Nartat raas rung aeye pyaaro ..

नर्तत रास रंग ए प्यारो ॥ रसिकन रस भरे हो सुलप संच गति लेतहें ग्रग्रताता थेई थेई बाजत मृदंग ॥१॥ ताल जंत्र किन्नरी कतर भेद तेसीय मिलिहें सरस उपंग ॥ गोविंद प्रभु के भू मदमाती युवती युथ ग्रथित कुसुम सिर मोतिन मंग ॥२॥

Raas

Pustak1-344

Iman

Raajat rangbhini bhamini saanvare preetam sange ..

राजत रंगभिनी भामिनी साँवरे प्रीतम संगे ॥ निर्तत चंचल गति कही न परत दुति लहलहान सीखी नवघन जहाँ दामिनी ॥१)। जुवति मंडल में मध्य रूप गुनकी अवधि तातें कहावै संगीतकी स्वामिनी ॥ राग रंग की रानी ततथेई की कलबानी कछुक सीखी कोकिला की कामिनी ॥ नंददास रीझे तहाँ अपने पौ बास्बौ जहाँ रन रंभा अभिरामिनी ॥२॥

Raas

Pustak1-344

Bihaag

Theit theit geedi geedi taka taka thong thong ..

थेईत थेईत गीडी गीडी तक तक थोंग थोंग ॥ ततथेई थेई नृत करत नट नागर अवघर गति आन आन || तकधिलांग तकधिलांग धुमकिट धुमकिट मधुर मधुर बाजे मृदंग ॥ अलग लाग उरप तिरप सरत सूरन मिली तान ॥१॥ बीन कीन्‍्नरी पिनांग महुवर कर कठताल लाल लाडली गुण निधान ॥ परम विचित्र अति सुजान ॥ क्रृष्णदास प्रभु गोपाल मोही सब ब्रज की बाल ॥ बांकी श्रोंह बांके नेन मारत मानो सर कमान ॥२॥

Raas

Pustak1-344

Iman

Laal saanvaren hoe saisiye bihaarani gori .. taa chhinuki bali

लाल साँवरें हो सैसीये बिहारनि गोरी ॥ ता छीनुकी बलि जाऊँ सखीरी जा कर करत निहोरी ॥१॥ कंकण मणि मर्कत मणि प्रगटि बरसांनौ नंदगाँउ रे ॥ दिधना रचित न होय श्रीभट राधा मोहन नाउरे ॥२॥

Raas

Pustak1-345

Bihaag

Banyau morr mukut natavarabapu sthamsundar kamal nayan bonki shronh lalit bhaal ghungharvaari alke ..

बन्यौ मोर मुकुट नटवरब॒पु स्थामसुंदर कमल नयन बॉँकी श्रोंह ललित भाल घुँघरवारी अलके ॥ पीतबसन मोतीमाल हियें पदक कंठलाल हँसन बोलनि गावन गंडन श्रवण कुंडल झलकें ॥१॥ करपद भूषण अनूप कोटि मदन मोहनरूप अद्भुत बदनचंद देख गोपी भूली पलके !| कहि भगवान हितरामरायप्रभु ठाढ़े रासमंडलमें राधासों बाँह जोटी कियें हियैं प्रेमललकें ॥२॥

Raas

Pustak1-345

Kanharo

Nrityamaan rasrang kaanh sanga ghoshnar gidgidtatheithei navabilasani ..

नृत्यमान रासरंग कान्ह संग घोषनार गिडगिडततथेईथेई नवबिलासनी ॥ बदनजोति मोहत नभ सघन चंद रूपरस बामबाहु नाथ अँस ईषद हासनी ॥१॥ बीच बीच सुरतकेलि जानों तमाल कनकबेलि अरुझ रही अंगअंग बिगतबासनी ॥ कृष्णदास प्रभु गिरिधर अधरामृत रंगराची भुवि बिलास मत्त मदन गर्वनासिनी ॥२॥

Raas

Pustak1-345

Kanharo

Sommel moodul manohar moorati nand suvan yuvatin sanga gawat|..

सॉमल मूदुल मनोहर मूरति नंद सुवन युवतिन संग गावत|॥ सगरंग रसरसिक रसिकनी राधामोहन प्रेम बढ़ावत ॥१॥ नूपुर रुनत क्वणित कटि किकिणी सुरवरसों मिलि वेणु बजावत ॥ तानमान बंधान अनागत अवघरतान भेद उपजावत ||२॥ कौतुक रासविलास सुधानिधि कमल नयन मनसिज शर लावत ॥ नृत्यमान प्यारी प्रीतम पदरज कृष्णदास नौछावर पावत ॥३॥

Raas

Pustak1-345

Kanharo

Patihaaye naina kahein deit rawre kaisen chori durey ..

पतिहाये नैना कहें देत रावरे कैसें चोरी दुरे ॥ तुम मुकरत हो ये आनन चंढ़ि गरजत गाजि बादर करत कैसेंधीं मुख मुरे ॥१॥ सोचे न झूठे करत इन बातन साह भयो चहत असि विधि तुमहीकों फुरै ॥ चतुरबिहारी गिरिधारी जानि पहचाने जू तूमसों झगरौ कौन करे ॥२॥

Raas

Pustak1-345

Bihaag

Karlidi key coole manohar khelat yuvati sanga ..

कार्लिदी के कूल मनोहर खेलत युवती संग ॥ रासविनोद नंदनंदन पिय भीजे रतिरस रंग ॥१॥ तान बंधान सप्त स्वर मिलवत वीणावेणु उपंग ॥ बाजे अनेक कहॉलों बरनों किन्नरि ताल मृदंग ॥२॥ गुणनिधान हरि लेत नृत्य में अवघर तान तरंग ॥ श्रम जलकण भर बदन प्रियाकौ पौंछ सुधारत मंग ॥३॥ सुघरराय गोवर्द्ध/ नायक भामिनी सौभग अंग ॥ कृष्णदासप्रभु विश्व विमोहन देव सती द्रत भंग ॥४॥

Raas

Pustak1-346

Kanharo

Arrie milaniyan mohan gawat ..

अरी मिलनियाँ मोहन गावत ॥ अधर वेणु धर सप्त सुरन सों राधे नाम ले तोहि बुलावत ॥१॥ यह जानी गति प्राणनाथ की तानन राग अनंग बढ़ावत ॥ राका रजनी शरदचंद की रंजित छबि कौतुक उपजावत ॥२॥ सुरत दैन युवती मृगनयनी चपलनयन ओ्रौहन सरलाबत ॥ कृष्णदासप्रभु गिरिधरनागर रासरसिक बड़भागिन पावत ॥३॥

Raas

Pustak1-346

Kanharo

Sikhwat harikon murali bajaavan ..

सिखवत हरिकों मुरली बजावन ॥ सप्तरंध्र पर धरत अँगुरीदल कंध बाहु धर मधुरे गावन ॥१॥ सरसभेद जति राग कान्हरो गति बिलास वर नयन नचावन ॥ कृष्णास बल बल वैभवकी गिरिधर पियप्यारी मनभावन ॥२॥

Raas

Pustak1-346

Kanharo

Raag kanharo tum hii pai suniyat suni vrishbhan nandani raadhe..

राग कान्हरो तुम ही पै सुनियत सुनि वृषभान नंदनी राधे॥ तान बंधान अनूपम गतिसौं करत सुंदरी मो मन साथे ॥१॥ कोक कला संगीत निपुन री उघटत शब्द ताताथेई ताधे ॥ कृष्णदास गिरिधरन प्रशंसित कहा कहों रस सिंधु अगाथे ॥२॥

Raas

Pustak1-346

Kanharo