Chalau navnagari roop guna aagari raas thaanyau laal subhag jamuna teer ..

चलौ नवनागरी रूप गुन आगरी रास ठान्यौ लाल सुभग जमुना तीर ॥ साज भूषन सकल मुदित करि मुख कमल बिबिध सौरभ मिलयी पहरि दक्षिण चीर ॥१॥ अधर मुरली लसे प्रान तो में बसे नहिं भावै कछु बढ़ी अति समर पीर ॥ जाय मिलि बिमल मति ठाठ सब अगम गति ज्यों जीय सुख लेहु मीन पाबै नीर ॥२॥ कटि जटित पीतपट सीस लटकत मुकुट क्वणित नूपुर मधुप हंस कोकिल कीर ॥ दास कुंभनप्रभु सप्तसुरसों मिले गावत केदारो राग गिरिवरधरन धीर ॥३॥।

Raas

Pustak1-354

Kedaro

Nandanandan sugharrai mohan bansi bajaai sarigam padhani sapt suran milli gaabai ..

नंदनंदन सुघरराय मोहन बंसी बजाई सारीगम पधनी सप्त सुरन मिलि गाबै ॥ अति अनाधाति संगीत सरस सुर नीके अवघर तान मिलाबै ॥१॥ सुर ध्याय ताल ध्याय नृत्य ध्याय निपुन लघु गुरु तरजति पुलक भेद मृदंग बजाबै ॥| सूरदास मदन मोहन सकल कलागुन प्रवीन आपुन रिझरिझावै ॥२॥

Raas

Pustak1-354

Kedaro

Pyaritu mohanlal rijhaavat ..

प्यारीतू मोहनलाल रिझावत ॥ मधुर मधुर तानन गावत सुख समुह बढ़ावत ॥१॥ तेरे गुनरूप की सम नाँहि कोउ आवबे री उपमा कौं तुहि अंत न पावत ॥ जब तू भ्रुकुटी भंग करत कोटिक काम लजाबत ॥२॥। कोक कला संगीत निपुन उघटत त्रिबट गति तत थे ततथै थे थे मुदंग बजावत॥ सूरदास मदनमोहन रिज्ि दीयौ है अपने यौं बन वूंदा की रानी कहावत ॥३॥

Raas

Pustak1-354

Kedaro

Aeye douu nirtat laalan giridhari pyaari ||

ए दोऊ निर्तत लालन गिरिधारी प्यारी || जोरी भली बनी एक सारी उपजत छबि न्यारी न्यारी ॥ किंकिनी नूपुर बाजें झनकक झनकारी प्यारी ॥१॥ ताल भेद जात तारी उरप तिरप गति न्यारी गावत केदारो राग सब सुधि बिसारी ।। प्यारी रीझ़् भरत अँकवारी चिततें न टरत टारी जुगल रसिक पर कृष्णदास बलिहारी ॥२॥

Raas

Pustak1-354

Kedaro

Ghosh sundari neeke cull gaavai ..

घोष सुंदरी नीके कल गावै ॥ बाम बाहु धरि रसिक कुँवर के मुरली बजाबवै नवतान सुनावै ॥१॥ हरि मूरति पद सुरस चाखत चल अंगुलीदल गति उपजाबै ॥ गौर स्थाम जोरी मनमोहन रूप कांति रतिपति ही लजाबै ॥२॥ कमलसमैंन मृगनैंनी अंचल तरल मानबस प्रेम बढ़ावै ॥ गिरिधर पीय प्यारी की पदरज कृष्णदास न्यौछावर पावै ॥३॥

Raas

Pustak1-355

Kedaro

Sharad ujiyari cassie neeki laagai nicus kunjaten thaadhe ...

शरद उजियारी कैसी नीकी लागै निकस कुंजतें ठाढ़े ॥। बरन बरन फूल फूलनके आभूषण सोधे भीजे बागे ॥।१॥ गावत राग रागिनिसों मिलि मन मिल्यौ जति केदारो रागे ॥ हरिदास के स्वामी स्थामा कुंजबिहारी क्रछुक रजनी जागे ॥२॥

Raas

Pustak1-355

Kedaro

Keli karein pyaari piya paudhe lakhi chaandani mein nehlau lugg gaye joban key jose mein .|

केलि करें प्यारी पिय पौढ़े लखि चाँदनी में नेहलौ लग गये जोबन के जोस में ।| अँगिया दरक गई मानों प्रात देखबेकौं चौंच काढ़ि चक्रवाक कामतर रोस में ॥१॥ आरससों मोरी बाँह दोऊ कुच गहे पिय रतिके खिलौना मानों ढाँपि दीये ओसमें ॥ रूपके सरोबरमें नंददास देखे आली चकईके छौनाँ बैठे कंचन के कोस में ।॥२॥

Raas

Pustak1-355

Kedaro

Aaj tunn bahaare aurahi chatak ..

आज तन बहारे औरही चटक ॥ शोभा देत सरस सुंदर यह चलन हंस गति लटक ॥।१॥ स्याम सरोज नैंन तेरे खटपद पीयरौ रंग टक ॥ बत्रखित भये अंग अंग फूली गई बिरह की खटक ॥२॥ कुंजभवनमें चली निडर तज लोक लाज की अटक ॥ चत्रभुज प्रभु गिरिधर नागरसों मिलवन रति रन कटक ॥३॥

Raas

Pustak1-355

Kedaro

Radhika rasik gopal kii bhaanbati ..

राधिका रसिक गोपाल की भाँबती ॥ गहे कर तल कमल केलि लीला सहित सेज सुख रति रंग लटकती आबती ॥१॥ सघन वृंदाबिपिन तरुन तनिया तीर सरदको चंद्रमा सरस प्रफुलामती ॥ पहरि आभरन चीर सरस सुकुमार तन सौरभ रुचिर पाईन लगावती ॥२॥ भ्रौंह नृत्यत मदनरूप जोबन सिखर सिंधु गोवरधनधरन मन उपजावती ॥ कहै कृष्णदास प्रभु चतुर तें चतुर अति संग मिलि सुरति पीय मधुर कल गावती ॥३॥

Raas

Pustak1-355

Kedaro

Nirtat gopal laal adbhut nutt bhesh dharein gaan karat vrajasundari raas rangini ..

निर्तत गोपाल लाल अद्भुत नट भेष धरें गान करत ब्रजसुंदरि रास रंगिनी ॥ अति कोमल बन्यौ कूल बहुभाँति फूलेफूल जल स्थिर रहत तहाँ तट तरंगिनी ॥१॥| सरद सर्वरी छिटकत मधुप जूथ सुर मिलाबत बिहँसत पीय संग चपल दृष्टि कुरंगिनी ॥ गिडगिडता गिडगिडता तांतां कटि तकिट तारावली झंझंझननननन बाजे मृदंगिनी ॥२॥ ततथेई ततथेई उच्चारत उरप तिरप टूटे हारि बिलसत पीय बाम भाग कुचउतंगिनी ॥ कृष्णदास स्वामिनी मनोज भेष राधिका रसिक कंठ लाय लई सुख देत अंगिनी ॥।३॥

Raas

Pustak1-356

Kedaro

Naachat vrishbhan kumri girivardhar laal sanga jamuna pulin sarad raine raas rung rei ..

नाचत वृषभान कुमरि गिरिवरधर लाल संग जमुना पुलिन सरद रैन रास रंग रेई ॥ उरप तिर॒प तानमान परम मुदित करत गान गिडगिडता गिडिगिडि तक थुंग थुंग थेई ॥१॥ दां दां दननन मृदंग तितीकट तारावलि तनन तनन नननन आन आन लेईं ॥ धिकतां धिकतां धिधीकट धीकीटतक थुृंग गावत केदारो राग अद्भुत सुरसेई ॥२॥ ब्रह्मादिक शिव सुजान मोहे सब सुर बिमान निरख थक्‍यौ सघन चंद उडुगण पग देई ॥ धौंधीके प्रभु नट नागर राधिका के कंठ बाहु कोक कला निपुन नागरि गिरिधर सुख देई ॥॥३॥

Raas

Pustak1-356

Bihaagro

Haye banamen raas rachyaun banbari ..

हे बनमें रास रच्यौं बनबारी ॥ यमुनापुलिन मल्लिका फूली शरदरैन उजियारी ॥१॥ मंडल बीच एयामघन सुंदर राजत गोप कुमारी ॥ प्रकटत कला अनेक रूप तिहिं अवसर लाल बिहारी ॥२॥ शीश मुकुट कुंडल की झलकन अलक बनी घुँघरारी ॥ कंबु कंठ ग्रीवा की डोलन छीन लंक लैहै कारी ॥३॥ धायधाय झपटत उर लपटत उरप तिरप गति न्यारी ॥ नृत्यत हँसत मयूर मंडली लागत शोभा भारी ॥४॥ बेणुनाद ध्वनि सुन सुरनर मुनि तनकी दशा बिसारी॥ श्रीविद्डललगिरिधरनलाल की बानिक पर बलिहारी ॥५॥

Raas

Pustak1-356

Bihaagro