Doll jhulat hein hansi musakyaat paraspar .. surang

डोल झुलत हें हंसि मुसक्यात परस्पर ॥ सुरंग गुलाल लई जु मुठी भर कटि तट में राखी छिपाय करि चाहत भयो द्रगंचर ॥१॥ देखो कहत अनेक कुसम पर कैसें दोरत हैं री अलिबर मानों चंपे पंचसर केसर ॥ जब जीयकी जानी मुख ऊपर तबे दई तारी सुंदर कर बिथके सब नारी नर ॥२॥ यह विधि फूलत हैं री गिरिवरधर परस पान कपोल मनोहर रीझे देत कबहूं उरसों उर ॥ मदन मोहन पीय परम रसिक बर कहा कहूँ यह सुख को सागर बलिहारी बानिक पर ॥३॥

Basant Dhamar - Dol

Part3-366

Kalyan

Jhoolat nand-nandan doll .. kanak khambh, jaraai

झूलत नंद-नंदन डोल ॥ कनक खंभ, जराई पढुली, लगे रत्न अमोल ॥ सुभग सर्ल सुदेश डाँड़ी, रची बिधना गोल ॥ मनौ सुर-पति सुरसभातैं, पठे दियउ हिंडोल || जबह्लि झंपत, तबहि कंपति, बिहँसि लगति उरोल ॥ त्रिक्स-पति सजि चढ़े बिमाननि, निरख दै-दै ओल ॥ थके, मुख कछु कहि न आबै सकल मखकृत झोल || सखी नव- सत साज कीनन्‍्हें, बदतिं मधुरे बोल ॥ थक्‍यौ रति-पति देखि यह छबि, भयौ बहु भ्रम भोल ॥ सूर यह सुख गोप-गोपी, पियत अमृत कलोल ॥

Basant Dhamar - Dol

Part3-366

Kalyan

Jhoolat doll naval kishore naval kishori ..

झूलत डोल नवल किशोर नवल किशोरी ॥ बुंदा विपिन सुभग यमुना तट मुकुलित नूत माधवी मोरी ॥ १॥ कदली खंभ ढिंग ठाडी तरूणी गण गावत दुद्टू ओरी ॥ पूरत अधर धरें मनमोहन मधुर मुरली ध्वनि थोरी ॥२॥ हाथन गह्े कनक पिचकाई केसर सरस अगर घस घोरी ॥ पृथक पृथक छिरकत जु परस्पर सुंदर स्याम राधिका गोरी ॥३॥ सुरंग गुलाल अबीर उडावत धन ज्यों जुर चढ गगन गयोरी ॥ जुगल किशोर नवल बानिक पर ब्रजजन बल डारत तृणतोरी ॥४॥

Basant Dhamar - Dol

Part3-366

Kalyan

Jhoolat daul douu anuraage ..

झूलत डौल दोऊ अनुरागे ॥ केसर और गुलाल सों मीजे चोवा लपटे वागे ॥ १॥॥ ललितादिक मिल झुलवत गावत एक एकते आगें ॥ वाजत ताल पखाबज आवज मुरली संग सुहागें ॥२॥ देत असीस चली ब्रज सुंदरि फिर खेलेंगे फागें ॥ कृष्णदास प्रभु की छबि निरखत रोम रोम रस पागें ॥३॥

Dol - Aashish

Part3-367

Devgandhar

Sakhee milli jhulavat apune rung .. jhoolavat doll

सखी मिलि झुलवत अपुने रंग ॥ झूलवत डोल लाडिलो गिरिधर राधे ले अरधंग ॥१॥ अंब मोर फल लता माधुरी रच्ि फूलन करि संग ॥ नॉचत गावत करत मनोरथ भाव दिखाबत अंग ॥२॥ प्रथम खेल स्यथामा प्यारी कों केसर चोवा बंद || अबीर गुलाल उडावति है बिलि रीझय गोकुल चंद ॥३॥ दूज्यो खेल रच्यो चंद्रावलि अद्भुत बन्यो स्वरूप ॥ दोऊनके मनमोद बढावत्त लागत परम अनूप ॥४॥ तीज्यो खेल रच्यो ललितादिक को करि सके बखान।। ओर अकोर कहां लो दीजे नोछाबरि करि प्रान ॥५॥ चोथो खेल मदनमोहन को बरखत रंग अपार ॥ पिचकाई चहूं दिस तें छूटत अबीर गुलाल धमार ॥६।॥ यह रस रीति कहा कोऊ जाने श्रुति हूँ गावति नेति ॥ “द्वारकेश' प्रभु झूलि पधारे निज मंदिर संकेत ॥७॥

Dol - Aashish

Part3-367

Devgandhar

Jhoolat doll navalkishori ..| vrindavipin subhag

झूलत डोल नवलकिशोरी ॥| वृंदाविपिन सुभग यमुनातट मुकुलित नूत माधवी दोरी ॥१॥ कदली खंभ ढिंग ठाडी गुण गावत दुह्ँओरी ॥ पूरत अधर धरे मनमोहन मधुर मुरली ध्वनि थोरी ॥२॥ हाथन गह्े कनक पिचकाई केसर सरस अगर घसघोरी ॥ पृथक-पृथक छिरकत जु परस्पर सुंदर श्याम राधिका मोरी ॥३॥ सुरंग गुलाल अबीर उड़ाबत घन ज्यों जुर चढ गगन गयोरी ॥ जुगलकिशोर नवल बानिकपर ब्रजजन बल डारत तृणतोरी ॥४॥

Basant Dhamar - Dol

Part3-367

Kedaro

Khelat basant varr vidlesh ..

खेलत बसंत वर विद्लेश ॥ आनंद कंद गोकुल सुदेस ॥१॥ श्रीगिरिधर गोविंद संग ॥ श्रीबालकृष्ण लज्नित अनंग ॥२॥ श्रीगोकुलनाथ अनाथ नाथ ॥ रघुनाथ नवल जदुनाथ साथ ॥| ३॥ श्रीघनश्याम अभिराम धाम ॥ श्रीकल्यान राय परिपूरन काम ॥ ४॥ मुरलीधर आदि समस्त बाल ॥ सेवक विचित्र सेवा रसाल ॥|५॥ जहां उडत गुलाल अबीर रंग ॥ तहां वाजत ताल मृदंग चंग ॥६॥| जहां गिरिवरधारीजू खेलन आये ॥ तहांलघु गुपाल बलिहारी जाये ॥७॥

Gusainji BhadoN Basant

Part3-368

Basant

Khel faag anurag mudit jubati jan deit assis ..

खेल फाग अनुराग मुदित जुबती जन देत असीस ॥ रसिकन की रस रासि श्रीवललभ जीयो कोटि बरीष ॥१॥ घिर आई खेलन कें कारन अबला जुरि दस बीस ॥ हरिदास के स्वामी स्यामा खेलो बसंत जय जय गोकुल के ईश ॥२॥

Dol - Aashish

Part3-368

Basant

Radhakunwar rasiksaratri anuraane paame rasason

राधाकुंवर रसिकसरत्री अनुराणे पामे रससों सब नंदद्वार पै आये ॥ बार आरती बिविध भांत सों जसुमति करत बधाये ॥१॥ न्‍हान चले यमुना किलकित सब शोभा बरनी न जाई ॥ देखत ही अमरेस थकित भये पहुंपन वृष्टि कराई ॥२॥ खेलि फाग अनुराग सिंधु बढ्यो ब्रजजन संग लगाई ॥ सुंदर बदन कमल ऊपर रघुवीर वारनें जाई ॥३॥

Dol - Aashish

Part3-368

Dhanashri

Kheli faag ghar aayo ladillo jasomati karat

खेलि फाग घर आयो लाडिलो जसोमति करत बधाई ॥ विविध भांति उपहार लीयें सब ब्रजजन मंगलगाई ॥१॥ कनक थार भरि मुक्ताफल लै आरती उतराई ॥ नंदनंदन की या छबि ऊपर सूरदासबलिजाई ॥२॥

Dol - Aashish

Part3-368

Basant

Doll bhalo singarayon phulani ..

डोल भलो सिंगारयों फुलनि ॥ वृन्दावन वंसीवट छैयां श्री जमुना के कुलनि ॥१॥ नंदनंदन वृषभान नंदिनी बैठे दोऊ जन झुलनि ॥ छिरकत केसर चोवा चंदन छाड्यो गुलाल अतुलनि || २॥ माँगति फगुवा सब ब्रज युवति कह्यो हमें जिन भूलति || वसन मँगाय दिये “ब्रजपति' तब ओरे रतन अतुलनि ॥३॥

Gusainji BhadoN Basant

Part3-369

Basant

Nanda nandan kunwari radhika nagari doll jhoolati baney ranng bheenen ....

नँद नंदन कुंवरि राधिका नागरि डोल झूलति बने रँंग भीनें ॥॥ को मन रहे झुमन फल फूल चहूँ और तैं ॥ गोपिका जूथ मिलि मधुर लीनें ॥१॥| खेलि गहरो दोऊ और तैं ह्लै रह्मो रैँग घुमडनि भई प्रबल भारी ॥ देव मुनि देखि किन्नर थकित छे रहे सुर वधू बिकसि रही काम चारी ॥२॥ ब्रज कुंवर लाडिलो नित्य लीला ललित हे रही सरस रस रंगकारी ॥ 'रसिक' जन मनन करे देखि दृण अपने परान इक बल करों वारि डारी || ३॥

Gusainji BhadoN Basant

Part3-369

Basant