Aliri rasmondal madhya nritya karat madan mohan adhik sohan

आलीरी रासमंडल मध्य नृत्य करत मदन मोहन अधिक सोहन लाड़िली रूप निधान ॥ चलन चारु हस्तभेद मिलवत आछी भाँत-भाँत मंदहास भ्रुव बिलास लेत नयन नहीं में मान ॥१॥ दोऊ मिल राग केदारों अलापत होड़ाहोड़ी उघटत बिकट तान ॥ परमानंद निरख गोपीजन बारत हैं निज प्राण ॥२॥

Raas

Pustak1-351

Kedaro

Shrivrishbhan nandini naachat laalan giridharan sanga laag daat urpatirap rasrang rakhyo ..

श्रीवृषभान नंदिनी नाचत लालन गिरिधरन संग लाग डाट उरपतिरप रासरंग राख्यो ॥ झपताल मिल्यो राग केदारों सप्तस्वरन अवधर वर सुघर तान गान रंग राख्यो ॥१॥ पाई सुख सुरति सिद्धि भरत काम बिबिध रिद्धि अभिदल नवसत सुहाग हुलास रंगराख्यौ || बनिता शतयूथके पीय निरख थकक्‍्यौसघन चंद बलिए'री क्ृष्णदास सुयश रंग राख्यो ॥२॥

Raas

Pustak1-352

Kedaro

Aaj nandanand mukhchand bunn raajain ..

आज नंदनंद मुखचंद बन राजैं ॥ जटित मणि मुकुट और सुभग कुंडल चटक बसन पट पीत भ्रुव मठक छाजें ॥१॥ रासमें रसिक वर ललित संगीत स्वर मधुर मुरली मृदंग ताल बाजैं ॥ श्रीविइलगिरिधरन क्वणित नुपुर चरण सुनत भई घोष त्रिय थकित आजैं ॥२॥

Raas

Pustak1-352

Kedaro

Rasrang nrityamaan adbhut gati lait taana yamunapulin param

रासरंग नृत्यमान अद्भुत गति लेत तान यमुनापुलिन परम रवनिगिरिवरधर राजैं ॥ बनिता शतयुथ मंडल गंडन पर झलकें कुंडल गावत केदारो राग सप्तस्वरन साजैं ॥१॥ दोऊ श्यामा मध्य मोहन रचित मरकतमणि कंचनखचित शिधिल बसन कटितटतें अपुने हाथ समाजैं ॥ कुंभनदास नवरंग सकल कला गुण निधान खरजादिक लेत तान अंगही अंग बिराजैं ॥२॥

Raas

Pustak1-352

Kedaro

Adbhut natbhekh dharain yamunatat shyamsunder gunanidhaan girivardhar raas rung naayen ..

अद्भुत नटभेख धरैं यमुनातट श्यामसुंदर गुणनिधान गिरिवरधर रास रंग नायें ॥ युवतीयूथ संग लियें गावत केदारों राग अब घर बर वेणु मधुर मधुर सप्त स्वरन साचें ॥१॥ उरप तिरप लागडाट तततत तत थेई थेई उघटत शब्दावली यति भेद कोऊ न बाँचैं | चत्रभुजप्रभु बनबिलास मोहे सब सुर अकाश निरखथक्यो चंदकों रथ पश्चिम नहीं खाँचें ॥२॥

Raas

Pustak1-352

Kedaro

Naachat laadili laalan raas mein suno hoe saheli rung raho ..

नाचत लाड़िली लालन रास में सुनो हो सहेली रंग रहो ॥ ताही समय रसरास सहायक सुखद मलयसौ पवन बह्यौ ॥१॥ उड्डपति किरण सुरंजित कानन नवकुसुमाबलि तिमिर दह्मौ ॥ युवती मंडल मध्य श्याम घन राग वारि निधि वेणु गह्मौ ॥२॥ बोलत तोहि सुरत मिलबनकौं उठ चल मान किन मेरौ कह्नौ ॥ कृष्णदास प्रभु गिरिधर नागर तेरौ बिलंब नहीं जात सहौ ॥३।॥।

Raas

Pustak1-352

Kedaro

Raas rachyaun mohanlal shobhit sanga vrajaki baal voondaavan yamunatat rasik rasikani ..|

रास रच्यौं मोहनलाल शोभित सँग व्रजकी बाल वूंदावन यमुनातट रसिक रसिकनी ॥| चरण गति अनेक भाँत कटि की लचक मध्य चमकत श्रुति भेद ग्रीवा लटक भ्रूह मटकनी ॥१॥ नयन कटाक्ष हावभाव उपजत अति रंग चाव सकल क़ला निपुण सरस कामरंगिनी ॥ गान करत कुंभनदास गिरिधर मुख मंद हास थकित भये युवती यूथ प्रेमफंदिनी ॥२॥।

Raas

Pustak1-353

Kedaro

Aaj sakhee shyama sanga sriradha navalkunwari karat hain bihaar douu yamuna jalkeli ..

आज सखी श्यामा संग श्रीराधा नवलकुँवरि करत हैं बिहार दोऊ यमुना जलकेलि ॥ हावभाव ग्रीव लटक नयनसैन भ्रौंह मटक हासरंग प्रेम उमग ग्रीवा भुज मेलि ॥१॥ अंतरंग सखी ठाढ़ी देखत अति तृषा बाढ़ी बारबार कहत आज नीकौ बन्यौ खेल ॥ चत्रभुज प्रभु बन बिलास उपजत है अति हुलास श्रीगिरिधर गजराज बाहु युवती दलपेल ॥२॥

Raas

Pustak1-353

Kedaro

Gawat giridharan sanga param mudit raas rung urap tirap lait taana naagar nagri ..

गावत गिरिधरन संग परम मुदित रास रंग उरप तिरप लेत तान नागर नागरी ॥ सारीगम पथ निगमप धनी उघटत गति सप्तसुरन लेत लाग डाट सुलप अति उजागरी ॥१॥ चर्बित तांबूल देत धुब॒ताल गतिहीं लेत गिडिगिडिगिडि थुंगधुंग अलाग लागरी ॥ सुरतिकेल रतिबिलास बलि बलि बलि कुंभनदास श्रीराधानंदनंदन बर सुहागरी ॥२॥

Raas

Pustak1-353

Kedaro

Aaj gopal rachyau raas dekhat hott jiya hulas naachat brishbhan sutaa sanga rung bheene ..

आज गोपाल रच्यौ रास देखत होत जिय हुलास नाचत बृषभान सुता संग रंग भीने ॥ गिडगिड तक थुंगधुंग तततततत थेई थेई थेई गावत केदारो राग सरस तान लीने ॥१॥ फुले बहुभाँत फूले सुभग पुलिन यमुना कूल मलय पवन बहत गगन उड्ुपति गति छीने ॥ गोविंदप्रभु करत केलि भामिनी रससिंधु झे जयजय सुर शब्द कहत आनंद रसभीने ॥२॥

Raas

Pustak1-353

Kedaro

Bhushan saje saamal anga ..

भूषण सजे सामल अंग ॥ लाड़िली वृषभानजूकी लिये हैं हरि संग ॥१॥ रच्यौ रास बिलास कानन रसिक वर नवरंग।॥। कला नटवर धरत जब कछु देख लज्जित अनंग ॥२॥ बेणु ध्वनि सुनि थकित मुनिगण गति लेत थेई थेईथुंग ॥ श्रीविद्धलगिरिधरनकी बलि जाऊँ ललित त्रिभंग ॥३॥

Raas

Pustak1-353

Kedaro

Raajat nirtat peeya sanga sunder jaee ..

राजत निर्तत पीय संग सुंदर जई ॥ मंडल के बीच बीच भेख धरत तई ॥ ब्रज बिलास दृग बिलास भेद करत कई ।। निरखि यमुना चंद थक्‍यौ अनिलपद दई ॥२॥ गिरिधर संगीत निपुन भेद काछ कछई ॥॥ उरप तिरप लेत सुलप संचन सुरसई ॥३॥ धोधीके प्रभु नट नागर अद्भुत गति लई ॥ सूर सुरपति व्योंम थाके सुखद बेलि बई ॥॥४॥

Raas

Pustak1-354

Kedaro