Jhoolat doll radhika sanga .. govardhan parvatake

झूलत डोल राधिका संग ॥ गोवरधन पर्वतके ऊपर खेलत अति रसरंग ॥ १॥ प्रथम खेल राधे मन हुलस्यो केसर लपटत अंग ॥ की रच्यो चंद्रावलि अबीर गुलाल सुरंग ॥२॥ तीजो खेल कीयों अग्नि कुमारी संग ॥ चोथा खेल कियों चन्द्रावलि पिय मोहे 'रसिक' अनंग ॥३॥

Dol

Part3-380

Sarang

Doll jhoolat hain piya pyaari .. nand nandan vrishbhan

डोल झूलत हैं पिय प्यारी ॥ नंद नंदन वृषभान दुलारी ॥१॥ कमल नयन पर केसर डारी ।| अबीर गुलाल करी अंधियारी ॥२॥ झूलें श्याम झूलावत नारी ॥ हँस हँस देत परस्पर गारी ॥३॥ गावत गीत दे दे कर तारी ॥ बाजत वेणु परम रुचिकारी ॥४।| भीज लगी तन तन सुखसारी ॥ खेल मच्यो बृंदावन भारी ॥५॥ रसिक सिरोमणि कुंज विहारी ॥ कृष्णदास प्रभु गिरिवरधारी ॥६॥

Dol

Part3-380

Sarang

Dekhi dekhi drigan dampati kau sukh maaee kaisen aaj

देखि देखि दृगन दंपति कौ सुख माई कैसें आज झुलति डोल ॥ गौर स्याम यह सहज सुभग वपु पहरें पीत पट नील निचोल ॥१॥ वरण बरन भूषन नग जटित जगमगात तामें अधिक अमोल ॥ “कल्याण! के प्रभु गिरिधर राधा प्यारी कों झुलावत परसत पाणिरी कंठ कपोल ॥२॥

Dol

Part3-381

Sarang

Doll jhoolat haye pyarolal bihaari biharini pahop

डोल झूलत है प्यारोलाल बिहारी बिहारिनी पहोप वृष्टिहोति ॥ सुरपुर गंधर्वपुर तिनकी नारि देखत वारत हैं लरमोति ॥१॥ घेरा करत परस्पर सब मिल नहीं देखी युवती ऐसी जोति ॥ हरीदास के स्वामी स्यामा कुंज बिहारी सादा चुरी खुभी पोति ॥२॥

Dol

Part3-381

Sarang

Jhoolat jhoodol harakh harakh gawat .. nirakh nirakh

झूलत झूडोल हरख हरख गावत ॥ निरख निरख छबि परसरूपर नवल दोऊ सचु पावत ॥|६।॥| रसिकराय विहारी प्यारी सरस मृदुल मधुर तान रीझ रिझावत्त ॥ माधो प्रभु गिरिधरण नागर नागरी प्राण पिया मिल भावत ॥|२॥

Dol

Part3-381

Sarang

Nand nandan kunwari radhika nagari doll jhoolati baney ranng bheenen .. kaun munn rahey jhuman phal phool chahuun aur tein .. gopika jooth milli

नंद नंदन कुँवरि राधिका नागरि डोल झूलति बने रँंग भीनें ॥ कौं मन रहे झुमन फल फूल चहूँ और तें ॥ गोपिका जूथ मिलि मधुर लीनें ॥ १॥ खेलि गहरो दोऊ ओर तेैं व्है रह्मों रैंग घुमडनि भई प्रबल भारी ॥ देव मुनि देखि किन्नर थकित व्है रहे सुर बधू बिकसि रही काम चारी ॥२॥ ब्रज कुँवर लाडिलो नित्य लीला ललित हे रही सरस रस रंगकारी ॥ 'रसिक' जन मनन करे देखि दूग अपने परान इक बल करों वारि डारी ॥ ३॥

Dol

Part3-381

Sarang

Gahwar russ saghan nikunj chhayaatar ropyo doll

गहवर रस सघन निकुंज छायातर रोप्यो डोल तहां नागरी नागर दोऊ प्रेमसुं झूले ॥ भूषण अंग बने हीरामणि कटि तट मानों घनदामिनी छबि राजत नलि पीत दूकूले ॥|१॥ बीरी खात खवाबत प्रमुदित मन गावत सारंग राग गानसों मनही मन फूले ॥ केसर चोवा अगर गुलाल उडे और केलि कपूरन धूले ॥२॥ मृदंग ताल डफ बीना मधुर स्वर चहु और गावत उपमा कहे दोऊ को समतूले ॥ यह सुख देख कोन धीरज धरे कहे जोविंद सुरनर मुनि मन की गति भूले ॥३॥

Dol

Part3-381

Sarang

Kaanaa dharey ray mukat khele horry ||

काना धरे रे मुकट खेले होरी || इत श्याम लई पिचकारी रंग भर उत्त श्यामा केसर घोरी ॥१॥ हाथन लाल गुलाल फेंट भर मारत हैं भर भर झोरी ॥ चंद सखी भजि बालकृष्ण छबि तेरे बदन कमल पर चित चोरी ॥२॥

Hori-Rasiya

Part3-382

Hori-Kafi

Bunn vann aayo chhaila horry kau ..

बन वन आयो छैला होरी कौ ॥ मल्‍ल काछु सिंगार बन्यो है याके फेंटा सीस मरोरी को ॥ १॥ सोंघे सन्‍यो उपरेना सोहत याके मार्थे बेंदा रोरी को ॥ परसोतम प्रभु कुंवर लाडिलो यह रिझवार किशोरी को ॥२॥

Hori-Rasiya

Part3-382

Hori-Kafi

Dekhat doll sabey aanand .. neelakamal dhing

देखत डोल सबे आनन्द ॥ नीलकमल ढिंग राजत चंद ॥१॥ लेइ गुलाल परस्पर डारे ॥ सिर नारी सुख सिंधु निहारे ॥२॥ कुसुमन की बरखा बरखावे ॥ ब्रजबनिता मनमोद बढावे || ३॥ गोपी प्रीत झुलावे झूले ॥ पिचकारी तकि डारत फूले ॥४॥ गोपवधू सब करी रणमगी अखियाँ लागत भली रतीजगी ॥५॥ देई असीस आरती बारत || द्वारकेस प्रभु अलक संवारत ॥६॥।

Dol

Part3-382

Sarang

Horry aire mohan parr rung daro ..

होरी आईरे मोहन पर रंग डारो ॥ नैनन अंजन दे मन रंडन याके कान पकर गुलचा मारो ॥१॥ केसर में बोर करो रंग गारो सहे न रहे यह तन कारो ॥ बंसी लेहू छिनाय स्याम की फिर पांछे नोछावर वारो |॥|२॥

Hori-Rasiya

Part3-382

Hori-Kafi

Darsan dey nikasi atamente ..

दरसन दे निकसि अटामेंते ॥ उमा, रमा, ईद्राणी, भवानी, जाके निकसी है नख चंद्र छटामेंते ॥१॥ राधेजू निकस अटा भई ठाडी मानो निकस्यो है चंद घटामेंते ॥ पुरुषोत्तम प्रभु की छबि निरखत मानो माखन निकस्यो मठा मेंते ॥२॥

Hori-Rasiya

Part3-382

Hori-Kafi