Aapun naachai aapun gaavai .

आपुन नाचै आपुन गावै । ऐसी बहुत घोष जुबतिनसों तुम कौन नाच गाय छिपावै ॥१॥ केलिकला कौतूहल नागर कुनित मुरलिका गति उपजावै । चलत वसन कटिं मुखर मेखला तान तरंग अनंग बढावै ॥२॥ ब्रिजग मोह किये त्रिलोकी देवनागरि किन्नर मन भावै। गिरिधर पद पराग रस वासु “कृष्णदास” नोछावर पावे ॥३॥

Raas

Pustak1-329

Saarang

Sangeet ruscushal nirt aaves vas lasati radha rasmondal biharini .

संगीत रसकुशल निर्त आवेस वस लसति राधा रासमंडल बिहारिनी । दिव्यगति चरण चंचल चक्रवर्तिनी कुंवरी श्याम मनोहर मनोहारिनी ॥१॥ लोचन विशाल मृदुहास मन उल्लास नंदनंदन मनसिज मोद विस्तारनी। मूदुल पदविन्यास चलित वलयावलि किकिनी रुनझुनतकार झंकारिनी ॥२॥ रूप निरुपम कांति भांति वरनी न जाती पहरि आभरन रवि षोडस सिंगारनी । मृदंग बीना ताल सुर संच संचार चारुता चातुरी सार अनुसारिनी ॥३॥ उघट मुख शब्द पियूष बरखत मनो सींची पिय श्रवन तन पुलक कुलकारिनी । कही “गदाधर” जू गिरिराजधरतें अधिक विदित रसग्रन्थ अद्भुत कलाधारिनी ॥४॥

Raas

Pustak1-329

Saarang

Nirtat mohan raas bilas .

निर्तत मोहन रास बिलास । युन गावति वृषभानु-नन्दिनी उधरत सब्द ताथेई तास ॥ कस्तल ताल मिलत मुरली-सेंग बिच-बिच मोहन-मुख-मृदु-हास । जै-जै करत कुसुम सुर बरषत गुन गावत “परमानँददास”॥

Raas

Pustak1-330

Saarang

Arujhi kundal lutt besari soun peet putt banmala beach aana asujhe hain douu jan ..

अरुझी कुंडल लट बेसरि सों पीत पट बनमाला बीच आन असुझे हैं दोऊ जन ॥ नयनन सों नयना प्राणन सों प्राण अरुझि रहे चटकीली छबि देख लटपटात श्यामघन ॥१॥ होड़ा होड़ी नृत्य करें रीझरीझ आकों भरें तत थेई तत थेई रटत मगन मन !। सूरदास मदनमोहन रास मंडल में प्यारीकौ अंचल लै लै पोंछत हैं श्रमकन ॥२॥

Raas

Pustak1-330

Saarang

Sapt suran teen graam yekais bhurchhana taana unchaas mille mandal madhi gaavai .

सप्त सुरन तीन ग्राम येकईस भूर्छना तान उनचास मिले मंडल मधि गावै । चारु करन हस्तक सुर नैन भेद भांति भांति उपजति गति निर्त कर नचावै ॥१॥ धिधि किट थुंग थुंग कुकुझे कुकुझे झिनिकट घिमिकिट धिमिकिट धिमिकिट मृदंग बजावै। “रसिक' प्रीतम छबि निरखत देवजुबति मोहत मन उमगि विविध कुसुम बरखत सुख पावै ॥२॥

Raas

Pustak1-330

Saarang

Balihari raas biharin kii |

बलिहारी रास बिहारिन की | मरकत मनि कज्वन-मनिमाला ग्रथन नन्दकुमार की ॥१॥ सारंग राग अलापत गावत बिच मिलवतयतति ताल की नाचत गावत बेन बजावत लेत उदार उगाल की ॥२॥ यमुना सरस मल्लिका मुकुलित त्रिविध समीर सुढ़ार की । 'क्ृष्णदास” बलि गिरिधर नवरंग सुरतनाथ सुकुमारा की ॥३॥

Raas

Pustak1-330

Saarang

Nagri nutt narayan gaayau .. taana maan bandhan sapt swarrag

नागरी नट नारायण गायौ ॥ तान मान बंधान सप्त स्वरराग सों राग मिलायौ ॥१॥ चरण घुंघरू जंत्र भुनन पर नीकौ झमक जमायौ ॥ तत थेई तत थेई लेत गति में गति पति ब्रजराज रिञ्ञायी ॥३॥ सकल त्रियन में सहज चातुरी अंग सुधंग दिखायौ ॥ व्यास स्वामिनी धन्य धन्य राधा रास में रैंग मचायौ ॥३॥

Raas

Pustak1-331

Saarang

Sakal kalaa praveen arrie ehaan vrindavan rung ..

सकल कला प्रवीन एरी एहाँ वृंदावन रंग ॥ सारीगमपथनी अलाप करत रस उपजत तान त्तरंग ॥१॥ निर्तत गत जत लेत ग्रग्रततत किटधिमकधिलांग थोंग बाजत मृदंग ॥ गोविंदप्रभुके जु अंग अंग पर वारों कोटि अनंग. ॥२॥

Raas

Pustak1-331

Saarang

Rasmondal mein baney giridharan laal ..

रासमंडल में बने गिरिधरन लाल ॥ सुभग यमुनापुलिन प्रफुलित कदंब बन शरदरैन शशि देख थकित ब्रजबाल ॥१॥ भूषण बसन अंग अंग नौतन सखी कंठटधर बॉँह करें अधर मधुर मधुपान ॥ बनी गौर श्याम छबि शोभा कहा कहै कवि कोटि काम मोहै कुंभनदास जीय जान ॥२॥

Raas

Pustak1-331

Poorvi

Nirtat gopallal tarani tanaya teere ..

निर्तत गोपाललाल तरणि तनया तीरे ॥ युवती जन संग दियें मन्मथ मन करख लियें अंग अंग सुखद कियें राजत बलवीरे ॥१॥ लावण्यनिधि गुणआगर कोककला ग्रुण सागर त्रिविध ताप हरत शीतल समीरे ॥ आसकरन प्रभु मोहननागर गुणनिधान संगीतसार रिझवत व्रजवधू नागरि फरकत पट पीरे ॥२॥

Raas

Pustak1-331

Poorvi

Aaj bunn neekau raas banaayau ||

आज बन नीकौ रास बनायौ || पुलिन पविन्न सुभग यमुना तट मोहन वेणु बजायौ ॥१॥ करकंकण किंकिणी ध्वनि नूपुर सुन खगमृग सचुपायौ ॥ युवती मंडल मध्य श्याम घन नट नारायण गायो ॥२॥ तालमृदंग उपंग मुरज डफ मिल रस सिंधु बढ़ायौ | विविध विशद वृषभान नंदिनी अंग सुधंग दिखायौ ॥३॥ अभिनय निपुण लटक लट लोचन भूकुटी अनंग लजायौ ॥ तत थेई तत थेई लेत नौतनगति पति ब्रजराज रिझ्ायो ॥४॥ परम उदार रसिक चूड़ामणि सुखवारिद बरखायौ ॥ परिरंंभण चुंबन आलिंगन उचित युवती जन पायौ |५॥ बरखत कुसुम मुदित नभनायक इंद्र निशान बजायौ || हित हरिवंश रसिक राधापति यश वितान जग छायौ ॥६॥

Raas

Pustak1-331

Saarang

Alag laagan urap tirap gati nachbat vrajalalana raase ..

अलाग लागन उरप तिरप गति नचबत व्रजललना रासे ॥ उघटत शब्द तत थेई तत थेई मृगनयनी ईषद हासे ॥१॥ चाल चंद लजावत गावत बाँधत मदन श्रोंह पाशे ॥ चलत उरज कटि किंकिणी कुंडल श्रमजणल कण शोभित आशे ॥२॥ नूपुर रुनित क्वणित कटिमेखला कटितट काछें नीलन वासे ॥ अवधर तान मान बंधाने मोहत विश्व चरणन्यासे ॥३॥ मोहनलाल गोवर्धनधारी रिश्नबत छैल सुधर लासे ॥| अपने कंठ की पिय श्रमदल की माला देत कृष्णदासे ॥४॥

Raas

Pustak1-332

Malav