Aaee gopi poyne paran ..

आई गोपी पॉयन परन ॥ सोई करौ जैसें संग न छूटे राखौ श्यामशरन ॥१॥ जब तुम बैन बजाय बुलाई अब जिय कित निटुराई ॥ तुमारे भजत पाप किहिं लागे किन यह बुद्धि उपाई ॥२॥ चित नहीं चलत चरण गति थाकी मन न जात गृह पास ॥ परमानंद स्वामी उदार तुम छाँड़ी बचन उदास ॥३॥

Raas

Pustak1-334

Malav

Jaaoongi boondaavan bhetongi gopaalen ..

जाऊँगी बूंदावन भेटोंगी गोपालें ॥ देखोंगी नयनभर श्याम तमालें ॥१॥ कालिंदी तट चारत थेंनु | संग सखा बजावत मृदु वेंनु ॥२॥ भौर मुकुट गुंणा अवतंस ॥ देशबसत कूजत कलहंस ॥३॥ परमानंद प्रभु त्रिभुवन॒पाल | लीला सागर गिरिधरलाल ॥४॥

Raas

Pustak1-334

Malav

Aaj gopal rasrus khelat pulin kalpataru teeraa ..

आज गोपाल रासरस खेलत पुलिन कल्पतरु तीरा ॥ शरद विमल नभ चंद बिराजत रोचत त्रिविध समीरा ॥१॥ चंपक बकुल मालती मुकुलित मत्त मुदित अलि कीरा ॥ लेत सुधंग रागिन कों ब्रज युवतिनकी भीरा ॥२॥ मधवा मुदित निसान बजावत ब्रत छाँड़त मुनि धीरा ॥ हित हरिवंश मगन मन श्यामा हरत मदनमन पीरा ॥३॥

Raas

Pustak1-335

Malav

Raasmein piya sanga naachat lait gati dhruvataalaki ..

रासमें पिय संग नाचत लेत गति ध्रुवतालकी ॥ राग त्ान सुर अलापत मिलबत बेन रसालकी ॥१॥ वाम अंस धरें सुशीतलबाहु मदनगोपालकी ॥ कहें कृष्णदास रसिक मनमोहन केलि गिरिधरलालकी।॥२॥|

Raas

Pustak1-335

Malav

Mohan boondaavan kreedat kunj banyau aeka bhaav .. sharadnisha

मोहन बूंदावन क्रीड़त कुंज बन्यौ एक भाव ॥ शरदनिशा जगमग रही मोहन बेंन बजाय ॥१॥ बेंन बजावत टेरसों ठाढ़े द्म की छाँई॥ व्रजनारी व्याकुल भईं घर घरते उठि धाई ॥२॥ नंदलाल तुम्हें जानिके आईं तिहारे पास ॥ सो चरित्र विधिनें रच्यौ रँग मिलि खेलें रास ॥३॥

Raas

Pustak1-335

Sorat

Vrajbanita madhya ransik radhika bunny sharad kii raati hoe ..

ब्रजबनिता मध्य रंसिक राधिका बनी शरद की राति हो ॥ नृत्यत तत थेई गिरिधर नागर गौर श्याम अंग कांति हो ॥१॥ एक एक गोपी विचबिच माधौ बनी अनूपम भांति हो ॥ जयजय शब्द उच्चारत सुरमुनि कुसुमन बरख अधातिहो ॥२)| निरखि थक्‍्योौ शशि आयी शीश पर क्यों हूँ न होत प्रभात हो ॥ परमानंद प्रभु मिले यह अवसर बनी है आजकी बात हो ॥३॥

Raas

Pustak1-335

Malav

Nurityat laal gopal raas mein sakal vraj baidhu sange ..

नुृत्यत लाल गोपाल रास में सकल ब्रज बैधू संगे ॥ गिडगिड तकथुंग तत थेई तत थेई भामिनि रति रस रंगे ॥१॥ शरद बिमल नभ उडुपति राजत गावत तान तरंगे ॥ तालमृदंग झाँस और झालर बाजत सरस सुधंगे॥२॥ शिव विरंचि मोहे सुर नर मुनि रतिपति गति मति भंगे ॥ गोविंद प्रभु रसरास रसिक मणि भामिनि लेत उछंगे ॥३॥

Raas

Pustak1-335

Malav

Banyon rasmandaln varr taamein mahaa mudit mridul radhapyari ..

बन्यों रासमंडल्न वर तामें महा मुदित मृदुल राधाप्यारी ॥ वरणों कहा बानिक आँग अँगकी एकरूप एकवेश एकरंग एकरास तामें लेत उपजत अति गति न्यारी ॥१॥ गावत तान तरंग निर्तत उरप तिरप लाग डाट उघटत शब्द उपज महारी ॥ यमुनापुलिन सुभग शीतल समीर मद चंद थक्‍यो निशि सब दिशि लागत उजियारी ॥२॥ मोरमुकुट माथें अंग अंग चित्र काछें ग्रीवा भुज मेलि दोउ निर्तत बिहारी ॥ कल्याण के प्रभु प्रिय प्रेम मगन द्वै लटकत फिरत करत रस क्रीड़ा ऐसे रीज्ञ वश भये गिरिधारी ॥३॥

Raas

Pustak1-335

Malav

Srirag gaabat vraj bhamini ..

श्रीराग गाबत व्रज भामिनी ॥ नृत्यत कोक कला गुण सुंदरि सकल भामिनीमें वर कामिनी ॥१॥ मिलवत तत थेई अवधर तान बंधान विमल शशि राका यामिनी ॥ तरणि > नया तीर बिमल सुखद यामिनी त्रिया गान करत अंग अंग अभिरामिनी ॥२॥ सजल श्यामधन नवल नंद किशोर हियें लागी सोहै मानों सौदामिनी ॥ कृष्णदास प्रभु गिरिगोवर्द्धधधारीलाल रिश्यौ चाहत संग स्वामिनी ॥३॥

Raas

Pustak1-336

Shri

Ghosh nagri mandal madhya naachat giridhari laal lait gati anek

घोष नागरी मंडल मध्य नाचत गिरिधारी लाल लेत गति अनेक भाँति चरन पटकनी गिडगिडता गिडगिडता ताताततततततथेई थेईथेई बीच बीच अधर मधुर मुरलिका मटकनी ॥१॥ भुजसों भुज जोर जोर लेत तान नवकिशोर गावत श्रीराग मिलि ग्रीव लटकनी ॥ सूरदास प्रभु सुजान नंदनंदन कुँवर कान्ह मदनमोहन छबि निरखत काम सटकनी ॥२॥

Raas

Pustak1-336

Shri

Saaree gumm padhani sapt swar alankrit srirag gawat vraj bhamini..

सारी गम पधनी सप्त स्वर अलंकृत श्रीराग गावत ब्रज भामिनी॥ कोकिल कलरव वर सुंदर सकल मानिनी मैं वर कामिनी ॥१॥ रिझिवत तत थेई तानबंधान शरद विमल शशि राका यामिनी ॥ कृष्णदास प्रभु गोवर्द्धन धारी लाल रिश्यो चाहत संग स्वामिनी ॥२॥

Raas

Pustak1-336

Shri

Piyako bean sikhawat pyaari |

पियको बीन सिखावत प्यारी | कुंज महलमें बैठी श्री राधा संग लिये ललिता री ॥१॥ पियकी अंगुरी ले अपने कर धरत त्तार पै प्राणआधारी । मध्यम पंचम सुर हि भरावत लाल लकुट कर धारी ॥२॥ रीस करत मनमें मुसुकावतत पलका पे सुंदर सुकुमारी । सखी बूंद खंभ छिप ठाडी जाली कोऊ चढी अटारी ॥३॥ जलकी फूही परत जल भीतर मेघघटा निर्तत नटकारी। मोर चकोर कोकिला गावत तेसीय सावन की अंधियारी ॥४॥ मेरी नई बीन है मोहन बंसी निदुर नाही हितकारी । ताहि ते तुमको यह सिखावत बातें करत विचार विचारी ॥५॥ सुनि प्रिया वचन स्याम जू बोले सुनि हो श्री वृषभान डुलारी । तुमारी क्रपा बिन हम बंसी धरी सो अब ही विसारी ॥६॥ सुनिपिय वचन हरखि के प्यारी सिखवत रिझवत देकर तारी । भक्त सदा करे आस दरसकी तट सोभित है भानसुता री ॥७॥

Raas

Pustak1-336

Sorat