Aaee basantakatu anupanoot kantamore |

Part3-011

आई बसंतकतु अनुपनूत कंतमोरे | बोलत वन कोकिला मानों कुहुकुह्ड रस ढोरे ॥|१॥ फूली बन राई जाई कुंद कुसम घोरे ॥ मदरस के माते मधुप फिरत दोरेदोरे ॥२॥ हम तुम मिलि खेलेंलालकुंज भवन चौरे ॥ गोविंद प्रभु नंदसुवन खेलें इकठौरे ॥३॥

Basant

Pandey bhog lagavan naan paaven ... karkar paak vahee arpatahen taba

NityaPad-078

पांडे भोग लगावन न पावें ॥। करकर पाक वही अर्पतहें तब तब तूं छुहि आवें।॥। १॥ में श्रद्धाकर ब्राह्मण न्योत्यो तू जो गोपाल खिजावे।। वह अपने ठाकुरहें जिवावत तूं योंही छुड़ आबे ॥२॥ तू यह बात न जानेरी मैया मोहे कित दोष लगावें॥ परमान्द बह नयन मूंदकें मोहीकों जु बुलावें ॥। ३॥।

Aasawari

Nrityat rasranga rasikaras bharey hoe .. sulap sanchagati lait

Part1-346

नृत्यत रासरंगा रसिकरस भरे हो ॥ सुलप संचगति लेत ग्रग्रततततथेईथेई बाजत मुदंगा ॥१॥ ताल झाँझ किच्नरि कतर भेद तैसीये मिली सरस सुर उपंगा ॥ गोविंदप्रभुके रस माते युवती यूथ मधि खसित कुसुम शिर मोतीनमंगा ॥२॥

Kanharo

Neeko shubh deen aaj pragate srivallabh

Part2-318

नीको शुभ दीन आज प्रगटे श्रीवल्लभ महाराज॥ मंगल गीत मधुर प्रमदा मिली गावत सुभग समाज॥९१ ॥ मंगल कलश द्वार प्रती शोभित बजे पंच शब्द बाज ॥ मंगल कनक देत मन भाये हररित्र विप्र पढे गाज॥२॥ मंगल भूषण पट पहेराबत पीत कुलह सिरताज ॥ मंगल भाल विसाल विलोचन अंबुज लखि जीय लाज ॥३ ॥ मंगल थाल आरती उतारत कुमकुम अक्षत साज॥ श्रीविद्ठुल गिरिधरन कृपा निधि पुजब॒त मंगल काज ॥।४ ।।

Naayiki

Tuu chala nand nandanko dekhan.

NityaPad-178

तू चल नंद नंदनको देखन। सीस धय्यों है दुमालो लाल रंग सोहतमन अब लेखन ॥।१॥ रहे ब्रज जन सब मिल गावत निरखि निरखि मन फूले ॥। सूरदास प्रभुकी यह शोभा बहा सुर मुनि भूले ।२॥।

Saarang

Viloko nagari radha pyariho .. sakhiri chhabi

Part3-207

विलोको नागरि राधा प्यारीहो ॥ सखीरी छबि गुण रूप निधान ॥ध्रु०॥ सारी नील मोल मेंहेंगेकी गोरेगात छबि हौत ॥ मानो नीलमणि मंडप मधि बरत निरंतर जोत ॥| १॥ चोटी चारुतीन सरमानो . कह्ँकेतु अरुराह ॥ चढि हिल मिल एक संग हेम गिरि शशि मुख कीनो ग्राह ॥२॥ मंजुल मांग मोती लर लटकत मटकत उपमा देत || मानों उड़ुगण सिमटि एकन्‍्हे वीच करत शशिहेत ॥ ३॥ सुंदर बाल भाल शशि मानो रचित ललित रजबिंदु ॥ मानो वंदू कुसुमन आन्यों एक मनसिज जीत्यो इंदु ॥४॥ जूआआड ताटंक चक्रयुग भ्रूसंकेत मृगनेन ॥ मानो तिलक बिबगहि बेठ्यो शशि रथ सारथी मेन ॥५॥ पीन कपोल चारु चिक्कण अति उपमा देत संकात ॥ मानो संख करत शशि सोमतो मान अनुजको नात ॥६॥ नासा सुभग मोती वेसरको वरनत होत संकोच ।॥ मानो कीरदारयो फलफोरचो वीज लागि रद्योचोंच ॥७॥ रच्यो अधर बिच दसन सुधारस यह उपमा को अंत ॥ मानो मुकुलित सीप रूपनिधि मोती दमकत दंत ॥८॥ ठोडी ठकुराइनकी नीकी नीलो बिंदु मझार ॥ शालिग्राम कनक संपुटमें रहगयो नेंक उधार ॥९॥ कपोती कंठराजे कंठसरी संख किये अवरन कांति॥ मानो कनक मूरत गंगातट निकट दिपतदीप पांति ॥ १ ०॥ पोहोष पाणि बांह बाजूबंद फव्ित फोंदना रूर ॥ मानों काम अंकुर हीगहके झूलत बाल मयूर ॥ १ १॥ छबि हरनी छाती परराजे सेत्तसीपजको हार ॥ मानो महेसपरसि मंदाकिनी धसिधरनी युगधार ॥१२॥ चुनीन मध्य चोकी नग उदित यह उपमा जियहेर ॥ मानो कुज्न उपज्यो अबनी पर इंद्रवधुन लीनोघेर || १ ३॥ चोली चारु छींटकी छाजत कविजिय करत अठोट ।। मानो महेश मनसिज भयते दुर बैठे छलओट ॥१४॥ रोमरेख उर्ध्वंधनुषकृत नाभि वसत रतिरोन ॥ मानो साधि सूधो करबैठ्यो द्वेमेंमारू कोन ॥१५॥ नीवी बनी बोरि केसरसों कसी विनोदे वाम ॥ मानो सीससदवरणवांधके वेढ्यो सदन चढकाम ॥ १ ६।॥। चंपकली अनुहार छुद्गरावलि कटिके हरिसी छीन ॥ युगनितंब मानोतुबपर सीरस समर ढूंढत सरवीन ॥१७॥ युगल जंघविपरीत रमतमानो लेहेंगा ललित सुहाय ॥ मानो मदन गढमेंडऐंडके उमगि चलयो गजराय ॥१८॥ अंबुज चरण पांयटेफोंदा यह उपमा कोठोर ॥ मधुरनाद गुंजार करतहें उडउड बेठत भोंर ॥ १९॥ कहे सहचरी बडे दुःख लाई प्रभु तेरे सुख लाग ॥ अवरस परस विलस बुंदावन उभय सकुच जिय त्याग ॥२०॥ जोरी बनी विचित्र सूरप्रभु बढ्यो रतीरस संग ॥ ठकुरायण राधाजू मेरी ठाकुर नवल त्रिभंग ॥२१॥

Kaafi

Laaj naheen hain mogat daan .. anta cheer key chor laal tum paayon

Part1-249

लाज नहीं हैं मॉगत दान ॥ अंत चीर के चोर लाल तुम पायों कहाँ सयान ॥१) यह तो राखो घर कों कर तब तुम क्‍यों करत गुमान ॥ लें जु चलत हे महरि मुंड धरि दीने कंस दिवान ॥२॥ कब तें भए नंद राजा ब्रज प्रजा भए वृषभान ॥| कब के तुम गोरस के दानी बाठ्यों अति अभिमान ॥३॥ राखत नाहि हाथ सूधे अब लागे हो करन लरिकान ॥ कहि हो जाय अब ही जसुदा सों जेहें निकसि गुमान ॥४॥ बार बार ताकत तरुनिन तन कसिकसि भ्रोंह कमान )। मेरी बीथा रसिक “माधो” हँसि दे अधरामृत पान ॥५॥

Saarang

Teree yeh hansan piya koo pyaari atee bhaavan ..

NityaPad-278

तेरी यह हँसन पिय को प्यारी अति भावन ॥ चोंप झलक छुटी विधु बदन अलक जातें नीकी लागत कंचुकी कसन ॥।१॥ अंग अंग भूषन अति हि बिराजत ठौर ठौर अरगजा भींज रहे बसन ॥ “चतुर बिहारी गिरिधारी हिलि मिलि बैंठें रीझि रीक्ि रस रसन ॥२॥

Saarang

Shree yamuna tata khelat dekhi vrishbhan gopki kanya . chalo

Part1-211

श्री यमुना तट खेलत देखि वृषभान गोपकी कन्या । चलो श्याम अब तुम्हें बताऊ व्रजमें प्रकवी कोऊ अनन्या ॥१॥ यह सुन रतिगढ़ जीतन कारन मानो चढी मदनकी सेना। “नंददास” ललिता मन प्रफुलित भलिभाव रससिंधु सुधन्या ॥१॥

Bilawal

Gangaa teen lok uddhaarak .. brahm kamandalaten tum

Part2-337

गंगा तीन लोक उद्धारक ॥ ब्रह्म कमंडलतें तुम निकसी सकलबविश्वकी तारक ॥ दरसन परसन पानकिये तें तुम कीने जीव कृतारथ ॥ परमानंद स्वामी को संगम आपुन भई सुखारथ ॥२॥

Bilawal

Horry khaile vraj barsaanain kii tambolani .. paan

Part3-351

होरी खैले ब्रज बरसानैं की तंबोलनी ॥ पान भरे मुख चमकति चौका वाकी मधुर-रसीली बोलनी ॥१॥ अँग रसीली सुमंध बसीली भौंहैं चलति कपोलनी॥ कोकिला कैसें कंठनि गावति रिझबति पिय को छोलनी ॥२॥ रति रस ध्यावै, केलि बढ़ावे, ब्रज जुबतिन मन मोहनी ॥ “ब्यास स्वामिनी' रिझि परसपर नंद नंदन रस झोलनी ॥३॥

Bihaag

Rookhari madhuban mohan sanga nisdin rahat kharee.

Part2-354

रूखरी मधुबन मोहन संग निसदिन रहत खरी। जबतें परस भयो मोहनको तबतें रहत हरी ॥१ ॥ सीतल जल जमुनाको सींचत प्रफुल्लित द्रमलता सगरी। नंददास प्रभु की सरनाई जीवन्मुक्त भई भरी ॥२॥

Goud Sarang