Khelat raas rasik nandlal ..

खेलत रास रसिक नंदलाल ॥ यमुना पुलिन शरद निशि शोभित रचि मंडल ठाढ़ी व्रजबाल ॥१॥ तत थेई थेई तत थेई शब्द उघटत बाजत झाँझ पखावज ताल ॥ जम्यौ सरसही राग परस्पर गुंजत कोमल वेणु रसाल ॥२॥ सन्मुख लेत हैं उरप तिर॒प दोऊ राधा रसिकनि मदनगोपाल ॥ मानों जलद दामिनी स्सपूरण कनक लता मानों श्यामतमाल ॥३॥ सुरपुर नारि निहार परम रस और रतिपति मनमें भयौ बेहाल ॥ थकित चंद गति मंद भयौ अति चूके मुनि ध्यान धरत तिहिं काल ॥४॥ परम बिलास रच्यौ नटनागर विलुलित उरसि मनों अलिमाल ॥ क्रृष्णदास लालगिरिधर गति पावत नाहिंन हस्ती मराल ॥५)॥

Raas

Pustak1-326

Khat

Yeh gati naachat naach naee .. voondaavan main raas bilas sukh baadhrit saee ..1..

यह गति नाचत नाच नई ॥ वूंदावन मैं रास बिलास सुख बाढ़ृत सई ॥१॥ भाँति भाँति राग गावत अलाप कैई ॥ उरप तिरप मान लेत तत थेई ॥२॥ स्याम सुंदर करत क्रीड़ा प्रेम घटा छई ॥ कुंभनदास प्रभु गिरिधर छिनु छिनु प्रीति नई ॥३॥

Raas

Pustak1-327

Shri

Banyau raas mandal aho yuvatin youth madhya naayak naayen gaaven ..

बन्यौ रास मंडल अहो युवतिं यूथ मध्य नायक नायैं गावें ॥ उघटत शब्द तत थेई ता थेई गतमें गत उपजावें ॥१॥ बनी श्रीराधाबल्लभ जोरी उपमाकों दीजै कोरी लटकत हैं बाँह जोरी रीझरिश्ञावें ॥ सुर नर मुनि मोहे जहाँ तहाँ थकित भये मीठी मीठी त्ञानन लालन वेणु बजावें ॥२॥ अंग अंग चित्र कयें मोरचंदा माथें दियें काछनी काछें पीतांबर शोभा पावें ॥ चतुरबिहारी प्यारी प्यारे ऊपर वार डारी तन मन धन यह सुख कहत न आवें ॥३॥

Raas

Pustak1-327

Saarang

Aaj vrajrajkau lalan thaadho sakhee lalit sanket butt nikat sohai ..

आज ब्रजराजकौ ललन ठाढ़ो सखी ललित संकेत बट निकट सोहै ॥ देखरी देख अनिमेष या भेखकों मुकुटकी लटक त्रिभुवनहिं मोहै ॥१॥ स्वेदकन झलक कछु झुकीसी पल्रक प्रेमकी ललक रस रास कीये ॥| धन्य बड़भाग वृषभान नृप नंदिनी राधिका अंस पर बाहु दीये ॥२॥ मनि जटित भूमि पर रही नवलता झूमि कुंज छबि पुंज बरनी न जाई ॥ नंदनंदन चरन परसि हित जानकें मुनिन के मनन मिलि पाँति लाई ॥३॥ महा अद्भुत रूप सकल रस भूप यह नंदनंदन बिना कछु न भावै ॥ धन्य हरिभक्त जिनकी कृपातें सदा कृष्णणुन गदाधर मिश्र गावै ॥४॥

Raas

Pustak1-327

Khat

Chalchal jahaan srigovardhadhar bahubidhi shobha raajain ree ..

चलचल जहाँ श्रीगोवर्द्धधर बहुबिधि शोभा राजैं री ॥ नंदकिशोर यशोदानंदन कोटिमदन छबि लाजैं री ॥१॥ मोर मुकुट पीतांबर सोहै मुख मुरली कलबाजें री ॥ श्रीमदृबल्लभ यह अवसर रसिकन शिर नित्य गाजै री ॥३॥

Raas

Pustak1-327

Khat

Raas mein naachat lalbihari nachwat hain sub vrajaki naari ..

रास में नाचत लालबिहारी नचवत हैं सब व्रजकी नारी ॥ ता थेई ता थेई तत ता थेई थेई थुंगनिथै-गनि तटकित तारी ॥१॥ श्रीराधा एक तरजत मिलबत लेत अलाप सप्त स्वर भारी ॥ कृष्णदास नट नाट्य रसिकवर कुशल केलि श्रीगोवर्द्धधघारी ॥२॥

Raas

Pustak1-328

Saarang

Tarani tanyaatir laal girivardharan radhika sanga nrityat subhag raas mein ..

तरणि तनयातीर लाल गिरिवरधरन राधिका संग नृत्यत सुभग रास में ॥ तत थेई तत थेई करत गति भेद सों पिय अंग अंग मिलत सुंदरी ता समें ॥१॥ नंदनंदन निरख सुरसहित सुरनारि वेणु कलनाद सुनि मोहे काश ॥ थक्‍यौ घन चंद तारिका थकि रहीं. तान स्वर गान व्रजपति करत जा समें ॥२॥

Raas

Pustak1-328

Saarang

Natvargati nrityat hain bhaktan urr parsat hain pulkit tunn harkhat hain raasmein lalbihari ..

नटवरगति नृत्यत हैं भक्तन उर परसत हैं पुलकित तन हरखत हैं रासमें लालबिहारी ॥ बाजत ताल मृदंग उपंग बाँसुरी बिना स्वर तरंग ग्रग्नता ग्रज्ञता थुंग थुंग लेत छंद भारी ॥१॥ कटी काछिनि पीत सुरंग मोर मुकुट अति सुधंग राख्यौ अर्धभाल ललित शीश पेच सवारी ॥ आरती वारति यशोदा माय लेत कंठ उर लगाय देखत सुरनर भुनि और रामदास बलिहारी ॥२॥

Raas

Pustak1-328

Saarang

Nagri nagarason milli gawat raasmein sarang raag jamyau ..

नागरी नागरसों मिलि गावत रासमें सारंग राग जम्यौ ॥ तान बंधान तीन मूर्छना देखत बैभव काम कम्यौ॥ अद्भुत अबधि कहाँ लगि बरनों मोहन मूरति बदन रम्यौ ॥ भजि क्ृष्णदास थकित नभ उडुपति गिरिधर कौतुक दर्ष दम्यी ॥२॥

Raas

Pustak1-328

Saarang

Tarani tanaya teer laal gawat baney adhar curr muralika ratna haatak khachi ..

तरणि तनया तीर लाल गावत बने अधर कर मुरलिका रत्न हाटक खची ॥ तेरे हित रसिक शिर मौर गिरिवरधरन सुनहुँ चरचरी ताल राग सारंग सची ॥१॥ और अद्भुत देख लेत अब घर तान आन आन गति भई भृगभू हैं नची ॥ स्वर सु मिलवत यूथ मधुप मधुपनि मिले तुव मान उघट कित रहत सुंदरि बची ॥२॥ सखी बचनामृत श्रवण पुट पानकर चली नवरंग वर रूप मन्‍्मथ मची ॥ क्रृष्णदास निनादकौ जु वैभव निरख गगन सुरपति सहित सुभग लज्जित सची ॥३॥

Raas

Pustak1-328

Saarang

Karat hari nritya navrang radha sanga lait navgati bhed charchari taalke ..

करत हरि नृत्य नवरंग राधा संग लेत नवगति भेद चरचरी तालके ॥ परस्पर दरस रसमत्त भये तत्त थेई थेई गति लेत संगीत सुरसालके ॥१॥ फरहरत बर्हिवर थरहरत उपहार भरहरत भ्रमर वर विमल वनमालके ॥ खसित सित कुसुम शिर हँसत कुंतल मानों लसत कल झलमलत स्वेद कण भालके २) अंग अंगन लटक मटक भृंगन भ्रोंह पटक पटताल कोमल चरण चालके ।| चमक चल कुंडलन दमक दशनावली बिबिध विद्युत भाव लोचन विशालके ॥३॥ बजत अनुसार द्विम द्विम मृदंग निनाद झमक झंकार कटि किंकिणी जालके ॥ तरल ताटक तड़ित नील नव जलद में यों विराजत प्रिया पास गोपालके ॥४॥ युवति जन यूथ अगणित बदन चंद्रमा चंद्र भयौ मंद उद्योत तिहिं कालके ॥ मुदित अनुराग वश राग रागिणी तान गान गत गर्द रंभादि सुर बालके ॥५॥ गगनचर सघन रास मगन बरषत फूल बार डारत रत्न जतन भर थालके ॥ एक रसना गदाधर न वर्णत बने चरित्र अद्रभुत कुँवर गिरिधरन लालके. ॥६॥

Raas

Pustak1-329

Saarang

Sakal kalaa guna praveen arrie aeye doondaavan rung ..

सकल कला गुन प्रवीन एरी ए दूंदावन रंग ॥ सा री गम प ध नी अलाप करत सरस उपजत अवधर तान तरंग ॥१॥ सीस टिपारों कटि लाल काछनी वनजु धात विचित्र सोहे सुभग अंग ॥ गोविंद प्रभु के अंग अंग परवारों कोटि अनंग ॥२॥

Raas

Pustak1-329

Saarang