Khelat raas dulhani dulhu ..

खेलत रास दुलहनि दूलहु ॥ सुन्‌हु न सखी सहित ललितादिकनिरख निरख नयनन किन फूलहु ॥१॥ अतिकल मधुर महामोहन ध्वनि उपजत हँंसमुत्ता के कूलहु ॥ थेई थेई बचन मिथुन मुख निरसत सुरमुनि देह दशा किन भूलहु ॥२।॥ भूदु पदन्‍्यास उठत कुंकुमरज अदभुत बहत समीर दुकूलहु ॥ कबहुँ श्यामश्यामा दोऊ नृत्यत्त कच कुचहार छुवत भूजमूलहु ॥३॥ भूकुटी बिलास हास रसबरखत हित हरीवंश प्रेमरस झूलहु ॥ अति लावण्य रूप अभिनय गुण नॉहिन कोटि काम समतूलहु ॥४॥

Raas

Pustak1-337

Gori

Nritya maan preetam sanga neeken kargan sulap urap tirap bund badan

नृत्य मान प्रीतम संग नीकें करगान सुलप उरप तिरप बंद बदन जोति थकित चंद गिडग्रिडता गिडगिडता थेईथेईथेई मिलईतान ॥१॥ दंंदंदं ननन मृदंग धिधिकटतारावली खरजादिक सुधर विमल स्वरजात बंधान ॥ कृष्णदास प्रभु नवरंग रसिकन चुड़ामणि इषदहास भुवबिलास रिश्यौं गिरिधर सुजान ॥२॥

Raas

Pustak1-337

Gori

Rasnayak kunwar sanga lait atisudhange ..

रासनायक कुँवर संग लेत अतिसुधंगे ॥ काछनी कटि शिर टिपारी नई नई गति रंगे ॥१॥ जोरी अति सौभग सीमा समर मान भंगे ॥ कृष्णदास प्रभु विलसत युवति यूथ संगे ॥२॥

Raas

Pustak1-337

Gori

Kaanh kamini sanga raas mandal madhya yuvati naachat tarani tanyakule ..

कान्ह कामिनि संग रास मंडल मध्य युवती नाचत तरणि तनयाकूले ॥ उदित मन्‍्मथ भाव सरस रंजित बदन देख मुख युवति जल कमल फूले ॥१॥. क्वणित मधुर मुरलिका धकित मृगलोचनी शिधिल कटितट नीवी वर दुकूले ॥ कनक बेलि मानों नव तमाल बिलसत रही लपटाय आनंद मूले ॥२॥ कोटि कंदर्प लावण्य प्रकटित रूप संगीत सुरत हिंडोल झूले ॥ कृष्णदासनिनाथ लालगिरिधवरन निरख नभ सघन उड्डराज भूले ॥३॥

Raas

Pustak1-337

Gori

Naachat gopal sange prem sahit rasarange tatthei tatthei karate ghoshnagari ..

नाचत गोपाल संगे प्रेम सहित रासरंगे ततथेई ततथेई करते घोषनागरी ॥ रूपरास अंग अंगे तततान वर सुधंगे लास्य भेद निपुण कोकरस उजागरी ॥१॥ लेत सुलप उरप तिरप अवनि उरज बदन फिरत मुखरिति मणि दाम मिले अलग लागरी ॥ क्ृष्णदास प्रभु गिरिधर मोह लीये सुवश कीये तरणि तनया तीर बधू गुणन आगरी ॥२॥

Raas

Pustak1-337

Gori

Gopbadhu mandal madhya naayak gopallal ruchiranan bimbadhar muralika dharey ..

गोपबधू मंडल मध्य नायक गोपाललाल रुचिरानन बिंबाधर मुरलिका धरे ॥ अद्भुत नटवर विचित्र भेष टेक अति सुदेश कनक कपिश काछ शिखी शिखंड शिखरे ॥१॥ कुकुझों कुकुओआँ झनकत थोंगथोंग थोंगतकिट धिकिट धिर्धीकिट तकथेई उघटत रास रसभरे ॥ जयजय गिरिराजधरन कोटि मदन मूरति पर हरिजीवन बलबल ब्रजपुरंदरे ॥२॥

Raas

Pustak1-338

Gori

Krishna tarani tanaya teer rasmondallerchyou adhar curr madhur swar venu baajai ...

कृष्ण तरणि तनया तीर रासमंडलरच्यौ अधर कर मधुर स्वर वेणु बाजै .॥ युवतती जन यूथ संग नृत्यत अनेक गति निरख अभिमान त्यज कामलाजै ॥१॥ स्याम तनपीत कोशेय पद नख रुचिर चंद्रिकां सकल भुव तिमिर भ्राजै ॥ ललित अवतंस भुव धनुष लोचन चपल चितवनि मानो मदन बाण साजै ॥२॥ मुखर मंजीर कंटि किंकिणी क्वणित रव बचन गंभीर मानों मेघ गाजें ॥ दास कुंभननाथ हरिदास वर्य धर नखशिख स्वरूप अद्भुत बिराजें ॥३॥

Raas

Pustak1-338

Gori

Tatthei tatthei tattathei thei ....

ततथेई ततथेई ततताथेई थेई ॥॥ नाचत गाबत गोपी नाना नई ॥१॥ मृदंग धीधीकटि दट्ुमद्रम दई ॥ त्रिवट ताल गति लेत नई नई ॥२॥ गोवर्द्धधारी लाल रीझे अति सई ॥ कृष्णदास प्रभु प्यारी आकों भरि लई ॥३॥

Raas

Pustak1-338

Gori

Hoe bal nirtat mohan jati ..

हो बल निर्तत मोहन जति ॥ ऐसी सुगंध प्रवीन ग्र ग्र तत थेई थेई लेत गति ॥१॥ पीत काछनी कटि लाल टिपारों छव सोहत अति ॥ गोविंद प्रभु त्रेलोक विमोहित कुंवर दोउ व्रजपति ॥२॥

Raas

Pustak1-338

Gori

Yeh gati naach nachaav naee ..

यह गति नाच नचाव नई ॥ वृंदावनमें रासबिलास सुख बाढति सई ॥१॥ भॉंतिभाँति राग गाबत स्वर अलापत केई ॥ उरप तिरप मान लेत तत ताथेई ॥२।॥ श्याम सुंदर करत क्रीड़ा प्रेमघटा छई ॥ कुंभनदास प्रभु गिरिधर छिनि छिन प्रतिनई ॥३॥

Raas

Pustak1-338

Gori

Rasmondal madhya baney douu ree ..

रासमंडल मध्य बने दोऊ री ॥ निर्तत भीने नागरी नागर रूप उजागर चंद कोटि कोटि बारने कीने री ॥१॥ कुंडल लोलनि बोलनि मुख थेई थेई अरस परस अंसन भुज दीने री ॥ आसकरन कोउ ताल बजावत कोउ मुदंग कोउ मधुरे गावत सुर झीने री ॥२॥

Raas

Pustak1-339

Gori

Saras gaabat laalan tribhangi ..

सरस गाबत लालन त्रिभंगी ॥ राग कल्यान मिल चर्चरी तालसों मधुर कर मुरलिका मोहन गुनंगी ॥१॥ रासमंडल मध्य सुबिध नाचत वे अलाग लागन लाग जुबती जन संगी ॥ कोक संगीत सुखसिंधु सावल रत्न नंदनंदन केलि मनन्‍्मथ तरंगी ॥२॥ सप्तस्वर भेद अवघर तान मानसों मंद चाल सुरति श्रीधर्म भंगी ॥ क्ृष्णदासनिनाथ लालगिरिधरनसों चल क्‍यों न मिलत लोचन कुरंगी ॥३।

Raas

Pustak1-339

Gori