Uthhe praat asalaat kahent totri totri baat ..

NityaPad-032

उठे प्रात असलात कहेंत तोतरी तोतरी बात ॥ मांगत है जैसे सद्य माखन लाई हे जसोदा मात बाजत नुपुर सोहात नाचत त्रैलोक नाथ देखत सब ग्वाल बाल नेंनन नही अघात ॥॥१॥ नंदसुबन सुखदाई चिरजीबोरी कन्हाई जीवनमुख चाहि चाहि या निधि को माई ।।२॥। बाल केलि देखि आई रोम रोम सचुपाई श्री विद्ठल हर निरख लेत हे बलाई ॥३॥

Bibhaas

Khelekhel kanhar trian phulwari mein chhiraki

Part3-056

खेलेखेल कान्हर त्रियन फुलवारी में छिरकि छिराकि रंग भरतयो सुखकरे ॥ अति उत्तम चंदन बंदन लावे और अरगजा करिकें ऐसे अनुराग छिरका छिरक तरुणी बिरह हरे ॥ १॥ एक करपो होप माल गरेमेलत दूजेमोर धरावत कोऊ धूप अगरले सुवा सकरे ॥ हरीदास के स्वामी स्यामा कुंज बिहारी तीन लोकजाके वससो राधाके मुखपर अबीर डपके धरे ॥२॥

Basant

Yeh gati naachat naach naee .. voondaavan main raas bilas sukh baadhrit saee ..1..

Pustak1-327

यह गति नाचत नाच नई ॥ वूंदावन मैं रास बिलास सुख बाढ़ृत सई ॥१॥ भाँति भाँति राग गावत अलाप कैई ॥ उरप तिरप मान लेत तत थेई ॥२॥ स्याम सुंदर करत क्रीड़ा प्रेम घटा छई ॥ कुंभनदास प्रभु गिरिधर छिनु छिनु प्रीति नई ॥३॥

Shri

Srigokulgamko pendo hii naan‍yaaro ..|

NityaPad-007

श्रीगोकुलगामको पेंडो ही न्‍्यारो ॥| मंगलरूप सदा सुखदायक देखियत तीन लोक उजियारो ॥१॥ जहां वल्‍लभसुत निर्भय बिराजत भक्तजनके प्राणनप्यारो ॥ माधोदास बल बल प्रतापबल श्रीविट्ठल सर्वस्व हमारो ॥२॥

Bhairav

Govardhannath gokul pati garudgami gopijan vallabh jey mukund

Part1-083

गोवर्धननाथ गोकुल पति गरुडगामी गोपीजन वल्लभ जे मुकुंद गोबिंद गुपाल ॥ कान्ह क्ृष्न केसो किसोर हरि स्याम सुंदर दीनानाथ दामोदर रघुपति परमेसुर पुरुषोत्तम अपरंपार पुरनि निश्चय नंदलाल ॥१॥ नारायन नरहरि मुकुंद मधुसुदन माधों मुरारि रनछोड छबिलों केवल नैनं बिसाल ॥ कहि “कल्यान” बृजराज श्री विड्ठल ग्रगटे हे यहाँ मंथन केसी कंस काल ॥२॥

Gori

Ick aavat gharaten chaldhai... aeka jaat firgharahin samaai ..1 ..

Part2-071

इक आवत घरतें चलधाई।॥ एक जात फिरघरहिं समाई ॥१ ॥ एकटेरत एक दोरे आवत॥ एक गिरावत एक उठावत ॥२॥ एक कहत आवोरे भाई॥ बैल देतहें शकट गिराई ॥।३ ॥ कोन काहूको काहि संभारें ॥ जहांतहां सब लोग पुकारें ॥४ ॥ कोऊगावत कोऊनृत्यत आवबें॥ स्थाम सखन संग खेलत भावें ॥५॥ सूरदासप्रभु सबके नायक ॥ जो मनकरें सोकरवे लायक ॥६ ॥

Bilawal

Sunder shyam chhabilon dhota daar gayo mope madan thagori.

NityaPad-064

सुन्दर श्याम छबिलों ढोटा डार गयो मोपे मदन ठगोरी। निर्तत गावत वेनु बजावत संग सखा हलधर की जोरी | कबहुंक गेंदन मार मचावत ग्वाल भजावत हें चहु ओरी ॥ चंचल बाजन चावत धावत कबहुंक आय होत इक ठोरी ॥ कुंदन लोल लोल लोचन छबि शीश पगा ओढे पीत पिछोरी ॥ सूरदास प्रभु मोहन नागर कहांरि करुं किनी जग जोरी ॥

bilawal

Nirtat russ douu maaee rung...

NityaPad-062

निर्तत रस दोऊ माई रंग।॥ सुलप संच गतिभेद ग्रग्रतकिट धिकिट ध्रुमध्लुम धाजत मृदंग ॥१॥ कनक वरण टिपारो सिर कमल बरन काछनी कटि बनजुधात अति विचित्र स्थाम अंग॥ गोविंद प्रभु त्रैलोक विमोहित देखत ठगे से ठाडे मोहत कोटि अनंग ॥२॥

Todi

Aabat kunjanaten ponhopiri..

Part2-241

आबत कुंजनतें पोंहोपीरी॥ पिय अलसात जूंभात रसभरे ललन खबाबत बीरी॥१॥ सुरत शिथिल अंगअंग शिथिल अति भुजभर स्यामा रसकी रसीली ॥ विट्ठलविपिन विनोदकरो मिल नई ललितादिकनीली ॥२ ॥

Ramkali

Jopein chop millen kii hoy .. tou kyon rahyoparevin dekhe

NityaPad-097

जोपें चोप मिलन की होय ॥ तो क्यों रह्योपरेविन देखे लाखकरो जिनकोय ॥।१॥ जोपें विरह परस्पर व्यापे तो कछु जिये बने | लोक लाज कुलकी मर्यादा एको चित न गिने ॥२॥ कुंभनदास जाहि तन लगी ओर नाकछू सुहाय ॥ गिरिधरलाल तोहि विनदेखे पलछिन कल्प विहाय ॥। ३॥

Ramkali

Srivallabhacharansharan jaay sub sukh tuun lahey ray ..|

NityaPad-003

श्रीवललभचरणशरण जाय सब सुख तूं लहे रे ॥| रसना गुण गाय गाय दरशन प्रसाद पाय ओर काज त्याग भाग वल्‍लभरति गहे रे ॥१॥ रेन दिनचिंतत रहे “3 शी ५3 इनहीं के रूप रंग इनहीं रस वहि रे॥ श्री विद्डलगिरिधारी यहि रस भारी चाहेना जो चाहे जीये तो येही चाह चही रे ॥२॥

Bhairav

Sakal vrajatiyanmein tuhi jiniri ....

NityaPad-336

सकल ब्रजतियनमें तुही जीनीरी ॥॥ सबको भाग्य भोगवत सबरी निसा लालगिरिधरन संग तोहि बीतीरी ॥१॥ केतिक उपमा कहूं रावरी एकमुख ए्यामसुंदर गरेंलाय तोहिलीनीरी ॥ रसिकप्रीतम महासुख दियो राधिका यातें कमला लयारही हेरीतीरी ॥२॥ ।

Kedaro