Dwaaren aaye gunijan thaade..

Part2-284

द्वारें आये गुणिजन ठाडे॥ प्रकटे पुरुषोत्तम श्रीवललभ सबहिन आनंद मंगल बाढे॥ श्रीलक्ष्मण भट दान देनकों पट भूषण मणि माणिक काढे ॥ सगुणदास आस सब पूजी मानो बरखत इन्द्र अषाढे ॥२॥

Bilawal

Goras bechtahi joo thhagi .. kahaa kairai aapan buss nohi mansa

Part1-253

गोरस बेचतही जु ठगी ॥ कहा कैरै आपन बस नॉही मनसा अनत लगी ॥१॥ खेलत बीच मिले नंदनंदन कार्लिदी के तीर ॥ चितयो नेंक कमलदल लोचन मनमोहन बलवीर ॥२॥ और सखी बूझन लगी करत कौनकौ मोल ॥ परमानंद दासकौ ठाकुर मीठे तेरे बोल ॥३॥

Gori

Aaj atee sobhit haye nandlal . navchandanko lape kiyo haye taa parr

NityaPad-243

आज अति सोभित है नंदलाल । नवचंदनको लेप कियो है ता पर मोतिन माल ॥ १ ॥ खासाको कटि बन्यो पिछोरा कुलह जु सुतरु सोहे भाल। कुन्द मालती कंठ विराजत बीच बीच फूल गुलाल ॥२॥ सारंग राग अलापत गावत मधुर मधुर सुरताल ॥ गोविन्द प्रभुकी या छबि निरखत मोहि रही व्रजबाल ॥३॥

Saarang

Makhan mohi khawad ree maiya ! buddy baar bhaee haye bhookhe humm

NityaPad-031

माखन मोहि खवाड़ री मैया ! बडी बार भई है भूखे हम हलधर दोऊ भैया ।। बडी कृपन देखी तू जननी ! देति नहीं अध घैया । 'परमानंददास' की जीवनि ब्रज-जन केलि करैया।

Devgandhar

Manaavan ayeri manaavan jaanyo haye praneshwar prananke pyaare ...

NityaPad-126

मनावन आयेरी मनावन जान्यो हे प्राणेश्वर प्राणनके प्यारे ॥। कोन कोन गुन रूप बरनों प्यारे तिहारे उनतन नयना न्यारे ॥१॥ मेरी सी मोसों ओरनकी ओरनसों एसे व रंग ढंग प्यारे तिहारे।। नंददास प्रभु एक रस क्यों म रहो केसे के प्राण पत्थारे ॥। २।।

Kanharo

Nenkarhomaankhandeuntumko thadimathatjanani dadhiaturloni

NityaPad-179

नेंकरहोमांखनदेऊंतुमको ठाडीमथतजननी दधिआतुरलोनी नंदसुबनकों ॥१॥ मैबलजाऊं स्थामघनसुंदर भूखलगी तुम्हें भारी ॥। बातकहूंकी बूझतस्यामहि फेरकहत महतारी ॥ २॥ कहतबात हरिकछूनसमझत झूँठेईभरत हुंकारी ॥ सूरदासप्रभुकेगुण तुरतहिविसरिंगई नंदनारी ॥। ३॥।

Bilawal

Raghupati apano bachan pratiparyatho .. tori lunk bunk gadh gadhapati

Part1-305

रघुपति अपनो बचन प्रतिपार्यथो ॥ तोरी लंक बंक गढ़ गढ़पति घर घर को कर डास्यौ ॥१॥ कहुँ शिर कहुँ भुज कहूँ धड़ लोटत मानों मद मतवारी ॥ रहौ माँसको पिंड प्रान लै गयौ बाण अनियारी ॥२॥ जाके डर बरुन इंद्र कुबेर यम डरत सुभट रण भारी ॥ सो रावण रघुनाथ छिनकमें कियौ गीधकौ चारो ॥३॥ छाँड़ि रमसकल सुखसागर बाँध्यो जल अति खारी )| हल युनि सब सुयश बखानत दुष्ट दशानन मास्यो ॥४॥ रावण मार लंक गढ़ गे कियौ सबकी निस्तारी | दियौ बिभीषण राज सूर प्रभु कर सुर लोक ञ्जा ॥५॥

Maru

Akeli bunn bunn

NityaPad-211

अकेली बन बन डोल रही ॥ गाय चरावत कहां रहे हरि काहु ने न कही ॥१॥ बड़े सवारे निकसे घरतें पठयहे माय दई ॥ मुख लागी हेहे लालनकों दुपहरी घाम सई ॥२॥ इतनो बचनसुनत मनमोहन नागर वृथा लई।॥। परमानंद दासको ठाकुर गोकुल रतनबई ॥३॥

Saarang

Bhringiri bhaj sthaam kamalpad jahaan naheen nishiko traas ...

NityaPad-366

भृंगीरी भज स्थाम कमलपद जहाँ नहीं निशिको त्रास ॥। जहां विभा धनुसमान प्रभा नखसो वारिज सुखरास ॥। १॥ जहाँ किंजल्कभक्ति नवलक्षण ज्ञानकर्म रस एक ॥| निगम सनक शुक शारद नारद मुनिजन भृंग अनेक ॥ २॥ शिव विरंचि खंजन मनरंजन छिनछिन करत प्रवेश॥। अखिल लोक तिहिं वास सुकृत जल प्रकटित स्याम दिनेश ।।३॥| सुन मधुकर भ्रम तज कुमुदिनी गण राजीववरकी आस ।। सूर प्रेमसिंधुमें प्रफ़ुल्लित चल जहां करे निवास ॥।४॥।

Kedaro

Khelati khelati paudhi shyama navallal giridhar

Part3-361

खेलति खेलति पौढी श्यामा नवललाल गिरिधर पिय सँग ॥ चोवा चंदन अगर कुँमकुमा झारति फिरति सकल अँग अँग ॥१॥ बाजति ताल मृदंग अघोंटी बीना मुरली तान तरँग ॥ 'कुंभनदास' प्रभु यह बिधि क्रीडति जमुना पुलिन लजावति अनँग ॥२॥

Basant

Yeye bansi naad sur saadhiken bajaai prabin kaanh saat sur sodhaken

Part1-279

ये बंसी नाद सुर साधिकें बजाई प्रबीन कान्ह सात सुर सोधकें मधुर धुनि ॥ घरी घरी घूमत सुध न रही कछु कल न परै मेरे तन मन ॥१॥ ब्याकुल भई कल नांहि परत सुनत तत छिन गई हों मधुवन ॥ धीरजके प्रभु जनम सुफल भई निरखत श्रीनंदनंदन ॥२॥

Bhairav

Foolanason benny guhi phoolan kii

NityaPad-264

फूलनसों बेनी गुही फूलन की अंगीया फूलन की सारी मानों फूली फुलवारी ॥ फूलनकी दुलरी हमेल हार फूलन के फूलन की चोको चारों ओर गजरारी ॥१॥ फूलन के तरोना कुंडल फूलन के फूलन की किंकिली सरस संवारी ॥ फूलन के मेहेल बने फूली श्रीराधा प्यारी फूले नंददास जाय बलिहारी ॥२॥

Saarang