Govind karat murali gaan . adhar kardhar syaam sunder saptaswar

गोविंद करत मुरली गान । अधर करधर स्याम सुंदर सप्तस्वर बंधान ॥9५॥ बिमोही व्रजनारि पशु खग सुनत धर रहे ध्यान ॥ चल अचल सबकी भई यह गति अनूपम आन ॥२॥ सुनत तजी समाधि मुनिजन थके व्योम विमान ॥ कुंभनदास सुजान गिरिधर रची अद्भुत तान ॥३॥

Raas

Pustak1-349

Kedaro

Raasmein rasik mohan baney bhamini ..

रासमें रसिक मोहन बने भामिनी ॥ सुभग पावन पुलिन सरस सौरभनलिन मत्त मधुकर निरक शरदकी यामिनी ॥१॥ त्रिबिध रोचक पवन ताप दिनमणि दवन तहाँ ठाढ़े रवन संग शत कामिनी ॥ ताल बीणा मृदंग सरस नाथत सुधंग एकतें एक संगीतकी स्वामिनी ॥२॥ रागरागिन जमी विषिन बरखत अमी अधरबिंवन रमी मुरली अभिरामिनी | लाग डाप उरप सप्तस्वरनसों सुलप लेत सुंदर सुभग राधिका नामिनी ॥३॥ ततथेईथेई करत गतिब नूतन धस्त पगन डगमग धरत मत्त गजगामिनी ॥ धाय नवरँग धरी उरसि राजत खरी उभय कलहंस हरिवंश घनदामिनी ॥४॥

Raas

Pustak1-349

Kedaro

Raine reejhi hoe pyaare harikau raas dekh yaahi tein adhik badh gaee ree gain ..

रेन रीझी हो प्यारे हरिकौ रास देख याही तें अधिक बढ गई री गैन ॥ चल न सकत हरि रूप बिमोही रही एकटक आए नक्षत्र नैन )१॥ छबिसों छूटत मानों बिचबिच तारे हीरा के आभूषण पर बार डारों जग ऐन ॥ चंदाहू थकित भयौ देखबेके लालच रह्यौ भयौ देखकें परम चैन ॥२॥ जौ लों इच्छा भई तौलों नाँचें हैं गोपी गोपाल अद्भुत गति मौ पै कही न परत बैन ॥ नंददासप्रभु को बिलास रास देखबेकुँ मन्ममथहूकौ मन मधथ्यौरी मन ॥३॥

Raas

Pustak1-349

Kedaro

Suna dhwani murali bunn baajai hari raas rachyau ..

सुन ध्वनि मुरली बन बाजै हरि रास रच्यौ ॥ कुंजकुंज द्रुमवेलि प्रफुल्लित मंडल कंचन मणिन खच्यौ ॥१॥ नृत्यत युगल किशोर युवतिजन मन मिल राग केदारो सच्यो ॥ हरिदास के स्वामी स्यामा कुंजबिहारी नीकें आज गोपाल नच्यी ॥२॥

Raas

Pustak1-349

Kedaro

Raas rachyau bunn kunwar kishori ..

रास रच्यौ बन कुँवर किशोरी ॥ मंडल बिमल सुभग बूंदावन यमुनापुलिन स्थामघन गोरी ॥१॥ बाजत वेणु रबाब किन्नरी कंकण नूपुर किंकिणी सोरी ॥ ततथेई ततथेई शब्द उघटत पीय भले बिहारी विहारिन जोरी ॥२॥ बरहा मुकुट भ्रकुटी तट आबत धरें भुजन में भामिन भोरी ॥ आलिंगन चुंबन परिरंभण परमानंद डारत तृणतोरी ॥३॥

Raas

Pustak1-349

Kedaro

Raakhat rung girivardharan ..

राखत रंग गिरिवरधरन ॥ रासरंग सरस रच्यौ नृत्य गति मनहरन ॥१॥ शरद उड्डपति किरण रंजित बिपिन नाना बरण ॥ तरणि तनया पुलिन में सुख रासि प्रकटित करण ॥२॥ सुभग युवति कदंब संगीत सुरत सागर तरण ॥ भर्तू काव्य सुधा सरोवर राज बिहरन ॥३॥ तत थेई तत थेई थेई शब्द गति उच्चारण ॥ कृष्णदासनिनाथ निज भुज त्रिया उर विस्तरण ॥४॥

Raas

Pustak1-350

Kedaro

Puripuri puranmasi purbau pooryau sharadkau chandaa |

पूरीपूरी पूरणमासी पूर्बौ पूरयौ शरदकौ चंदा | पूरयौ है मुरली स्वर केदारों कृष्ण कला संपूरण भामिनी रास रच्यौ सुख कंदा ॥१॥ तान मान यति मोहन मोहे कहियत औरही मन मोहंदा || नृत्य करत श्रीराधा प्यारी नचवत आप बिहारी उघटत थेईथेई थुगन छंदा ॥३॥ मन आकर्षि लियो व्रजसुंदरि जयजय रुचिर रुचिर गति मंदा ॥ सखी असीस देत हरिवंशी तैसेंई बिहरत श्रीवृंदावन कुँवरिकुवर नंदनंदा ॥३॥

Raas

Pustak1-350

Kedaro

Aaj mohan rachee rasrus mandali .. udit pooran nisha naath

आज मोहन रची रासरस मंडली ॥ उदित पूरण निशा नाथ निरमल दिशा देख दिनकर सुता सुभग पुलिन स्थली ॥१॥ बीच हरि बीच हिरणाक्ष माला रची तरुलता पिच्छ मानों कनक कदली रली || पवन वश चपल द्रुम डुलनसी देखियत चारु हस्तक भेद भाँत भारी भली ॥२॥ चरण विन्यास कर्पूर कुंकुम धूरि पूरि रही दिश विदिश कुंजनबनकी गली ॥ कुंद मंदार अरविंद मकरंद मिलि कुंज पुंजन मिले मंजु गुंजत अली ॥३॥ गान रस तनक बाण बेध्यो विषपान अभिमान मुनि ध्यान जिय दलमली ॥ अधर गिरिधरनके लाग अनुराग मिल जगत विजई भई मुरलिका काकली ॥४॥ रसभरे मध्य मंडल बिराजत खरे नंदनंदन वृषभानजूकी लली ॥ देख अनमेष लोचन गदाधर युगल लेख जिय आपने भाग्य महिमा फल्ली ॥५॥

Raas

Pustak1-350

Kedaro

Shyam sanga radhika rasmondal bunny ..

श्याम संग राधिका रासमंडल बनी ॥ बीच नँदलाल ब्रजबाल चंपक बरण जनु घन त़तड़ित बिच कनक मरकत्त मणी ॥१॥ लेत गति मान तत थेई हस्तक भेद सारीगमपधनी ए सप्नस्वर मंदनी ॥ नृत्य रस पहिर पट नील प्रकटित छबि बदन जनु जलद में हिमकिरन की चाँदनी ॥२॥| रागरागणी तानमान संगीत मध्य थकित राकेश नभ शरदकी यामिनी ॥ मिलत हरिवंश प्रभु हंस कटि केहरी दूर कर मदन मत्त गजगामिनी ॥३॥

Raas

Pustak1-351

Kedaro

Rishshayi sakhiri tein sauvery sujanrai ||

रिश्षयी सखीरी तें सॉवरी सुजानराय || तान बंधान अनूपम गतिसों मधुर ताल स्वर सुधर गाय ॥१॥ राखे प्रेम प्रमोद प्राणपति ग्रूढ़भाव सैंनन जनाय ॥ उघटत शब्दसंगीत स्वामिनी नृत्यत पग नूपुर बजाय ॥२॥ हरिसंग रासरंग राख्यों मिलिके अंगअंग गुण बहुत भाव ॥ चब्रभुज गिरिगोवर्द्धनघारीलाल लेत रहसि हँसकंठ लाय ॥३॥

Raas

Pustak1-351

Kedaro

Nrityat raas mein rangarahmau ..|

नृत्यत रास में रंगरह्मौ ॥| भये मोहित चलअचल हरि जबही वेणु गह्मौ ॥१॥ बिपिन बूंदा सच्यौ जो सुख परत नॉहि कह्मौ ॥ प्रेम प्रभु संग रंग रसकौ उमंग वारिधि बह्लो ॥२॥

Raas

Pustak1-351

Kedaro

Sharad suhai hoe yamini bhamini raas rachyau ..

शरद सुहाई हो यामिनी भामिनी रास रच्यौ ॥ बंसीबट यमुनातट शीतल मंद सुगंध समीर सच्यौ ॥१॥ बाजत ताल मृदंग राधा संग मोहन सरस सुधंग नच्यौ ॥ उरप तिरप गति लेत सुलप अति बिथकित लज्ित मदन लच्यौ ॥२॥ कोक कला संगीत गीत रस रूप मधुरता गुणन बच्यों ॥ भूकुटी बिलास हास रस बरखत ब्यास परम सुख नयन जच्यौ ॥३॥

Raas

Pustak1-351

Kedaro