Jaiye vaa key dhaam jaake jaage chaaro jaam laal .. moson

Part2-347

जैये वा के धाम जाके जागे चारो जाम लाल ॥ मोसों अवध बदि वहीं रति मानी जानी उबटी है उर माल ॥१ ॥ दिखियतु हे नख क्षत अंग अंग में अधर अंजन पीक गाल॥ मदन मोह पीय क्‍यों व दूरत हो लटकि रही जो पाग अर्धभाल ॥२॥

Suha

Sakhiyan rachirachi sez banaai ..

Part2-065

सखियन रचिरचि सेज बनाई ॥ मणिमय जटितपर्यक कनकके मुक्तनकी अधिकाई ॥१ ॥ पोढे श्रीसहित सुंदरवर झलमलदीप झरोखन झांई ॥ मानदास बलजाय सहेली मिलेहैं पियाप्रीतम सुखदाई ॥२॥

Kanharo

Ray munn moorakh janm gamaayo ..

NityaPad-368

रे मन मूरख जन्म गमायो ॥ कर परपंच विषयरस पीनो श्याम सरन नहीं आयो ॥१॥| यह संसार फूल सेंवरको सुन्दर देख लोभायो ॥। चाखन लग्यो रुई उड गई हाथ कछु नहीं आयो ॥२॥ कहा भयो अबके पछतानेपहेले पाप कमायो ॥ कहत सूर श्रीकृष्ण नाम बिन सिर धुन-धुन पछतायो ॥। ३॥

Bihaag

Curry pranaam yamunajal lahiye, srivallabh-padaraj prataap tein,

NityaPad-014

करी प्रणाम यमुनाजल लहिये, श्रीवल्लभ-पदरज प्रताप तें, श्रीयमुना मुख कहिये ।।१॥ पूरन पुरुषोत्तम ब्रज प्रकटे इनहूं प्रकट्यो चहिये।। जो जन लक्ष धरा तें ऊंचों, रविमंडल तें बहिये।। २॥| नंदसुबन अरू कलिंदनंदिनी दरसन रिपुतन दहिये 'हरिदास' प्रभु यह सुख सोभा नयनन ही में रहिये ॥३॥

Bhairav

Horry khelati madan gopala | sanga laye gokul

Part3-264

होरी खेलति मदन गुपाला | सँग लये गोकुल के लरिका करति कुलाहल ग्वाला।॥ १॥ लाल गुलाल अपने कर लीने छिरकति ब्रज बाला | सीस दुमालो अति छबि राजति पीतांबर बनमाला ॥२॥ ताल परखावज आबज बीना मुरली सबद रसाला | अति झीने मधुरे सुर जावति “श्रीविड्डन' गिरिधर लाला ॥३॥

Sarang

Aaj raavalmein jaijaykar . pragat bhaee vrishbhan gopaken shree

Part1-194

आज रावलमें जयजयकार । प्रगट भई वृषभान गोपकें श्री राधा अवतार ॥१॥ गृहगृहतें सब चली वेग दे गावत मंगलचार । प्रगट भई त्रिभुवनकी शोभा रूप राशि सुखसार ॥२॥ निर्तत गावत करत बधाई भीर भई अति द्वार । परमानंद वृषभानुनंदिनी जोरी नंददुलार ॥३॥

Saarang

Srivallabh madhurakriti merey .

NityaPad-005

श्रीवल्लभ मधुराकृति मेरे । सदा बसो मन यह जीवनधन। सबहीनसों जु कहत हों टेरे ॥१॥| मधुर बदन अति मधुर नयनयुग। मधुर भ्रोंह अलकनकी पांत। मधुर भाल बीच तिलक मधुर अति। मधुर नासिका कही न जात ॥ २॥ मधुर अधर रसरूप मधुर छबि | मधुर मधुर अति ललित कपोल | मधुर श्रवनकुंडलकी झलकन | मधुर मकर मानो करत कलोल ॥।३॥ मधुर कटाच्छ कृपापूरन अति। मधुर मनोहर वचन विलास। मधुर उगार देत दासनकों। मधुर बिराजत मुख मृदु हास ॥४॥ मधुर कंठ आभूषणभूषित । मधुर उरस्थल रूपसमाज | अति विशाल जानु अवलम्बित | मधुर बाहु परिरंभन काज ।।५॥ मधुर उदर कंटि मधुर जानुयुग | मधुर चरण गति सब सुखरास | मधुर चरणकी रेनु निरन्‍्तर। जनमजनम मांगत हरिदास ॥६॥

Ramkali

Joe tum sunon yashodagauri .. nandanandan merey mandir mein aaj kartahain chori ..1....

NityaPad-183

जो तुम सुनों यशोदागौरी ॥ नंदनंदन मेरे मंदिर में आज करतहैं चोरी ॥१॥॥ होंभई आन अचानकठाडी रह्योभवनमें कोरी ॥ रहे छिपायसकुँचरंचक हवे मानोभई मतिथोरी ॥२॥ मोहिभयो माखनकोपछिताबो रीतीदेखकमोरी ॥ जबगहिबांह कुलाहल कीनो तबगहि चरणनिहोरी ॥ ३॥ लागे नयनजल भरभररोवन महरिकाननतोरी ॥। सूरदासप्रभु देखत निशिदिन ऐसीअलकसलोरी ॥।४॥

Ramakali

Naagar sthaam nangri naari .. surati rati ranjeet douu

Part2-348

नागर स्थाम नांगरि नारि ॥ सुरति रति रनजीत दोऊ अंग मनमथ धारी ॥१ ॥ स्थान तन घन नील मानो तडित तनु सुकुमारि ॥ मानो मरकत कनक संजुत काम समार ॥२॥ कोक गुन करि कुसल स्यामा उत कुसल नंदलाल॥ 'सूर स्याम' अनंग नायक विबस कीनी बाल ॥३ ॥

Suha

Tuu gopal bollie chala begg mrugalochani nutber girirajdharan

Part1-358

तू गोपाल बोली चल बेग मृुगलोचनी नटबर गिरिराजधरन मुदित रासरंगे ॥ सप्तस्वरन बेणुनाद अद्भुत झपताल मिल्यौ गावत केदारो राग युवति यूथ संगे ॥१॥ सुरत दैनकौं कुमारि नागरी बिचित्र नारि और नॉही त्रिभुवनमें मोहनी सुधंगे ॥ माचत पिय मुरजादिक लेत तान तत थेई नाहिंन रस सच्यौ जात बीना उपंगे ॥२॥ उरप तिरप लेत मान निरख थके सुर विमान सघन चंद बिथकित भयौ रूप भान भंगे ।। कृष्णदास स्वामिनी मनोज भेख राधिका रसिक कंठ लाय लई सुखद अंगअंगे ॥२॥

Kedaro

Bhaee vrishbhaanken kumari | atee udyog chahun dish dekhiyat pragati

Part1-189

भई वृषभानकें कुमारी | अति उद्योग चहुँ दिश देखियत प्रगटी ब्रज उजियारी ॥१॥ भले नक्षत्र भई यह नागरि शील रूप शुण माई । ऐसी और नाँहि तिभुवनमें भागि बड़ेई पाई ॥२॥ दिनदिन लगति सुहाई भामिनि सबहिन लगत पियारी । देखि आनंद श्रीविद्नगिरिधर अरु वृषभान दुलारी ॥३॥

Saarang

Daanke miss yeh dhota karat atapati baat .. gahi putt

Part1-232

दानके मिस यह ढोटा करत अटपटी बात ॥ गहि पट झकझोरत अति छबिसों रूप भरबौ इत्तरात ॥१॥ मानत नॉहि न डर काहूको परसत है त्रिय गात ॥ कहा कहिये इनतो यह माँड़ी कहेंगी जाय अब मात॥२॥ हँसि मुंसिक्याय निहारत प्यारौ आनेंद अँग न समात ॥ श्रीविदलगिरिधरन भाम हैंसि रसहि रस अरुझात ॥३॥

Bilawal