Aliri saghan kunj usirki

NityaPad-302

आलीरी सघन कुंज उसीरकी रावटी ता माधि राजत पिय प्यारी | कंचन थार ले आई सब व्रज वाम जिमावत प्रान प्रिय गुंफत हार निवारी ॥ १॥ कोऊ बिंजन कर गहे कोऊ परसत पियको कोऊ अरगजा घिस लावत फूलनी कंचुकी सारी ॥ जेंवत स्यामा स्थाम देखत जाने कोटि काम नंददास” बलिहारी।॥।२॥

Kanharo

Banyon khelat faag sunder nandako laalaa .. baney

Part3-202

बन्यों खेलत फाग सुंदर नंदको लाला ॥ बने संग गोपकुमार उदार सनेरंग गयन बिशाला ॥१॥ वाजत रंग भरे डफ झांझ मिल्‍यो मृदु वेणु रसाला ॥ गावत गीत भरी रसरीति खरी नवल ब्रजबाला ॥ २॥ लाल करी हे रंगीले सगरी सुडारी अबीर गुलाला ॥ वाढ्यो है रंग अनंग लज्यो हें कृष्णदास रस ख्याला ॥३॥

Kaafi

Kirtizuki dhaadhini jasumati joope aaee . sunee dwaar thaadi

Part1-132

कीरतीजुकी ढाढ़िनि जसुमति जूपे आई । सुनी द्वार ठाड़ी तब भीतर भवन बुलाई ॥१॥ ढाढ़िन दई असीस चिरजीयौ कुँवर कन्हाई । सादर ते नैदरानी कीनी बहुत बड़ाई ॥२॥ दिये बसन मनि माणिक मुक्ता दाम सुहाई । रतन जठित की पहोंची बाँधी निज कर सौं जाई ॥३॥ दुलरी - तिलरी चौकी सरस ढाढ़नि पहिराई । किये मनोरथ पूरन जो मन चितत आई ॥४॥ हैसि बोली तब ढाढ़नि दान मान बहु पाई । जसुमति तुम बहु दान करतहौ रंक न राई ॥५॥ सुनहु महरि एक बात कहतहों सुखद सुहाई। मेरी महरिकें कन्या हैहै जो सुंदर सुखदाई ॥६॥ तेंरे पूतके संजोग सगाई हों करोंगी बनाई । चली मुदित मन ठाढ़नि किशोरीदास शिर नाई ॥७॥

Bilawal

Palana jhoolat vallabh raaee.. prem bivash gaabat

Part2-325

पलना झूलत वललभ राई॥ प्रेम बिवश गाबत इलराबत मुदित इलंमा माई ॥१॥ अंग अंग प्रति अमित माधुरी नख भेख बनाई॥ सुंदर श्याम कमलदल लोचन शोमा वरनी न जाई ॥२॥ मारण पुष्टि प्रकाश करनकों प्रगट भये भुव आई ॥ श्रीवल्लभ चरनारविंद पर दास रसिक बलजाई ॥३॥

Bilawal

Preetam pyaare nehin mohi ..

NityaPad-276

प्रीतम प्यारे नेहीं मोही ॥ नेंकु चिते इत चपल नैन सों कहा कहों ? हों तोही ॥१॥ कहा री ? कहों मोहिं रह्मौ न भावै जब देखों चित गोही ॥ 'छीत-स्वामी' गिरिधरन निरखिके अपुनी सुधि हों खोही ॥२॥

Nat

Khelat gwali gopal lalson mukh moodenman

Part3-244

खेलत ग्वालि गोपाल लालसों मुख मूदेंमन खोलें ॥ घुंघट ओट बदन राजतयों विधु बादर की ओलें ॥१॥ भूहें कुटिल कुरंग चपल चखसे अरुण डोलें ॥ मानो तिलक पारधी दूंक्यो चांप चढायें सोलें ॥२५॥ बेंसरको मोती राजतयों अति छबि देतअतोलें ॥ मानो रूप मंजुरी लेकें कीर करत है कोलें ॥३॥ चिकने चिहृ॒र छूटे बेनीतें दुरेवसनमें डोलें ॥ मानो कुठुंब सहित कालिंदी काली करत कलोलें ॥४॥ वाणी सबे सरस सुर गावत अपने अपने टोलें ॥ मानों सुरभरत कपोत कोकिला बनहि बिहंगम बोलें ॥५॥ वरखत हरखत मनमोहन पर सोंधो अधिक अमोलें ॥ फिरदे चली जमार गारी हो हो होरी बोलें ॥६॥

Sarang

Podhiyen ghanshyam balaiya lehu ..|

NityaPad-340

पोढियें घनश्याम बलैया लेहू ॥| अतिश्रम भयो बन गौचरावत द्योस परीहे घाम ॥१॥ सियरी व्यार झरोकन के मगर आवत अतिसीतल सुखधाम ॥॥ आसकरणप्रभु मोहन नागर अंगअंग अभिराम ॥।२॥

Bihaag

Hamaare srivitthalnath dhanee ..

NityaPad-353

हमारे श्रीविद्धलनाथ धनी ॥ भवसागरते काढमहाप्रभु राखि शरण अपनी ॥|१॥ जाको नाम रटत निशिवासर शेषसहस्रफणी ॥ छीतस्वामी गिरिधरन श्रीविट्ठल त्रिभुवन मुकुटमणि ॥२॥

Bihaag

Haan haan lalana aeka kshatri sethh chopada laaye janardhan

Part2-329

हां हां ललना एक क्षत्री सेठ चोपडा लाये जनार्दन संग ललना। ललना नारायण मदनगोपाल जु है प्रभु के अंग ललना ॥१ ॥ ललना गरुड कन्हैयालाल जू नरहरि मन भान ललना। ललना उत्तमश्लोक बल कृष्ण बादरायण जु भान ललना ॥२ ॥ ललना राजा दुबे माधो दुबे राणा व्यास पीतांबरदास ललना। ललना जटाधारी गोपाल जु गोरजा समराई सास ललना॥३॥ ललना यादवदास अच्युतदास जु आनंद विश्वंभरदास ललना ललना स्याम सुथार क्यों भूलिये जाको चरणन वास ललना ॥४॥ ललना नारायणदास दिवान जु संतदास विरक्त ललना। ललना सिंहनदके मात जु हे आनंद जगता सकृत ललना ॥५ ॥

Sarang

Maaee prakat bhaye hain raam.. hatyaa teen gaeen dashrathaki sunat manohar naam ..1 ..

Part2-256

माई प्रकट भये हैं राम॥ हत्या तीन गईं दशरथकी सुनत मनोहर नाम ॥१ ॥ बंदीजन सब कौतुक भूले राघव जन्म निधान॥ हरखे लोग सबे भुवपरके युव जन करतहें गान ॥२॥ जयजयकार भयो वसुधापर संतन मन अभिराम॥ परमानंददास बलिहारी चरन कमल विश्राम ॥३ ॥

Jetashri

Kusumit kunj vividh vrindavan chaliye nandke

Part3-060

कुसुमित कुंज विविध वृंदावन चलिये नंदके लाला ॥ पाडर जाईजुडी केतुकी चंपक बकुल गुलाला ॥१॥ अंव दाख दारचों नारंग फल जांबू परम रसाला ॥ ओर बहोत फूले द्रुम देखियत कहत मुदित ब्रजबाला ॥ १॥ कोकिलकीर चकोर मोर खग जमुनातट निकट मराला ॥ त्रिगुन समीर बहत अलिगुंजत नीकीठोर गुपाला ॥३॥ सुनि मृदु वचन चले गिरिवरधर कटितटि किंकिनि जाला ॥ नानाकेलि करत सखियन संग चंचल नेन विसाला ॥|४॥ तहां वीनत कुसम राधिका भामिनि ग्रथित मनोहर माला ॥ कृष्णदास प्रभु के उर मेलत भेटत स्यामत माला ॥५॥

Basant

Srivallabh mahasindhu samaan ..

NityaPad-353

श्रीवल्लभ महासिंधु समान ॥ सदा सुमरत होत तिनकूं अभयपदको दान ॥। १॥ कृपाजल भरपूर रह्योतहां उठत भाव तरंग ॥ रत्नचौदह सब पदारथ भक्तिदशविध संग ॥। २ पुष्टिमारग बडीनौका चलत अनआयास॥ ढिंग न आवे बुद्धि आसुरी मगरमीन निरास ॥। ३।। सेतुबांध्यो प्रकटहवे सुतविद्ठलेश कृपाल ॥ भयो मारगसुगम सबको चलत नेक न आल ।॥।।४।॥ पुष्टिरसमय सुधाप्रकटी दईसुर निजदास ॥ असुरबंचेंमनुज मायामोहे सुखमृदुहास ॥५॥ छांडसागर कौन मूरख भजे छिल्लर नीर।। रसिक मनते मिटी अविद्या परसचरण समीर ॥६॥|

Bihaag