Nagari nipun chhabili .. manmohanke

Part3-121

नागरि निपुन छबीली ॥ मनमोहनके रंगरंगीली ॥ जब होरी को ओसर आयो ॥ सब सखियन मिलि मंगलगायो || छंद ॥ गायो जु मंगल बेठि सखीयन आय श्रीवृषभानकें ॥ तहां आय बेठी पास अलियन राधिका मिस गानकें ॥ गावें जो होरी नवकिसोरी प्रेमसों गदगद गरें | निज सखीके कानमें कहिबात हियकी खुलि हरें ॥ मतोमति सब एक व्हे मन रूप गुनकी आगरी ॥ कीरतिजूसों करन बिनती उठी नवलजु नागरी ॥ १॥ अतिप्रफुलित मनआई | महरि निरखि मन अति सचुपाई ॥ जसुमति ग्रहकी बिनती कीनी || दिन खेलनकी आज्ञा दीनी ॥ टेक ॥ दीनी जु आज्ञा महरि करिति फाग रबेलो जायकें ॥ खेलको सबसाज लेकें रंग सों नंदरायकें ॥ उबटि कुंवरि सिंगार रुचिसों खेलकी अति चाडिली ॥ बोलि श्रीवृषभान सो कह्लि संग दीनी लाडिली ॥ तब चली यूथन जोरि विहसत संग ले चंद्रावली ॥ निकट नंददुवार देखत सुबन अति प्रफुलितअली ॥२॥ एक सखा लरिब आगें आयो ॥ बेगि दोरि मोहन पे धायो ॥ मोयदेखि गाई उनगारी ॥ बेहें बरसाने कीनारी ॥ टेक ॥ नारी जु बरसाने कीहेंवे मुख्य जिनमें राधिका ॥ सकल कला गुननकी निधि मनोरथकी साधिका ॥ आईजु सब मिलि सिंघद्वारें हुलसि तन मन गावहीं ॥ ब्रजराज ओर बलिराम गिरिधर नामलेले मल्हावहीं ॥ सुनि कुलाहल चहूँदिसते सीस धरिकेकीपखा ॥ नंदद्वारें खेलको सब साजसजि लाये सखा ॥३॥ व्हे ममन मन मोहन धाये ॥ छलसों दोरि सखिन में आये ॥ विहंसि कह्यो तुम सब भलें आई ॥ उद्यम बिन हम घर निधि पाई ॥ टेक ॥ पाईजु घर निधि बिना उद्यम भागि के पूरे सबे ॥ आनिराजा मदनकीहे तजो आरज पथ अबे ॥ तब सुबल बोल्यो सुनों मेरी बात मनकी एकहे ॥ इत स्याम स्यामा उते नाय दुहुन की यह टेकहे ॥ सुनि हंसी सब ब्रजसुंदरी निरखि मोहन प्रेमहे ॥| एक नख सिख मुर्गाटोदे खेलनकों मनमगन है ॥४॥ अति छबि छाकि रही यह गोरी ॥ पहलें रूपी खेलनकों होरी॥ तब नियरें मधुमंगल आयो ॥ कछु हरुवे एक वचन सुनायो ॥ टेक ॥ सुनाय वचन उतावलो मुरिजाई डफ हि बजावही | तब कोपि गोपी धाई सनमुख बंसमार मचावही ॥ ले अबीर उडाय सनमुख दिसाकीनीधूंधरी ॥ तब आई ओचक नंदनंदन बाल भेटी भुजभरी ॥ देहिं पोहोपट सबे उनमद मदनके फंदाफबी ॥| किंहुक छलबल छूटि भागी ग्वालिछाकी अति छबी ॥५॥ सुंदरि सबे भई एक ठौरी ॥ सबन गुलाल लये भरि झोरी ॥ जब हरिके सनमुख व्हे आई ॥ इतते छूटी कनिक पिचकाई ॥ टेक ॥ पिचकाईछूटी रंगरंगन अरगजा कुंकुम सोंसनी ॥ इत कुसुम रंग पलासके भरितकि त्रियन कुच बिचतनी ॥ उतते उडायो जगन छायो रंगसों करि सरबरी ॥ बलिराम भुज आकर्षिलीनों मगन मन सब सुंदरी ॥६॥ चंद्रावलि छलकरि ले आई ॥ आज हम परम पदारथ पाई ॥ संकरषण यह नाम धरायो ॥ उलटो जमुना नीर चलायो ॥ टेक ॥ चलाय जमुना नीर उलटो सतेभुजा अब लागहें ॥ अब पानी मुख में मेलि हा हा खाउ हँसि हँसि यो कहें ॥ आंजि द्रग मुख मांडि मृगमद नीलपटले भायसों ॥ जाय कहो जुहार सबकों रोहिनी नंदरायसों ॥ तुमपे न फगुवालेंहिअबकें बिहसिवोलीं सबअली ॥ पोंडोंचाय दीने पेंडपांचक चमकि चली चन्द्रावली ॥७।॥| ग्वालसबे बलि सनमुख आये ॥ भुजबल भेटि परम सुख पाये ॥ फगुवा में नीलांबर दीनों | बलिको बल अबलन हरिलीनों ॥ टेक ॥ लीनो जु हरि अबला नवल बलिरामकों अचरज भयो ॥ गहि चिबुक मोचो सोचमन श्रीदामधीरज धरि क्यो ॥ पहराय निज पटपीत द्रणमुख पोंछि मदनगुपालको || आय अपने खेत ठाडे संग ले सब ग्वालकों ॥ बिहंसिबोली कुंवरि राधे सोच निज जियमत करो ॥ पह्लोंचाय देहें भवन अपने सखिनके पांयन परो ॥८॥ तब ललिता एक मतो उपायो ॥ आपुसमे एक सखा बनायो ॥ एक चतुर दूजे मंत्र सिखायो ॥ छलसों मोहन पास पठायो ॥ टेक ॥ पठायो मोहन पास एक दिस जोरि कर ठाडो भयो ॥ अब ताहि बूझत नंदसुत तेरे नैन अंजन किन दयो ॥ आय मिकस्यो सहज अपने गामते यह गेलही ॥ उन पकरि काजर आंजि छांड्यो अति छबीली छेलही ॥ जो भरो ओचक जाइ रंगणसों राधिका इकलीअबे || फिरिदाऊ छलसों छूटिजेहें आयहडे ललिता तबे ॥९॥ मोहन चले सुनत ही बतियां ॥ प्रेम उमणि सीतल भई छतियां || नवल सखा ले संगही धाये || श्रीवृषभान कुंवरि तकि आये ॥ टेक ॥ आये जु तकि वृषभान नंदनी देखि द्रज सीतल भये ॥ दूरिहीतेरवकि राधे दौरि भुज भरि गहिलये ॥ घेरि लीने चड्ढं दिसतें काहू परिरंभन दियो || कोटि मनमथ मान हरलावन्य मुख चुंबन कियो ॥ भेद छल करि जाय लाई कित सखा छबि सोहना ॥ अधिक चतुर अजान के संग उठि चले मनमोहना ॥१०॥ प्यारी एक बात सुनि मेरी ॥ मोहि अब सोंह ववाकीतेरी ॥ यह निश्चें जियमें जोजाने ॥ रजनी मुखएहें बरसाने ॥ टेक ॥ बरसाने आय समाज सों हम रेनिहोरी खेलिहें | बोल लीजे खेल कीजे अधिक बारन बेलिहें || कह्मो सब मिलि बात नीकी सकल निस उजियारी है ॥ अब चलो जसुमति भवनमें ले संग गिरिधर प्यारी है ॥ गावेजु मारी लाजतजकें रंगसो रणमगरली ॥ नंदजूके भवनमें सब सुंदरी जाबत चली ॥११॥ श्रीवृषभान दुलारी प्यारी ॥ संग लिये वे गिरिवरधारी ॥ चहुंओर तरूनी अतिराजें ॥ मत्तगयंद निरखि गति लाजें ॥ टेक ॥ लाजें जुगति बर देख मतगज जबहि पोरी पण धरयो ॥ लघि महरि जसुमति रोहिनी सनमुख बेठि आदर करचो ॥ भीर भारी भवन में अति रंग सों गहगड मच्यो ॥ चंद्रावलि ब्रजसुंदरी भुजजोरि मिलि मंडल रच्यो ॥ विमल व्योम विमान छाये देवधुनि सुनि गानकी ॥ दे गोद गिरिधर जसुमतिकें कुंवरि श्रीवृषभानकी ॥१२॥ यह छबि वरनी न जाई ॥ जसुमति उर आनंद न समाई ॥ नंदराय सब साज पठायो ॥ फगुवा दीयो जाहि जो भायो ॥ टेक ॥ भायोजु जाहि सो दीयो ताही लीयो अति मन मुदित व्है ॥ आनंद भरि प्रति रोमलखिद्रण रही पूरन प्रेमन्है | आरती उतारें भरि निहारें दुहुंनेके मुख चंदजू | धनि धन्य जसुमति कुखि धनिये नंद आनंद कंदजू ॥ मुसिक्याय बोली बचन राधे वीनती चितधारवी ॥ आज रजनी खेल ब्हेहे जाय बरनी न यह छबी ॥१३॥ बडो पर्व होरी को जान्यों ॥ अपने सुतको नोंतो मान्यों ॥ संग सकलदे गोपकुमारा ॥ दीजे पठे भान दरबारा ॥ टेक ॥ दरबार श्रीवृषभानके ज्यों आज होरी रंग हे ॥ अब होय आज्ञा जांयनिजग्रह राधिका विनती कह्टे ॥ सुखवारि निधि वींचीनमें मनमीन जसुमति को भयो ।। सब ग्वाल हलधर संग पहलें स्याम में तुम संग दयो ॥ ले चलीं ग्रह ब्रज इसकों रसभरी जोवनगरवहे ॥ सब मनोरथ पूरन भये ब्रज मांझ होरी परवहे ॥१४॥

Bilawal

Navrang piya navrang pyaari saun bunny-thhani hilmili

Part3-340

नवरंग पिय नवरंग़ प्यारी सौं बनि-ठनि हिलमिलि खैलें फाग ॥ नवरँग पीत-बसन नवरँग कटि किंकिनी नवरंग लालसिर बनी है पाग ॥१॥ नवरँग सखा संग बजावत ताल मृदंग, नवरँग राधिका ठाड़ी है बाम भाग ॥ 'नँददास' प्रभु छाँटति छिरकति रस भरे गावें अडानौ राग ॥२॥

Adano

Nand-nandan vrishabhaanu-dhulari kunj-bhawan tein chaley uthhi praat .

NityaPad-151

नंद-नंदन वृषभानु-ढुलारी कुंज-भवन तें चले उठि प्रात । अँसनि बाहु दिऐं जु परस्पर आलस बस अँग-अँग, जुंभात ॥ विलुलित मालमरगजी सारी गंडनि पीक नख-छत बनी सात | छीत-स्वामी' गिरिधर निसिबिलसे साति के चिन्ह लखि अति सकुचात |॥।

Bibhaas

Kinn tero govind naam dharyo ..

NityaPad-363

किन तेरो गोविंद नाम धर्यो ॥ लेन देन के तुम हितकारी मोते कछु न सर्यो ॥१॥ विप्र सुदामा कियो अथाची तन्दुल भेट धर्यो ॥ द्रपदसुता की तुम पति राखी अम्बर दान कर्यो ॥२॥ सान्दीपन के तुम सुतलाये विद्या पाठ पढ्यो ॥ सूर की बिरियां निठुर हुई बैठ कानन पूंद रहो ॥३॥

Bihaag

Saanvaro ree aaj khele horry .. udati gulal

Part3-148

साँवरो री आज खेले होरी ॥ उड़ति गुलाल लाल भए बादर छाई रह्मौ नँदर्गोंव सबरो री ॥१॥ होरी गोरी रैँग में बोरी मिटि गयो तन ताप सब जोरी ॥ 'कृष्णदास' प्रभु गिरिधर नागर चितवन में जुरि अबरो री ॥२॥

Sohani

Doll jhoolat hain hansi musakyaat paraspar ..

Part3-375

डोल झूलत हैं हंसि मुसक्यात परस्पर ॥ सुरंग गुलाल लई जू मुठी भर कटि तट में राखी छिपाय करि चाहत भयो द्रगंचर ॥ १॥ देखो कहत अनेक कुसुम पर कैसे दोरत हैं री अलिवर मानों चंपे पञुचसर केसर ॥ जब जीयकी जानी मुख उपर तबै दई तारी सुंदर कर बिथके सब नारी नर ॥२॥ यह विधि फूलत हैं री गिरिवरधर परस पान कपोल मनोहर रीझे देत कबहूँ उरसों उर ॥ मदन मोहन पीय परम रसिक वर कहा कहूँ यह सुख को सागर बलिहारी बानिक पर ॥ ३।

Devgandhar

Bhuliurahneko daivon ..

NityaPad-194

भूलीउराहनेको दैवों ॥ परिगएदृष्टि स्यामघनसुंदर चक्रतभईचितैवो ॥|१॥| चित्रलिखीसी ठाडीग्वालिनि कोसमझेसमुझैवो ।। चतुर्भुजप्रभुगिरिधर मुखनिरखत कठिनभयो घर जैबो ।॥॥२॥।

Dhanashree

Moe munn mojhauri laalan kahi kahi thori thori batiyaan ..

Part1-237

मो मन मोझौरी लालन कहि कहि थोरी थोरी बतियाँ ॥ माँगत दान दियी सर्वसु रिस रोस गयौ जिय तें मैं न जान्यौ होंठगी कौन भतियाँ ॥१॥ अटपटी मुरझाय रही देखत किसोर मोकौं भूलीरी सब गतियां॥ रामदास प्रभु अंग अंग नागर तातें भुजनि चाव ले लगाई छतियाँ ॥२॥

Bilawal

Chhaak leaai gwalin gori .. yashumati sub pakwan chhaab bhar pathai terat

NityaPad-203

छाक लेआई ग्वालिन गोरी ॥ यशुमति सब पकवान छाब भर पठई टेरत भोरी ॥ १ ॥ जबही आन अरोगत प्यारो गोरस कनक कमोरी ॥ ब्रजाधीशप्रभु स्थामढाकतर भली बनी यह जोरी ॥२॥

Saarang

Natvargati nrityat hain bhaktan urr parsat hain pulkit tunn harkhat

Part1-328

नटवरगति नृत्यत हैं भक्तन उर परसत हैं पुलकित तन हरखत हैं रासमें लालबिहारी ॥ बाजत ताल मृदंग उपंग बाँसुरी बिना स्वर तरंग ग्रग्नता ग्रज्ञता थुंग थुंग लेत छंद भारी ॥१॥ कटी काछिनि पीत सुरंग मोर मुकुट अति सुधंग राख्यौ अर्धभाल ललित शीश पेच सवारी ॥ आरती वारति यशोदा माय लेत कंठ उर लगाय देखत सुरनर भुनि और रामदास बलिहारी ॥२॥

Saarang

Sunder badan dekho aaj ..

Part3-006

सुंदर बदन देखो आज ॥ किरिट मुकुट सोहावनो मन भामतो श्री ब्रजराज ॥१॥ लियो मन उत्कर्ष मुरली रही अधर पर गाज पलक ओट न चाह चित्त लखी महा मनोहर साज ॥२॥ गोपीजन तन प्राण वारति रह्मो मनमथ लाज ॥ सुर सुत यह नंदकी श्री वलल्‍लभकुल की सीर ताज ॥३॥

Malkoos

Phoole gope gwal nandrai . vrajnari ghar ghar tein aaee prafulit

Part1-065

फूले गोप ग्वाल नंदराय । व्रजनारी घर घर तें आई प्रफुलित आनेंद उर न समाय ॥१॥ जा कारण सब निकट बुलाये देत दान कंचन मनि गाय । करत वेद ध्वनि व्रजपति आगे सूर निरखि परम सुख पाय ॥२॥

Nayaki