Sohilau gaaoo lalako . shree vrajraj dulaare lalako naanon

Part1-071

सोहिलौ गाऊ ललाको । श्री ब्रजराज दुलारे ललाको नानों वारों चिरजीयों जुग जुग उदयो मनाऊं ॥१॥ नित मोहन मुख चंद निहारों तैनन हियो सिराऊं। परमानंद” नंदजू के द्वारे दौर दौर हों आऊं ॥ लख फली अंग न स्माऊं ॥२॥

Lalit

Mohani madan gopallalki baansuri ..

Pustak1-341

मोहनी मदन गोपाललालकी बाँसुरी ॥ मधुरे श्रवण पुट सुनत स्वर राधिके करत रतिराज के तापकौ नास री ॥१॥ शरद राका रजनी विपिन वुंदा सुखद अनिल तन मंद अति शीतल सुवास री ॥ सुभग पावन पुलिन भृंग सेवत नलिन कल्पतरु रुचिर बलवीर कृत रास री ॥२॥ सकल मंडल भली जहाँ हरिसों मिली बनिता बर बनी उपमा कहीं कासु री ॥ कूंज कंचन तनी लालमरकतमनी उभे कलहंस हरिवंश बलिदास री ॥श)।

Iman

Sandesh naan abke saho pyaare lalana manini maan tyajat..

NityaPad-276

संदेश न अबके सहो प्यारे ललना मानिनी मान त्यजत॥ केतीवार तुमहों पठाईजू अनेक यतन करहौं समुझाई उन अपने जियजु कोटिक बात सचत ॥१॥ कितनी दूर कुंजकुटीकी ओट आपन चलियेजू जीत्यो चाहो रतिपति ॥ गोबिंदप्रभु आये दूतीके पाछें पाछें प्यारीके निकटहवे कछु नयनन मुसकति ॥२

Nat

Tarani tanyaatir laal girivardharan radhika sanga nrityat subhag

Part1-328

तरणि तनयातीर लाल गिरिवरधरन राधिका संग नृत्यत सुभग रास में ॥ तत थेई तत थेई करत गति भेद सों पिय अंग अंग मिलत सुंदरी ता समें ॥१॥ नंदनंदन निरख सुरसहित सुरनारि वेणु कलनाद सुनि मोहे काश ॥ थक्‍यौ घन चंद तारिका थकि रहीं. तान स्वर गान व्रजपति करत जा समें ॥२॥

Saarang

Surpati aagein bhaye sub thaadhe .. chinta sabahinake munn baadhe ..1..

Part2-088

सुरपति आगें भये सब ठाढे ॥ चिंता सबहिनके मन बाढे ॥१॥ कोंन काज सुरराज बुलाये। सकुच सहित सब पूछन आये॥२ ॥ कहा कहों कछ कहत न आवे।॥ मेघनकी गति बताबे ॥३ ॥ ब्नजवासी मोकों विसरायो॥ भोजन ले सब गिरिहि चढायो ॥४ ॥ मोकों मेंट परवतही थाप्यो॥ तबमें थरथराय रिस कांप्यो ॥५ ॥ सूरदास यह सुरन सुनाई ॥ ताकारन तुम लिये बुलाई ॥६ ॥

Bilawal

Manmohan adbhut doll bunny ..

Part3-371

मनमोहन अद्भुत डोल बनी ॥ तुम झूलों हों हरख झुलाऊँ वृंदावन चंद धनी ॥ १॥ परम विचित्र रच्यो विश्वकर्मा हीरालाल मनी ॥ चतुर्भुज प्रभु गिरिधरनलाल छबि कापें जात गनी ॥२॥

Devgandhar

Horry khelat madan gopal sanga liye vrajbal ..

Part3-321

होरी खेलत मदन गोपाल संग लिये ब्रजबाल ॥ छिरकत आन परस्पर हरखत किलक देत करताल ॥१॥ बाजत डफ मृदंग ओर ताल विचविच वेणु रसाल ॥ प्यारी लई घन सारकी झोरी पियहि अबीर गुलाल ॥ २॥ ललिता चंद्रावली मतोकर पकरे स्याम तमाल || रामदास प्रभु फगुवा दीनों श्रीगिरिधर मणिलाल ॥|३॥

Kalyan

Banate navrang girdhar aavat ..

NityaPad-286

बनते नवरंग गिरधर आवत ॥ आगे गोधन पाछे आपुन धाय धाय ओह टाबत ॥१॥ बरूहा मुकट दाम गरे गुंजा वेनु रसााल बजावत ॥ सप्त सुरन मिल राग रागनि मेघ गिरा मृदु गावत ॥२॥ गोप सखन के संग बिराजत अरू कर कमल फिरावत ॥ परमानददास को ठाकुर सुरनर मुनि मन भावत ॥३।।

Gori

Sutake kaana chhedat nandaraani . soochi dekhat bhaaji chaley hari bahori

Part1-139

सुतके कान छेदत नँदरानी । सूची देखत भाजि चले हरि बहोरि पकरिकें आनी ॥१) छेद कर्ण सबहिन पहरायौ मनमें अति हरखानी । हैंसि दीनौ तब ब्रजपति प्रभुकी सुनि सुनि तोतरि बानी ॥२॥

Saarang

Tedhhi tedhhi piyaa munn mohe chhoote bandsondhe soun lapate .

NityaPad-290

टेढी टेढी पिया मन मोहे छूटे बंदसोंधे सों लपटे । कंचन चोलना यह छबि निरखत काम बापुरो को है ॥१॥। लाल इजार गरे वनमाल गुंजमाल दुति कुंडल सोहे । रसिक' रसाल गुपाललाल गढो कीमत कीमत जो है ॥२॥

Hameer

Srivrindavan navanikunj bhramar bhramat karat gunj kusum punj lalit lataa gahwar bunn neeko ..

NityaPad-214

श्रीवृन्दावन नवनिकुंज भ्रमर भ्रमत करत गुंज कुसुम पुंज ललित लता गहवर बन नीको ॥ जमुनातीर आंजनखर हरे गाय चरवेको प्यारीको धाम लाल भावतहे जीको ॥१॥ रुचि उपजत छाक खात सखन सहित अति अघात परम मुदित फेर खात पठई मैया नीको ॥ कृष्णदास गिरिधरको कौतुक सुरपुर विमान कुसुम वृष्टि करत ओर या सुखतें फीको ॥२ ॥

Saarang

Arrie milaniyan mohan gawat ..

Pustak1-346

अरी मिलनियाँ मोहन गावत ॥ अधर वेणु धर सप्त सुरन सों राधे नाम ले तोहि बुलावत ॥१॥ यह जानी गति प्राणनाथ की तानन राग अनंग बढ़ावत ॥ राका रजनी शरदचंद की रंजित छबि कौतुक उपजावत ॥२॥ सुरत दैन युवती मृगनयनी चपलनयन ओ्रौहन सरलाबत ॥ कृष्णदासप्रभु गिरिधरनागर रासरसिक बड़भागिन पावत ॥३॥

Kanharo