Aaj payaane kau dinn neekau .. kushal keli air kreedat haye poonjive manorath jeeki ..1..

आज पयाने कौ दिन नीकौ ॥ कुशल केलि एर क्रीड़त है पूँजिवे मनोरथ जीकी ॥१॥ अतुलित बल अतुलित सेना में हनूमान सिर टीकौ ॥ जाम्बवान सुग्रीव नील नल अंगद बाल बलीकौ ॥२॥ विजय दसमी और सींग दाहिनौ बाँयौ घर जोगिनीकौ || दिशाशूल मारत पाछे तें रावण मरण सहीकौ ॥३॥ शुंगी ऋषि मुन्रि इष्ट करत हैं जोड़ा कर कोटीकौ ॥ अग्र स्वामि कारज सब सरिहे उतरे भार महीकौं ॥४॥

Dashara

Pustak1-316

Saarang

Vijayadashmi aur bijay muhurat srivitthalgiridhar paherawat ..

विजयदशमी और बिजय मुहूरत श्रीविद्ठलगिरिधर पहेरावत ॥ कर सिंगार विचित्र भाँतिनकौ निरख निरख नयनन सुख पाबत ॥१॥ सुथन लाल और श्वेत्र चोलना कुल्हे जरकसी अति मन भावत ॥ विविध भाँत भूषण अंग शोभित केकी पक्ष गुंजा पहिरावत ॥२॥ साज कनक नग थार हाथ लै कुंकुम तिलक ललाट बनाबत ॥ अक्षत दै जब अंकुर शिर पर निरख निरख मन मोद वढ़ाबतत ॥३॥ बहुत भोग बीरा धर आगें ब्रजभामिनि मिलि मंगल गावत || निजजन निरख निरखकें श्रीमुख गोविंद हरख हरख गुण गाबत ॥४॥

Dashara

Pustak1-316

Saarang

Aaj dashahara param mangal dinn dharein jaware govardhandhari ..

आज दशहरा परम मंगल दिन धरें जवारे गोवर्द्धनधारी ॥ कुंकुम तिलक सुभाल विराजत अद्भुत शोभा लागत भारी ॥१॥ अश्व सवार भये नैंदनंदन चले कुदाबत महा सुखकारी ॥ मनकी अटक जहाँ भये ठाढ़े चढ़ी अटा वृषभानकुमारी ॥२॥ चार्मौ नयन भये जब सन्मुख सेंन बजावत भुजा पसारी ॥ गोविंद प्रभु पिय रसिक कुँवर वर प्रथम समागम मिले पिय प्यारी॥३॥

Dashara

Pustak1-316

Saarang

Jaware pahiren girivardhari .

जवारे पहिरें गिरिवरधारी । जुवती-जन-मन-ताप-निवारन आनंद मंगलकारी ॥ सुंदर लाल माल ललित तन देखि जननी कर वारी । मनमोहन के रसिक रूप पर 'परमानैंद” बलिहारी ॥

Dashara

Pustak1-317

Saarang

Aaj hamaare vijay dashahara dhariye laal jabaare hoe ..

आज हमारे विजय दशहरा धरिये लाल जबारे हो ॥ कर सिंगार श्याम सुंदरकों अपनो तन मन बारे हों ॥१॥ सब सखियन मिल मतो उपायो चलिये जमुनातीर हो ॥ परमानंद जसोमती अति प्रफुल्लित बहु गोपिनकी भीर हो. ॥२॥

Dashara

Pustak1-317

Saarang

Sudin sumangal jaani jasoda laal koun pahiraavati bagau ..

सुदिन सुमंगल जानि जसोदा लाल कों पहिरावति बागौ ॥ अँग-अँग भूषन ललित मनोहर लटकि जवारें पागौ ॥ व्रज-सुंदरी निरखि मन हरषतिं सगन होत मन फूलत । रूप-रासि रस-रसिक लाडिलौ देखियतु नव तन भूलत ॥ मैया देखति लेति बलैया मुख चूँवति सचु पावति । 'परमानंददास' मन हरषत सुमिरि-सुमिरि गुन गावति ॥

Dashara

Pustak1-317

Saarang

Vijay-sudin anand adhik chhavi mohan busson birajat .

विजय-सुदिन आनंद अधिक छवि मोहन बसन बिराजत । सीस पाग रही बाम भाग पर लटकि जबारे छाजत ॥ तिलक तरल द्वै रेख भाल पर कुंडल-तेज तरनि द्वै काननि | मुख की सोभा कहाँ लौ बरनों मगन होत मन माननि ॥ कटि-पट छुद्र-घंटिका मनि-गन सोहत जोहत मोहत । परमानंद! निरखि नंद-रानी लेति बलैया दोऊ हत ॥

Dashara

Pustak1-317

Saarang

Aaj dashahara shubh dinn neekau vijay karo piya pyaaripe aaj..

आज दशहरा शुभ दिन नीकौ विजय करो पिय प्यारीपे आज॥ घेरी है बिकट मदन गढ़ गाढ़ें तोर मेंड्र लालन कर हो राज ॥१॥ इत्तनी बात सुनत नँदनंदन बिहँसि उठे दल कीनों साज | रसिकप्रभु पिय रति पति जीत्यो नुपूर किकिणी रुनुझुनु बाज ॥२॥

Dashara Maan

Pustak1-317

Saarang

Subhag mahurat vijayadashmikau pratham samagam piya hulas ..

सुभग महूरत विजयदशमीकौ प्रथम समागम पिय हुलास ॥ दूति विनती करत प्यारीसों बेग पधारो पियके पास ॥१॥ मंजन कर आभूषण धासे कनक अंग पटचीर सुबास ॥ धीर धरौ वृषभान नंदिनी पूरन करौ प्रीतम की आस ॥२॥ नवनागर संगम नवनागरि नवसंगम बरनत हरिदास ॥ श्रीवललभ पदरज कृपाकों नित्यही नवल हृदय प्रकाश ॥३॥

Dashara Maan

Pustak1-318

Saarang

Aliri teree latkanmein atakyau peeyakau munn nainku naan ita uta atakyau ..1..

आलीरी तेरी लटकनमें अटक्यौ पीयकौ मन नैंकु न इत उत अटक्यौ ॥१॥ देख रूप ठगी तबतें मन अनत न गोंहन हटक्यौ ॥ एते पर तू मान करत है क्‍यों हु न मानत विधु रथ उत्त अटक्यौ ॥ रसिक प्रीतम प्रीय दूत्तीके बचन सुनि मान तुरत ही सटक्यों ॥२॥

Dashara Maan

Pustak1-318

Saarang

Maan lagyau girivar gaavai ..

मान लाग्यौ गिरिवर गावै ॥ तत थेई तत्त थेई तत ताथेई थेई भैरों राग मिल मुरली बजाबै ॥१॥ नाचत नव वृषभान दुलारी अब घर गतिमें गति उपजावै ॥ गिरिधर पियप्यारी की पद रज कृष्णदास ले शीश चढ़ावै ॥२॥

Raas

Pustak1-319

Bhairav

Begg chali saaji dall chatur chandrawati |

बेग चलि साजि दल चतुर चंद्रावती | कसब कंचुकी बंद राखि आनन्‍्दकन्द नंदनंदनकुंदर मिलन को दावरी ॥१॥ नैन पंकज लोल मधुर मोहन बोल राजत भोंह. कपोल उदधि को भावरी । चंद्रावली करत केलि मानो मन्मथ पेलि सुरत सागर झेल सहज चढ़ि रावरी ॥२॥ चले गयंद गति नूपुर किंकिनी बजति देख गजवर लजित चलन को भावरी । “दास मुरारी” प्रभु कर कमल मेलि उर जीत गिरिधरन अब प्रेम लडबावरी ॥३॥

Dashara Maan

Pustak1-319

Kedaro