Bikat bikat nikat nikat bhedan mridang bajaigau ..

बिकट बिकट निकट निकट भेदन मृदंग बाजैगौ ॥ गिरिधरलाल बजावत गावत सप्र स्वर्न मिलि ताधिलां ताधिलां धिलांता गिडम्रिडगिड गाजैगौ ॥१॥ उघटत शब्द तत्त ताथेईवेई यहि विधि ब्रजबनिता नाचत नवसत सिंगार साजैगौ ॥ चंचल शशि प्रभु रिझवत कर बुझबत सैन दे दे रतियुत रतिपति लाजैगो. ॥२॥

Raas

Pustak1-342

Iman

Shyam naval naval badhu kunjan madhya naval keli chand naval raas rachit sharad sharvari ..

श्याम नवल नवल बधू कुंजन मध्य नवल केलि चंद नवल रास रचित शरद शर्वरी ॥ ताल धरनि एक मृदंगनि एक रवाब बजावै उपंगन मध्य नायक नॉचत गावत जोरी कर्वरी ॥१॥ तट तरंगन निकट तरुणी कटितट मृदु चंपक बरणी बाम दक्षिण प्रीति भाव करत गर्व री ॥ गिरिवरधर भदनमोहन भूलि रहौ सकल गगन मगन कृष्णदास कहत बहुत प्रेम पर्व री ॥

Raas

Pustak1-342

Iman

Shyam sajani sharad rajani pulin madhya nrityanat taantrigata taantrigata tirap bund karat kamini ..

श्याम सजनी शरद रजनी पुलिन मध्य नृत्यनाट तांतृगता तांतृगता तिरप बंद करत कामिनी ॥ गिड़िगिडां गिडिगिडां गिडगिडगिडगिडगिडां थिधी किटता लागदई झांझांझां झनननननन सुरउपंगनी ॥१॥ श्यामाकों यह नाद भावे तांत्रगता तांत्रगता गतिहिं लावे तततततत शब्द लेत कोटिकामिनी ॥ कृष्णदास यशहिं गावै कर ताथेई थेई नचावै काकृति काकृति काकृति काकृति करे मृदंगगी. ॥२॥

Raas

Pustak1-342

Iman

Banyau haye rasmondal maaee kamalanayan madhur cull venuswar gaaven ...

बन्यौ है रासमंडल माई कमलनयन मधुर कल वेणुस्वर गावें ॥. हस्तक भेद दिखावें गोपिन प्रेम बढ़ावैं ॥ मानों भूषति रतिरण जीते आवें ॥१॥ युवतिवृंद संग नाचत अपने रंग तानतरंग अनागति उपजावैं ॥ थकित सघन चंद रथ न पश्चिम धावैं ॥ इंद्र मुदित मन नभ निशान बजावैं ॥२॥ गोवर्द्धन धारी लाल मदन ताप नसावैं ॥ चारुचरण रज क्रृष्णदास पावैं ॥३॥

Raas

Pustak1-342

Iman

Gidgiutantantan dhitaadhitaan mandilaga baajai ..

गिडगिउतांतांतां धिताधितां मंदिलगा बाजै ॥ तांधिला घिलांधिलां धिधिकट धिधिकट धननननथुंग ग्रिडगिडथुं गिडिगिडथुं घन प्रचंड गाजै ॥१॥ थुंगधुंगथुंगभुंगथरथरतनननननन थेई थेई शब्द उघटत नटवर नट राजै ॥ कृष्णदास प्रभु गिरिधर प्यारी संग नृत्य करै अंग-अंग कोटि सुलक्षण मन्मथ मन लाजै ॥२॥

Raas

Pustak1-342

Iman

Gawat giridharan sanga param mudit raas rung oorap tirap lait taana naagar nagri ..

गावत गिरिधरन संग परम मुदित रास रंग ऊरप तिरप लेत तान नागर नागरी ॥ सारीगमपधनी ऊघटत गति सप्त सुरन लेत लाग डाट सुलप अति उजागरी ॥१॥ चर्बित तांबूल देत ध्रुवताल गतिहीं लेत गिडगिडता थुंगथुंग अलाग लोग री ॥ सुरति केलि रति बिलास बलि बलि बलि कुंभनदास आनंद नंदन राधावर सुहाग री ॥२॥

Raas

Pustak1-343

Iman

Aaj shyama bunny shyam sange ..

आज श्यामा बनी श्याम संगे ॥ पहरि तन कंचुकी नीलसारी बनी बिबिध मोतिन गुही सुभग मंगे ॥१॥ मंद मुसिक्यान मूदु चणल मृगलोचनी लटकि लपटात हरि मूदुल अंग ॥ भेंट तन ताप हीयें भेंट भर भुजनसों करत मधुपान पीय लै उछंगे ॥२॥ किंकिनी कुनित कटि पेंजनी झनक पग निर्तत सुलप लेत थेई थुंगे | सकल सुख करन श्रीलालगिरिवरधरन दास कुंभन विपिन रास रंगे ॥३॥

Raas

Pustak1-343

Iman

Sughar radhika praveen bansibat raas rachyau sthaama sanga varr sudhang tarani tanaya teere ..

सुघर राधिका प्रवीन बंसीबट रास रच्यौ स्थामा संग वर सुधंग तरनि तनया तीरे ॥ आनंद कंद वृंदावन सरद चंद पवनमंद कुसुमपुंज ताप दवन धुनित अलिकुटीरे ॥१॥ रुनित किकिनी सुचारु नूपुर मणि बलयहार अंगवर सुधंग तार तिर॒प तरल चीरे ॥ गावत अति रंग रहौ व्यास रस प्रवाह बह्मो निरख नैनमीन करत प्रेमसिंधु सीरे ॥२॥

Raas

Pustak1-343

Iman

Taisaui trivat mukh ughatat poyne lait taisaui mridang baaje dhadhilang ..

तैसौई त्रिवट मुख उघटत पॉयन लेत तैसौई मृदंग बाजे धाधिलांग ॥ जहीं जहीं हस्तक तहीं तहीं दृष्टि मन तहीं भाव गति बिलास ग्रीव टक भ्रकुटी भंग ॥१॥ ऊरप तिरप हुर्मईस लाग डाट कर सुदेश लेत अनाघात फरकत सब अंग ॥ सूरदास मदन मोहन रीझे हाथ धर माथ बाँह जोरी कीयें डोलत प्यारी के संग ॥२॥

Raas

Pustak1-343

Iman

Mund mund murali dhuni baajai nirtat kumar kanhaiya ..

मंद मंद मुरली धुनि बाजै निर्तत कुमर कन्हैया ॥ जैसीय निरमल शरद चाँदनी तैसीय बनी उुल्हैया ॥१॥ चंदन की खोर करैं बनमाला कंठ धरें कंचन की बेली मानों सरस ऊल्हैया ॥ कृष्ण जीवन लछीराम के प्रभु प्यारे दोऊ कर लेत बलैया ॥२॥

Raas

Pustak1-343

Iman

Aliri mandmand muralidhuni baajat nrityat kunwar kanhaiya .|

आलीरी मंदमंद मुरलीधुनि बाजत नृत्यत कुंवर कन्हैया ।| मुरलीधुनि बाजत नृत्यत कुंवर कन्हैया ॥ तैसीये सरदकी चांदनी निरमल तैसी बनी दुल्हैया !१॥| चंदनकी खौरकिये और वनमाल हिये कंचनकी बेली मानों बनी दुल्हैया ॥ कृष्णनीवन लछीरामके प्रभु प्यरे दोऊ कर लेत बलैया ॥२॥

Raas

Pustak1-344

Iman

Gopi gopal laal raas mandal maanhi ..

गोपी गोपाल लाल रास मंडल मांही ॥ थेई थेई थेई ताथिलांग निर्तत गल बांही ॥ द्ुम द्रम द्रुम द्रुम मृदंग झननननन रूप रंग ग्रग्रत ग्रग्रत ताधिलांग उघटित रसनारी ॥१॥ बीच बाल बीचलाल प्रति प्रति प्रति युति रसाल ओघट अति गति उताल निरख द्रग सिराई ॥ श्री राधा मुख शरद चंद पोंछत श्रम जल आनंद नंद नंदन लटक लटक करत मुकुट छांई ॥२॥ तततत थेई सुधर द्योत शशिय रथ क्‍यों मध्यनि ठाठ उरप तिरप लाग डाट दंपति अति सांधे ॥ गावत रस भरे रंग तान ताल सुर उमंग आनंद उपजत अनंग रीझत हरि राधे ॥३॥ ठाड़े व्योमन विमान देखत सुर शक भान देव अंगना निधान रीझ आ्राण वारे || चकित थकित जमुना नीर खग मृग डग मग शरीर जे जे बलवीर सूर बल सखा तिहारे ॥४॥

Raas

Pustak1-344

Iman