Radhakunwari rasik manison hoe harihori kheloju

Part3-150

राधाकुंवरि रसिक मनिसों हो हरिहोरी खेलोजू ॥ध्रु०) जमुनातीर सघन कुंजनमें मिलि युवतीदलपेलोजू ॥ सरस गुलाल अबीर अरगजा तकि आंखिनमें मेलो ॥|१॥ तब ब्रजके लरिका घरघरतें टेरिटेरि सब बोले ॥ आये अपने थोकनजुरि मानो मदगज मोकल खोले ॥२॥ जेसेमन भाये बागेले सबहिन को पहराये ॥ तेसेई अपने काजेंसव सोंधे सहित मंगाये | ३।| पहले सबन कनिक पिचकाई परममुदित मनदीनी ॥ तापाछें द्वे रतन जटित वलदाऊ आपुन लीनी ॥|७४॥ अतिसुरंग केसरि के रससों कनिक कलस भरिलीने॥ फेंटन सुरंग गुलाल अबीर भरायभरे रंजभीने ॥५॥ चोवामेद जवादिसाखि गोरामृगमद घसिघोरी ॥ चले लिवाय अरगजा कुंकुम चंदन बंदन रोरी ॥६॥ भेरिगजक आबज महुंवरि डफ झांझताल मुखचंगा।। बीनरवाष किन्नरीझलरी बाजत सरस मुृदंगा ॥७॥ सबसमाजले जाय जुरे वृषभान रायकी पोरा ॥ तब राधासों कहीयत मुदितमन जहां तहां ते उठि दौरी ॥८॥ श्रवनसुनत वृषभान नंदनी अतिआतुर उठिधाई || सखी सकल घेरें चह्ूूंदिसतें निरखि स्याम मनभाई ।॥॥९॥ अंचलबीच दुरायकनिक पिचकाई भरिलाई ॥ ताकिताकि सुंदरमुखऊपर छिरकी ओर छिरकाईं ॥ १ ०॥ बलि समेत सब ससख््रा उमगि तरुनीगन ऊपर थाये ॥ होहो करत पलास कुसम रंग भरि भरि कलसन माये || १ १॥ करि बिचार मनमें ललिता मधुमंगल केढिंगआई ॥ तेरे पांय लागतिहों क्‍योंहूं नंदलाल पकराई ॥१२॥ तब मधुमंगल क्यो सखनसों सुनों एकविधि कीजे ॥ हम सब एक ओर ब्छेकें पकराय स्याम कोंदीजे ॥१३॥ लेले सुरंग गुलाल उडावत अरुन अंबर कीनों ॥ देखत अचरज होत द्योस मानो रजनी करलीनों ॥|१४॥ एकदौरत बीसकदौरी ले गई स्याम भरिकोरी || सोंधे सोंमुख मांडि कहत अब भलीबनी यह जोरी ॥१५॥ पीतांबर मुरली करतें ले ललिता बिसाखा भाजी तिहिं ओसर पकरे छलबलसों करगहि अखियां आंजी ॥१६॥ कहोकहा फगुवा वेहो तुम सुनों गोकुलके राईं ॥ फगुवादेन कह्मयो मुखसों तब मुरली आनि गहाई ॥ १ ७॥ केसें छूटन पेह़ो हमपे बिन दीयें बलिभाई || रतनजठित आभूषन रंगके अंबर मोल मगाई ॥ १ ८॥ अनुराग पाणे रससूं सब नंदद्वारपे आये ॥ वारि आरती विविध भांतिसों जसुमति करत बधाये ॥ १९॥ नहानचले जमुना किलकत सब सोभावरनी न जाई ॥ देखतही अंमरेस थकित भये पोहोंपन वृष्टि कराई ॥२०॥ ख्ेलिफागु अनुरागसिंधु बढ्यो ब्रजजन संग लगाई ॥ सुंदर बदन कमल ऊपर रघुबीर बारने जाई ॥२१॥

Dhanashri

Maaee pragati kunwari vrishabhaanaten. sub milli kahat gwali keertison

Part1-188

माई प्रगटी कुँवरि वृषभानतें। सब मिलि कहत ग्वालि कीरतिसों आनंदनिधि जाई आजतें ॥१॥ बाजत तूर करत कुलाहल रावल शोभा बरनी न जाई । गाम गामतें टीकौ आयो अरु संग बजत बधाई ॥२॥ नंदलाल कुँवरि राधिका जानि कंचन बेलि किशोरी । फिरि फिरि रहत निहारी श्रीविदलगिरिधर सदा रहो यह जोरी ॥३॥

Saarang

Aaj baney mohan rung bheene. kesari paag sithil alkawali

NityaPad-072

आज बने मोहन रंग भीने। केसरी पाग सिथिल अलकावलि सीस चन्द्रिका दीने | ९॥ केसरी वागो अति ही राजे हरी इजार चरनन में दीने । हार हमेल दरपन ले निरखत रसिक प्रीतम जु चरनन दीने ।।२॥

Aasawari

Aaj baney sakhee nandkumar .. vambhag vrishbhan nandini

NityaPad-111

आज बने सखी नंदकुमार ॥ वामभाग वृषभान नंदिनी ललितादिक गावे सिंघद्वार ॥९॥ कंचनधार लियेजु कमलकर मुक्ताफल फूलनके हार ॥ रोरीको सिर तिलक विराजत करत आरती हरख अपार ॥२॥ यह जोरी अबिचल श्रीवूंदावन देत असीस सकल ब्रजनार ॥ कुंजमहलमें राजत दोऊ परमानंददास बलहार ॥। ३॥

Kanharo

Rung gulal key naina raate .. gaye joo abadhi curry

Part3-224

रंग गुलाल के नैना राते ॥ गए जु अबधि करि मोसों प्यारे फिर अति मुसिकाते ॥१॥ होरी के दिनन में मोहि छांड़ि पिय अनत कहाँ तुम जाते ॥ को खेलै गोकुल पति तुम सौं, सौंह बृथा क्‍्यौं खाते ॥श।...

Kafi

Chheent chhabili tunn sukh saaree pyaari pahare sohe

Part3-018

छींट छबीली तन सुख सारी प्यारी पहरे सोहे नवल लाल रस रूप छबीलो निरखत मनमथ मोहे ॥१॥ केलिकला रस कुंज भवन में क्रीडत अतिसुख होहे ॥ हरिदास के स्वामी स्यामा कुंज विहारी उपमा को कहियेकोहे ॥२॥ -

Basant

Dekhat nandkanh atisovat ..

NityaPad-341

देखत नंदकान्ह अतिसोवत ॥ भूखेभये आप वनभीतर यह कहि कहि मुख जोवत ॥ १॥ कह्ोनहीं मानत काहूको आप हठीले दोऊ बीर ॥ वारवार तन पोछत करसों अतिहि प्रेमकी पीर ॥२॥ सेज मयाय लई तहां अपनी जहां स्थामबलराम॥ सूरदासप्रभुकेढिंग सोये संग पोढी नंदवाम ॥।३॥

Bihaag

Jayati vraj purr sakal khori gokul akhil tarani tanaya nikat divya deepawali..

Part2-055

जयति ब्रज पुर सकल खोरि गोकुल अखिल तरणि तनया निकट दिव्य दीपावली॥ जयति नवकुंजबर द्रुमलता पत्र प्रति मानों फूली नवल कनक चंपावली॥१॥ जयति गोविंद गोबूंद चित्रित करें मुदित उमडी फिरे ग्वाल गोपावली ॥ जयति ब्रज ईषके चरित्र लखि थकित शिव मोहे विधि लजित सुरलोक भूषावली ॥२॥

Kanharo

Jhulat doll nandkumar .. chadh-unn or jhulaavat

Part3-375

झुलत डोल नंदकुमार ॥ चढ्-ुँ ओर झुलावत ब्रजसुंदरी गावत सरस धमार ॥ १॥ वामभाग वृषभान नंदिनी साजे सकल सिंगार ॥ छिरकत चोवा चंदन बंदन कुंमकमा करन करन पिचकार ॥२॥ उत गुलाल अबीर दुहूं दिश बाढ्यो रंग अपार | आसकरण प्रभु मोहन झुलत ब्रज के प्राण आधार ॥ ३॥

Devgandhar

Tum pahile tou dekho aaya maniniki shobha laal paachheto manaayaleejen pyaareho govinda ....

NityaPad-323

तुम पहिले तो देखो आय मानिनीकी शोभा लाल पाछेतो मनायलीजें प्यारेहो गोविंदा ॥॥ करपर धरकपोल रहीरी नयनन मूंद कमलविछाय मानों सोयो सुखचंदा ॥। १॥॥ रिसभरी भ्रोंह तापर भ्रमरबैठे अरबरात इंदु तर आयो मकरंद अरविंदा ॥ नंददासप्रभु ऐसी काहेंकु रुसैये बल जाको मुखदेखेंते मिटत दुखद्वंंदा ॥ २॥

Adano

Dulhe shree vrajraj dularo dulhani bhaanu kisori ..

Part3-132

दुल्हे श्री ब्रजराज दुलारो दुलहनि भानु किसोरी ॥ सीस सेहरो सोभित नीकों भली बनी यह जोरी ॥९१॥ राजति रंग भरे दोऊ रस रस में आई जुरी ब्रज नारी ॥ गावति मंगल गीत बधाए हँसि हँसि देति परस्पर तारी ॥२॥ बूका बंदन चोवा चंदन गुलाल अबीर उड़ावे ॥ मृगमद केसर ले लै छिरकति सबहीन के मन भावे ॥ ३॥| आरति वार करति न्योछावर ब्रजनारी सुख पायो || जुगल रूप मन माँही बसो 'रघुनाथदास' मन भायी ॥४॥|

Sarang

Vrajamen aaj mahaa anand .. janamyau putra nandjuke adbhut

Part1-015

व्रजमें आज महा आनंद ॥ जनम्यौ पुत्र नंदजूके अद्भुत श्रीगोकुलकौ चंद ॥१॥ विविध भाँतिके बाजे बाजत मंगल गावत नार ॥ ब्रजजन आये नंद बधाये जहाँ नंद दातार ॥२॥ दूध दहीके कुंभ सीस धरि लीयैं हैं वे ग्वार ॥ गोरस सबहिन ऊपर छिरकत कीच भई ग्रह द्वार ॥३॥ मुँह मांगे करे दान नंदजू बाढ़े कीरति कोट ॥ कृष्णदास जे मांगन आये बांधे नवविधि पोद ॥४॥

Devgandhar