Aaj baney mohan jhoolat doll .. baam anga lagi

आज बने मोहन झूलत डोल ॥ बाम अंग लगि सोहति भामिनि सौभग सींव अतोल ॥ दुडूँ ओर प्रमुदित मन पुलकित ब्रज- बनिता मिलि टोल ॥ तेल-गुलाल मिलाई करनि सो मंडित करत कपोल ॥ रतन-जटित पिचकारिनि छिरकत केसरि-रंग अमोल ॥ पंचम राग अलापति- गावति मधुरे-मधुरे बोल ॥ सुरंग गुलाल अबीर उड़ावत चहुँ-दिसि भरि- भरि डोल ॥ बाढ़ी भक्ति दास 'परमानँद' जग में बाजत ढोल ॥

Dol

Part3-376

Pancham

Doll vichitra banyo nandanandan guhi guddi laaee phool ..

डोल विचित्र बन्यो नंदनंदन गुहि गुद्दि लाई फूल ॥ ब्रजनारी सिमिट सब आंई अपने अपने टूल ॥ १॥ ललिता कहे सुनों मममोहन प्रीतम प्यारी की बात || संग सहित वृषभान नंदिनी दोऊ मिल झूलो साथ ॥२॥ कोऊ एक झांझ मृदंग बजाबत कोऊ अलापत राग ॥ कोऊ मुक्तामाल खगवारो वारत मानत भाग ॥ ३॥ छबीली छटन सुर नर मुनि मोहे गंधर्व मोहे गान।। मगन भई व्रजनारी गावें मणन भये अति मान ॥ ४॥ इतनी कहों यथामति मेरी प्रभु मुकुंद विलास || राधा नंद सुबन दोऊ पर बल-बल जाये दास ॥५॥

Dol

Part3-376

Basant

Doll jhulaavat sub vraj sundari jhoolat madan geepal ..

डोल झुलावत सब ब्रज सुंदरि झूलत मदन गीपाल ॥ गावत फाग धमार हरख भर हलधर ओर सब ग्वाल ॥९॥ फूल कमल केतकी कुंजो गुंजत मधुप रसाल ॥ चंदन बंदन चोबा छिरकत उडत अबीर गुलाल ॥२॥ वाजत वेणु विषाण बांसुरी डफ मृदंग ओर ताल ॥ नंददास प्रभु के संग विलसत पुण्य पुंज ब्रजबाल ॥३॥

Dol

Part3-377

Basant

Jhulat yug kamaneey kishore sakhee chahuor jhulaavat

झुलत युग कमनीय किशोर सखी चहुंओर झुलावत डोल ॥ ऊंची ध्वनि सुन चकृत होत मन सब मिल गाबत राग हिंडोल ॥१॥ एक वेष एकवयस एकसम नव तरूणी हरणी दृग लोल ॥ भांत भांत कंचुकी कसें तन वरण वरण पहरें बलिचोल |॥|२॥ वन उपवन द्वुम-वेली प्रफुल्लित अंबमोर पिकनि कर कलोल ॥ तैसेहीं स्वर गावत ब्रज वनिता झूमक देत लेत मनमोल ॥३॥ सकल सुगंध संवार अरगजा आंई अपने अपने टोल ॥ एकतक पिचकाइन छिरकत एक भरत भर कनक कचोल ॥४॥ कब स्यथाम पीय उतर डोलतें कौतुक हेत देत झकझोल ॥ तब प्रिया उर भरि स्वास कंप तन विरम-विर्म बोलत मृदु बोल ॥५॥ गिरत तरोना गद्यो श्याम कर श्रवणदेन मिस छुवत कपोल ।| तब प्रिय ईषद मुसक मंद हँस वक्र्चिते कर भ्रृंड सलोल ॥६॥ भेरि झांझ दुंदुभी पख्लावज ओर डफ आवज बाजत ढोल ॥ आए सकल सखा समूह जुर हो हो होरी बोलत बोल ॥७॥ रत्न जटित आभूषण दीने ओर दीने मुक्ताहार अमोल ॥ सूरदास मदन मोहन प्यारे फगुवा दे राख्यो मन ओल ॥८॥

Dol

Part3-377

Hindol

Jhoolat phool bhaee atee bhaari .. nirmit varr

झूलत फूल भई अति भारी ॥ निर्मित वर हिंडोल विटप तरु बृंदा विपिन विहारी ॥१॥ सरंत्री सकल अति मुद्दित भई हैं पहरें विविध रंग सारी ॥ भुकुटी भृंण लावण्य अंग अंग प्रति कोटि मदन छबि टारी ॥२॥ वरणन करिये कहा प्रेम को रूचिदायक तहां गारी ॥ व्यास स्वामिनी की छबि निरखत प्राण संपदावारी ॥३॥

Dol

Part3-377

Basant

Aaj lalana laal faag khelat baney mill jhoolat sakhee

आज ललना लाल फाग खेलत बने मिल झूलत सखी नवरंग डोल ।| झोटका देत ब्रजनारि आनंद भरी छिरकत कुंकुमादि सौरभ अमोल ॥ १॥| दिव्य आभरण चीर चारू अमोल छबि अंग राग राजत चित्र कुसुम कलोल ॥ सुरत तांडब लास्य भुव नृत्यत मदन गण उपहसत लोचन विलोल॥२॥ वेणु वीणा मुदंग झांझ डफ किन्नरी तान बंधान नव नागरी ढोल ॥। ततथेई थुंगनी नचत शब्दावली होरी हो होरी हो होरी हो बोल ॥ ३॥| रसिक बर गिरिधरन रसिकनी राधिका रसमस्ये चुंबत रसमय कपोल ॥ बाल कृष्णदास वैभव निरख मधुमास चल मलय पवन रस सिंधु झकझोल ॥४॥

Dol

Part3-377

Basant

Jhoolati doll gopal sanga nava nagri chala nava

झूलति डोल गोपाल संग नव नागरी चल नव नागरी || इंदु-बदनी मृग नैंनी सबे गुन आगरी ॥ चलि नवनागरी | १॥ रत्न खचित द्वे खंभ के ही राजही ॥ चोकी हेम जराय के बहु विधि साज ही ॥२॥ कदली मोर अंब पाँति द्वे परम सुहाव ही ॥ विविध कुसुम रंग बोरी के अति मन भाव ही ॥३॥ चहूं दिस गोपी ग्वाल सखा संग सोह ही ॥ निरख वदन तन हेर सबे मन मोह ही ॥४॥ ताल मृदंग उपंग बैनु बहू बाज ही ॥ ढफ दुंदुभी कठ त्ताल मधुर सुर गाज ही ॥५॥ केसर कुंमकुम घोर मृगमद सान के ॥ प्यारी को छिरकति पिचकारी जान के ॥६॥ सुरँंग गुलाल अबीर उड़ावत भामिनी || बरन-बरन भये बसन कियो दिन जामिनी ॥७॥ दुहूँ दिस बाढ्यों खेल पोरि बृजराय के ॥ प्यारी दियो अरगजा ढोर स्यथाम सिर धाय के ॥८॥ फगुवा देऊक कुमार के हम ही मँगाय के ॥ मेवा बसन आभूषन बहुत मिलाय के ॥९॥ यह विधि खेलत रंग रह्यो परे ॥ जसोमति अति अभिलाष सों आरती करे ॥ १०॥ जुग-जुग अविचल जोरी के नित बिहार ही ॥ “श्री विड्डल' पद रज हरि जिन सिर धार ही ॥१ १॥

Dol

Part3-378

Dhanashri

Banyo doll manohar jhoolat nand koo laalaa .. sanga

बन्यो डोल मनोहर झूलत नंद को लाला ॥ संग बनी रसरंग सभी प्यारी सुंदर नयन बिशाला ॥१॥ प्रेम भरी ललितादि खरी फूली गावत गीत रसाला ॥ बाजत बेणु प्ावज झांझ रुंज मुरज डफ ताला ॥२॥ केसर नीर कपूर की धूरि उडावें अबीर भुलाला ॥ देखत्त हैं

Dol

Part3-379

Kafi

Jhulat russ rung bharey hoe douu raajat syama syaam

झुलत रस रंग भरे हो दोऊ राजत स्यामा स्याम ॥श्रु०॥ परिवा प्रथम सुहाग दिन मद्दूरत बांध्यो डोल बनाय ॥ कंचन मणि मुक्ताफल मानों रवि शशि उड़गण पाय ॥१॥ करि मंजन भोजन कर बीरा बैठे सोंधो लगाय ॥ नील पीत पट की छबि मानों दामिनि घन जो लगाय ॥२॥ उरझी स्याम तमाल सो मानों कंचन वेली अनूप ॥ भूषण भूषित गात मनोहर कहा वरने कवि रूप ॥३॥ नूपुर क्वणित चरण कर कंकण कटि किंकिणी कलबाज ॥ मानों मराल बाल वर बोलत अति अद्भुत छबि राज ॥४७॥ संहचरी मुदित झुलावत फूलत गावत गोप धमार ॥ राग जम्यो बहु बाजे बाजत मानों उमग्यो निधिवार ॥५॥ चोवा चंदन और अरणजा कुमकुम अगर सुबास ॥ मानों मलया गिरि हूँते छूटी विविध पवन सुखरास ॥६॥ कहाँलों कहां अनुपम शोभा रही विविध छबि छाय || निरख काम रस धाम आपनो मानों रह्यो मुझझाय ॥७॥ देत असीस सकल गोपीजन रही सब सीस नवाय ॥ श्रीराधा गिरिघधारी ऊपर श्यामदास बलजाय ॥८॥

Dol

Part3-379

Kafi

Banyo lalit doll chitchor jhoolat saanvaro ..

बन्यो ललित डोल चितचोर झूलत सांवरो ॥ रंग भरे बने अंग निरखि द्रग होत मदन मन बावरो ॥१॥ शोभित प्रिया संग मन मोहन अंग शुंगार सुहाये ॥ गावत हित सहचरी झुलावत बहोत सबन मन माये ॥२॥ बाजत ताल मृदंग रंग भरे छिरकत रंग रंगभीनी ॥ जन जे कृष्ण बसो ऊर अंतर जोरी परम प्रबीनी ॥३॥

Dol

Part3-380

Kafi

Doll jhulat shyama shyam saheli.. raajat naval nikunj

डोल झुलत श्यामा श्याम सहेली॥ राजत नवल निकुंज बृंदावन विहरत गर्व गहेली ॥ १॥ कबहुंक प्रीतम रबक झुलावत कबहुँकऊ नवल प्रिय हेली | हरीदास के स्वामी स्यथामा कुंज विहारी कहि कहि बोलत हेली।। २॥ ४ (| राग सारंग (छ्ु) हरि को डोल देख वृजबासी फूले ॥ गोपी झुलावें गोविंद झूलें ॥१॥ नंद चंद गोकुल में सोह़े ॥ मुरली मनोहर मन्मथ मोहें ॥२॥ कमल नयन को लाड लड्घावें ॥ प्रमुदित प्रीत मनोहर गावें ॥३॥ रसिक शिरोमणि आनंद सागर ॥ रामदास प्रभु मोहन नागर ॥8॥

Dol

Part3-380

Sarang

Jhoolat nand kishore kishori .. uta vrajbhushan

झूलत नंद किशोर किशोरी ॥ उत ब्रजभूषण कुंवर रसिक वर इत वृषभान नंदिनी गोरी ॥१॥ पीतांबर नीलांबर फरकत उपमा घन दामिनी छबि थोरी ॥ देंख-देख फूलत ब्रजवनिता झूलबत लेकर डोरी ॥२॥ मुदित भये जु परस्पर गावत किलक किलक देउ उरज अकोरी ॥ परमानंद प्रभु वह सुख बिलसत इंद्र वधु सिर धुनत झकोरी ॥३॥

Dol

Part3-380

Sarang