Parav dasahara jaani jasomati laal ubati nhavaavahi ..

परव दसहरा जानि जसोमति लाल उबटि न्हवावही ॥ सेत वागो लाल सूथन सेत कुलही बनावही ॥१॥ आभूखन पहेराये हितसों काजर : नैन लगावही ॥ नंदराय बुलाव लिये अयैयां तें आवही ॥२॥ अश्वको सिंगार लाये विप्र वेद पठावही ॥ तिलक सिर धरन जवारा यह बात घर घर जावही॥३॥ बारी तिबारी चोगनी भीतर देख हँस मुसक्यावही ॥ अश्व चढ हरे प्रेरि लाये हरखि मंगल गावही ॥४॥ आये लिवाये वधाय लीने नंद हँसि लपटावही आरती कर माई जसोमती द्वारकेस बल जावही ॥५॥

Dashara

Pustak1-314

Poorvi

Sharadritu shubh zaan anoopam dashmikau deen aayou ree ..

शरदऋतु शुभ जान अनूपम दशमीकौ दीन आयौ री ॥ परम मंगल दिन आज व्रजमें सब मन हरख न मायौ री ॥१॥ केसर सोंधो घोर जननी प्रथम लाल नहवायौ री ॥ नानाविधिके भूषण आभरण अंग शृंगार बनायौरी ॥२॥ पाग पिछोरा और उपरना बागौ विचित्र धरायो री ॥ परमानंद प्रभु विजया दशमी व्रजजन मंगल गायौ री ॥

Dashara

Pustak1-314

Saarang

Ulato jhagaa ulati haye soothan kahat banyo nikori maiya .

उलटो झगा उलटी है सूथन कहत बन्यो नीकोरी मैया । पांय पनैया नंदबाबा की सीस पाग पहली बांध बूझत बलि मो मे को सुंदर है भैया ॥१॥ कटि फेटा और बडी कटारी थकि ढरकि ठोडी तर आय कहूं लपटानो पैया । 'क्रष्णजीवन” हरि प्रभु कल्यान की ये छबि निरखत नंदजसोदा भये फिरत गाडी कैसे पैंया ॥२॥

Dashara

Pustak1-314

Bilawal

Aaj dashahara shubh dinn neeko ponyatau juji hoe gopal ..

आज दशहरा शुभ दिन नीको पॉँयतौ जूजी हो गोपाल ॥ ब्रजरानी ब्रजराज कुँवरकौ करो सिंगार परम रसाल ॥१॥ तब व्रजराज अश्व सिंगारे तापर चढ़े श्रीगिरिधरनलाल रसिक प्रीतम पिय चले कुदावत जहाँ बैठी वृषभान की बाल ॥२॥

Dashara

Pustak1-314

Bilawal

Vijay dashahara parav bado haye aaj ..

विजय दशहरा परव बड़ो हे आज ॥ ब्रजबनिता सब मंगल गावत बाजन रह्यो ब्रज गाज ॥१॥ भरि बहुत अंगना तीबारी महेल अटारी छाज ॥ बड़े परवकों यह बडो सुख देखनकी नहि लाज ॥२॥ दशविध भक्तभोग ले आई गोपन आनंद काज ॥ द्वारकेश प्रभु बोलके बीरा देत समाज॥३॥

Dashara

Pustak1-314

Kanharo

Vijay dashmi param suhai ..

विजय दशमी परम सुहाई ॥ गोधन अगुवा दियौ पठाई ॥१॥ गोप सकल बैठे हैं अथाई ॥ कुशल मनावी शुभदिन माई ॥२॥ ब्रजरानी व्रजराज कुँवरकों कीरति ललिता न्‍्योंत बुलाई ॥ आज हमारें बड़ी पर्व है तुम सब जेंवन आवौ धाई ॥३॥ करत सिंगार गिरिधरनलालकौ चंबेली तेल सरस सुखदाई ॥ सुधन पीत श्वतवागौ खुल्यौ लाल पाग शिर पर पहराई ॥४॥ काजर ऑजि भौंह बिंदुका दै तृणतोरत और लेतबलाई ॥ रसिक प्रीतम प्रभु विजय कियौ वृषभान कुँवरि मन भाई ॥५॥

Dashara

Pustak1-315

Saarang

Grih grih aangan hott badhaai .. sriramchandra simhaasan baithe chhatra

गृह गृह आँगन होत बधाई ॥ श्रीरामचंद्र सिंहासन बैठे छत्र चमर ढुराई ॥१॥ मंगलसाज लिये सब सुंदरि नवसत सजिकें आई |॥ तिलक कियो जब अंकुर शिर धर आरती लौन कराई ॥२॥ जयजयकार भयीौ त्रिभुवनमें देवन दूुंदुभी वजाई ॥ सुरनर मुनिजन कोटि तेतीसों कौतुक अंबर छाई ॥३॥ चिरजीयौ अविचल रजधानी भक्तन के सुखदाई ॥ श्रीरघुनाथ चरणकमल रजरामदास निधि पाई ॥४॥

Dashara

Pustak1-315

Saarang

Dharat jawara shree govind ..

धरत जवारा श्री गोविंद ॥ आश्विन मास सुभग दशमी शुक्ल पक्ष घड़ी शुभकंद ॥१॥ केसर सोंधौ घोर यशोदा प्रथम न्हवाये कान्‍्ह गोबिंद॥ नाना विध शृंगार पाग बनी जरकसी बागौ पहरन छंद ॥२॥ कहत यशोदा सुनौ मेरे लाला जोई जोई भावे तिहारे मन || सोई सोई भोजन करो दोऊ भैया गावत गुण तहाँ परमानंद ॥३॥

Dashara

Pustak1-315

Saarang

Aaj dashahara shubh dinn neekau ..

आज दशहरा शुभ दिन नीकौ ॥ गिरिधरलाल जवारे बॉँधत बन्यौ है भाल कुंकुमकौ टीकौ ॥१॥ आरती करत देत नौछावर चिरजीयौ लाल भामतोौ जीकौ ॥ आसकरन प्रभु मोहन नागर त्रिभुवनकौ सुख लागत फीकौ ॥२॥

Dashara

Pustak1-315

Saarang

Aaj dashahara shubhdin neekau poyto pooji hoe gopal ..

आज दशहरा शुभदिन नीकौ पॉयतो पूजी हो गोपाल ॥ ब्रजरानी व्रजराज कुँवरकौ करो सिंगार परम रसाल ॥१॥ तब ब्रजराज अश्व सिंगारे तापर चढ़े श्रीगिरिधरलाल || रसिक प्रीतम पिय चले कुदाबत जहाँ बैठी वृषभान की बाल ॥२॥

Dashara

Pustak1-315

Saarang

Jaware paihairat srigovardhan naath sunder mukh nirakh sukh upjat vrajajan kiye sanath ..1..

जवारे पैहैरत श्रीगोवर्द्धन नाथ सुंदर मुख निरख सुख उपजत ब्रजजन किये सनाथ ॥१॥ श्वेत जरी शिर पाग लटक रही कलगी तामें लाल॥ तनसुखकौ बागौ अति राजत कुंडल झलक रसाल ॥२॥ अंगअंग छबि कहाँलों बरनों नाहिन वरन्यौ जात ॥ चतुर्भुजप्रभु गिरिधर छवि निरखत आनैंद उर नसमात ॥३॥

Dashara

Pustak1-316

Saarang

Aaj dashahara shubh dinn neekau jaware paharat giridharlal ..

आज दशहरा शुभ दिन नीकौ जवारे पहरत गिरिधरलाल ॥ आसपास सब व्रजके बालक मध्य मनोहर बाल ॥१॥ करत आरती मात यशोदा बारत मोतिन माल ॥ आसकरन प्रभु मोहननागर प्रेंम पुंज ब्रजबाल ॥२॥

Dashara

Pustak1-316

Saarang