Duff baaje nand baabaa gharke ||

डफ बाजे नंद बाबा घरके || चलोनि सखी मिल देखन जइुए ॥ छेल चिकनीयां नागरके ॥१॥ अरू बाजतहे ढोल दमामा ॥ सुनियत घाव नगारनके ॥|२॥ नाचत गावत करत कुलाहल ॥ संग सखा हे बराबरके ॥३॥ पुरुषोत्तम प्रभुके संग खेलत || झख मारत धरबारन के |॥४॥

Hori-Rasiya

Part3-383

Hori-Kafi

Vrajki toy laaj mukutbare ..

ब्रजकी तोय लाज मुकुटबारे ॥ चंद्र सूरज तेरो ध्यान धरतहे || ध्यान धरे नवलख तारे ॥१॥ इन्द्र ने कोप कियो ब्रज ऊपर ॥ तब गिरिवर कर पर धारे ॥२॥ पुरुषोत्तम प्रभु की छबि निरखत ॥ गाय गोपि के रखवारे ॥३॥

Hori-Rasiya

Part3-383

Hori-Kafi

Horry key rasiya or khyaal ..

होरी के रसीया ओर ख्याल ॥ फगुवा दे मोहन मतवारे फगुवा दे ॥ ब्रजकी नारी गावे गारी ॥ दो बापन के बिच डोले ॥ १॥ नंदजु गोरे जसोदा गोरी ॥ तुम कहांते भये कारे | २॥ पुरुषोत्तम प्रभु जुबतिन हेते ॥ गोप भेख लियो अबतारे ॥ ३॥

Hori-Rasiya

Part3-383

Hori-Kafi

Aaj biraj mein horry haye rasiya ..

आज बिरज में होरी है रसिया ॥ बाजत ताल मृदंग झांझ ढफ और नगारे की जोरी रे रसीया ॥१॥ उडत गुलाल लाल भये बादर केसर रंग झकझोरी रे रसीया ॥ चंद सखी भज बालकृष्ण छबि चिरजीयो यह जोरी रे रसीया ॥२॥

Hori-Rasiya

Part3-383

Hori-Kafi

Darshan dey morr mukut vaare ||

दरशन दे मोर मुकुट वारे || अरू कटि राजत सुभग काछनी फरकत पीरे पटवारे || १॥ बृंदावन में धेनु चरावे, बाजत बंसीवट चारे ॥ पुरुषोत्तम प्रभु के गुण गावे शेष सहस्र मुख रसना हारे | ३॥

Hori-Rasiya

Part3-383

Hori-Kafi

Thhaadi rahey gwalan madmati thhaadi raha || yeh avsar horico herry ||

ठाडी रहे ग्वालन मदमाती ठाडी रह || यह अवसर होरीको हेरी || हम तुम खेले संग साती ॥ १॥ भूल गयो घर गेल हमारी ॥ ले लगाई अपुनी छाती ॥२॥ पुरुषोत्तम प्रभु हंसत हंसावत ॥ ब्रज वनिता सब गुण गाती ॥ ३॥

Hori-Rasiya

Part3-383

Hori-Kafi

Mriganeni koo yaar naval rasiya ..

मृगनेनी को यार नवल रसिया ॥ बड़ि बडि अखियां नेन में सुरमा ॥ तेरी टेडी चितवन मेरे मन वसिया ॥१॥ अतलसको याकें लहेंगा सोहे ॥ प्यारी झुमक सारी मेरे मन बसिया ॥ छोटी अंगुरीन मुंदरी सोहे ॥ याके बीच आरसी मन बसीया ॥२॥ याके बांह बडो बाजूबन्ध सोड़े ॥ याके हीयरे हार दीपत छतिया ॥ रंग महतलमें सेज बिछाई ॥ याकें लाल पलंग पचरंग तकिया ॥ पुरुषोत्तम प्रभु देख विवस भये ॥ सबे छांड ब्रजमें वसिया ॥३॥

Hori-Rasiya

Part3-383

Hori-Kafi

Gahare curr yaar amal paani ..

गहरे कर यार अमल पानी ॥ चल बरसाने करे मिजमानी ॥ तेरी भांग मिरचकी मैं जानी ॥१॥ तोही करेंगे होरीको रसिया ॥ हम होयेगी तेरी अग॒वानी ॥ पुरुषोत्तम प्रभु की छबि निरखत ॥। तेरे मनकी हमने जानी ॥२॥॥

Hori-Rasiya

Part3-384

Hori-Kafi

Kanha dharyore mukut khele horry conned dhayore ..

कान्हा धर्योरे मुकुट खेले होरी कान्ड धयोरे ॥ इततें आये कुंवर कन्हाई उततें आई राधा गोरी कान्हा धर्योरि॥१॥ कहां तेरो हार कहां नकवेसर कहां मोतियन की लर तोरी कान्ह धर्योरे ॥२॥ गोकुल हार मथुरां नकवेसर बूंदावन में लर तोरी कान्हा धर्योरि ॥३॥ चोवा चोवा चंदन अगर अरगजा अबीर उडावो भर भर झोरी कान्हा धर्योरे ॥४॥ पुरुषोत्तम प्रभुकी छबि निरखत फणुवा लीयो भर भर झोरी कान्हा धरयोरे ॥५॥

Hori-Rasiya

Part3-384

Hori-Kafi

Dey faguwa vrajwasi thaado raha ..

दे फगुवा ब्रजवासी ठाडो रह ॥ रंग डार कित भाज्योरे लंगरवा करे मेरी हांसी ठाडो रह ॥ १॥| बालपनो खेलनमें खोयो गोकुल में मारी मासी ठाडो रह ॥२॥ पुरुषोत्तम प्रभुकी छबि निरखत जन्म-जन्म तिहारी दासी ठाडो रह ॥३॥

Hori-Rasiya

Part3-384

Hori-Kafi

Horry khelungi shyam sanga jaay merey bhaganaten fagun aayo ..

होरी खेलूंगी श्याम संग जाय मेरे भागनतें फागुन आयो ॥ ये भींजवी मेरी सुरंग चुनरियां ॥ में भिजवुं याकी पाग॥१॥ चोबवा चंदन अतर अरगजा ॥ रंगकी परत फुंवार ॥ २॥ लाज निगोडी रहों चाहे जावो ॥| मेरो हियरो भर्यो अनुराग ॥३॥ आनंदघन खेलों सुघर बालमसों ॥ मेरो रहियोहे भाग सुहाग ॥॥४॥

Hori-Rasiya

Part3-384

Hori-Kafi

Aaj kii baanik parr hoe laal houn bali bali gaee bigalit cutch

आज की बानिक पर हो लाल हों बलि बलि गई बिगलित कच सुबन पाग ढरकि रहि वाम भाग अंग अंग अलसही ॥ १॥ अरुून नैंन झपक जात कछु जँभात वार वार पीक कपोल छही ॥ धनि सुहाग भाग जाकों 'सूर' के प्रभु सँग सब निस बितई ॥२॥

Vasant Bahar

Part3-Vasant Bahar

Bilawal