Tata thei rasmondal mein bunn naachat piyake sanga preetampyari ..

तत थेई रासमंडल में बन नाचत पियके संग प्रीतमप्यारी ॥ गावत सरस सुजात मिलावत चपल कुटिल भ्रू अनियारी ॥१॥ मालव राग अलापत भामिनी लेत उरप नागरनारी ॥ प्यारी के संग वेणु बजावत सुघरराय गिरिवरधारी ॥२॥ क्रृष्णदासप्रभु सौभग सीमा सब युवतिनमें सुकुमारी ॥ जोरी अद्भुत प्रगटित भूतल केलिकला रस मनुहारी ॥३॥

Raas

Pustak1-332

Malav

Mohan nandrai kumar ..

मोहन नंदराय कुमार ॥ प्रगठ ब्रह्म निकुंज नायक भक्त हित अवतार ॥१॥ प्रथम चरण सरोज बंदी स्थाम घन गोपाल ॥ ललित कुंडल गंड मंडित चारु नयन विशाल ॥२॥ बलराम सहित विनोद लीला शेष शंकर हेत ॥ दास परमानंदप्रभु हरि निगम गावत नेत ॥३॥

Raas

Pustak1-332

Malav

Aaju rasrang rahauju ..

आजु रासरंग रहौजु ॥ हरि राधा खेलत रासमें प्रेंम सिंधु बह्मौजु ॥१॥ नैन चपल कर नवल चरन चल आछे ॥ पिय के सिर मुकुट लटकि बैनी प्यारी पाछे ॥२॥ किकिनी कटि चारु हार नूपुर रव सोहे ॥ मुरली धुनि श्रवण सुनि सो को है जो न मोहै ॥३॥ पीय धरे तिरप तान सुनि सरिता थक्‍यौ ॥ चंद थक्‍्योौ गगन मध्य नेंकु न रथ हँक्यो ॥४॥ निर्त भयौ दूगन रंग कापै जात कह्मौ ॥ हित दामोदर ललिता सुख सरिता ज्यों बह्मौ॥५॥

Raas

Pustak1-332

Poorvi

Naachat raasmein gopal sanga mudit ghoshnari ..

नाचत रासमें गोपाल संग मुदित घोषनारी ॥ तरु तमाल श्यामलाल कनकवेलि प्यारी ॥१॥ चल नितंब किंकिणी कटि लोल बंक ग्रीवा ॥ राग तान मान सहित वेणु गान सीवा ॥२॥ श्रमजलकण सुभर भरे रंग रेंनु सोहै ॥ क्ृष्णदासप्रभु गिरिधर ब्रजजन मन मोहै ॥

Raas

Pustak1-332

Malav

Madan gopal rasmondalmein malav raag rasabhasbau gaavai..

मदन गोपाल रासमंडलमें मालव राग रसभस्बौ गावै॥ अवघर तानबंधान सप्तस्वर मधुर भधुर मुरलिका बजाबै ॥१॥ निर्तत सुलपलेत नौतनगति बहुविध हस्तक भेद दिखावै ॥ उघटत शब्द तत थेई तत थेई युवतिबूंद मनमोद बढ़ावै ॥२॥ थक्‍्यौ चंद मोहे खग नग भूृग प्रतिक्षण अमित अनागति लावै ॥ च॒तुर्भुज प्रभु गिरिधर नटनागर सुरनर मुनि गति मति बिसरावै ॥३॥

Raas

Pustak1-333

Malav

Raas bilas gahein karpalalav aeka aeka bhuj grievameli ..

रास बिलास गहें करपललव एक एक भुज ग्रीवामेली ॥ दे दै गोपी बिच बिच माधौ निर्तत संग सहेली ॥१॥ टुट परी मोंतिनकी माला ढूँढ़त फिरत सकल ग्वारी ॥ विगलित कुसुम माल कच विलुलित निरख हँसे गिरिवरधारी ॥२)॥ शरद विमल नभ चंद बिराजे निर्तत नंदकिशोरा ॥ परमानंदप्रभु बदन सुधानिधि गोपी नयन चकोरा ॥३॥

Raas

Pustak1-333

Malav

Chaliyaiju nenku kautuk dekhan rachyau haye rasmondal raadhe heen aaee tumhen laine ..

चलियैजू नेंकु कौतुक देखन रच्यौ है रासमंडल राधे हीं आई तुम्हें लेन ॥ मृगमद घसि अंग लगाये मुकुट काछनी बनाये मुरली पीतांबर विराजत यह छबि मोपे कही न परै बैन ॥१॥ सब सखी मिलि नायें गावें ताल मृदंग मिलि बजावें नृत्य करें मध्य मूरति मैन ॥ सूरदास मदनमोहन हँसत कहा हो जु पाएँ धारिये जो पै सुख दीयो चाहों नेन ॥२॥

Raas

Pustak1-333

Malav

Boondaavan adrabhut nutt dekhiyat biharat kanhar pyaari ..

बूंदावन अद्रभुत नट देखियत बिहरत कान्हर प्यारी ॥ . गोवर्धनधर श्याम चंद्रमा युवतिन लोचनतारौ ॥१॥| सुखद किरण रोमावलि वैभव उर नव मणिगण हारा ॥ ललन युवति पर भेख बिराजत पान करत मधुधारा ॥२॥ ब्रजजन नवल चकोर अति लोचन अ्रवत अमृत अनुसारा ॥ भज कृष्णदास सुरत सुख जलनिधि हुलसतत बारंबारा ॥३॥

Raas

Pustak1-333

Malav

Kamalanayan pyaari avadhar taana jaane ..

कमलनयन प्यारी अवधर तान जाने ॥ अलाग लाग सुराग रागिणी बहुत अनागत आने ॥१॥ रसिकराय शिर मौर गुणिनमें गुण तुमही पा ॥ कुंभनदास प्रभु गोवर्धनधर हरत लाल सबकौ मन जबही करत हो गा ॥२॥

Raas

Pustak1-333

Malav

Saajen natwar bhesh gopal ..

साजें नटवर भेष गोपाल ॥ मधुर वेणु सुशब्द उघटत तत थेई थेई ताल ॥१॥ तरणि त्नयातीर भरकत श्याम घन गोपाल ॥ ब्रज की नारि समूह मंडल बनी कंचनमाल ॥२॥ रास रसगति निरख उड्पति तजी पश्चिम चाल ॥ चतुर्भुज प्रभु देव गण मन हस्यौ गिरिधरलाल ॥३॥

Raas

Pustak1-334

Malav

Rasvillas rasbhare nirtat navalkishore auo navalkishori ..

रासविलास रसभरे निर्तत नवलकिशोर औ नवलकिशोरी ॥ एकही वेष एक रूप गुण गिरिधर श्याम राधिका गोरी ॥१॥ नव पटपीत अरू नवभूषण नवकिकिंणी कटि युग थोरी ॥ दुहुँ दिसि सकल सिंगार बिराजत मानों त्रिभुवन सौभगता चोरी ॥२॥ तान बंधान वेणु रव सों मिलि बिधिना रची सुघर यह जोरी ॥ कुंभनदासप्रभु गोवर्धनधर सुरत केलि में कंचुकी छोरी ॥३॥

Raas

Pustak1-334

Malav

Chand govind gopi taaraagan baney raasmein banwari ..

चंद गोविंद गोपी तारागण बने रासमें बनवारी ॥ मुख प्रताप रंजित वृंदावन नव युवति जनसुखकारी ॥१॥ कमल नयन कमनीय मनोहर मनहरनी गोकुलनारी हस्त कमल पर गलित कुसुमदल नृत्य मान प्रीतम प्यारी ॥३॥॥ रसमय रास रसिकनी भामिनी अति रसाल बने बिहारी ॥ क्ृष्णदास प्रभु रसिक शिरोमणि रसिकराय गिरिवरधारी ॥३॥

Raas

Pustak1-334

Malav