Boley surrai.. ahiran moson curry dhithai .. 91 ..

Part2-081

बोले सुरराई॥ अहीरन मोसों करी ढिठाई ॥ ९१ ॥ मेरी दीनी करत बडाई ॥ जान बूज मोहि दियो भुलाई ॥२ ॥ सदां करत मेरी सेवकाई ॥| अब सेवत पर्वतकों जाई ॥३ ॥ यही काज तुमकों हंकराये। भलीकरी सेना ले आये |॥।४॥ वेगवेग सब ब्नजहीं जावो॥ पहलें पर्वत रत्रोदि बहावो ॥५ ॥। जब यह सुनी इंद्रकी बानी ॥ मेघनके मन धीरज आनी ॥६ ॥ सूरदास यह सुन घनतमके ॥ कापर क्रोध करत प्रभु जमके ॥७॥

Bilawal

Rawal aaj kulahal maaee . baaje baajat bhavanan gaajat pragati

Part1-188

रावल आज कुलाहल माई । बाजे बाजत भवनन गाजत प्रगटी सबन सुखदाई ॥१॥ धरत साधथिये बंदनवारें रोपी द्वार सुहाई । गावति गीत गली गोकुल की जे जुरि न्यौतें आईं ॥२॥ वृषभानके ऑगन रानीजु बैठी देति बधाई । श्रीविदलगिरिधरन कुँवरिकी बरसगॉँठि मनभाई ॥३॥

Saarang

Bhadonki atee reni andhyaari | dwaar kapaat baad bhata roke

Part1-063

भादोंकी अति रेनि अँध्यारी | द्वार कपाट बाद भट रोके दिश दिश कंत कंस भय भारी ॥१॥ गरजत गगन महा डर लागत बीच बहै यमुना कारी । तातें यह सोच जिय आवत क्‍यों दुर्रिहिं शशिवदन उजारी ॥२॥ तब पति बोलि वचन करि राखी वर काहै न ताहि दिन मारी । देखो धो ऐसी सुत विछुरत कहौ कैसे जीवे महतारी ॥३॥ सुनिसुनि दीन वचन देवकीके दीनबंधु भकक्‍तन भयहारी । कटि गये निगड़ उघरि गये गोपुर सूर सुमघवा बृृष्टि निवारी ॥४॥

Kanharo

Way dekho aavat hain giridhari . kachhuk gaay aage aru paachhe sobhit

NityaPad-168

वे देखो आवत हैं गिरिधारी । कछुक गाय आगे अरु पाछे सोभित संग सखा री ॥ १॥| खस रही पाग लटपटी सुन्दर अपने हाथ सँवारी | मोतिनकी लर उरके ऊपर रुरकत वनमाला री | २॥ अंग-अंग छबि उठत तरंगन का पै जात निहारी। भश्रीविद्ठल गिरिधरन सबन में चाह तिहारी न्‍्यारी ॥३॥

Gori

Lochan lalchi bhaye ..

NityaPad-109

लोचन लालची भये ॥ रोके न रहत प्रेमके माते पलक कपाट दये ॥१॥ ले मनदूत पवनव्है निकसे बहुरयो स्थामपें गये ॥। सूरके प्रभु खरेई सोदागार बिनुग्रथ मोल लये ॥२॥

Nayaki

Dekhari dekh mohan chitchor. nayan kataksh

Part2-360

देखरी देख मोहन चितचोर। नयन कटाक्ष विलोकन मधुरी भंग भूकुटी चितमोर ॥१ ॥ चंदन खोर ललाट स्यामके निरखत अतिसुखदाई ॥ मानों अधरचंद पर अहिनी सुधा चुरावन आईं ॥२॥ मलयज भाल भृकुटीरेखा क्‍यों कर उपमा कल्पाय॥ मानों इक संग गंगा यमुना नभ तिरछी धार वहाय ॥३ ॥ भूकुटी चारु निरख ब्रजसुंदगी यह मन करत विचार ॥ सूरदास प्रभु शोभा सागर पावत कोड नपार ॥४ ॥

Sorat

Kaheaay nadekhiyeraniju apanesutakekaram ..

NityaPad-192

काहेआय नदेखियेरानीजू अपनेसुतकेकरम ॥ भाजन भवनएको नरहो कह्योतोआगें हंसपरीहे ऐसे जानेंको काहूकोमरम ॥१॥। दिनदिनकीहानि दूजेंराखतन नेककान कहोजु बसबेकोकौन धरम ॥। नंददासप्रभु मैयाके आगें साधुहवेबैठे चोरीको कहाभरम ।। २॥।

Bilawal

Bikat bikat nikat nikat bhedan mridang bajaigau ..

Pustak1-342

बिकट बिकट निकट निकट भेदन मृदंग बाजैगौ ॥ गिरिधरलाल बजावत गावत सप्र स्वर्न मिलि ताधिलां ताधिलां धिलांता गिडम्रिडगिड गाजैगौ ॥१॥ उघटत शब्द तत्त ताथेईवेई यहि विधि ब्रजबनिता नाचत नवसत सिंगार साजैगौ ॥ चंचल शशि प्रभु रिझवत कर बुझबत सैन दे दे रतियुत रतिपति लाजैगो. ॥२॥

Iman

Teree kouu haye ray kahaiya sunaiya kanhaiya ..) dathi merrie khaay

Part1-240

तेरी कोऊ है रे कहैया सुनैया कन्हैया ॥) दथि मेरी खाय मटुकिया फोरी ओर प्राननके लिवैया ॥१॥ हार मेरी तोर्चौ कमल कर भोस्यो और फारी है उरकी कंचुकिया ॥ धोंधीके प्रभु हाथ दूर राखौ जानेंगी सास ननदिया ॥२॥

Aasawari

Jaaoongi boondaavan bhetongi gopaalen ..

Pustak1-334

जाऊँगी बूंदावन भेटोंगी गोपालें ॥ देखोंगी नयनभर श्याम तमालें ॥१॥ कालिंदी तट चारत थेंनु | संग सखा बजावत मृदु वेंनु ॥२॥ भौर मुकुट गुंणा अवतंस ॥ देशबसत कूजत कलहंस ॥३॥ परमानंद प्रभु त्रिभुवन॒पाल | लीला सागर गिरिधरलाल ॥४॥

Malav

Shyam-sanga khelan chali syama sub sakhiyan

Part3-316

श्याम-संग खेलन चलि स्यामा सब सखियन कौं जोरि ॥ चंदन अगर कुमकुमा केसरि, बहु कंचन-घट घोरि ॥ उड़त गुलाल अबीर कुमकुमा, छबि छाई जनु साँझ ॥ नाहीं दृष्टि परत राधा- मुख, चंद निलंबर-मांझ ॥ खेलि फाग अनुराग बढ्यौ घर, मची अरगजा- कीच ॥ ब्रज-बनिता कुमुदिनि-सी फूलीं, हरि-ससि राजत बीच ॥ अष्ट सिद्धि, नव निधि ब्रज बीथिनि, डोलत घर-घर बार | सदा बसंत वृंदावन, लता-लता द्वुम डार | देखि-देखि सोभा-सुख-संपति, जिय मैं करतिं बिचार ॥ ब्रज बनिता हम क्‍यों न भई, यौ कहति सकल सुर-नार ॥ फाग खेलि अनुराग बढ़ायौ सबके मन आनंद | चले जमुन अस्नान करन कं सखा, सखी, नंद-नंद ॥ दुष्टनि दुःख, संतनि-सुख-कारन, ब्रज-लीला अवतार ॥ जै जै ध्वनि सुमननि सुर बरषत, निरखत स्याम-बिहार || जुमल किशोर-चरन-रज मांगौं, गाऊँ सरस धमारि ॥ श्री राधा गिरिवर-धर- ऊपर सूरदास बलिहारी ॥

Shri Hatee

Chhaak khaay bansivat phir chaley yamuna tata tahaan jaay dhowat mukh dheer samiran..

NityaPad-220

छाक खाय बंसीवट फिर चले यमुना तट तहां जाय धोवत मुख धीर समीरन।। फेंटा खोल पोंछत हाथ सखा सब लिये साथ चले जात दावानल खात मुख बीरन ॥ १॥ गाय बच्छ चरत जहां कुसुमनकी लता तहां बैठे जाय द्रुमनबीच बोलत पीक कीरन ॥ चत्रभुज प्रभु सखनसंग गावत सारंग राग धुनसुन मृग आये घेर सुधन रही शरीरन॥।२॥

Saarang