Maaee ! phoolehi phulat, shree radha krishna jhoolat,

माई ! फूलेही फुलत, श्री राधा कृष्ण झूलत, सरस रसहि फूल डोल ॥ फूले फूलनि जोरत, फुले निमिष न मोरत, संतनि हित फूल डोल ॥ फूल फटित खंभ रचित, कंचन ही फूल खचित, सरस रसहि फूल डोल ॥ पटुली नव रतन पचित, हीर लाल मोति जटित, संतनि हित फूल डोल || मरूवा मयारी दरोल, झूमका प्रवाल ओल, सरस रसहि फूल डोल ॥ डाँडि हेम चारू गोल, चुनिनि फूल लगे लोल, संतनि हित फूल डोल ॥ फूले बूँदावन, अनुकूल, सघन लता फूले फूले, सरस रसहि फूल डोल ॥ फूले श्री जमुन कूल बिबिध रंग फुले फूल, संतनि हित फूल डोल ॥ फूले चंपक, चमेलि, फूल लबँग लता बेलि, सरस रसहि फूल डोल ॥ फूली नेवारि एलि, मोगर सेवति, सुबेलि, संतनि हित फूल डोल ॥ तहाँ मौरे अंब फूले, निबुआ फर सदा भूले, सरस रसहि फूल डोल ॥ तहाँ कमल, केवर फूले केतकि कनैर फूले, संतनि हित फूल डोल ॥ फूली मधु मालति रेलि, फूलि मधुप करत केलि, सरस रसहि फूल डोल ॥ फूले फले आनंद बेलि फूलि पिबत सुरस पेलि, संतनि हित फूल डोल ॥ फूलनिके सौंधे वार, मनौ मधुप छबि अपार, सरस रसहि फूल डोल ॥ फूलनि के हियपै हार, सुरसरि मनु धरे धार, संतनि हित फूल डोल || माथ मुकुट रचित फूल, फूलनिके, सीसफूल, सरस रसहि फूल डोल ॥ फूलनि बेंदी लिलार, फूलनि नख-सिख सिँगार, संतनि हित फूल डोल ॥ फूलि धनु ग्वाल-बाल, झूले नँदजू के लाल, सरस रसहि फूल डोल ॥ फूलि तरूनि बुद्धवाल, फूलि करति बिबिध ख्याल, संतनि हित फूल डोल ॥ फूलि रोहिनि जसुद रानि, फूलि देखि राजधानि, सरस रसहि फूल डोल ॥ नँद हलधर सुख मानि गोकुल, सब फूले प्रानि, संतनि हित फूल डोल ॥ फूल बजै मुदंग, महुबरि, डफ, ताल, चंग, सरस, रसहि फूल डोल॥ फूलि बजे बंसुरि संग, अमृत कुंडली, उपंग, संतनि हित फूल डोल ॥ फूलि बजैं किनरि, तार, सुरमंडल, झनतकार सरस रसहि फूल डोल ॥ फूल बजैं गिरिगिरार, भेरी घहरें अपार, संतनि हित फूल डोल ॥ फूलि बजै मुरूँज, रूज, झाँझ झालरीनि पुंज सरस रखहि फूल डोल॥ फूले बजे दुंदुभि गुज, कूजत कोकिल निकुंज, संतन हित फूल डोल ॥ ब्रज ललना डोल फुल गोपि झुलवत कान्ह झुलै, सरस रसहि फूल डोल ॥ फूले मुदित मनोहर तूले रसिकिनी रसिक फूले संतन हित फूल डोल ॥ फूले हरषि परसपर गावैं, मीठी बोली बुलाबै, सरस रसहि फूल डोल ॥ फूली मुदित मनोहर भावैं, लाड़ लालनहिं लड़ावै, संतन हित फूल डोल ॥ फूली चंदन बंदन रोरी, केसरि मृगमद घोरी, सरस रसहि फूल डोल ॥| फूली छिरकति नव किसोरि, अबिर भरि गुलाल झोरि संतन हित फूल डोल ॥ फूली नाचति जोबन बिभोरि, जुथनि लै जूथ जोरि सरस रसहि फूल डोल ॥ फूली करत कुलाहल खोरी, पुर नर-नारी किसोरी संतन हित फूल डोल ॥ फूले फगुवा दे रस राख्यो, पट भूषन नहिं काँख्यौ, सरस रसहि फूल डोल ॥ फूले हरि हँसि अमृत भाख्यौ, सबहीको मन राख्यौ संतन हित फूल डोल ॥ फूले नारदादि करत, गान, रिषि मुनि सिव धरत ध्यान, सरस रसह्दि फूल डोल ॥ फूले बीना हरि जस बखान, फेरि उग्मसेन आन, संतन हित फूल डोल ॥ फूले कहि हरि, मुनि ॥ कहो जाई, तुरत मोहि लै बुलाई, सरस रसहि फूल डोल॥ फूले रजधानी, असुर आई, जमुना मैं चौ बाई, संतन हित फूल डोल ॥ फूले अग्रसेन छत्र द्याई, मथुरा आनँद बढ़ाई, सरस रसहि फूल डोल ॥ फूले पितु माता मिलौं धाई दुःख नसि, सुख देऊँ जाई, संतन हित फूल डोल ॥ फूले मुनि सुनि यह हरषाई, भूमी ब्रज रतन छाई सरस रसह्वटि फूल डोल ॥ फूले सूरपति, सुर सची आई नभ सुमन चढ़े बरषाई, संतन हित फूल डोल ॥ फूले हरषत होरी खिलाई, मुनि गे बेकुँठ सिधाई सरस रसह्ठटि फूल डोल ॥ फूले हरषति हरि सुजस गाई, पूछत सुर, कष्टि न जाई, संतन हित फूल डोल ॥ पढ़े पढ़ाइकै सुनावै, ते बैकुंठ पद पावै, सरस रसहि फूल डोल ॥ सूरदास कैसे करि गावे, लीला सिंधु पार न पाबे, संतन हित फूल डोल |

Gusainji BhadoN Basant

Part3-369

Basant

Dulahe shree vrajraj dalaaro dulhin bhaanu kisori ..

दुलहे श्री ब्रजराज दलारो दुलहिन भानु किसोरी ॥ सीस सेहरो सोभित नीकों भली बनी यह जोरी || १॥ राजति रंग भरे दोउ रस रस में आई जुरी ब्रजनारी ॥ गावति मंगल गीत बधाए हँसि-हँसि देति परसपर तारी ॥ २॥ बूका वंदन चोवा चंदन गुलाल अबीर उड़ावे ॥ मृगमद केसर लै- ले छिरकति सबहीन के मन भावे || ३॥। आरति वार करति न्योछावर ब्रजनारी सुख पायो ॥ जुगल रूप मन माँही बसो 'रघुनाथ दास” मन भायो ॥|४

Shehara

Part3-371

Basant

Doll jhulaavat laal bihaari naam lelein bolein laalan

डोल झुलावत लाल बिहारी नाम लेलें बोलें लालन प्यारी हैं दुलहा दुलहेनि दुलारी सुंदर वरस कुमारी || नखसिखतर सुंदर सिंगारी केसु कुसुम सुहस्त सम्हारी स्याम कंचुकी सुरंग सारी चाल चले छबि न्यारी ॥१।॥ वारंवार बदन निहारी अलक तिलक झलमलारी रीझ रीझ लाल रे बहिलारी पुलकित भरत अंकवारी ॥ कोककला निपुन नारी कंठ सरस सुरहि भारी सुयश गावत लाल बिहारी बिहारिन की बलिहारी ॥२॥

Shehara

Part3-371

Saarang

Manmohan adbhut doll bunny ..

मनमोहन अद्भुत डोल बनी ॥ तुम झूलों हों हरख झुलाऊँ वृंदावन चंद धनी ॥ १॥ परम विचित्र रच्यो विश्वकर्मा हीरालाल मनी ॥ चतुर्भुज प्रभु गिरिधरनलाल छबि कापें जात गनी ॥२॥

Dol

Part3-371

Devgandhar

Jhoolat phool bhaee atee bhaari ..

झूलत फूल भई अति भारी ॥ निर्मित वर हिंडोल विटप तरु बृंदा विपिन विहारी ॥१॥ सरंत्री सकल अति मुद्दित भई हैं पहरें विविध रंग सारी ॥ भुकुटी भृंण लावण्य अंग अंग प्रति कोटि मदन छबि टारी ॥२॥ वरणन करिये कहा प्रेम को रूचिदायक तहां गारी ॥ व्यास स्वामिनी की छबि निरखत प्राण संपदावारी ॥३॥

Dol

Part3-371

Devgandhar

Jhoolat doll nand kishore ..

झूलत डोल नंद किशोर ॥ वाम भाग वृषभान नंदिनी पहिरें पीत पटोर ॥१॥ वाजत ताल पखावज आवज झालर मुरली घोर ॥ उड़तगुलाल अबीर अरगजा कुंमकुम जल चहूँ ओर ॥ २॥ वृंदाबन फूली बन बेली कुंजित कोकिला मोर ॥ झूलत स्याम झुलावत गोपी आनंद बढ्यो न थोर॥३॥ अति अनुराग भरी सब सुंदरि कर अंचर की छोर ॥ कमल नयन मुख शरद चंद्रमा युवती जन नयन चकोर ॥४॥ सुर विमान सब कौतुक भूले वरखे कुसुमन जोर ॥ 'सूरदास' प्रभु आनंद सागर गिरिवरधर सिरमोर ॥५॥

Dol

Part3-372

Devgandhar

Aaj maaee jhoolat hain nandlal.. sanga raajat vrishbhan

आज माई झूलत हैं नंदलाल॥ संग राजत वृषभान नंदिनी जोरी परम रसाल ॥ १॥ श्रीगोवर्द्धन की सुभग शिखर पर रच्यो जो डोल विशाल ॥ कदली करण केतकी कुंजो बुकल मालती जाल ॥२॥ नूतन न्यूत प्रवाल रहे लस माधुरीसों अरुझाय ॥ कमल प्रसून पराग पुंज भर बहत समीर सुहाय ।। ३॥ मधुप कीर कल कोकिल कुंजत रस मकरंद लुभाय।। सुन सुन श्रवण पुलक पिय प्यारी रहत कंठ लपटाय ॥४॥ निरझर झरत सुगंध सुबासित रंग रंग जल लोल ॥ उभय कूल कलहंस मंडली कूजत करत कलोल ॥५॥ युवतिजन समूह मिल गावत प्रमुदित लोचन लोल ॥ बाजत ताल मृुदंग होत रंग विहसत चारू कपोल ॥६॥ चोवा चंदन छिरकत भामिनि अवलोकत रस भाय ॥ श्रीविद्डलनाथ आरती उत्तारत दास निरख बलजाय ॥७॥

Dol

Part3-372

Devgandhar

Mohan jhoolat badhyo anand ..

मोहन झूलत बढ्यो आनंद ॥ एक और वृषभान नंदिनी एक और ब्रज चंद ॥१॥ ललिता बिशाखा झुलवत ठाडी कर गहि कंचन डोल ।। निरख निरख प्रीतम अरू प्यारी बिहस कहत मृदु बोल ॥२॥ उड़त गुलाल कुंकुमा बंदन परसत चारु कपोल ॥ छिरकत तरूणी मदन गोपाले आनंद ह॒दें कलोल ।। ३॥ कडाकहों रस बढ्यो परस्पर त्रिभुवन बरन्यों न जाय ॥| कुंभनदास लालगिरिधर की बानिक अधिक सुहाय ॥४॥

Dol

Part3-372

Devgandhar

Madan gopal jhoolat doll ..

मदन गोपाल झूलत डोल ॥ वाम भाग राधिका बिराजत पहरें नील निचोल ॥१॥ गोरी राग अलापत गावत कहत भामते बोल ॥ नंद नंदन को भलो मनावत जासों प्रीति अतोल ॥२॥ नीको वेष बन्यों मन मोहन आज लईं हममोल || बलहारी मनमोहन मुरति जगत देहुं सब ओल ॥ ३॥ अद्भुत रंग परस्पर बाढ्यो आनंद हृदय कलोल ॥ परमानंद दास तिहिं अवसर उडत होलिका झोल ॥४॥

Dol

Part3-373

Devgandhar

Brindavan neeko banyo doll || jhoolat krishna

बृंदावन नीको बन्यो डोल || झूलत कृष्ण तरणि तनया तट जहां मधुपन के टोल ॥ १॥ आस पास ब्रज बालक मंडली मधुप करत झकझोर ॥ फूली सरस सुगंध माधवी झूम रही चह्ूं ओर ॥२॥ ओर पुष्प कहां लों बरनों अगणित झूमक झोर ॥ तामें कोकिला शब्द सुहाये नाचत मधुरे मोर ॥३॥ चोवा चंदन ओर अरणजा केसर भरी हें कुमकुम घोर ॥ पिचकाई भरभर जु चलावत तक नव ऊरज कठोर ॥8॥ बाजे सरस सुहाये बाजत ताल मृदंग उपंग ॥ बाजत वीन बांसुरी महूबर ओर डफ ढोल मृदंग ॥५॥ हँस गावत करताल बजावत कहत होरिका होल ॥ डारत भरत अबीर सबे मिल भरत झोलका झोल ॥६।| सुख की सीमा वरनी न जाई भली बनी हैं जोर ॥ रस में ममन भये सब राजत कहा कह मति थोर ॥७॥ कहि मोहन जन प्रभु की लीला नवल किशोर किशोरी ॥ शोभा मोपें बरणी न जाय प्रमुदित चंद चकोरी ॥८॥

Dol

Part3-373

Devgandhar

Jhoolat hansasuta key coole ..

झूलत हंससुता के कूल ॥ सघन निकुंज पुंज मधुपन के अद्भुत फूले फूल ॥ १॥| ललित लता लपटी ललितादिक बरषत आनंद मूल ॥ घन दामिनि ज्यों राजत मोहन निरख गई मति भूल ॥२॥ रमा आदि सुरनारि सहचरी नाहिं कोऊ समतूल ॥ विष्णुदास गिरिधरन छबीलो सर्वस्व तहां अनुकूल ॥ ३॥

Dol

Part3-373

Devgandhar

Jhoolat douu naval kishore ..

झूलत दोऊ नवल किशोर ॥ रजनी जनित रंग रस सूचित अंग अंग उठ भोर ॥१॥ अति अनुराग भरे मिल जगावत सुर मंडल कल घोर ॥ बीच बीच प्रीतम चित चोरत प्रिया नयन की कोर ॥२॥ अबला अति सुकुमार डरपत बरहिं डोल झकोर || पुलक-पुलक प्रीतम उर लागत दे नव उरज अकोर |॥|३॥ अरुझी विमल माल कंकण सों कुंडल सों कचडोर ॥ वे पथ युत क्‍यों बने विवेचित आनंद बढ्यो न थोर ॥४॥ निरख निरख फूलत ललितादिक बिब मुख चंद्र चकोर ॥ दे असीस हरिवंश. प्रशंसित कर अंचल की छोर ॥५॥

Dol

Part3-373

Devgandhar