Yamunajal kreedtahen ghanshyam... dakshinbhag

Part2-342

यमुनाजल क्रीडतहें घनश्याम।॥ दक्षिणभाग चपल चंद्रावलि राधे राजत बाम ॥१ ॥ अपने अपने यूथन ठाडीं खेलत छिरकत भाम ॥ गजवर ज्यों सोहत मनमोहन दिवस न जानत जाम ॥२॥ बेनी उलटि बदन पर आवत लपटी चंपकदाम॥ कनक जंजीर गयंद मदनकी झूमत हेत सकाम ॥३॥ इहिविधि श्रीषमकी ऋतु मानत द्योस परतहे घाम ॥ द्वारिकेश प्रभु कह्यो सबनसों चलो आपने धाम ॥४ ॥

Ramkali

Badhaaiyaan jasode badhaaiyaan | nandrani dey laal upanaan cess nahae

Part1-123

बधाइयाँ जसोदे बधाइयाँ | नंदरानी दे लाल उपनां सेस नहए सीज वाइयों । साजन चंगा साँड कीता असीफूली अंग न माइयाँ ॥१॥ पुत्र जायौ जगजीवनि तंडि लगि याँ पर बड़ाइयाँ | भाग सुलखननूं असीस वे धोलि धुलाइयोँ ॥२॥ आज सहीये सुख बसदानू ब्रज मैना सब भूलाइयाँ । आनंद भरी सोहनियाँ सब गोपी तो धर आइयाँ ॥३॥ बड़भागी नंद बेठा दे दामोह माँगी ठकुराइयाँ । दूध दही सिर पावै दे नाचे देवा राखे उमचाइयाँ ॥४)॥। सुखी हुये सुरनर मुनिजन मानो रंक निधि पाइयाँ । रामराय प्रभु प्रगटिया भगगन गरलों मन भाहइयाँ ॥५॥

Dhanashri

Jasoda naal naan chhedan daihon . manimay jatit hargrivakou

Part1-085

जसोदा नाल न छेदन दैहों । मनिमय जटित हारग्रीवाकौ वहै आज हों लैहों ॥१॥॥ औरनके हैं सकल गोप मेरें एके भवन तुह्ारो । मिटि जो गयौ संताप जनमकौ देख्यौ नंद दुलारी ॥२॥ बोहोत दिननकी आशा लागी झगरिन झगरी कीनौ । मनमें विहँसत है नंदरानी हार हियेकौ दीनौ ॥३॥ जाकौ नाल आदि ब्रह्मादिक सकल विश्वआधार। सूरदास प्रभु गोकुल प्रगटे मेंटनकों भूभार ॥४॥

Devgandhar

Banyau haye rasmondal maaee kamalanayan madhur cull venuswar gaaven ...

Part1-342

बन्यौ है रासमंडल माई कमलनयन मधुर कल वेणुस्वर गावें ॥. हस्तक भेद दिखावें गोपिन प्रेम बढ़ावैं ॥ मानों भूषति रतिरण जीते आवें ॥१॥ युवतिवृंद संग नाचत अपने रंग तानतरंग अनागति उपजावैं ॥ थकित सघन चंद रथ न पश्चिम धावैं ॥ इंद्र मुदित मन नभ निशान बजावैं ॥२॥ गोवर्द्धन धारी लाल मदन ताप नसावैं ॥ चारुचरण रज क्रृष्णदास पावैं ॥३॥

Iman

Jhuk rahee suna murliki tair ..

NityaPad-282

झुक रही सुन मुरलीकी टेर ॥ उतते आंई पनियांके मिष गौआवनकी बेर ॥१॥ मोरचंद्रिका मुकुटविराजत चपलनयनकी फेर ॥ परमानंदप्रभु मिले खिरकमें याते भई अबेर ॥२॥

Gori

Nagari naagar karati bihaar .. kaam nripati senaa anga

Part2-348

नागरि नागर करति बिहार ॥ काम नृपति सेना अंग दोऊ सोभा वार न पार ॥१ ॥ अधर अधर नैंन नेंन मधु जँभात कीयो इक ठोर॥ मानों इंदी बर कमल कुसेसय चारु भँवर रंग ओर ॥२॥ बंदन भाल विन सम दोऊ अरस परस बर नारि ॥ मानों विविध चंद चकोर परस पर कमल अमल रवि धार ॥३ ॥ रति आगम हित अति उपजायो पीय प्यारी मन एक ॥ 'सूरदास' स्वामी स्वामिनि मिलि कोक कला अनेक ॥४॥

Suha

Ratnajatit kanakthal madhyasohen deepmal agaraadi chandanso

NityaPad-132

रत्नजटित कनकथाल मध्यसोहें दीपमाल अगरादि चंदनसो अतिसुगंध मिलाई ॥ घनन घनन घंटा घोर झनन झनन झालर झकोर ततथेई बोलेब्रजकी नारि सुहाई ॥|९॥ तननतनन तानमान रागरंग स्वरबंधान गोपी सब गावतहैं मंगल बधाई ॥ चतुर्भुन गिरिधरनलाल आरती बनी रसाल तनमनधन वारत है यशोमति नंदराई ॥॥२९॥।

Bibhaas

Goras bechibe mein bhaanti .. naindanandan binu kou naan laihe kaahekon

Part1-247

गोरस बेचिबे में भाँति ॥ नैंदनंदन बिनु कोउ न लैहे काहेकों मथुरा जाति ॥१॥ दूध दहीके दाम न दैहों छुबत कहा सतराति ॥ परमानंद ग्वालिनी सयानी मोल करत मुसिक्याति ॥२॥

Saarang

Dou mill podhe sajani dekh akasi ..

NityaPad-345

दोउ मिल पोढे सजनी देख अकासी ॥ पटतर कहादीजे गोपीजन नेंननकों सुखरासी ।।१॥ स्यामा स्थाम संग यों राजतहें मानों चंद्रकलासी ॥ कुसुम सेज पर स्वेत पीछोरी सोभा देतहे खासी ॥। २॥ पवन दूरावत नेंन सिरावत ललिता करत खवासी ।। मधुर सुर गावत केदारों परमानंद निजदासी ॥।३॥

Bihaag

Maan lagyau girivar gaavai .. tata thei tatt thei tata tathei thei

Part1-319

मान लाग्यौ गिरिवर गावै ॥ तत थेई तत्त थेई तत ताथेई थेई भैरों राग मिल मुरली बजाबै ॥१॥ नाचत नव वृषभान दुलारी अब घर गतिमें गति उपजावै ॥ गिरिधर पियप्यारी की पद रज कृष्णदास ले शीश चढ़ावै ॥२॥ # राग भैरव # प्यारी भुज ग्रीवा मेलि निर्तत पिया सुजान ॥ मुदित परस्पर लेत गति में गति गुणरास राधे गिरिधरन गुण निधान ॥१॥ सरस मुरली धुनि मिले मधुर स्वर रास रंगभीने गावै अब घर तान बंधान ॥ चतुर्भुज प्रभु श्यामाश्यामकी नटन देख मोहे खग मृग वन थकित व्योंम विमान ॥२॥|

Bhairav

Yeh bhayo paachhilo pahar. kaanh kaann‍hh cutty terron laage baava

NityaPad-020

यह भयो पाछिलो पहर। कान्ह कान्‍्ह कटि टेरन लागे बावा नंदमहर॥।१॥ गोपवधू दधि मंथन लागी गोपन पुरे वेणु || उठो बलश्याम बछरूवा मेलो रांभण लागी थेनु ॥२॥ ब्रह्म मुहूरत भयो सवारो विप्र पढन लागे वेद ॥ परमानंददासको ठाकुर गोकुलके दुःख छेद ।। ३॥

Bibhaas

Praatasmein navkunjamahal mein sriradha or nand kishar .. dakshinkar

NityaPad-134

प्रातसमें नवकुंजमहल में श्रीराधा ओर नंद किशार ॥ दक्षिणकर मुक्तास्थामाके त्यजत हंस ओर चुगत चकोर ॥१॥ तापर एक अधिक छबि उपजत उपर भ्रमर करत घनघोर ॥ सूरदासप्रभु अति सकुचाने रवि शशि प्रकटत एकहि ठोर ॥२॥

Bibhaas