Srivallabh prabhu karna sagar jagat ujagar gaaie ..

श्रीवल्लभ प्रभु करना सागर जगत उजागर गाइए ॥ श्रीवललभ कै चरन कमलकी बलि बलि जाइए ॥ १॥ वल्‍लभी सृष्टि समाज संग मिली जीवनकौं फल पाइए॥| श्रीवल्लभगुन गाइए याहि तैं 'रसिक' कहाइए ॥२॥

Basant Dhamar - Aashray

Part3-364

Basant

Kheli faag nikunjan douu podhe hain piya pyaari .. rung

खेलि फाग निकुंजन दोऊ पोढे हैं पिय प्यारी ॥ रंग भीने रस भीने दोऊ करत बिलास महारी ॥ १॥ कुच कलसन पर बांह धरावत चुंबन अति सुखकारी ॥ रसिक मुकट मणि रसमय दंपति कृष्णदास बलिहारी ॥२॥

Basant Dhamar - Paudhave

Part3-364

Bihag

Podhe peeya-pyaari rung bharey.. arasparas douu reekshi

पोढ़े पीय-प्यारी रंग भरे॥ अरसपरस दोऊ रीक्षि रिझावति लै आरसी जो करे ॥ १ || तेरी री बसन सौंधे सौं भरि जु रहे री खरी ॥ तु जो मिलती सखी री दै अधरामृत मोहन प्रसन करे री ॥२॥

Basant Dhamar - Paudhave

Part3-364

Bihag

Chaleho bhaanvate russ aina .. khel faag anurag

चलेहो भांवते रस ऐन ॥ खेल फाग अनुराग भरे दोऊ मत्त द्विरद गति गैन ॥१॥ सोभित बसन गुलाल सगवंगे अति आलस युत नेन ॥ रसिक बिहारी बिहारिन कीनों नव निकुंज मधि सैन ॥२॥

Basant Dhamar - Paudhave

Part3-364

Bihag

Khlel faag ghar aayo ladillo jasumati karat badhaai ..

ख्लेल फाग घर आयो लाडिलो जसुमति करत बधाई ॥ विविध उपहार लिये सब ब्रजजन संग लगाई ॥ १॥ कनक थार भर मुक्ताफल ले आरती उतराई॥ नंदनंदन की या छबि ऊपर सूरदास बलजाई ॥२॥

Basant Dhamar - Dol

Part3-365

Sarang

Doll chandan koo jhulat halghadhar veer .. srivrindavan mein

डोल चंदन को झुलत हलघधर वीर ॥ श्रीवृंदावन में कालिंदी के तीर ॥१॥ गोपी रही अरगजा छिरकत उडत गुलाल अबीर ॥ सुरनर मुनिजन कौतुक भूले व्योम विमानन भीर ॥|२॥| वाम भाग राधिका विराजत पहरे कसंभी चीर।॥ परमानंद स्वामी रंग झूलत बाढ्यो रंग शरीर।। ५॥

Basant Dhamar - Dol

Part3-365

Hameer

Kheli fagu anuragu mudit jubati jan deti assis ..

खेलि फागु अनुरागु मुदित जुबती जन देति असीस ॥ रसिकन की रस रासि श्रीबल्लभ जीयौ कौटि बरीष ॥ १॥ फिरि आईं खेलन कै कारन अबला जुरि दस बीस ॥ “हरिदास' कै स्वामी श्यामा खरेलौ वसंत जय जय गोकुल के इस ॥२५॥

Basant Dhamar - Aashish

Part3-365

Basant

Doll jhulat hain giridharan jhulaavat baalaa .. nirakh

डोल झुलत हैं गिरिधरन झुलावत बाला ॥ निरख निरख फूलत ललितादिक श्रीराधावर नंदलाला ॥१।॥ चोवा चंदन छिरकत भामिनि उडत अबीर गुलाला ॥ कमल नयन को पान खवाबत पहरावत उरमाला ॥२॥ वाजत ताल मृदंग अधोटी कूजत वेणु रसाला ॥ नेंददास युवती मिल गावत रिझवत श्रीगोपाला ॥३॥

Basant Dhamar - Dol

Part3-365

Hameer

Doll jhoolat hain lalana .. nirakh nirakh phoolat

डोल झूलत हैं ललना ॥ निरख निरख फूलत ललितादिक संग सहचरी बलना ॥१॥ सप्त स्वरन मिल गावत सब मिल झील को किल कलना ॥ हरीदास के स्वामी स्यामा कुंजविहारी रीझ भये मगना ॥२॥ डोल झुतहें गिरिधरन नवल नंदलाला ॥ ब्रजपुर वनिता निरख बारतहें कंचन की मणिमाला ॥३॥ सकल श्रृंगार अनूप विराजत कूजत वेणु रसाला ॥ माधोदास निरख गोपीजन प्रमुदित श्रीगोपाल ॥४॥

Basant Dhamar - Dol

Part3-365

Kalyan

Khel faag phool baithe jhulat doll dahadahe naagar nayan

खेल फाग फूल बैठे झुलत डोल डहडहे नागर नयन कमल ॥ बहुत दिननके भये हें श्रमित सुख सखी संग लीने राधाकृष्ण रस रास जबल ॥१॥ गावत राग राणिणी सों मिल कंठ सरस कोकिलाहूतें अमल ॥ कल्याण के प्रभु गिरिधर रीझ झोटा देत हीये हरख गोरे गात छूटे छबि सों धवल ॥२॥

Basant Dhamar - Dol

Part3-365

Nat

Doll jhultahen pyaaro laal bihaari viharin

डोल झुलतहें प्यारो लाल बिहारी विहारिन ए राग रम रहो ॥ काह्ू के हाथ अधोटी काह्ू के बीन काहू के मृदंग को झप ले ताल काहू के अरगजा छिरकत रंगरहो ॥१॥ डांडी डांडी खेल सच्यो जो परस्पर नहीं जानियत पण क्‍यों रह्यो ॥ हरीदास के स्वामी स्यामा कुं विहारी ऊनको खेल किंनहूं न लब्यो ॥२॥

Basant Dhamar - Dol

Part3-366

Kalyan

Doll jhulat nandanandan chhirkat choba-chandan ..

डोल झुलत नंदनंदन छिरकत चोबा-चंदन ॥ ललिता-बिसाखा झुलवति ठाढी कर गहि डोल जु कंचन ॥ बुंदावन प्रफुलित द्रुम-बेली कोकिल कुंजन हंसन ॥ नौतन चूत प्रवाल रहे लसि एक लिये ठाढे हैं अंजन ॥ अबीर-गुलाल उडाबत दुहूँ दिसि लियें भराई भरि-भरि झोरनि ॥ “परमानंददास” कौ ठाकुर गोपिनि के चित-चोरनि ॥

Basant Dhamar - Dol

Part3-366

Kalyan