Aayee aayee hoe aagam ritu shishir kii

Part3-006

आयी आयी हो आगम ऋतु शिशिर की हेमंत बिदा भई जानी नवल पिय किनकर || कर शुंगार पिय दरस करन व्हे मोद भरी मदभरी रस भरी गति गयंद स्थूल चरन ॥|१॥ अंग अंग फूली वसंत मानो नख शिख सजी पटभूषण भरण ॥ माधो प्रभु दंपति सुख निरखत हसन दसन लागे फूल जरन ॥२॥

Malkoos

Kahajo bhayo mukhmore kachhu kahuju kahyo .. rasik sujan ladillo lalan

NityaPad-226

कहाजो भयो मुखमोरे कछु काहूजू कह्यो ॥ रसिक सुजान लाडिलो ललन मेरी आँखियनमांझ रहो ॥१॥ अब कछू बात फैलपरी दिये प्रेम जामन भयोहै दूधते दह्यो ॥ त्रैलोक अतिही सुजान सुंदर सर्वस्व हर्‌यो गोविंदप्रभु जु लह्दों ॥ २॥

Saarang

Karat ghaiya bharat dona gwalanko detari manmohan ..

NityaPad-197

करत घैया भरत दोना ग्वालनको देतरी मनमोहन ।। हरखत निरखत निरख निरख फूल जब उपरत चलत सब दोना ॥१॥ उफनत उपफेन हँसत कमलनैन सखामंडली सब जोहना ॥। हरिनारायण स्यथामदास' के प्रभुमाई लाग्यो री मनभोहना ॥। २॥

Bilawal

Jamuna ghaant rokiho rasik chandravali .. hansi musikyay kahati

Part1-263

जमुना घांट रोकीहो रसिक चंद्रावलि ॥ हँसि मुसिक्याय कहति व्रजसुंदरि छबीले छैल छाँड़ा अंचल ॥१॥ दान निबेरि लैहों ब्रजसुंदर छाँड़ौ अटपटी कित गहत अलकावलि ॥ करसों कर गहि हृदयसों लगाय लई गोविंद प्रभुसों तू रासरंग मित्रि ॥२॥

Saarang

Apanogamalehunandarani...

NityaPad-191

अपनोगामलेहुनंदरानी॥। बडेबाप की बेटी याते पूतहिंभली पढावतबानी ॥।१॥ सखाभीरलेपेठत घर में आपख्राय तोसहिये । जबमैंचली स्थामहिपकरन तबकेकहागुण कहिये ॥२॥ भाजगयो दुरदेखत कितहू मैंपोढी जब आय ॥ हरेहरेबेनीगुही पाछेंबांधीपाटीजाय ।।३॥ सुनमैया याकेगुणमोसों इनमोहिलियो बुलायी ।। दथिमेंपरी सहतकीचेंटी मोपेसबैकढायी ।।४।॥। टहलकरत याकेघरकीमें यह पतिसंग मिलसोई ॥ सूरबचनसुन हँसीयशोदा ग्वालरही मुखजोई ।॥५॥॥

Bilawal

Aaj vraj gharghar bajat badhaai .. jasumatirani dhota jaayi

Part1-013

आज व्रज घरघर बजत बधाई ॥ जसुमतिरानी ढोटा जायी लागत परम सुहाई ॥१॥ भादों कृष्णपक्ष शुभ आएें जन्म लियो हरि आई ॥ वसुदेव देवकी मान जगत्त गुरु आनंदकी निधि पाई ॥२॥ बरसानेते भान कीरतिकों लै चलै ग्वाल लिवाई ॥ नाचत गावत करत कुलाहल भादों मास सुहाई ॥३॥ हरद दूब अक्षत दधि कुमकुम सुंदर देत बधाई ॥ रोरी तिलक सबनके माथें मगन भये अधिकाई ॥४॥ बैठे जुरे सब नंद भवनमें शोभा बरनी न जाई ॥ नंदमहोत्सव होत भवनमें मंगलसाज सुहाई ॥५॥ धन्य जन्म करि के अपनो मगन भये नंदराई ॥ श्री विद्इलगिरिधर चिरजीयौ सबहि सुखनिधि पा ॥६॥

Devgandhar

Govind maangtahen dadhi rotty .. makhan sahit dehu merrie janani shubhra sukomal motee .. 1..

NityaPad-027

गोविंद मांगतहें दधि रोटी ॥ माखन सहित देहु मेरी जननी शुभ्र सुकोमल मोटी ॥ १॥ जो कछु मांगोसो देहु मोहन काहेकी आंगन लोटी ॥ कर गहि उछंग लेत महतारी हाथ फिरावत चोटी ॥|२॥ मदनगोपाल श्यामघनसुंदर छांडो यह मति खोटी ॥| परमानंददासको ठाकुर हाथ लकुटियाछोटी ॥३॥।

Bhairav

Rattan khachitako palno sunder jhoolat nandkelala ..

Part3-027

रतन खचितको पालनो सुंदर झूलत नंदकेलाला ॥ नवसत साज सिंगार सुंदरी झुलवत हैं जोपाला ॥ १॥ कोऊ गावत कोऊ झांझ बजावत ढफ लेकोऊ बजावे ॥ धिधिकट धि६घधिकट मृदंग करत है गतिमेंगति ऊपजाबे ॥२॥ चोवाचंदन छिरकि छिरकि कें लाल रणमणो कीनो ॥ अबीर गुलाल उडाय खिलावत पिचकाई भरिलीनो ॥३॥ लाल लाल बदरा छाये नभमें देखतही बनिआवे ॥ चुचुकारत मुख मांडत सब मिलि मनहीमन मुसक्‍्यावे ॥ ४॥| निरखि निररि मुख कमल मनोहर प्रेमविवश भईं गोपी॥ मजन भईं तनकी सुधिभूलीं कुलमरजादालोपी ॥ ५॥ केशर कलश शीश पैढोरत हो हो कहि बोलें ॥ ग्वाल बाल उनमत्तव्हेनाचें गारी गावत डोलें ॥६॥ प्रफुल्लितमन यह फागु खेलमें चह्ंदिश आनंद छायो || कुंभनदास लाल गिरिधर को यह विधि लाड लड्यायो ॥६॥

Basant

Douu bhaiya maangat bheyaapen deree maiya dadhi makhan rotty .. suna

NityaPad-028

दोऊ भैया मांगत भेयापें देरी मैया दधि माखन रोटी ।। सुन यशुमति एक बात सुतनकी झूठेही धामके काम अंगोटी ॥१॥ बलभद्र गह्मो नासाको मोती कान्हकुंवर गही दृढकर चोटी ॥। मानो हंस मोर भखलीने कहा वरणुं उपमा मति छोटी ॥२॥| यह देखत नंद आनंद प्रेम मगनज़ु करत लोट पोटी ॥ सूरदासप्रभु मुदित यशोदा भाग्य बडे करमनकी मोटी ॥|३॥

Bibhaas

Aaj sagari nisha kahaan jaage laal kaho kinn saanchi subhag sambre

NityaPad-049

आज सगरी निशा कहां जागे लाल कहो किन सांची सुभग सांबरे माधो।। घोख मथनशब्द प्राणपति गहगह्मो रहोरहो मोहन सूर प्रकट भयो आधो ॥१॥ कमल विकसत भये चक्रवाकी हसि सुमुखि पुलकित मुदित निज पति आराध्यो ॥ विश्व मोहन बदन निरख नभ चंद्रमा सगुण लज्जित भयो प्रेम गुण बाध्यो ॥२॥ ललित सुंदर राग चरचरी ताल धर मधुप गावत सुयशपिकन स्वर साध्यो ॥ कहे कृष्णदास गोवर्धनधारी प्रिया धीर ब्रजसुंदरी कृपण धन लाध्यो॥।३॥

Lalit

Raakhi hoe alak beach champak cully gunny gunny. jagamagaat heera

NityaPad-166

राखी हो अलक बीच चंपक कली गनी गनी। जगमगात हीरा लाल कुलह पर पाग जु अति बनी ॥ १॥ सुभग तरुन मदमाते लोचन मुसिक्याते अनी अनी | गोविन्द प्रभु ब्रजराज कुंवर वर धनि धनि हो घनी घनी ॥॥२॥।

Kanharo

Khirak khilawat gaayan thaade..

Part2-048

खिरक खिलावत गायन ठाडे॥ इत नंदलाल ललित लरिका उत गोप महाबल गाढे ॥१ ॥ सुन निजनाम नेंचुकी निकसी बल बछरा जबकाढे॥ अपनी जननीके जानु लाग पय पीवत नवल अखाडे ॥२ ॥ नृत्यत गावत वसन फिरावत गिरिकी शिखर पर चाढे॥ छीतस्वामी हम जबतें वसे ब्रज शेल सकल सुख बाढे ॥३ ॥

Sarang