Shree vallabh binn sub jug feekau ..

Part3-041

श्री वल्लभ बिन सब जुग फीकौ ॥ श्री विद्ठल पुरुषोत्तम सुमिरों काज सब सुधरे या जीय कौ ॥१॥ श्री गिरिधर गोविंद श्री बालकृष्ण गोकुलनाथ रसिक बरनी कौ ॥ श्री रघुपति जद॒पति घन सॉबल 'सरस रंग” भजन कर याही कौ ॥५॥

Hindool

Shyam jamunan beach khewat naav .. aeka sakhee aaee gharaten kahey

NityaPad-253

श्याम जमुनां बीच खेवत नाव ॥ एक सखी आई घरतें कहे मोहुकों बेठाव ॥१॥ बेठों केसे घाट ओघट हे रपट परत हैं पाय ॥| हाथ पकर बेठाय आप ढिंग रसिकन रच्यो उपाय ॥२॥

Saarang

Pragati shrivrishbhan dulari | jaijaykar hott tribhuvanmein abb

Part1-195

प्रगटी श्रीवृषभान दुलारी | जयजयकार होत त्रिभुवनमें अब ऐहेँ गिरिधारी ॥१॥ नाचौ गावी करो कुलाहल आनंद उपज्यौ भारी | रसिक सिरोमनि रसिकराय प्रभु लीजै भेट हमारी ॥२॥

Saarang

Gidgiutantantan dhitaadhitaan mandilaga baajai ..

Pustak1-342

गिडगिउतांतांतां धिताधितां मंदिलगा बाजै ॥ तांधिला घिलांधिलां धिधिकट धिधिकट धननननथुंग ग्रिडगिडथुं गिडिगिडथुं घन प्रचंड गाजै ॥१॥ थुंगधुंगथुंगभुंगथरथरतनननननन थेई थेई शब्द उघटत नटवर नट राजै ॥ कृष्णदास प्रभु गिरिधर प्यारी संग नृत्य करै अंग-अंग कोटि सुलक्षण मन्मथ मन लाजै ॥२॥

Iman

Kesari chheent ruchir bandanraj syathaam subhag tunn

Part3-017

केसरी छींट रूचिर बंदनरज स्यथाम सुभग तन सोहें ॥| बिचबिच चोवा लपटानों उपमाकों कहि कोहें ॥१॥ यह सुख नव वसंत के ओसर राधानागरि जोहें ॥ चन्नभुजप्रभु गिरिधरन लालछबि कोटिक मन्मथ मोहें ॥२॥

Basant

Laal podhiye joo baal ruchir sez banaai...

NityaPad-235

लाल पोढीये जु बाल रुचिर सेज बनाई।॥ सोंधे सुवास छिरक कुमकुमा चन्दन अति सुंदर सुखदाई ॥।१॥ बिरा पोहोपमाल भोग राग अति रसाल रसई रस केलि करत ब्रजजन मन भाई ॥ वृन्दावन प्रभु चन्द चांदनी किसोरी कुंवर रहस रहस हंस कंठ लगाई ॥२॥

Adano

Aaj gopal rachyau raas dekhat hott jiya hulas naachat

Part1-353

आज गोपाल रच्यौ रास देखत होत जिय हुलास नाचत बृषभान सुता संग रंग भीने ॥ गिडगिड तक थुंगधुंग तततततत थेई थेई थेई गावत केदारो राग सरस तान लीने ॥१॥ फुले बहुभाँत फूले सुभग पुलिन यमुना कूल मलय पवन बहत गगन उड्ुपति गति छीने ॥ गोविंदप्रभु करत केलि भामिनी रससिंधु झे जयजय सुर शब्द कहत आनंद रसभीने ॥२॥

Kedaro

Baal vinod gopal key dekhat mohi bhaaven . prem pulaki

Part1-149

बाल विनोद गोपाल के देखत मोहि भावें । प्रेम पुल॒कि आनंदभरी जसुमति गुन गावें ॥१॥ बलि समेत घन सामरौ आँगनमें धावै । बदन चूमि गोद लियौ सुत जानि खिलाबै ॥२॥ शिव विरंचि मुनि देवता जाकौ पार न पाबै । सो परमानंद ग्वालकौ हँसि भलौ मनावै ॥३॥

Bilawal

Gharghar gwal detahain herry . baajat taal mridang baansuri dhol damama

Part1-047

घरघर ग्वाल देतहैं हेरी । बाजत ताल मृदंग बाँसुरी ढोल दमामा भेरी ॥१॥ लूटत झपटत खात मिठाई कहि न सकत कोऊ फेरी । उनमद ग्वाल करत कोलाहल ब्रज बनिता सब घेरी ॥२॥ ध्वजा पताका तोरनमाला सबै सिंगारी सेरी । जयजय कृष्ण कहत परमानंद प्रकट्यौं कंस को बैरी ॥३॥

Sarang

Chalchal mero kahyotunman naatar pachtehe karman... abahinto

NityaPad-124

चलचल मेरो कह्योतूंमान नातर पछतेहे करमान॥। अबहींतो पिय पायपरतहें त्यज अभिमान पावेंगी अधिक सनमान ॥।१॥ बहुनायक सुखदायक सोंकरि काहूको निवह्मोहे गुमान ॥ रसिक प्रीतमसो पियजो पैयेतो सहिये कोटिक अपमान ।। २॥

Bihagaro

Jhagarin tein houn bohot khijai . kanchanhar diyein naheen maanat

Part1-085

झगरिन तें हों बोहोत खिजाई । कंचनहार दियें नहीं मानत तुही अनौखी दाई ॥१॥ बेगि तू नार छेदि बालककौ जातहै ब्यार भराई । सत संयम तीरथ व्रत कीने तब यह संतति पाई ॥२॥ दीजै बिदा जाऊँ घर अपने कालि सॉझकी आई ॥ सूरदास प्रभु गोकुल प्रगटे भक्तनके सुखदाई ॥३॥

Devgandhar

Nandasuban milli gawat bhamini .. ' adbhut or

Part2-356

नंदसुबन मिलि गावत भामिनी ॥ ' अदभुत ओर आई देखो सखी तरुन मेघमें गरजत दामिनी ॥१ ॥ नाचत उरप लेत प्रीतम संग तिरप भेद दरसत गजगामिनी ॥ उघटत शब्द संगीत सुघर पर चुबत भोंह लोचन अभिरामिनी ॥२ ॥ रवि तनया पुलिन रास महा बिलसत बूंद शरदकी जामिनी ॥ कृष्णदास स्वामी गिरिधर पिय रीझवत सुरत केलि कोमल कला कामिनी ॥३ ॥

Goud Sarang