Gokul naath virajat doll ..

गोकुल नाथ विराजत डोल ॥ संग लियें वृषभान नंदिनी पहरें नील निचोल ॥ १॥ कंचन खचित लाल मणि मोती हीरा जठित अमोल | झुलवत यूथ मिली ब्रज सुंदरी हरखत करत कलोल ॥२॥ खेलत हँसत परस्पर गावत हो हो बोलत बोल ॥|२॥ सूरदास स्वामी पिय प्यारी झूलत झूलवत झोल ।॥। ३॥

Dol

Part3-374

Devgandhar

Jhoolat doll nandkumar |

झूलत डोल नंदकुमार | चंहुओर झुलावल ब्रज सुंदरी गावत सरस धमार ॥ १॥ वाम भाग वृषभान नंदिनी साजे सकल सिंगार | आसकरण प्रभु मोहन झूलत ब्रज के प्राण आधार | २॥।

Dol

Part3-374

Devgandhar

Jhoolat sunder jugalkishore .. nand nandan vrishbhan

झूलत सुंदर जुगलकिशोर ॥ नंद नंदन वृषभान नंदिनी पीवत सुधारस नयन चकोर ॥१॥ भूकुटी भृंग धनुष सी शोभित तिलक सायक जोर ॥ मंद मंद मुसिकात स्यथामघन करत कटाक्ष इन ओर ॥२॥ अंजन दीप्ति रंजन लागे राजत दशन तंबोर ॥ मृगमद आड बने कर कंकण हार सिंगारन डोर ॥ ३॥ गयो सिरतें पटोल मनोहर उघरे कुच कलश कठोर ॥ सूरसु निरखत भये प्रेमवश तब पिय करत निहोर | ४॥

Dol

Part3-374

Devgandhar

Doll maaee jhoolat hein vrajnath .. sanga shobhit

डोल माई झूलत हें ब्रजनाथ ॥ संग शोभित वृषभान नंदिनी ललिता विशाखा साथ ||१॥ बाजत ताल मृदंग झांझ डफ रुज मुरज बहु भांत ॥ अति अनुराग भरे मिल गावत अति आनंद किलकात ॥२॥ चोवा चंदन बूका बंदन उडत गुलाल अबीर ॥ परमानंद दास बलहारी राजत हैं बलबीर |॥३॥

Dol

Part3-374

Devgandhar

Doll maaee jhoolat nandkumar .. vaam bhaag

डोल माई झूलत नंदकुमार ॥ वाम भाग वृषभान मंदिनी जोरी अति सुकुमार ॥१॥ श्री यमुना तट सघन कुंज तर बृंदावनहि मझार ॥ माधुरी कुंद लता अति प्रफुल्लित उरझि परस्पर डार ॥२॥ बहुत समीर मंद अति शीतल अलिपिक करत पुकार ॥ झोटादेत हरख ललितादिक इकटक रहत निहार ॥। ३॥ कुरबक बकुल पहोप नव लासी होत परस्पर मार ॥ उड़त अबीर गुलाल कुंमकुमा देत भामती गार ॥४॥ बाजत ताल मृदंग झांझ डफ रीझ देत उरहार || ललिताजू अपने कर बीरी पिय मुख देत संवार ॥५॥ हरस्व असीस देत गोपीजन जोरी रहो अटार ॥ श्रीवल्लभ श्रीविट्टल पदरज दास निरख बलहार ||६॥

Dol

Part3-374

Devgandhar

Doll jhoolat hain hansi musakyaat paraspar ..

डोल झूलत हैं हंसि मुसक्यात परस्पर ॥ सुरंग गुलाल लई जू मुठी भर कटि तट में राखी छिपाय करि चाहत भयो द्रगंचर ॥ १॥ देखो कहत अनेक कुसुम पर कैसे दोरत हैं री अलिवर मानों चंपे पञुचसर केसर ॥ जब जीयकी जानी मुख उपर तबै दई तारी सुंदर कर बिथके सब नारी नर ॥२॥ यह विधि फूलत हैं री गिरिवरधर परस पान कपोल मनोहर रीझे देत कबहूँ उरसों उर ॥ मदन मोहन पीय परम रसिक वर कहा कहूँ यह सुख को सागर बलिहारी बानिक पर ॥ ३।

Dol

Part3-375

Devgandhar

Doll jhoolavat sub brij sundari jhoolat madan

डोल झूलावत सब बृज सुंदरी झूलत मदन गोपाल ॥ गावत फाग धमार हरख भर हलधर और सब ग्वाल ॥ १॥ फूल कमल केतकी कुंजो गुंजन मधुप रसाल ॥ चंदन बंदन चोवा छिरकत उड़त अबीर गुलाल ॥२॥ बाजत बीन विषाण बांसुरी डफ मृदंग और ताल ॥ नंददास प्रभु के संग विलसत पुण्य पुंज ब्रजवाल ॥ ३॥

Dol

Part3-375

Devgandhar

Doll parr deit paraspar taari .. baisari saun

डोल पर देत परसपर तारी ॥ बैसरी सौं अलके अरुझांनी तुम देखो नवल बिहारी ॥ १॥| उरसों उर नहिं टारत मोहन नेकु करत नहिं न्यारी ॥ 'परमानंद' दास तहाँ ठाढ़ें तुम जीते हम हारी ॥२॥।

Dol

Part3-375

Devgandhar

Sakhee milli jhulavati apune ragya .. jhulavat doll

सखी मिलि झुलवति अपुने रज्ञ ॥ झुलवत डोल लाडिलो गिरिधर राधे लै अरधंग || १॥ अंब मोर फल लता माधुरी रचि फूलन करि संग ॥ नाँचत गाबति करत मनोरथ भाव दिखावत अंग ॥२॥ प्रथम खेल स्यामा प्यारी कौं केसर चोवा बंद ॥ अबीर गुलाल उडाबति है बलि रिझय गोकुल चंद ॥| ३॥ दूजो खेल रच्यों चन्द्राबली अद्धुत बन्यों स्वरूप || दोऊन के मन प्रीति बढ़ावत लागति परम अनूप ।।४॥| तीजो खेल रच्यो ललितादिक को करि संके बखान॥ और अकोर काहा लो दीजे नोछावरि करि प्रान ॥५॥ चोथो खेल मदनमोहन कौं बरखत रज्ज अपार ॥ छूटति पिचकाई चहूँ दिस तें अबीर गुलाल ध्रुमार ॥६॥ यह रस रीति काहा कोऊ जाने श्रुति हूं गावति नेति 'द्वारिकेस' प्रभु झुलि पधारे निज मन्दिर संकेत ॥७॥

Dol

Part3-375

Devgandhar

Jhulat doll nandkumar .. chadh-unn or jhulaavat

झुलत डोल नंदकुमार ॥ चढ्-ुँ ओर झुलावत ब्रजसुंदरी गावत सरस धमार ॥ १॥ वामभाग वृषभान नंदिनी साजे सकल सिंगार ॥ छिरकत चोवा चंदन बंदन कुंमकमा करन करन पिचकार ॥२॥ उत गुलाल अबीर दुहूं दिश बाढ्यो रंग अपार | आसकरण प्रभु मोहन झुलत ब्रज के प्राण आधार ॥ ३॥

Dol

Part3-375

Devgandhar

Doll vichitra banyo nandanandan guhi guddi laaee phool ..

डोल विचित्र बन्यो नंदनंदन गुहि गुद्दि लाई फूल ॥ ब्रजनारी सिमिट सब आंई अपने अपने टूल ॥ १॥ ललिता कहे सुनों मममोहन प्रीतम प्यारी की बात || संग सहित वृषभान नंदिनी दोऊ मिल झूलो साथ ॥२॥ कोऊ एक झांझ मृदंग बजाबत कोऊ अलापत राग ॥ कोऊ मुक्तामाल खगवारो वारत मानत भाग ॥ ३॥ छबीली छटन सुर नर मुनि मोहे गंधर्व मोहे गान।। मगन भई व्रजनारी गावें मणन भये अति मान ॥ ४॥ इतनी कहों यथामति मेरी प्रभु मुकुंद विलास || राधा नंद सुबन दोऊ पर बल-बल जाये दास ॥५॥

Dol

Part3-376

Basant

Hasi musakaat paraspar doll jhoolat hain ..

हसि मुसकात परस्पर डोल झूलत हैं ॥ सुरज्ञ गुलाल लई मुठि भरि कटि तट में राखि छिपाई धरि चाहत भर्यों दूृगंचर ॥१॥ देखों कहत अनेक कुसुम पर कैसे दोरत हैं हो अलिवर मानों चले पंचसर के सर ॥ तब जियकी जानी मुख ऊपर तब ही दई तारी सुंदर कर बिथके सब नारी ॥२॥ इहि विधि झूलत हैं री गिरिधर परसत पानि कपोल मनोहर रीझि देत कबड्टू उरसों उर ॥ 'मदनमोहन” पिय परम रसिकवर कहा कहों यह सुख को सागर बलिहारी बानिक पर ॥३॥

Dol

Part3-376

Devgandhar