Naachat humm gopal bharosen. gawat baal vinod kaanhake naradke

Part1-049

नाचत हम गोपाल भरोसें। गावत बाल विनोद कान्हके नारदके उपदेसें ॥१॥ संतनको सर्वस सुखसागर नागर नंदकुमार । परम कृपाल यशोदानंदन जीवन प्रान आधार ॥२॥ ब्रह्म रुद्र इंद्रादि देवता जाकी करत किवार । पुरुषोत्तम सबहीके ठाकुर यह लीला अवतार ॥३॥ स्वर्ग नर्कको अब डर नाहीं विधि निषेध नहीं आस | चरनकमल मन राखि श्यामके बलि परमानंददास॒ ॥४॥

Sarang

Sub anga chheete laagi neeko banyon baan .. goraa

Part3-017

सब अंग छीटे लागी नीको बन्यों बान ॥ गोरा अगर अगरजा छिरकत खेलत गोपीकान्ह || १।| हाथन भरें कनिक पिचकाई भरिभरि दंतसुजान ॥ सुरनर मुनिजन कौतिकभूले जयजय जदुकुल भान ॥२॥ ताल परावज वेनुबांसुरी राग रागिनी तान॥ विमलानंद दासवलिवंदित नहीं उपमाकों आन ॥३॥

Basant

Sohat maaee mohan nandako laal. larika sanga sakal gokul key

NityaPad-169

सोहत माई मोहन नंदको लाल। लरिका संग सकल गोकुल के गावतगीत रसाल ॥ १॥ सिर टोपी कटि आड बंध सोहे उर बैजयंतीमाल | विविध ख्याल करत अर्भक संग बलबल दास गोपाल ॥। २॥।

Saarang

Subhag mahurat vijayadashmikau pratham samagam piya hulas ..

Part1-318

सुभग महूरत विजयदशमीकौ प्रथम समागम पिय हुलास ॥ दूति विनती करत प्यारीसों बेग पधारो पियके पास ॥१॥ मंजन कर आभूषण धासे कनक अंग पटचीर सुबास ॥ धीर धरौ वृषभान नंदिनी पूरन करौ प्रीतम की आस ॥२॥ नवनागर संगम नवनागरि नवसंगम बरनत हरिदास ॥ श्रीवललभ पदरज कृपाकों नित्यही नवल हृदय प्रकाश ॥३॥

Saarang

Chhaakaliye sir sthaam bulawat ..

NityaPad-201

छाकलिये सिर स्थाम बुलावत ॥ ढूंढत फिरत ग्वालिनी हरिकों कोऊ भेद नहीं पावत ।॥॥१ ॥ टेर सुनत काहूकी श्रवणन नितही तुरत उठ धावत ॥ पावत नहीं स्थाम बलरामहि व्याकुल हवे पछितावत ॥२॥ बृंदावन फिर फिर देखतहै बोल उठे तहां ग्वाल ॥ सूरस्याम बलराम यहां हो छाक लेहो इन्हें मिलादे लाल ॥३॥

Saarang

Aaj gopal rachyau raas dekhat hott jiya hulas naachat brishbhan sutaa sanga rung bheene ..

Pustak1-353

आज गोपाल रच्यौ रास देखत होत जिय हुलास नाचत बृषभान सुता संग रंग भीने ॥ गिडगिड तक थुंगधुंग तततततत थेई थेई थेई गावत केदारो राग सरस तान लीने ॥१॥ फुले बहुभाँत फूले सुभग पुलिन यमुना कूल मलय पवन बहत गगन उड्ुपति गति छीने ॥ गोविंदप्रभु करत केलि भामिनी रससिंधु झे जयजय सुर शब्द कहत आनंद रसभीने ॥२॥

Kedaro

Khelat vasant giridharan chand .. anandkand varr

Part3-029

खेलत वसंत गिरिधरन चंद ॥ आनंदकंद वर मनके फंद ॥ ध्रु ०॥ सोहत संग सुंदरवेनवीन ॥। वृषभान कुंवरि अतिसयप्रवीन ॥ दोऊ छविके सिंधु तहां रहतलीन || ललितादि सखीनके नेनमीन || ६॥ बनी मंजुकुंज जमनाकेकूल ॥ भीने नव केसरि दूकुल ॥ रंगभरत हसत दोऊ सुखकेमूल ॥ जिने देख्रि मिटि सब तनकी सूल ॥२॥ घिथधिकिट धिधिकिट बाजतमृदंग ॥ डिडि डमक डिमक डफ मिलेहे संग ॥ ठठ ठनन ठनन करेतालरंग ॥ गण गनन गनन बाजेउपंग ।॥३॥ गावतअलाप तननननन ॥ निंदित कोकिल सम ननननन ॥| रंगभरत वलहिकरि झिनि ननननन ॥ तबभरेरीनेन इननननननन ॥।४॥ रंग भरत परस्पर करतहास ॥ नहीं बरनि जात रसना विलास ॥ सब बंधीहें जुगल हित प्रेमपास ॥| बलिहारि गयो जहां कृष्णदास ॥५॥

Basant

Chauthau bilas kiau shyamaju parasauli vann maaee .. taake

Part1-307

चौथौ बिलास कियौ श्यामाजू परासौली वन माई ॥ ताके वृक्षतता द्ुमवेली तन पुलकित आनंद न समाईं ॥१॥ चंद्रभगा मुख्य यूथावलि अपनी सखी सब न्यौति बुलाई | खंडमंडा जलेबी लडुवा प्रत्येक अंगकौ भाव जनाई ॥२॥ साज कियौ पूजन देवीकौ बहु उपहार भेट लै आई ॥ खेलन चली बनी तिहिंशोभा ज्यों घनमें चपला चमकाई ॥३॥ पोहोंची जाय दरस देवी तब द्वै गये श्यामकिशोर कन्हाई ॥ मनको चीत्यौ भयौ लालनकौ हास बिलास करत किलकाई ॥४॥ श्यामाश्याम भुज भर भेंटे तृण तोरत और लेत बलाई ॥ कहीं न जाय शोभा ता सुखकी कुंजन दुरे रसिक निधिपाई ॥५॥

Malav

Dekh jiuun maaee nayan rangilo | leey chala sakhiri tere payalagon

NityaPad-116

देख जिऊं माई नयन रंगीलो | ले चल सखीरी तेरे पायलागों गोवरधनधर छेलछबीलो ।। १॥ नवरंग नव॒ल नवलगुण नागर नवलरूप नवभांत न बीलो ॥ रसमें रसिक रसिकनी भ्रोंहन रसमय वचनरसाल रसीलो ॥। २॥ सुंदर सुभग सुभगता सीमा सुभगसुदेश सुभाग्य सुशीलो ॥ कृष्णदास प्रभु रसिक मुकुटमणि सुभगचरित्र रिपुदलन हठीलो ॥। ३॥।

Adano

Maaihon giridharankegunagaaun.. merento vrat yeh nishdin aur

NityaPad-094

माईहों गिरिधरनकेगुणगाऊं॥ मेरेंतो व्रत यह निशदिन और नरूचि उपजाऊं।॥१॥ खेलन आंगन आउ लाडिलें नेकहु दरशन पाऊं।। कुंभनदास हिलगके कारन लालच लागिरहाऊं ॥३॥

Ramkali

Khelat raas rasik rasnagar .. mandit nava nagri nicker

Part1-357

खेलत रास रसिक रसनागर ॥ मंडित नव नागरी निकर वर रूपकौ आगर ॥१॥ बिकसत बन बनिता राजत जानों शरद अमल ॥ राका सुभग सरोवर मानों फूले हैं कमल ॥२॥ नबल किशोर सुंदर सांबल अंग कंचन तन ब्रजबाला ॥ मानों कंचनमणि मर्कतमणि बुंदाबन पैहेरी माला ॥३॥ या छबिकी उपमा कहिबे को ऐसोौ कौन पढ़चऔ है ॥ नंददास प्रभुकौ कौतुक लखि कामकों काम बढदयो है ॥॥४॥

Bihagaro

Terihon balbal jaauun giridharan chhabile .. kulhe chhabili

NityaPad-165

तेरीहों बलबल जाऊं गिरिधरन छबीले ॥ कुल्हे छबीली पागछबीली अलक छबीली तिलक छबीले नयनछबीलो प्यारीजू के रंगरंगीले।१॥ अधर छबीले वसन छबीले वैनछबीले हो अतिसरसुढीले ।। गोविंदाप्रभु नखसिख अंगोअंग लालन रसीले ।।२॥

Kanharo