Pragatbhai vrishbhaanken aaj . sakal timir tribhuvankau

Part1-177

प्रगटभई वृषभानकें आज । सकल तिमिर त्रिभुवनकौ नास्यौ भवन भानके संतत राज ॥१॥ बंदनवार द्वार पर राजे गान करत मंगल ब्रजबाल । चित्रित चौक बने जित तितही नवबिधि रंग सुगंध सुमाल ॥२॥ नाचति गावति वर युवतीजन हरखि हरखि उर बहु किलकात । नवनव यूथ बनी बनिता बर महाप्रेम बोलत मृठुबात ॥३॥ कंचनकुंभ बने शिर ऊपर बीच रुचिर नूतन की डार | दि मथि हरद तेल घृत छिरकत अवनी पर गोरसके खार ॥४॥ टूटे हार नबल बहु भूषन देत परस्पर प्रमुदित गारि। ताल मृदंग रंग उपजावत मोद विनोद करत सिंगार ॥|५।| महा भीर बनिता सब फूली निरखत मुख बारत तन प्रान । उड़त गुलाल बजावत दुंदुभी धुनि कोलाहल सुनियत नहीं कान ॥६॥ अंस बाहु धरि मुदित गहत पद सुख बरखत अति आनंद तन मन | कबहुँक चरन कमल छबि पेखत कबहुँकऊ करकंज छुअत तन ॥७॥ सहज सदा बपु रहत निरंतर कारन प्रगट रसिक जन हेत । श्रीदामोदर हित नित्य किशोरी युगल बसत बृंदावन खेत ॥८॥

Bilawal

Laal vrajbhushan manbhaavate nenk vantevege aavaho .. yashumatisut

NityaPad-175

लाल ब्रजभूषण मनभावते नेंक वनतेवेगे आवहो ॥ यशुमतिसुत करुणाभरें नेंक हृदय सुखउपजावहों ॥ १॥। डोलन वर्हापीड की श्रुतियुगकुंडल झलकाव ॥ नाचत तानन तोरकें नेंक अलकवदन अरुआव ।। २॥। देखत इतउत भावसों नेंक चपलनयनन चमकाव || उठन रेखमुखचंद की सीतलता हृदयसिराब ॥३।॥। चलन युगलमृदुगंडकी नेंक चुंबन चाउबढाव ॥ अधर सुधारससो सबै मुरलीके रंध्रपुराव ॥४॥ गाबत गुणगोपिन के नेंक श्रवणन शब्दसुनाव ॥ सुंदर ग्रीवाकी डोलन पलकन की परन भुलाव ॥५॥| कंठसरी दरशायके नेंक तनकी दशाविसराव ॥ गजमुक्ता विचलालही सो उरपर हारधराव॥।६।॥॥ पोहोंची दोऊकरशोभती नेंक फुंदना स्थाम लटकाव ॥ बाजूबंद भुजमें बने मेरे मनके माझ गड़ाव ॥७॥ कटि पीतांबरकाछिनी नेंक नीके अंगनचाव।॥ क्षुद्र घंटिका बाजनी ता ऊपर सरस धराव ।॥। ८।। चाल न्यारीभांतिकी नेंक नूपुरशब्द मिलाव।। नखभूषणकी जोतिसों सकलनकी जोति लजाब ॥। ९॥ आगें गोंधनहाकके नेंक पाछें खेल कराव॥| वेतहाथ फूलनगूथकें नेंक कांधे धरें दिखाव ॥९०॥ गोपबालक मंडली मध्यनायक नेंक कहाव ॥ नाचनमिष ब्रजभूमिमें नेंक चरणचिन्ह उपटाव ॥१९॥। आवत बाएहाथले नेंक लीला कमलफिराब ।। वनमालाके अलियूथकों कमल फिराबव उडाब ॥|१२॥। ब्रजजुवतिनके बुंदमें घसि अपनों अंग परसांव॥ आलिंगन बहुभांतिदे जुबतिनके पूरोभाव ॥१३॥ चोसविरह व्याकुलसखी ले अपने अंगलगाव || तुमविन सूनो सांझसमय यह ब्रज फेर वसाव ॥|१४॥ घोषद्वार चलआयकें बलसंग आरती उतराब ॥ दें सुख सगरे घोषको नेंक दिनको विरह वहाव ॥१५॥ यह विधि ब्रजयुवती कहें सुनि नंदमहर घर आब ॥ रसिकन यह वर दीजिये तू श्रीवल्लभपद पाव ॥।१६॥

Gori

Aaj maaee mohan khelat horry .. nautanvesh

Part3-080

आज माई मोहन खेलत होरी ॥ नौतनवेष काछि ठाडे भये संग राधिका गोरी ॥१॥ अपने भामते आईं देखन कों जुरिजुरि नवल किसोरी ॥ चोवाचंदन ओर कुंकुमा मुखमांडत ले रोरी ॥२॥ छूटी लाज तब तनन संभारत अति विचिन्न बनी जोरी ॥ मच्यो खेल रंजण भयो भारी या उपमा को कोरी ॥ ३॥ देत-असीस सकल ब्रज वनिता अंगअंग सब भोरी ॥ परमानंद प्रभु प्यारी की छबि पर गिरिधर देत अकोरी ॥४॥

Devgandhar

Kreedat manimay anganrang .. pitatafatakijhaguli banihai

NityaPad-164

क्रीडत मणिमय आंगनरंग ॥ पीतताफताकीझगुली बनीहै कुलही लालसुरंग ॥ कटिकिंकिणीघोषविस्मितसखी धायचलत-बलसंग ॥ गोसुत पूँछ भ्रमावत करगहिं पंकरागसोहेअंग ॥ २॥ गजमोतिनलरलटकनशोभित सुंदरलहरतरंग॥। गोविंद प्रभुकेजु अंगअंगपर बारों कोटिअनंग ॥ ३॥

Dhanashree

Merey tuu jiya mein basat naval piyaa pranpyari ..

NityaPad-282

मेरे तू जिय में बसत नवल पिया प्रानप्यारी ॥ तेरेई दरस परस राग रंग उपजत मान न कीजे हो हो री ॥१॥ तू ही जीवन तू ही प्राण तू ही सकल गुन निधान तो समान ओर नाहिन मोकोंहितकारी ॥ ब्यास की स्वामिनी तेरी मायातें पायो हे नाम बिहारी ॥२॥

Poorvi

Sabate srinandarai badbhagi. prakate putra manohar jinake keerati

Part1-064

सबते श्रीनंदराय बड़भागी। प्रकटे पुत्र मनोहर जिनके कीरति जंग में जागी ॥१॥ दये कनिक मनि दान अचल तिन दूजी न ऐसो त्यागी परमानंद बसों गोकुलमें फिरि कमला पग लायी ॥२॥ हिरदे दूध दह्यौ लपटावत भये वल्लभ अनुरागी । श्रीविदलगिरिधारी कृपानिधि लीला प्रेम सों पागी ॥

Kanharo

Bhaee saat barasaki dulari manmein byaahaki baat

Part2-328

भई सात बरसकी दुलारी मनमें ब्याहकी बात विचारी। महालक्ष्मी रजो जु कुमारी दोऊ मिल गंगा तीर सिधारी ॥१ ॥ दूध दही के कलस लिए भर छाब फूलन संगको। निज सखीनको संग ले चली करन पूजन मंगकी ॥२॥ मन व्है करत पूजा भोग सामग्री धरी घनी। मांगत है कर जोरके हमे देहो पुरुषोत्तम धनी ॥३ |

Kanharo

Rasyamsindhuang chandanadigandh poojat patpeet madan lajawat

NityaPad-134

रस्यामसिंधुअंग चंदनादिगंध पूजत पटपीत मदन लजावत सुभगतरंगमा || युवती सरिता अनंत मिलत शोभा समंत गुणसहित गरिष्ठभाव भावसलिल संगमा | १॥ बदनकमल अलक मधुप नयन खंजरीट बीच अद्भुत तिलकुसुमनाक भ्रोह भंगमा॥ श्रवणसुनत विमाहन चलकुंडल ताटंक गंडमंडित मुसकान अधर रंगमा ॥२॥ नखसिख भूषण अमोल मनोहर मादक सुबोल बैजयंती भूषित श्री उरज उतंगमा ॥ कृष्णदासप्रभु गिरिधर सुरत नाथ राधावर विहरत नवकुंजमध्य थेईथेईथुंगमा ।। ३॥॥

Bibhaas

Shauriradhe kaun gaur tein pooji .. vrindaavan gokul galiyanmein sub

Part1-313

शऔरीराधे कौन गौर तें पूजी ॥ वृन्दावन गोकुल गलियनमें सब कोऊ कहत बहूजी ॥१॥| मदनमोहन पियकौमन हरलीनौ कौन बुद्धि ताहि सूझी ॥ परमानंददासकौ ठाकुर तो सम तिया न दूजी ॥२॥

Iman

Horry key rangeele laal giridhar rung machaayo ..

Part3-109

होरी के रंगीले लाल गिरिधर रंग मचायो ॥ केसरि सुरंग गुलाल अरगजा मदन वसंत जमायो ॥१॥ तालमूदंग झांझ डफ बीना होरी राग बनायो ॥ सुनि निकसी ग्रहग्रहते सुंदरि हावभाव फलपायो ॥२॥ आवत्त भावत गारिनगावत रसभरि लाल खिलायो ॥ श्रीविट्ठ ल गिरिधर युवतिन सों होरी त्योह्ठार मनायो ॥३॥

Dhanashri

Uparna vaahi key juu rahmon. jaahi key urr basey syathaam

Part2-347

उपरना वाहि के जू रह्मों। जाहि के उर बसे स्यथाम घन निस को जो सुख रह्ों॥१॥ छबि तरंग अंग अंग दृग भेद न जात कह्ढों ॥ 'नंददास' प्रभु चले सेन दे जब दावन दोर गह्मों ॥२ ॥

Suha

Esein cone dhou range hoe laal tunn choonari keeno ? kahoon peak kahuun

NityaPad-146

एसें कोन धो रंगे हो लाल तन चूनरी कीनो ? कहूं पीक कहूँ अंजनलीक जावक चावक दीनो ॥१॥ कहूं चंदन कहुं बंदन लग्यो कहूँ भुजभर गाढो अलिंगन दीनो ॥ धोंधी के प्रभु नवलनेह कहुँ चापचटक रंग दीनो ॥२॥

Devgandhar