Aangan shyam nachaavahin jasumati nandrani .. taari daiy daiy gaavahin

Part1-144

आँगन श्याम नचावहीं जसुमति नंदरानी ॥ तारी दै दै गावहीं मधुरे सुरबानी ॥१॥ पॉयन नूपुर बाजहीं कटि किंकिनी कूंजे । नेन्ही नेन्ही एड़ियन अरुनता फली बंब न पूजें ॥२॥ जसुमतति गान सुनें श्रवनन तब आपूही गावें | तारी बाजत देखही पुनि तार बजावै ॥३॥ केहरि नख उर पर रूरे सुठि शोभाकारी । मनहूँ श्याम घन मधि में नव शशी उजियारी ॥४॥ गभवारे सीर केसहें बने मूँघरवारे लटकन लटकें भाल पर विधु मधि गनतारें ॥५॥ कटठुला कंठ चिबुक तरें मुख दसन बिराजें ॥ खंजन बीच शुक आनिके मनु परी दुराजें ॥६॥ जसुमति सुत हिं नचावही छवि देखत जियतें ॥ सूरदास प्रभु श्याम कौ सुख टरत न हियतें ॥६॥

Suha

Khelan dey mohe horry hoe rasiya.. jaani naan dehaun gahi

Part3-353

खेलन दे मोहे होरी हो रसीया।। जानि न देहौं गहि राखौंगी काए को बैंयाँ मरोरी हो रसीया | १॥ ब्रिंदाबन बिच ख्रेलि मच्यौ है सँग राधिका गोरी हो रसीया ॥ सखी सहेली सब मिलि खेलैं हम कहा कीनीं चोरी हो रसीया ॥ २॥ फगुवा लीये बिनु जानि न देहौं तुम मत जानौं भोरी हो रसीया ॥ ऋषिकेस' प्रभु मिलि मगन भये डारति है तृन तोरी हो रसीया ॥ ३।।

Bihaag

Ruchirtar bal‍labhadhishcharanam ..

NityaPad-004

रुचिरतर बल्‍लभाधीशचरणं ॥ अस्तु में सर्वदा सुंदराकृति जगन्मोहनं हदि विरहकरणं ॥१॥ विहितमायावादवादिजन जारजन्यसंगतात्मजनकुमतिहरणं ।| अखिलसाधनरहितदो षशतकलुषकर कुमतिभर भरितनिजदासशरणं ॥२॥। अंजसा कदंबपादपबहुपत्रयुतवासनाभंगभवजलधितरणं ॥। वद॒ति हरिदास इति सकलजनमात्रकृतिगोकुलाधीशपदकमलवरणं ॥ ३॥।

Ramkali

Chaturyubavati gabanat piya paivan ..

NityaPad-335

चतुरयुबव॒ती गबनत पिय पैवन ॥ गहे उर रसवचन सहचरी के प्रेम मगन भूषणसाजत तन ॥। १॥ नवशुंगार सब अंगअंगप्रति मोह्यो रतिपति नयनन के अंजन ॥ चतुर्भुजप्रभु गिरिधर भुजभरलई सौदामिनि भेटी मानो नवघन ॥२॥

Kanharo

Aalee tero badan chand dekhat buss bhaye kunjbihari ... useer

NityaPad-332

आली तेरो बदन चंद देखत बस भये कुंजबिहारी ॥। उसीर महलमें तेरो मग देखत बेर बेर तोये संभारी ॥९॥॥ तो बिना रही न सकत नवल प्रान प्यारो एसि निद्ठर तू सुनरी कुमारी ॥ नंददास प्रभु प्यारी रूप गुन उजियारी एसे ब्रजाधीशजीसों मान करत तू चल क्यों लों लाज निवारी ॥२॥

Bihaag

Humm tumsaun binati karein, jani, aankhini bharau

Part3-226

हम तुमसौं बिनती करें, जनि, आँखिनि भरौ गुलाल | सहल्लयौ परत हम पै नहीं ये, निपट अनोखौ ख्याल ॥ दरसन तैं अंतर परे हो, करहु अबीर अबीर | तुमहि कहौ कैसे जियैं जहँ, मीन न पाबैं नीर ॥ स्याम ! तुम्हारे रंग रंगी कछु, और न रंग सुहाई | नितही होरी खेलियै हो, तुम संग जादवराई || यह फगुवा हम पावहीं हो, चितवनि मृदु मुसुकान । सूर स्याम करौ जू, तुम हो जीवन-प्रान ॥

Kafi

Aajato uneede hoe laal || laal lochan piyake alsaane

NityaPad-050

आजतो उनीदे हो लाल || लाल लोचन पियके अलसाने बिनगुण बनी उरमाल ॥|१॥| डगमगात चरणधरत धरणी पर मेंज़ु लखे तबहीं बेहाल ॥ अति तुतरावत बात बनावत लागोहो मोहि रसाल ॥। २॥ हमसो कपट औरनके वश भये हमारो मरणतुम्हारो ख्याल ॥ तुम बहुनायक सुखके गाहक सूर बाल बेहाल ॥ ३॥।

Lalit

Horry kheli kahaante aaye laalan rasake saanware

Part3-152

होरी खेलि कहांते आये लालन रसके सांवरे रंग भीने ॥ रंगचुचात पीतांबर कांधें कनिक पिचककरमें लीने ॥१॥ प्रीत पणे कितलाल गुलालन कोन नारि रस बस कीने ॥ प्रान पिया रे पैयत मनकी होत कहा अबहंसि दीने ॥ २॥ हिय अंकित नख चंदन वलकें लस्वियतहे पटझीने ॥ अंकभरी मुसिकाय छबीले घनदामिनिकी छबिछीने ॥३॥।

Dhanashri

Nayana merey atkeri vaa mohan

NityaPad-310

नयना मेरे अटकेरी वा मोहन के संग।। कहा कहों वरज्यो नहीं मानत रंगे उनके रंग ॥।९॥ औरनको तिरछे हवे चितवत गुरुजनहीसों जंग ॥ सूरदासप्रभु प्रेमसुरत में होत न कबहू भंग ॥॥२॥

Kalyan

Laal kachhu keeje bhojan tiltil kaaree houn vaari hoe.

Part2-236

लाल कछु कीजे भोजन तिलतिल कारी हों वारी हो। अब जाय बेठो दोऊ भैया नंदबाबाकी थारीहो ॥१ ॥ कहियतहे आज संक्रांति भलोदिन करिके सब भोग संवारीहो। तिलहीके मोदक कीने अति कोमल मुदित कहत यशुमति महतारी ॥२ ॥ सप्त धानको मिल्यो लाडिले पापर ओर तिलवरी न्‍्यारी। सरस मीठो नवनीत सद्य आजको तिल प्रकार कीने रुचिकारी ॥३ ॥ बेठे श्याम जब जेमनलागे सखन संग देदें तारी । परमानंददास तिहि औसर भर राखे यमुनोदक झारी ॥४ ॥

Dhanashri

Jasoda naheen varaje apnobal .. apano baal

Part3-025

जसोदा नहीं वरजे अपनोबाल ॥ अपनो बाल रसिया गोपाल ॥ध्रु०॥| स्नान करन गई जमुनातीर ॥ करकंकन अभरन धरेचीर ॥ मेरी जल प्रवाह तन गई दीठि ॥ पाछेतें कान्ड मेरी मलत पीठि ॥१॥ यह अन्न न खाय मुख पीवे नखीर ॥ यह केतीक वार गयो जमुनातीर ॥ होंवा रोरी ज्वालिन तेरो ग्यान ॥ यह पलना झूले मेरो वारो कान्ह ॥२॥ बुंद्ावन देखेमे तरून कान्ह ॥ घर आये केसें भये अयान ॥ उठि चलीरी ग्वालि जिय उपजी लाज ॥ सुरदास ये प्रभुके काज ॥३॥

Basant

Srilakshman kull gaaiye srivallabh suban sujan ..

Part3-092

श्रीलक्ष्मन कुल गाइये श्रीवल्लभ सुबन सुजान ॥ लाल मनमोहना हो ॥ गुन निधि गोपीनाथजू निर्गुन तेज निधान ॥१॥ पुरुषोत्तम आनंदमें श्रीविवल ब्रजके भूप ॥ कोटि मदन विधुवारनें मुख सोभा सुखरूप ॥२॥ भूतल द्विज वपु धारिकें श्रुतिपथ कियो प्रचंड ॥ मारण पुष्टि प्रकासिकें मायामत कियो खंड ॥३॥ श्रीमिरिधर गुन आगरे ॥ पूरन परमानंद ॥ राज सिरोमनि लांडिले करुनामय गोविंद ॥४॥ श्रीबालकृष्ण मुख चंद्रमा पंकन नेन विसाल ॥ श्रीवललभ गोकुलनाथजू प्रिय नवनीत दयाल ॥५॥ श्रीपत्ति श्रीरघुनाथजू जगजीवन अभिराम ॥ रूप रासि जदुनाथजू कमला पूरन काम ॥६॥ नवकिसोर घनस्यामजू अंगअंग सुखदाय ॥ बालक सब ब्रह्मजानिकें वेदबिमल जसगाय ।|७॥ बिंद्राविपिन सुहावनों ब्रजलीला सुखसार ॥ मानिक॑चंद्र प्रभु सर्वदा श्रीगोकुल करत बिहार ॥८॥

Bilawal