Nand nandan kunwari radhika nagari doll jhoolati baney ranng bheenen .. kaun munn rahey jhuman phal phool chahuun aur tein .. gopika jooth milli

Part3-381

नंद नंदन कुँवरि राधिका नागरि डोल झूलति बने रँंग भीनें ॥ कौं मन रहे झुमन फल फूल चहूँ और तें ॥ गोपिका जूथ मिलि मधुर लीनें ॥ १॥ खेलि गहरो दोऊ ओर तेैं व्है रह्मों रैंग घुमडनि भई प्रबल भारी ॥ देव मुनि देखि किन्नर थकित व्है रहे सुर बधू बिकसि रही काम चारी ॥२॥ ब्रज कुँवर लाडिलो नित्य लीला ललित हे रही सरस रस रंगकारी ॥ 'रसिक' जन मनन करे देखि दूग अपने परान इक बल करों वारि डारी ॥ ३॥

Sarang

Nita uthh maan manaave hoe pyaari .. kaun tave purry

Part3-360

नित उठ मान मनावे हो प्यारी ॥ कौन टेव परी ब्रज सुंदरी पीय को पांय पडावे हो ॥१॥ नहीं बूझत समजत मनसजनी सहज बात उठ आवे हो ॥ तू जो कहत हों निपट सयानी सयानप कौन कहावे ॥२॥ यह दिन फाग सुहाग राग के सब काह्ूू मनभावे हो ॥ श्रीविद्ठल गिरधरनलाल सों काहे न रंग बढ़ावे हो ॥३॥

Bihag

Jaao jaao gujariya jhoothi .. larika meron ghar khelat haye kaun

Part1-265

जाओ जाओ गुजरिया झूठी ॥ लरिका मेरों घर खेलत हे कौन चोर बन लुंटी ॥१॥॥ माखन खायो मही ढरकायो उरमोतिन लर टूटी ॥ आसकरन प्रभु मोहननागर सर्वस्व दे ग्वालन छूटी ॥२॥

Nat

Ruchir ramit rachi raas ..

Pustak1-323

रुचिर रमित रचि रास ॥ कुसुमित कानन सम द्रुमवेली निजकृत उडुप प्रकाश ॥१॥ युवती युगल युगल ग्रति माधी करत विनोद विलासं ॥ वेणु भृदंग मैंजीर किकिणी क्वणित मधुर शब्दमुदुहासं ॥२॥ यमुनातीर भीर खगमृगकी मंद समीर सुवासं ॥ बरषत कुसुम इंद्रसुर धावत शंकर त्यजतकैलास ॥३॥ निरख नयन छवि मुरयो मन्मथ लोचन पद्मपलाशं ॥ विष्णुदास प्रभु गिरिधर क्रीड़त कथाकथित शुक व्यास ॥४॥

Todi

Bhaliyahkhelwekiban .| madangopal laal kahuki rakhatnahin kaana ...1..

NityaPad-194

भलीयहखेलवेकीबान ।| मदनगोपाल लाल काहूकी राखतनाहिन कान ॥।१॥ सुनोहोयशोदा करतबसुतके यह ले मांटमथान ॥। तोरफोरदथि डारअजरमें कौनसहेनितहान ॥ २॥ अपनेहाथ देतबनचरकूँ दूधभात घृतसान ॥ ज्योबरजोतों आनदिखावबें पर घरकूद निदान ॥३॥ ठाड़ीहँसत नंदजूकीरानी मूंदकमलमुखपानि ॥ परमानंददास यह जानें बोलबूझधोंआनि ॥|४॥।

Dhanashree

Banamen raas rachyaun banbari .. yamunapulin mallika

Part1-356

बनमें रास रच्यौं बनबारी ॥ यमुनापुलिन मल्लिका फूली शरदरैन उजियारी ॥१॥ मंडल बीच एयामघन सुंदर राजत गोप कुमारी ॥ प्रकटत कला अनेक रूप तिहिं अवसर लाल बिहारी ॥२॥ शीश मुकुट कुंडल की झलकन अलक बनी घुँघरारी ॥ कंबु कंठ ग्रीवा की डोलन छीन लंक लैहै कारी ॥३॥ धायधाय झपटत उर लपटत उरप तिरप गति न्यारी ॥ नृत्यत हँसत मयूर मंडली लागत शोभा भारी ॥४॥ बेणुनाद ध्वनि सुन सुरनर मुनि तनकी दशा बिसारी॥ श्रीविद्डललगिरिधरनलाल की बानिक पर बलिहारी ॥५॥

Bihagaro

Prohit vrishabhaanu kau hoe aayou nandrai darbar

Part3-106

प्रोहित वृषभानु कौ हो आयौ नंदराई दरबार ॥ध्रु०॥ सिंघ पौरि खेलैं ब्रज-बाला छिरकति कुंमकुम नीर ॥ ब्रज की बीथिनि खेल मच्यौ हो भई परसपर भीर ॥१॥ घेरि लयौ ब्राह्मन चह्-ुँदिस तैं लीने बसन उत्तारि ॥ नैन आँजि कें दयौ दिठौंना बेंनी गुही सँबारि ॥२॥ तन सुख चीर, लाह कौ लहिंगा, अँगिया बनी कटाब ॥ कंठ पोति, कर पौहौंची सोहै, बाजूबंद जड़ाब ॥३॥ तिया-भेष अद्भुत जु बन्यौ है कहति सबें ब्रज- नारि ॥ दै पट तार नचावें पांडे, गावति हैं मिलि गारि ॥७॥ उत तें आवति हैं नंद-नंदन, गोप सखा संग जोरि ॥ प्रोहित की गति देखि साँवरो हैँसति, मुदित मुख-मोरि ॥५॥ तब मोहन जुबतिन मधि आए पांडे दियो छुड़ाई ॥ फगुवा बहुत मँगाई सबन कौं देति है हरखि बुलाई ॥॥६॥ देति असीस चलीं ब्रज-बनिता, चिर जियौ ब्रजराई ॥ जाके राज सदाँ इहि बिचि सौं, खेलति है हम आई ॥७॥ तिहिं औसर पांडे कौं दीने, नौतन बसन मँगाई ॥ चल्यौं बहुरि बृषभानु-पुरा कौं फूल्यो अंग न माई ॥८॥ ब्रह्मादिक, सनकादिक, नारद, रहे बिमानन छाई | यह छबि निरखि बारि तन, मन, धन, 'विष्नुदास! बलि जाई ॥%९%॥॥

Dhamar

Maaee aaj tou rawal gaam caso rahyo phoolke . phooli gopi sub

Part1-204

माई आज तो रावल गाम कैसो रह्यो फूलके । फूली गोपी सब ब्रजपति आनंदन कुलके कुंजनके कुंज फूले विटपन झूलके ॥१॥ फूली फूली ब्रजनारी हंसकर देत तारी | भादो सुद उजियारी आठे अनुकूल के ॥२॥ फूले वृषभान चंद्रभान हि मान देहे | द्विजन जनन दान कोटि रासि खोलके ॥३॥ फूले है जाचक सब भये हैं अचानक अब । माँगत मागत आये लेत तोल तोलके ॥४॥ “नंददास” देखत फूले ग्रहपद पाये झूले | देखि दन्द्र भूले जनम अमोके.. ॥५॥

Jejevanti

Aarti yugal kishorki keeje ..

NityaPad-279

आरती युगल किशोरकी कीजे ॥ तन मन धन न्‍्योछावर दीजे ॥१॥ गौरस्याम मुख निरखत जीजे ॥ प्रेमस्वरूप नयनभर पीजे ॥२॥ रवि शशि कोटि बदनकी शोभा ॥। ताहि देखत मेरो मनत्नोभा ॥३॥ नंदनंदन वृषभान किशोरी ॥ परमानंदप्रभु अविचल जोरी ॥४॥

Gori

Waghambar odhein saanvaro hoe yaamen jogi kohunrakon

Part3-180

वाघंबर ओढें सांवरो हो यामें जोगी कोहुनरकोन ॥श्रु०॥ संखशब्द ध्वनि सुनजित तिततें घिरि आई ब्रजनार ॥ वदन विलोकि कुंवरि राधे को बेठे हैं आसन मार ॥१॥ हँसि बूझत वृषभान नंदिनी रावल उत्तर देह ॥ कारन कोन रूपतसीको वनतज ढूंढतगेह ॥२॥ कोन देसते आए हो रावल कहां तेरी मससाजाय ॥ आपुन साधि मौन धरि बेठे दक्षन दिस बताय ॥३॥ सींगी पन्न विभूतिन बढ़ुवा सिर चंदन की खोर ॥ मेरे जिय ऐसी आवति हे संकर विसरी गोर ॥४॥ चुटकी विभूत दई राधाकों चले हैं वाघंबर झारि || मनहरि लियो तनक चितबन में गोहन लागी सकुमारि ॥५॥ नगर नगर प्रति भवन भवन प्रति निशदिन फिरत उदास ॥ नयन अकोर भये राधा के हरि दरसन की प्यास ॥६॥ जतन जतन कर मनमोदह्यो हो निरख नयन की कोर || जगन्नाथ जीवन धन माधो प्रीति लगी दुह्ुओर ॥७॥

Kafi

Kahoju daan laiho kaisen humm tau deva govardhanpujan aaeen .. kouu

Part1-259

कहोजू दान लैहो कैसें हम तौ देव गोवर्द्धनपूजन आईं ॥ कोऊ दह्यो कोऊ मह्मो माँखन जोरि जोरि आछौ अछूतो लॉईं ॥१॥ तुम्हें पहले कैसें दीजें कान्हरजू तुमें तौ सबै फबि करत मनभाई ॥ नंददास प्रभु तुमही परमेश्वर भये अब कछ्टू नई ये चलाई ॥२॥

Bihagaro

Paudhe rung mahal govind .. sriradhika sanga sarad rajani udit

Part1-359

पौढ़े रंग महल गोविंद ॥ श्रीराधिका संग सरद रजनी उदित पून्यौ चंद ॥१॥ बिबिध चित्र बिचित्र चित्रित कोटि कोटिक बंद ॥ निरख निरख बिलास बिलसत दंपती रसछंद ॥२॥ मलय चंदन अंग लेपन परस्पर आनंद ॥ कुसुम बीजना प्यार ढोरत सजनी परमानंद ॥२।॥।

Kedaro