God liye bal mohan dou odh rajaai bethi nanan‍darani .. parada

गोद लिये बल मोहन दोउ ओढ रजाई बेठी ननन्‍्दरानी ।। परदा डरे द्वार द्वारन प्रति रोहिनी धरी अंगीठी आनि ॥|१॥ मुख देखन गृह-गृह तें आई ब्रज ललना गावत मृदु वाणी ॥ द्वारकेस हरि हलधर मैया भैया बदन रहे लपटाई ॥२॥

Paudhave

NityaPad-130

Bihaag

Podhe hari rangmahal piya pyaari .

पोढे हरि रंगमहल पिय प्यारी । सुंदर रची हे सेज ता ऊपर तकिया धरे हे सवारी ।| १॥॥ जगमग होत अंगीठी पावक गोखन धरे हे दीप सुधारी । मधुर सुर गावत कोकिल कल कृष्णदास बलिहारी ॥। २॥।

Paudhave

NityaPad-130

Bihaag

Podhe rangmahal vrajnath .. rung raski karat batiyaan radhika leey

पोढे रंगमहल ब्रजनाथ ॥ रंग रसकी करत बतियां राधिका ले साथ ॥१॥ दोउ ओढ रजाई क्रीडत ग्रीवा भुजभर बाथ॥ परमानंदप्रभु कामआतुर मदन कियो सनाथ ।।२॥

Paudhave

NityaPad-130

Kedaro

Merey ladileho laal azhoon neendkaro palnaan naan sohayato godale suvaaun ..|shru.

मेरे लाडिलेहो लाल अजहून नींदकरो पलनाँ न सोहायतो गोदले सुवाऊं ॥|श्रु। आर छांडो गीत गाऊं हालरो हुलराउ ग्वालनके मुखकी कहानी सुनाउं ॥ १ कोनधों भवन आये काहूकी नजर लगी भोर ऋषिराज रक्षा बंधाउं ॥ मेरे व्रजईइश तुम एसी बुझो न रीस भोरहों कुंवर कान्ह झगुलीसिवाउं ॥२॥

Paudhave

NityaPad-130

Bihaag

Mangal maadho naam uchchaar..

मंगल माधो नाम उच्चार।। मंगल बदन कमल कर मंगल मंगल जनकी सदा संभार ।।१॥ देखत मंगल पूजत मंगल गावत मंगल चरित उदार ॥ मंगल श्रवण कथा रस मंगल मंगल तनु वसुदेव कुमार ॥२॥ गोकुल मंगल मधुवन मंगल मंगल रूचि वृंदावनचंद ॥ मंगल करत गोवर्धनधारी मंगल वेष यशोदानंद ॥।३॥ मंगल थेनु रेणुभू मंगल मंगल मधुर बजावत बेन ॥ मंगलगोपवधू परिरंभण मंगल कालिंदी पय्फेन ॥४॥ मंगल चरणकमल मुनिवंदित मंगल कीरति जगत निवास ॥ अनुदिन मंगल ध्यान धरत मुनि मंगलमति परमानंददास ॥५॥।

Mangala Aarti ( Ushna Kaal)

NityaPad-131

Bhairav

Mangal mangalam‌ vraj bhuvi mangalam‌ ..

मंगल मंगलम्‌ ब्रज भुवि मंगलम्‌ ॥ मंगलमिह श्रीनंदयशोदा नाम स्वकीर्तनमे तदरूचिरोत्संग सुलालित पालित रूपम्‌ ॥१॥ श्री श्रीकृष्ण इति श्रुति सारं नाम स्वार्तजनाशयतापापहमिति मंगलरावम्‌ ॥ व्रजसुंदरी वयस्यसुरभीवृंद मृगीगणनिरूपमभावा:मंगल सिंधु चयायम्‌ ॥२॥ मंगलमीषत्स्मितयु तमी क्षण भाषणमुन्नतनासापुटगत मुक्ताफलचलनम्‌ | कोमलचलदंगुलिदल संगत वेणुनिनाद विमोहित बूंदावन भुवि जाता ॥३॥। मंगलमखिलं गोपीशितुरति मंधथरगति विभ्रममोहितरासस्थितगानम्‌ ॥ त्वं जय सततं गोबर्धनधर पालय निजदासान्‌ ॥।४॥

Mangala Aarti ( Ushna Kaal)

NityaPad-131

Bhairav

Mangal aarti gopalki maaee ..

मंगल आरती गोपालकी माई ॥ नित्यप्रति मंगल होत निरख मुख चितवन नयन विशालकी ॥१॥ मंगल रूप स्याम सुंदरको मंगल भुकुटी सुभालकी ॥ चतुर्भुजप्रभु सदा मंगलनिधिबानिक गिरिधरलालकी ॥।२॥

Mangala Aarti ( Ushna Kaal)

NityaPad-131

Bhairav

Mangal roop yashodanand ..

मंगल रूप यशोदानंद ॥ मंगल मुकुट कानन में कुंडल मंगल तिलक विराजत चंद ॥१॥ मंगल भूषण सब अंग सोहत मंगल मूरति आनंद कंद।। मंगल लकुट कांखमें चांपे मंगल मुरलि बजावत मंद ॥२॥| मंगल चाल मनोहर मंगल दरशन होत मिटे दुखद्वूंद ॥ मंगल ब्रजपति नाम सबनको मंगलयश गावत श्रुतिछंद ।३॥

Mangala Aarti ( Ushna Kaal)

NityaPad-131

Bhairav

Ratnajatit kanakthal madhyasohen deepmal agaraadi chandanso

रत्नजटित कनकथाल मध्यसोहें दीपमाल अगरादि चंदनसो अतिसुगंध मिलाई ॥ घनन घनन घंटा घोर झनन झनन झालर झकोर ततथेई बोलेब्रजकी नारि सुहाई ॥|९॥ तननतनन तानमान रागरंग स्वरबंधान गोपी सब गावतहैं मंगल बधाई ॥ चतुर्भुन गिरिधरनलाल आरती बनी रसाल तनमनधन वारत है यशोमति नंदराई ॥॥२९॥।

Mangala Aarti ( Ushna Kaal)

NityaPad-132

Bibhaas

Mangalkaran harran munn aarati baarat mangal aarti baalaa ..

मंगलकरण हरण मन आरति बारत मंगल आरती बाला ॥ रजनीरसजागेअनुरागे प्रातअलसात शिधिल वसन और मरगजीमाला ॥। १॥ बैठे कुंजमहल सिंघासन श्रीवृषभानकुंवरि नंदलाला ॥ ब्रजजनमुदित ओटब्हे निरखतनिमिष न लागत लताद्रमजाला ॥।२॥

Mangala Aarti ( Ushna Kaal)

NityaPad-132

Bibhaas

Bhor bhaye dekho shrigiridharko kamalmukh .. mangal aarti karo

भोर भये देखो श्रीगिरिधरको कमलमुख ॥ मंगल आरती करो प्रातही नयन निरखत होत परम सुख ॥। १॥। लोचयन विशाल छबि संचि हृदयमें धरो कृपा अवलोकवेकोचारू भृकुटीरूख ॥ चतूर्भूजप्रभु गिरिधर आनंदनिधि दूर कर हो सबरेनको विरहदुख ।। २॥।

Mangala Aarti ( Ushna Kaal)

NityaPad-132

Bhairav

Sababidh mangal nandkolal .. kamalanayan baljaay yashoda

सबबिध मंगल नंदकोलाल ॥ कमलनयन बलजाय यशोदा न्हात खिजो जिन मेरे बाल ।। १॥| मंगल गावत मंगल मूरति मंगल लीला ललित गोपाल ॥ मंगल व्रजबासिनके घरघर नाचत गावत दे करताल ॥२॥ मंगल बृंदावन के रंजन मंगल मुरली शब्द रसाल॥ मंगल यश गावे परमानंद सखामंडली मध्य गोपाल ।। ३।।

Mangala Aarti ( Ushna Kaal)

NityaPad-132

Bhairav