Nrityat rasranga rasikaras bharey hoe ..

नृत्यत रासरंगा रसिकरस भरे हो ॥ सुलप संचगति लेत ग्रग्रततततथेईथेई बाजत मुदंगा ॥१॥ ताल झाँझ किच्नरि कतर भेद तैसीये मिली सरस सुर उपंगा ॥ गोविंदप्रभुके रस माते युवती यूथ मधि खसित कुसुम शिर मोतीनमंगा ॥२॥

Raas

Pustak1-346

Kanharo

Giridhar peeya rishwat sumukhi alapat raag kaanharon .

गिरिधर पीय रिश्वत सुमुखी अलापत राग कानहरों । मन अटक्यौ मनमोहन महीयाँ लेत तान है गयो तानरों ॥॥॥ चपलनैन पल्रकन लगत बिगल्ित भ्रुव करत गानरो ॥ कृष्णदास प्रभु रसिक मुकट मणि गाढ़े आलिंगन दे बन्यौ बानरों ॥२॥

Raas

Pustak1-347

Kanharo

Adhar benn madhur madhur gaabat gopalrai adbhut sur taana maan param mudit karat gaan ..

अधर बेंन मधुर मधुर गाबत गोपालराई अद्भुत सुर तान मान परम मुदित करत गान ॥ जुवती सत जूथ मिलि गतिही झप ताल लेत बोलत ततथेईथेई थोंग थोंग परतमान ॥१॥ नहंदंद्रंनननि मृदंग गति तिकटे तालावली धीधीधीधीधीधीधीधीधीधीधीधी सुर भाँति विधान ॥ कृष्णदास प्रभु नवरंग रसिक चूड़ामनी ईषद हास भुुवबिलास रिझये गिरिधर सुजान ॥२॥

Raas

Pustak1-347

Kanharo

Shyam tere dahadahe nain kamal phoole bimal amal sarovar antar ..

श्याम तेरे डहडहे नैन कमल फूले बिमल अमल सरोवर अंतर ॥ शोभित तारे कारे कजरारे मानों बीच बसे री मधुकर ॥१॥ ढुरन मुरनि चितबनि हँसोंहीं लजोहीं अँखियनमें मनहरनी छबि आप रीझ बस कीये नंदकुमरवर ॥ मुरारीदास प्रभु तिहारे ऐसे द्रग मग सुभाव हाव कटाक्षतोचन कामदुख मोचन अरु जीते हैं समर सर ॥२॥

Raas

Pustak1-347

Kanharo

Nandasuban sanga naachat vraj bhamini akhaaren ponchpiroja jhalkat gund mandit bhoomi ..

नंदसुबन संग नाचत ब्रज भामिनि अखारें पॉँचपिरोजा झलकत गंड मंडित भूमि ॥ जुगल रंध्र ऊठत अद्भुत गीतावली बिबिध तान फौंदा रहे झूमि ॥१॥ राग तान ताल गति रिश्वत ग्रानपति तिरप बंधान रस लेत प्रान पूमि ॥ क्ृष्णदास प्रभु गिरिधर पीयकों ऊगार पायौ तैं प्रेमानंद बंस कीयो कामदूमि ॥२॥

Raas

Pustak1-347

Kanharo

Pyaari pug haulenhaulen dhara ..

प्यारी पग हौलेंहौलें धर ॥ जैसें तेरे नूपुरन बाजही जागत ब्रजको लोग नाहीं सुनायवेयोग हाहारी हठीली नेक मेरो कह्योकर ॥१॥ जौलों बनवीधिनमांहि सघनकुंजकी परछांहि तौलों मुखढांप चल कुंवररसिकवर ॥ नंददासप्रभु प्यारीछिनहुं नहोय न्‍्यारी शरदउजियारी जामें जैहो कहूँरर ॥२॥

Raas

Pustak1-347

Kanharo

Mandal madhya rung bharey shyama shyam rajenri ..

मंडल मध्य रंग भरे श्यामा श्याम राजेंरी ॥ धररररररररररसमुरली घोर गाजैं री ॥१॥ गान करत व्रजकी बाम सप्तसुरन तीनग्राम अंगअंग अभिराम मन्‍्मथ मन लाजें री ॥ मंदमंद हास करें रीक्षिरीज्ि आँकौ भरें नयनन मध्य लेत मान अति सुदेश छाजैंरी ॥२॥ युवती जन नृत्य करें श्याम ग्रीव भुजा धरें श्यामा संगीत उघट रसही रस सारी || धिधिकिटता धिधिकिटता धिलां धिलां घिलां धिधिकिटथिधिकिट थेईथेई गिडगिडतक बाजैंरी ॥३॥ रररैंन रीझ् रही यययमुना थकित भई चचचचंद गगगगन पपपपपश्चिम रथन भाजैंरी ॥ क्ृष्णदास प्रभु बिलास बरखत नव रूपरास वृंदावन वर बिलास रंग बढ़यो आजेरी ॥४॥

Raas

Pustak1-348

Adano

Mandal madhi bundavan nrityat mohan kunj bihaari .. nupur dhuni

मंडल मधि बुंदावन नृत्यत मोहन कुंज बिहारी ॥ नूपुर धुनि सुनि मोहे बाजत मृदंग द्वुम बेली प्रफुल्लित शरद चंद उजियारी ॥१॥ कान्ह कुँवर हितकारी सुनि वृषभान दुलारी चलि राधे हा हा री तू प्राननतैं प्यारी ॥ कूल प्रभु प्यारी छिन नहीं होत न्यारी कह्मौ मानि मेरौ नटनागर सों पग धारी ॥२॥

Raas

Pustak1-348

Adano

Chatkilau putt laptaanau cutty bansibat jamunaake tata thaadhi naagar nutt ..

चटकीलौ पट लपटानौ कटि बंसीबट जमुनाके तट ठाढी नागर नट ॥ मुकुट लटक और कुंडल चटक भ्रुकुटी बिकट तामेँ अटक्यौरी मदनभट ॥१॥ चरण लपेट आछे कनक लकुट चटकीली बनमाल कर टेकें द्रुम डाल ठेढ़े ठाढ़े नंदलाल छबि छाई घटघट ॥ नंददास प्रभु प्यारी बिन देखें गोपीग्वाल टारी न टरत यातैं निपट निकट आवै सौंधेकी लपट ॥२॥

Raas

Pustak1-348

Adano

Nirtat raas mandal madhi rung rahee firat baanhjoti gopinamil kaanh ..

निर्तत रास मंडल मधि रंग रही फिरत बाँहजोटी गोपिनमिल कान्ह ॥ पाँइन नुपूर बजावै हस्तक भेद बतावै गिडिगिडि ताथेई ताथेई ताथेई थेई लेत उरप तिरप मान ॥१॥ मुरली धुनिनाद छायौ मनकी गति पंग भई श्रीयमुना थकित रही सुरनर मुनि टस्यौ ध्यान ॥ चिरजीयो श्रीराधा मदनमोहनजू की जोरी ऊपर जनहरिया प्रभु बारत अपनी तन मन प्रान ॥२॥

Raas

Pustak1-348

Adano

Bansibatke nikat hari raas rachyau haye morr mukut arr odhi peetpat ..

बंसीबटके निकट हरि रास रच्यौ है मोर मुकुट अर ओढ़ि पीतपट ॥ श्रीबृंदावन कुंज सघन बन सुभग पुलिन ओर यमुनाके तट ॥१॥ आलस भरे उनींदे दोउ जन श्रीराधाजू ओर नागरनट ॥ व्यास रसिक तन मन धन फूले लेत बलैयाँ कर अँगुरिन चट ॥२॥

Raas

Pustak1-348

Adano

Poorat madhure venu rasal ..

पूरत मधुरे वेणु रसाल ॥ चारु ध्वनि वे सुनत श्रवणन बिमोही व्रजबाल ॥१॥ राजऋतु गिरि गोवर्द्धन तट रच्यो रास गोपाल ॥ निरख कौतुक चंद भूल्यो तजी पश्चिम चाल ॥॥२॥ सुनि थके सुरनर पवन पशु खग सुधि न रही तिहिं काल ॥ दास कुंभनप्रभु हर्यौ मन गोवर्द्धधधर लाल ॥३॥

Raas

Pustak1-349

Kedaro