Giridharan laal tere kaaranen ruchikar talp sawari ..

गिरिधरन लाल तेरे कारनें रुचिकर तल्प सवारी ॥ बैठे अकेले : कुंजमें नेंक चलौ हा हारी ॥१॥ कालिंदिके कूलपै फूलन महेल बनाय ॥ जल बरखत द्रूमकी लता सुरत पवन सुहाय ॥२॥ चली पिया पै भामनी बैठे नंदकिशोर ॥ अली गुंजत सघन बन बोलत कोकिल दादुर मोर ॥३॥ निरमल निशि शशी शरदकौ है वर्षाकौ अंत ॥ बहोरबौ रास मंडल रच्यौ सखि तिहारे कंथ ॥४)| जोबन रूप कुसुमकौ ताहि कौन पतीजै ॥| पछितायबेकौ मन रहे . सुखबिलास रस लीजै ॥५॥ दूति के बचन सुन राधिका मनमें अति रुचि बाढ़ी ॥| त न जो भूषण साजही भई तत्क्षण ठाढ़ी ॥६॥ निरबारत चली कुंज में जब मोहन सुधि पाय ॥ प्रभु मुकुंद माधो मिले रहसि कंठ लप्टाय ॥१॥

Raas

Pustak1-339

Rayso

Raas mein russ bharee radhika aavai ..

रास में रस भरी राधिका आवै ॥ बाहु पिय अंस धरि हंस गति लटकती कुच कनकघट रसिक मन सुहावै ॥१॥ तिरप तांडव लास्य उरप सुलपनि भेद निर्तत पीय संग मधुर कल गावै || लोल कटि देश मूरति रत्न मेखला नूपुर क्वणित हस्तक दिखाबै ॥ चपल मोहे नैन रुचिर मुसिक्यावनी रूप गुनरासि प्रानपति रिझ्ञावै ॥ वृषभान नंदिनी गिरिधरन नंदसुत चरन रेणु नित तहाँ कृष्णदास पावै ॥३॥

Raas

Pustak1-339

Gori

Raasmein nrityat madan mohan neeke sulap sanchagati bhed dwimidrim jhanananan mridang bajaai ree ..

रासमें नृत्यत मदन मोहन नीके सुलप संचगति भेद द्विमिद्रिम झननननन मृदंग बजाई री ॥ धिधिकट तितिकट ताल झाँझ उघटत थुंगधुंग सप्तसुर सोहाई री ॥१॥ उरपमें तिरप लेत तिरपमें उरप माँ नखमणि शोभा बरनी न जाई ॥ क्रृष्णदास प्रभु गिरिधर ये राधिका गुण आगरी सब सुखदाई ॥२॥

Raas

Pustak1-340

Kalyaan

Rasrang kanhsang nrityat vrajbhamini .. megh chakr madhya bunny

रासरंग कान्हसंग नृत्यत व्रजभामिनी ॥ मेघ चक्र मध्य बनी मानों सौदामिनी ॥ अवघर गति उरप तिरप लेत चपल भ्रोंह भामिनी ॥ हुलसत मानों मदन केलि शरद विमल यामिनी ॥१॥ गोवर्द्धधरनलाल रिझवत वर कामिनी ॥ थकित निरखि उड़ुपति सुख कृष्णदास स्वामिनी ॥२॥

Raas

Pustak1-340

Iman

Nandlal sanga naachat navalkishori !.

नंदलाल संग नाचत नवलकिशोरी !। खरज रिखभ गंधार सप्तस्वर मध्य तार लेत ग्रग्गम ततततहोरी ॥१॥ जहांरसिक गिरिधर शब्द उघटत ग्रग्न धुंग थुंगन होरी ॥ गोविंदप्रभु बनी नवनागरी गिरिधर रस जोरी ॥२॥

Raas

Pustak1-340

Kalyaan

Mohanlal key sanga lalana sohai jaisen taroo tamalke dhing phul sonjardakau ..

मोहनलाल के संग ललना सोहै जैसें तरू तमालके ढिंग फुल सोनजरदकौ ॥ बदनक्रांति अनुप भाँति नहिं समात नीलांबर गगनमें जैसें प्रगस्यौशशि पूरन शरदकौ ॥१॥ मुक्ता आभूषण युति बिंबित अंग अंग चूने मिलेरंग दूनौ होत जेसें हरदकौ ॥ सूरदास मदन मोहन गौहन की छबि बाढ़ी मेंटल दुख निरखि नैेन मैंन दरदकी ॥२॥

Raas

Pustak1-340

Kalyaan

Piya sanmukh gavanat gaj gamini ..

पिय सन्मुख गवनत गज गामिनी ॥ साज सिंगार पहर पट भूषण नखसिख अंग अंग अभिरामिनी ॥ यमुना पुलिन सुभग वृंदावन तैसीय सुभग शरद की जामिनी ॥ कुंजकुंज प्रफुलित द्वमवेली देखत प्रेम मगनभर भामिनी ॥२॥ अति उदार गिरिधरन रसिक पिय भुजभर भेंटत वह कामिनी॥ चत्रभुज प्रभु गिरिधर ऐसे शोभित मानों नवधन में दामिनी ॥३॥

Raas

Pustak1-340

Rayso

Brindavan bansi rutt bansibat yamunake tata raasmein rasik pyaari khel rachyau banamen ..

बृंदावन बंसी रट बंसीबट यमुनाके तट रासमें रसिक प्यारी खेल रच्यौ बनमें ॥ राधा माधी कर जोरें रविशशि होतभोरें मंडलमें नृत्यत दोऊ सरस सघनमें ॥१॥ मधुर मृदंग बाजै मुरली की ध्वनि गाजै सुधि न रही री कछू सुरमुनि जनमें || नंददास प्रभु प्यारी रूपउजियारी कृष्ण क्रीड़ा देख थकित सब जन मनमें ॥२॥

Raas

Pustak1-340

Jejevanti

Nrityamaan bhamini gopal sanga subhag raas ..

नृत्यमान भामिनी गोपाल संग सुभग रास ॥ तरणि तनया पुलिन बिमल बिगसत्त जाती सुवास ॥१॥ लेत सुलप उरप तिरप दरसत बर ईषद हास ॥ बदनजोति स्वच्छ कृत मोहे उड़पति आकाश ॥२॥ नीलपटकसि कंचुकी उतंग नव बिलास ॥ गोवर्द्धधरनलाल रििवत प्रभु कृष्णदास ॥३॥

Raas

Pustak1-341

Iman

Laal sanga rasrang lait maan rasikavan gragrata gragrata tatatatatyeithei gati leaney ..|

लाल संग रासरंग लेत मान रसिकवन ग्रग्रता ग्रग्रता ततततततयेईथेई गति लीने ॥| सारीगमपधनी ध्वनि सुन व्रजराज कुँवर गावत री अति जति संगति निषुण तननननननन आन आन गति चीने ॥१॥ उदित मुदित शरद चंद बंद टूटे कंचुकी के वैभव निरखि निरखि कोटिमदन हीने ॥ बिहरत बन रास बिलास दंपति मन ईषद हास छीत स्वामी गिरिवरधर रसवश तबकीने ॥२॥

Raas

Pustak1-341

Iman

Mohani madan gopallalki baansuri ..

मोहनी मदन गोपाललालकी बाँसुरी ॥ मधुरे श्रवण पुट सुनत स्वर राधिके करत रतिराज के तापकौ नास री ॥१॥ शरद राका रजनी विपिन वुंदा सुखद अनिल तन मंद अति शीतल सुवास री ॥ सुभग पावन पुलिन भृंग सेवत नलिन कल्पतरु रुचिर बलवीर कृत रास री ॥२॥ सकल मंडल भली जहाँ हरिसों मिली बनिता बर बनी उपमा कहीं कासु री ॥ कूंज कंचन तनी लालमरकतमनी उभे कलहंस हरिवंश बलिदास री ॥श)।

Raas

Pustak1-341

Iman

Gragrathung thung tita kitt thringan aeka charan karason bharein juu bhalein mridang bajaabvai ..

ग्रग्रथुंग थुृंग तित किट थृंगन एक चरण करसों भरें जू भलें मृदंग बजाबवै ॥ दूसरे कर चरणसों कठताल झंझंझ झपतालमें अब घर गरि उपजावै ॥१।| कंठ सरस सुरहे गावै मोहन मधुरतान लाबै सकल कला पूरण वृषभाननंदिनी पिय मनभावै ॥ गोविंदप्रभु पिय रिि रहे मुरझाई दशन दशन धरकें रहसि उरसि लपटावै ॥२॥

Raas

Pustak1-341

Iman