Horry khlelat saanvaro gwalball sanga keene

Part3-127

होरी ख्लेलत सांवरो ग्वालबाल संग कीने जू ॥ मृगमद चोवा केसरसों पिचकाई भर लीने जू ॥१॥ छिरकत भरत आनंदसों प्यारी अति रस भीने जू ॥ तन मन धन सब बारहीं चन्नभुज प्रभु बस कीने जू ॥र॥

Bilawal

Baithon kunj-bhawan mein douu giridhar radha pyaari .

NityaPad-318

बैठों कुंज-भवन में दोऊ गिरिधर राधा प्यारी । अरस-परस बिलसत मुख परसत, दरसत घन में छटा री ॥ अतिरस मत्त भरे मिलि गावत रीझि रिझ्ञावत ताननि प्यारी। छीत-स्वामी' गिरिधारी मोहन रसबस भए पुलकि भरत अँकवारि |

Bihagaro

Nand mahar ghar hott badhaai .. atee anand urmein naan samaai ..1..

Part2-068

नंद महर घर होत बधाई ॥ अति आनंद उरमें न समाई ॥१॥ नेवज करत यशोदा आतुर॥ अष्टसिद्धि घरही अति चातुर॥२॥ मेदा उज्ज्बल करकें छान्‍्यों॥ बेसन दार चनाकर बान्यों ॥३ ॥ घृत मिष्टात्न सबे परिप्रण॥ मिश्रीसहित पाकको चूरण ॥४ ॥ लदुवा करत मिठाई घृतपक॥ रोहिणी करत अन्नभोजन तक ॥५॥ संग ओर ब्रजनारी लागी॥ भोजन कर सब धरत सभागी ॥६॥ महेरि करत रचि उपरतरारी॥ जोरत सब विध न्यारीन्यारी ॥७ ॥ सूरदास जो मागत तबहीं॥ भीतरतें ले देतहें जबही ॥८ ॥

Bilawal

Neck kunj kripa curr aaiye ..

NityaPad-229

नेक कुंज कृपा कर आइये ॥ अतिही मान कर रही किशोरी कर मनुहार मनाइये ॥१॥ कर कपोलते छूटत नहीं क्‍यों हूं अतिउसास तन पाइये ॥ मेचक वलित ललितमुख जहां तहां सुहस्त संवार बनाइये ॥।२॥ यामें कहा गाँठको लागे जो बातन सचु पाइये ॥ झूठेई आदर करत किशोरी सूर यह यश गाइये ॥३॥

Saarang

Pyaare paiya paran nadini ..

NityaPad-109

प्यारे पैया परन नदीनी ॥ जोईजोई व्यथा हुती मेरे मनमें छिन एक में दूरकीनी ॥१॥॥ जो सोतिन मोसो अनख कर तही सोई आनंद भीनी ॥। नंददासप्रभु चतुरशिरोमणि प्रीत छाप कर लीनी ॥।२॥

Nayaki

Laalan teree chitwan chitahi churaave ..

NityaPad-312

लालन तेरी चितवन चितहि चुरावे ॥ नंदगाम वृषभानपुरा बिच मार॒ग चलन न पाबे ॥ होतो होंतो भरो डरों नहीं काहू ललिता दृगन चलावे ॥ कुंभनदास प्रभु गोवर्धनपर धर्‌यो सो क्यों न बतावे॥२॥

Iman

Hoe neeke jaantari alitere hadayaki sub baat .. sakal

NityaPad-226

हो नीके जानतरी आलीतेरे हदयकी सब बात ॥ सकल घोषयुवतिनको सर्वस्व तेही हर्योरी आली सांवरेगात ॥१॥ जाको कार्य सिद्ध करत विधाता ताहि नकाहूकी परवा है री माईंकहीरहो कोऊ पांच सात ॥ गोर्विदप्रभु निधिनीको धन पायो तेही छिपायो मोसो कित दुरत हैरी जोतू डार डार तोहों पातपात ॥२॥

Saarang

Uddhav esso bhakt mohi bhaave ..

NityaPad-370

उद्धव एसो भक्त मोहि भावे ॥ सबतज आश निरंतर मेरी जन्म कर्म गत गावे। कथनी कथत निरंतर मेरी सेवामें चित्तलावे | मूदुहास नेन जलधारा करतल ताल बजावे॥ जहां जहां भक्त मेरो चरण धरत हे तहां तीरथ चलि आवे। बे रज ले में अंग लगाउं कोटि ब्रह्मांड सुख पावे ॥ मेरी मूरत उनके हृदय में वे मेरेडर आवे। बल बल जाऊं श्रीमुख वाणी सूरदास जस गावे॥

Kanharo

Aaj laal thaade mukat dharey .. badan lasat makrakrit kundal

NityaPad-174

आज लाल ठाडे मुकट धरे ॥ बदन लसत मकराकृत कुंडल रतिपति मनजु हरे ॥ १॥॥ अरुन अधर अरु चिबुक चारु बन्यो दुलरी मोहन माल गरे। अति सुगंध और चंदन खोर किये पहोची मोतीन की लरे ।।२।॥। कर मुरली कटिलाल काछनी किंकणी नूपुर शब्दकरे गुन भरे कृष्णदास प्रभु राधा निरस्त नेन ईत उत न टरे ॥ ३॥।

Saarang

Sajniri aaj giridharlal pagiyaan dharey pench banaay .. maan

NityaPad-315

सजनीरी आज गिरिधरलाल पगियां धरे पेंच बनाय ।। मान छांडि संभारि नागरि निहार पिय मुख आय ॥३१॥ निरखि शोभा कोटिमन्मथ रहे हैं सिरनाय ॥ दासकुंभन लालगिरिधर लीजिये उरलाय ॥१॥

Adano

Bhalee hoe keaney lalgiridhar bhor aaye boll saanche ..

NityaPad-045

भली हो कीनी लालगिरिधर भोर आये बोल सांचे ।। युवतिवलल्‍लभ विरद कहियत याते तुम भलेहो बांचे ॥१॥ यहां आये कोन पठाये मानों मंत्रीकांचे ॥ तहीहें सिधारो लालन जा त्रिया संग रंगराचे ॥२॥। अधर सुकत स्वास धिर नहीं नवत्रिया संग बंदवाचे ॥ सुन कृष्णदास नागरीकहत ज्योंही नचाये त्योंही नाचे ॥३॥।

Lalit

Aaj nandlal pyaaro mukut dharey. swan lasat makrakriti kundal

NityaPad-174

आज नंदलाल प्यारो मुकुट धरे। स्वन लसत मकराकृति कुंडल काछनी कटि वनमाल गरे ॥९॥ चंचलनैन विसाल सुभग भाल तिलक दिये सुंदर मुखचंद चारु रूप सुधा झरे। विचित्र विहारी' प्यारो बेनु बजावत बंसी बटतें व्रजजन मन जु हरे ॥२॥।

Gori