Nrityat raas mein piya pyaari ..

नृत्यत रास में पिय प्यारी ॥ यमुना पुलिन सुभग बृंदाबन शरदरैन उजियारी ॥१॥ बाजत ताल मृदंग झाँझ और सप्तस्वरन गति न्यारी॥ उरप तिरप गति लेत सुलप अति लाड़िली लाल बिहारी ॥|२॥ जयजय कहि बरखत कुसुमावलि सुरन सहित सुरनारी ॥ श्रीविद्ठनगिरिधरनलाल पर सर्वसु डारत बारी ॥३॥

Raas

Pustak1-356

Bihaagro

Raas rachyau bansibat key tata .. nrityat prem bharey piya pyaari

रास रच्यौ बंसीबट के तट ॥ नृत्यत प्रेम भरे पिय प्यारी चंद बदन पर छूट रही लट ॥१॥ सुंदरश्याम सुभग कर मुरली अधर धर उघटत थेई थेई रट ॥ मोर मुकुट कुंडल की डोलन मुरकि परचौ लखि मेन महाभट ॥२॥ ब्रजबनिता छबि देख बिमोहीं बार देत आभूषण औरे पट ॥ लीलाललित महामुनि मोहे श्रीविद्डलगिरिधर नागर नट ॥३॥।

Raas

Pustak1-357

Bihaagro

Piyakon nachban sikhwat pyaari ..

पियकों नचबन सिखवत प्यारी ॥ बुंदावन में रास रच्यो है शरदरैन' उजियारी ॥१॥ तालमृदंग उपंग बजाबत अति प्रबीन ललिता री ॥ रूपभरी गुण हाथ छरी लियें डरपत लालबिहारी ॥२॥ बीणा बेणु नूपुर ध्वनि बाजत खग मृग बुद्धि बिसारी ॥ ब्यास स्वामिनी की छबि निरखत रीझ देत करतारी ॥३॥

Raas

Pustak1-357

Bihaagro

Navkishore navkishori bunny haye bichitra jory shobha sindhu pradanmohan rupras bhamini ..

नवकिशोर नवकिशोरी बनी है बिचित्र जोरी शोभा सिंधु प्रदनमोहन रूपरास भामिनी ॥ राजत तन गौर एयाम प्यारी पिय भाग बाम नवघन गिरिधरन अंगअंग मानों दामिनी ॥१॥ पेहैरें पट पीयरो भूषण भूषित मनोहर अंग गजवर गोपाल नागर नागरी गजगामिनी ॥ दास चत्रभुज दंपति उपमाकों नाहि कोउ काम मूरति कमल लोचन मृगनयनी कामिनी ॥२॥

Raas

Pustak1-357

Bihaagro

Aou maanon maaee ghanghan antar damini ..|

अऔ मानों माई घनघन अंतर दामिनी ॥| घन दामिनी दामिनीघन अंतर शोभित हरि व्रज़भामिनी ॥१॥ यमुना पुलिन मल्लिका मुकुलित शरद सुहाई यामिनी ॥ सुंदर शशि गुण रूप राशि निधि आनैँद मन विश्रामिनी ॥२॥ रच्यौ रास मिल रसिकराय सौं मुदित भई व्रजभामिनी ॥ रूपनिधान श्यामघन सुंदर अंग अंग अभिरामिनी ॥३॥ खंजन मीन मयूर हंस पिक भई भेद गज गामिनी ॥ कौतुक घने सूर नागर सँग काम विमोह्यो कामिनी ॥४॥

Raas

Pustak1-357

Bihaagro

Khelat raas rasik rasnagar ..

खेलत रास रसिक रसनागर ॥ मंडित नव नागरी निकर वर रूपकौ आगर ॥१॥ बिकसत बन बनिता राजत जानों शरद अमल ॥ राका सुभग सरोवर मानों फूले हैं कमल ॥२॥ नबल किशोर सुंदर सांबल अंग कंचन तन ब्रजबाला ॥ मानों कंचनमणि मर्कतमणि बुंदाबन पैहेरी माला ॥३॥ या छबिकी उपमा कहिबे को ऐसोौ कौन पढ़चऔ है ॥ नंददास प्रभुकौ कौतुक लखि कामकों काम बढदयो है ॥॥४॥

Raas

Pustak1-357

Bihaagro

Milahin naagar nabal giridhar sujaankaun ..

मिलहिं नागर नबल गिरिधर सुजानकौं ॥ सुंदरी कनक तन साजि भूषन बसन कुंज के महल चल बेग तज मान कौ ।॥१॥ तरनि तनया तीर परम रमनीय बन बिहर संग करहिं बस सब गुन निधानकों ।। राग केदार सुन श्रवण बड़भागिनी निरख नटवर रसिक मुरली कल गानकौं ॥२॥ चत्रभुज दास प्रभु चतुर चूड़ामणि करत अभिलाष तुव अधर मधु पानकौं ॥ अर्पि सरबस कुसुम सेज सखी बैठ तू भेंट सुंदर सुभग अंगअंग सुठानकों ॥३॥

Raas

Pustak1-358

Kedaro

Uddapati khasit paschim dess ..

उड्डपति खसित पश्चिम देस ॥ मान तिमिर न घट तेरौ कुटिल काम.बिसेस ॥१॥ लाल गिरिधर लता ग्रह स्थित मदन मोहन बेस ॥ आकुलता तुव संग कारन समन मनमथ सेस ॥२॥ कुनित पद मंजीर धुनि सुनि जीत लै सुरतेज ॥ कृष्णदास निनाथ भजि तजि बक्रता लबलेस ॥३॥।

Raas

Pustak1-358

Kedaro

Huu shyama shyam raas madhi naayak vraj jubati jooth sahaayak |

हू श्यामा श्याम रास मधि नायक ब्रज जुबती जूथ सहायक | एक है क्रम बाँह जोरी रच्यौ रास मंडल निर्तत मधि अड्डत सुंदर सुखदायक ॥।१॥ जैसी बिधि कहियत ग्रंथन की संगीत मध्य तातें गति अधिक लेत बीना बैंन सहायक ॥ प्रभु कल्याण गिरिधर श्रीराधा निरख निरख त्रैताप दूर करत मनसा बाचा कायक ॥२॥

Raas

Pustak1-358

Bihaagro

Tuu gopal bollie chala begg mrugalochani nutber girirajdharan mudit rasarange ..

तू गोपाल बोली चल बेग मृुगलोचनी नटबर गिरिराजधरन मुदित रासरंगे ॥ सप्तस्वरन बेणुनाद अद्भुत झपताल मिल्यौ गावत केदारो राग युवति यूथ संगे ॥१॥ सुरत दैनकौं कुमारि नागरी बिचित्र नारि और नॉही त्रिभुवनमें मोहनी सुधंगे ॥ माचत पिय मुरजादिक लेत तान तत थेई नाहिंन रस सच्यौ जात बीना उपंगे ॥२॥ उरप तिरप लेत मान निरख थके सुर विमान सघन चंद बिथकित भयौ रूप भान भंगे ।। कृष्णदास स्वामिनी मनोज भेख राधिका रसिक कंठ लाय लई सुखद अंगअंगे ॥२॥

Raas

Pustak1-358

Kedaro

Douu milli karat bhaamati batiyaan ..

दोऊ मिलि करत भामती बतियाँ ॥ मदनगोपाल कुँबरि राध्ेकें नखमनि अंक लिखत उर छतियाँ ॥१॥ तैसीय छिटक रही उजियारी पून्यौ चंद शरद की रतियाँ ॥ केलि रूपिनी यमुना श्रीभट वृंदावन फूल्यौ बहु भत्तियाँ ॥२॥

Raas

Pustak1-359

Kedaro

Jhuk rahee neend shyamke nainan ..

झुक रही नींद श्यामके नैंनन ॥ चिबुक उठाय पिया मुख निरखत शोभा कही न जाय कछु बैनन ॥१॥ आरसभरी अकुलाय अंक भर हियौ सिंचबत चैनन ॥ सूर स्वामिनी चंद उजियारे सुख समुद्र बढ़चौ मैनन ॥२॥

Raas

Pustak1-359

Kedaro