Reejhe paraspar narnari ..

रीझे परस्पर नरनारि ॥ कंठ भुज भुज धरें दोऊ सकते नहीं निरबारि ॥१॥ गौर श्याम कपोल शोभा अधर अमृतधार ।॥ परस्परदोऊ पिय प्यारी रीज् लेत उगार ॥२॥ प्राण एक दै देह कीनी भक्ति प्रीति प्रकाश ॥ सूर स्वामी स्वामिनी मिल करत रंग विलास ॥३॥

Raas

Pustak1-321

Ramkali

Adubhut nutt bhekh dharein naachat giridharanlal ughatat sangit tata thei thei thei thei taa they ..

अदूभुत नट भेख धरें नाचत गिरिधरनलाल उघटत संगित तत थेई थेई थेई थेई ता थे ॥ लेत उरप मान लाग डाट सुधर तान आन आन गननननननन गति बंधान साथे ॥१।| शरद निशा पूरनचंद त्रिविध वायु बहत मंद खगमृग द्रुमवेली पत्र पत्र रटत राधे राधे ॥ युवत्तीमंडल समूह राग रंग अति कौतूहल रामकृष्ण हित दामोदर चरण अंबुज आराधे ॥२॥

Raas

Pustak1-321

Bhairav

Rjhivat piyahin barambar ..

र्झिवत पियहिं बारंबार ॥ निरख नयन लजात पिय के नहीं शोभा पार ॥१॥ चाल स्वल्प गज हंस मोहत कोक कला प्रवीन ॥ हँसि परस्पर तान गावत करत पिय आधीन ॥२॥ सुनत बन म्रग होत व्याकुल रहत चित्रित आय ॥ सूर प्रभु वश किये नागर जान शिरोमणिराय ॥३॥

Raas

Pustak1-321

Ramkali

Chalhu radhike sujan tere hita gunanidhaan raas rachyo kunwar

चलहु राधिके सुजान तेरे हित गुणनिधान रास रच्यो कुँवर कान्ह तट कलिंदनंदिनी ॥ निर्तत युवती समूह रास रंग अति कौतूहल बाजत रसमूर मुरलिका आनंदिनी ॥१।| बंसीबट निकट जहाँ परम रम्य भूमि तहाँ सकल सुखद बहत मलय वायु मंदिनी ॥ जाती ईषद विकास कानन अतिशै सुवास राकानिशि शरद मास विमल चंदिनी ॥२॥ कुंभनदासप्रभु निहार लोचनभर घोषनारि नखशिख सौंदर्य सीम दुख निकंदिनी ॥ विलसो भुज ग्रीव मेल भामिनी सुख सिंधु झेल गोवर्द्धधधरन केलि जगतवंदिनी ॥३॥

Raas

Pustak1-322

Bilawal

Nirtat mohan rasik sakhansang gidgid tatthei tatthei tattaa ..

निर्तत मोहन रसिक सखनसंग गिडगिड ततथेई ततथेई तत्ता ॥ मृदंग धरम धरम धरम ज्ञाल उरपसप्त सुरजो मिलकत मधुप मत्ता ॥१॥ टिपासे सिर पीतपटलाल काछनी बनी किकिनी रुनझूनात गावत सुरसत्ता ॥ गोविंद प्रभुके जु गोपबालकसंग जे जे जे करत प्रेम अनुरत्ता ॥२॥

Raas

Pustak1-322

Ramkali

Nirtat radha nandkishore ..

निर्तत राधा नंदकिशोर ॥ ताल मृदंग सहचरी बजावत बिच बिच मोहन मुरली कलघोर ॥१॥ उरप तिरप पगधरत धरणि पर मंडल फिरत भुजन भुज चार ॥ शोभा अमित विलोक गदाधर रीझ् रीझ डारत तृणतोर ॥२॥

Raas

Pustak1-322

Bilawal

Mohan mohani rasbhare ..

मोहन मोहनी रसभरे ॥ भोंह सोहन नयन फेरत ताहि रस में ठरे ॥१॥ अंग निरख अनंग लक्षित सके नहिं ठहराय ॥ एक हि की कहा चलै शत शत कोटि रहत लजाय ॥२॥ करत परस्पर रंग हस्तक छवि नृत्य भेद अपार ॥ उड़त अंचल प्रगट कुच दोउ कनक घट रस सार ॥३॥ तरकि कंचुकी ढरक माला रही धरणी जाय ॥ सूर प्रभु करती सखी कर नृत्य लेत उठाय. ॥४॥

Raas

Pustak1-322

Ramkali

Harr aaj nagri kishore bhaanvati vichitra jore kahaa kahon anga anga param madhuri ..

हर आज नागरी किशोर भाँवती विचित्र जोर कहा कहों अंग अंग परम माधुरी ॥ करत केल कंठमेल बाहुदंड गंडमंडल परस सरस लास्य हास रास मंडली जुरी ॥१॥ श्याम सुंदरी बिहार बाँसुरी मृदंग तार सकल घोष नूपुरादि किकिणी चुरी ॥ देखत हरिवंश आलि नृत्यत सुधंग ताल वार फेर देत प्राण 'देह सुंदरी ॥२॥

Raas

Pustak1-322

Bilawal

Banyau raas mandalmein maadhau gatimein gata upajaaven hoe ..

बन्यौ रास मंडलमें माधौ गतिमें गत उपजावें हो ॥ कर कंकण झनकार मनोहर प्रमुदित वेणु बजाबै हो ॥१॥ श्याम सुभग तन पर दक्षिन कर कूजत चरण सरोजै हो ॥ अबलावूंद अवलोकित हरि मुख नयन विकास मनोजें हो ॥२॥ नीलपीतपट चलत चारु नट रसनागत नूपुर कूजें हो ॥ कनक कुंभ कुच बीच पसीना मानों हर मोतिन पूजें हो ॥३॥ हेम लता तमाल अवलंबित शीश मल्लिका फूली हो ॥ कुंचित केश बीच अरुझाने मानों अलिमाला झूली हो ॥४॥ शरद बिमल निशि चंद बिराजत क्रीड़त यमुना कूलें हो ॥ परमानंदस्वामी कौतूहल देखत सुर नर भूलें हो ॥५॥

Raas

Pustak1-323

Todi

Naachat haye naagar balveer .

नाचत है नागर बलवीर । नागर नवल नागरी नागर नागर नवरंग स्याम सरीर ॥१॥ नागर सरस सघन वृन्दावन नागर तरनितनूजा तीर। नागर मधुप कोकिला मृग गन नागर मन्द सुगन्ध समीर ॥२॥ नागर चरन कमल सुर सेवत नागर नूपुर मुख मंजीर | नखसिखलों नागर नन्दनन्दन नागर भूखन नागर चीर ॥३॥ “कृष्णदास” स्वामी नट नागर नागर सुडटी गोपिका भीर । नागरलाल गोवर्धनधारी नागर जस गावत मुनिधीर ॥४॥

Raas

Pustak1-323

Bilawal

Vishad kadamb saghan vrindaban rachyau raas tarani tanyatat ..

विशद कदंब सघन वृंदाबन रच्यौ रास तरणि तनयातट ॥ शरदनिशाः उड़पति उजियारी पूरचौनाद मुरली नागरनट ॥१॥ श्रवण सुनत चली व्रजसुंदरि साजि सिंगार पेहेर भूषणपट ॥ अति हुलास कुमदिनी ज्यों प्रफुल्लित निरख लाल टाढ़े बंसीबट ॥२॥| मंडल मधि नाचत पिय प्यारी गावत स्वर टोडी तान बिकट ॥ दास सखी देखत नयनन भर वार फेर डारों कोटि मदनभट॥३॥

Raas

Pustak1-323

Todi

Ruchir ramit rachi raas ..

रुचिर रमित रचि रास ॥ कुसुमित कानन सम द्रुमवेली निजकृत उडुप प्रकाश ॥१॥ युवती युगल युगल ग्रति माधी करत विनोद विलासं ॥ वेणु भृदंग मैंजीर किकिणी क्वणित मधुर शब्दमुदुहासं ॥२॥ यमुनातीर भीर खगमृगकी मंद समीर सुवासं ॥ बरषत कुसुम इंद्रसुर धावत शंकर त्यजतकैलास ॥३॥ निरख नयन छवि मुरयो मन्मथ लोचन पद्मपलाशं ॥ विष्णुदास प्रभु गिरिधर क्रीड़त कथाकथित शुक व्यास ॥४॥

Raas

Pustak1-323

Todi