Pyaari bhuj grieva melli nirtat piyaa sujan ..

प्यारी भुज ग्रीवा मेलि निर्तत पिया सुजान ॥ मुदित परस्पर लेत गति में गति गुणरास राधे गिरिधरन गुण निधान ॥१॥ सरस मुरली धुनि मिले मधुर स्वर रास रंगभीने गावै अब घर तान बंधान ॥ चतुर्भुज प्रभु श्यामाश्यामकी नटन देख मोहे खग मृग वन थकित व्योंम विमान ॥२॥|

Raas

Pustak1-319

Bhairav

Aabhushan angang teuu anuchar sanga roop bhoop leeyen raajat shobha paay ..

आभूषन अंगअंग तेऊ अनुचर संग रूप भूप लीयें राजत शोभा पाय ॥ नवयौवन छत्र धरें सौभगता चमर ढरें गर्व सिंहासन बैठी आय ॥१॥ मानों नयना तुरंग कवच कंचुकी कस अंग कीयौ मुकाम अनंग मैत्री मिलाबन सुहाय ॥ अंचल ढाल ढरकत गज उर पर सूरदास मदनमोहन परे हैं राधा बस रीझ दान दीजै घूदु मुसक्याय ॥२॥

Dashara Maan

Pustak1-319

Saarang

Chova mein chahal rahey hau laalan kahaan kahaan gaye raat dashahara manaavan ..

चोवा में चहल रहे हौ लालन कहाँ कहाँ गये रात दशहरा मनावन ॥ एकतें एक सुघर घोष नारी तुमतौ छैल गिरिधारी सबहिन के मन भावन ॥१॥ कर माँझ कर लीनौ हँसि एक बीरा दीनौ ले लै-नाम लागे भोही पै गिनावन ॥ धोंधीके प्रभु बिनु सुभट ईत्त जनावत बातन बतरावत जात सखी आई समुझावन ॥२॥

Dashara Doosre Din

Pustak1-319

Bibhaas

Nartat gopal sanga gopika millie ..

नर्तत गोपाल संग गोपिका मिली ॥ अद्भुत नट भेख देख कोटि काम अति विशेष मुरली अधर मधुर सप्रस्वरन सों रली ॥१॥ गावत पिक कंठ सरस परम रीझ भींझ तान भामिनी सुजान श्रीवृषभानकी लली ॥ बलय नूपुर किकिणी कटि झनकत तत थेई थेई उघटत मुख शब्दावलि ग्रीव भुज “पिली ॥२॥ बाजत मधुरे मृदंग तताधिलाँग गति सुगंध संग लेत देत ताल रास मंडली ॥| कोलाहल करत हंस मोर सोर चहूँ ओर भोर भये फूली मानों कंज की कली ॥३॥ श्रीवृंदावन नवनिकुंज प्रेम पुंज भये हरख निरख तरणि त्नया तीर चांदनी भली ॥ श्रीबल्लभ चरणारविंद पंकज मकरंद सरस करत दान मानदास मोहना अली ॥४॥ -

Raas

Pustak1-319

Bhairav

Aalee ree manini mangarh curr leeyen rahat taaki oat ..

आली री मानिनी मानगढ़ कर लीयें रहत ताकी ओट ॥ नैन बंदूक तामें सकुच दारू भरें बोल गोला चलाबत झक झोट ॥१॥ भौंह धनुष तामें अंजन पनछ दीने बरूनी मारें बान तिरछी हैं चोट ॥ संधि लागि धाये नंददास प्रभु छूल्यौ हठ तूल्यों है री कामकोट ॥२॥

Dashara Maan

Pustak1-319

Saarang

Naachat vrishbhan kunwari hansasuta pulin madhya huns hansani mayur mandali bunny ..

नाचत वृषभान कुँवरि हंससुता पुलिन मध्य हंस हंसनी मयूर मंडली बनी ॥ नाचत गोपाल लाल मिलबत झपताल चाल गुंजत अति मत्त मधुप कामिनी अनी ॥१॥ पदक लाल कंठमाल त्रुणि तिलक झलक भाल अवनि फूल बर दुकूल नासिका मनी ॥ नील कंचुकी सुदेस चंपकली गलित केश मुकुलित मणि बन दाम कंटि सु काछनी ॥२॥ मरकत मणि वलयराव मुखर नूपुर ध्वनि सुभाव यावक युत चरणन नख चंद्रिका घनी ॥ मंदहास भ्रुव बिलास रास लास सुख निवास अलग लाग लेत निपुण राधिका गुनी ॥३॥ कामसिंधु कृतव विंदु रीझ् रहे चरण गहे साधु साधु कहत फिरत राधिका धनी ॥ भेंटत गहि बाँह मूल उरज परस भई फूल व्यास बचन सानुकूल रसिक जीवनी ॥४॥

Raas

Pustak1-320

Bhairav

Navanikunj nayana rati rung range ..

नवनिकुंज नयना रति रंग रंगे ॥ प्रिय प्रेमावली रस रास रसमसे आलसवर माधुरी अंग अंगे ॥१॥ रूप जोबन गुण चपलता आगरी मधुप खंजन मीन मानभंगे ॥ कहें कृष्णदास कामिनि उरसि प्रति गति सुखद गिरिधरन प्रतिविंब संगे ॥२॥

Raas

Pustak1-320

Bhairav

Haahaa hoe hari nritya karau ..

हाहा हो हरि नृत्य करौ ॥ जैसें कर मैं तुमहि रिझ्ाऊँ त्यों मेरी मन तुमहुँ हरी ॥१॥ तुम जैसें श्रम बाहु करत हो तैसें में हूँ इुलाऊँगी ॥ मैं श्रम देख तिहारे उरकों भुजभर कंठ लगाऊँगी ॥२॥ मैं हारी त्योंही तुम हारे चरन चाँपि श्रम मेंटोंगी ॥ सुरश्याम ज्यों उछँँग लेहु मोहि त्योंही तुम हारे मैं भेटोंगी ॥३॥

Raas

Pustak1-320

Bhairav

Madan mohan kamal nayan nartat raas range ..

मदन मोहन कमल नयन नर्तत रास रंगे ॥ त्तथेई ततथेई थेईथेई गति अनेक लेत मान गान करत रूप सहज सरस अति सुधंगे ॥१॥ विलुलित बनमाल उरसि मोरमुकुट रुचिर सरस युवतिन मनहरन अरूण द्वग तरंगे॥ कानन कुंडल झलमलात पीत बसन फरहरात रुनन झुनन धरत चरण भूकृटी भाव भंगे ॥२॥ मोही सुर ललना भामिनी सिद्ध सकल सुनत श्रवण मुरली नाद ग्राम जात अधर कल उपंगे ॥ गोविंद प्रभु ललितादिक सहचरी मिलि यूथ सहित वार फेर मदन कोटि देत अंग अंगे ॥४॥

Raas

Pustak1-320

Bhairav

Nirtat shyamshyama hait ..

निर्तत श्यामश्यामा हेत ॥ मुकुट लटकन भूकुटी मटकन नारी मन सुख देत ॥१॥ कबहुँ चलत सुधंग गति लै कबहुँ उघटत बैन ॥ लोल कुंडल गंडमंडित चपल नयनन सैन ॥२॥ श्याम की छवि निरख नागर रही इकटक जोई ॥ सूर प्रभु उर लाय लीनी प्रेम गुण कर पोई ॥३॥

Raas

Pustak1-321

Ramkali

Dekho dekhauri nagarnut nirtat kalindi tata gopin key madhya raajen mukut latak ..

देखो देखौरी नागरनट निर्तत कालिंदी तट गोपिन के मध्य राजें मुकुट लटक ॥ काछिनी किंकणी कटि पीतांबर की चटक कुंडल किरण रवि रथकी अटक ॥१॥ तत थेई ताता थेई शब्द सकल घट उरप तिरप गति पयकी पटक ॥ रास में श्रीराधे राधे मुरलीमें एक रट नंददास गावै तहाँ निपट निकट ॥२॥

Raas

Pustak1-321

Ramkali

Sudhang naachat naval kishori .. theithei karat chaahat preetam

सुधंग नाचत नवल किशोरी ॥ थेईथेई करत चाहत प्रीतम दिश बदन चंद मानों तृषित चकोरी ॥१॥ तान बंधान मानमें भामिनी रीज्े श्याम कहत हो होरी ॥ हित हरिवंश परस्पर प्रीतम बरवट लियो मोहन चित चोरी ॥२॥

Raas

Pustak1-321

Bhairav