः संतत यह जोरी भाग बड़े तें पायो ॥२॥

Basant Dhamar - Paudhave

Part3-362

Kafi

Khelat vasant sangale bhamini podhe hain peeya pyaari ..

खेलत वसंत संगले भामिनी पोढे हैं पीय प्यारी ॥ श्रीराधे वृषभानु नंदिनी नवल लाल गोवर्धन धारी ॥ १॥ सखी साज सब लै खेलन को घिरि आई तिहिं ठौरे ॥ सुंदर सरस जवाद अरगजा केसर चोवा घोरें ।२॥ ले गुलाल कर मुखह्टि लगावत दोऊ परस्पर सोहें ॥ कहा कहूँ छबि की शोभा उपमा को कबि कोहें ॥३॥ नैन नींद भर अति आलस युत सुख बिलसत श्रीघनश्याम ॥ प्रभु रघुनाथ आनंद सो पूरे मन के काम ॥४७॥

Basant Dhamar - Paudhave

Part3-362

Bihag

Horry khelati vraj kunjan mahiyaan .. nand naindan

होरी खेलति ब्रज कुंजन महियाँ ॥ नंद नैंदन सौं अति रति बाढ़ी लाड़िली बिहरति कदंब की छैयाँ ॥१॥ पौढ़न के समे के औसर और न कोऊ रघ्यों तिहिं सैयाँ ॥ 'सरस रंग” संतत यह जोरी पीतम प्यारी बिना कोऊ नहियाँ ॥२॥

Basant Dhamar - Paudhave

Part3-362

Kafi

Ritu vasant bilasati raajat rajamage raing .. paudhe

ऋतु वसंत बिलसति राजत रजमगे रैंग ॥ पौढे दंपति अंग अंग सोभा कही न जाई दामिनी सी सोभा तन राधा घनस्याम संग ॥१॥ अरस परस लुम झुम नैना अति घूम घूम मंद मंद आलस वलित लजावति कोटि अनंग | हरियारो हरख अति सुजस जाय “नंददास”! जाल रंध्र निरखि निरसरित्र मानु गोपीजन अति उमँग ॥२॥

Basant Dhamar - Paudhave

Part3-362

Basant

Khele basant piyaa sanga podhi aalas yutt rung

खेले बसंत पिया संग पोढी आलस युत्त रंग भीनी ॥ नवल लाडिली प्रान प्रीया दोऊ नवल अंस भुज दीनी ॥ १॥ नौतन सेज रची सखीयन मिलि अति सुगंध सरसीनी ॥ नवल बीजना कर लीयें माधुरी निरखत नेह नवींनीं ॥२॥

Basant Dhamar - Paudhave

Part3-363

Bihag

Neend bharey naina durr durr jaat .. sub dinn beetyo

नींद भरे नैना दुर दुर जात ॥ सब दिन बीत्यो होरी के ओसर अंग अंग अरसात ॥१॥ रंग रंग मगो गुलाल सगमगो लाग्यो अरगजा सामल गात ॥ ले अंचल पोंछत प्यारी राधा पीयतन देख देख मुसिक्यात ॥२॥ बहुत गई निस जान पीतम संग पोढ रही लपटाय ॥ सूरदास प्रभु फाग खेल की अरस परस बातें बतराय ॥३॥

Basant Dhamar - Paudhave

Part3-363

Bihag

) nikunj mein podhe rasik piya pyaari rung rung bheeni

) निकुंज में पोढे रसिक पिय प्यारी रंग रंग भीनी सारी॥ खेलि फाग रस अति ही उमग लियो है लाला मनुहारी ॥ १॥ शिधिलित बसन जूंमात आलस भरे पौढे पर्यंक सुखकारी ॥ नंददास दंपति छबि ऊपर तन मन धन बलिहारी ॥२॥

Basant Dhamar - Paudhave

Part3-363

Bihag

Podhi pyaari piya key sanga sabai busson bharey

पोढी प्यारी पिय के संग सबै बसन भरे रंग ॥ खेलि फाग अनुराग बढ्यो दोऊ आलस बस सब अंग ॥१॥ हँसति परस्पर अतिरस बिहरति आंखें भरति उमंग ॥ परमानंद दंपति छबि ऊपर बारों कोटि अनंग ॥२॥

Basant Dhamar - Paudhave

Part3-363

Bihag

Rangmahal podhe peeya pyaari .. nain gulal lagyo

रंगमहल पोढे पीय प्यारी ॥ नैन गुलाल लग्यो प्रीतम के ले अंचल पोंछत जतनन कर श्रीवृषभान दुलारी ॥१॥ रीझ रीझ मिलवत भौंहन अंग कछु सकुच जिय लाज बिचारी ॥ कुंभनदास प्रभु गोवर्धन धर हिय लगाय लई सकुमारी ॥१२॥

Basant Dhamar - Paudhave

Part3-363

Bihag

Laalan podhiyen joo baal ruchi-ruchi sez banaai ..

लालन पोढीयें जु बाल रुचि-रुचि सेज बनाई ॥ सोंध सों सुवास छिरकि कुमकुम अबीर अति सुखदाई ॥१॥ बीरा धरि पहुप माल भोग राग अति रसाल रसही रस केलि करौ ब्रजजन सुखदाई ॥ ब्रिंदावन चंद चारूु चांदनी किशोरी कुंवरि रहसि हंस कंठ लगाई ॥२॥

Basant Dhamar - Paudhave

Part3-363

Bihag

Nisake uneende nena duriduri jaat .. sub dinn

निसके उनींदे नेना दुरिदुरि जात ॥ सब दिन बीत्यो होरीके ओसर अंगअंग अलसात || १॥ रंग रगमगणे गुलाल सगमगे लग्यो अरगजा सांवल गात ले अंचर पोंछत पिय प्यारी पिय तन निरख मुसकात ॥२॥ बोहोत गई निस जान लाल संग पोढ़ी पिय अंग अंग लपटात ॥ कृष्णदास प्रभु फाग खेलकी अरसपरस बातें बतरात ॥३॥

Basant Dhamar - Paudhave

Part3-364

Bihag