Peet uparna baare dhota kabahuki terat gwalni ..

NityaPad-217

पीत उपरना बारे ढोटा कबहुकी टेरत ग्वालनी ॥ छाक बनायलेआई विविध विध कार्लिंदीनी तीर उपहारनी ॥१॥ कहा लेओगे एसीगाय चरावेमें जाय समालोकयोंन एसी छकहारनी ॥ रसिक प्रीतम तुमरूप बिमोही कुंजनकुंजबिहारनी ॥२॥

Saarang

Aaj mahavan mangalchar . puranchandra pragate jasumati grih bhaktan

Part1-042

आज महावन मंगलचार । पूरनचंद्र प्रगटे जसुमति गृह भक्तन प्राय आधार ॥१॥ बजत बधाई अति मनभाई सुनि आई ब्रजनारी । गावति मंगल धरत साथिये बांधत बंदनवार ॥२॥ फूले ग्वाल करत कुतूहल देत हैं बसन उतारी । ढोटा भयौ है नंदरायकें नाचत सब नरनारी ॥३॥ देत दान राय मनभाये भरिभरि रतनन थार । देधिकौ उदधि भयौ आंगनमें कीच मची सिंघद्वार ॥४॥ निकरसीं देत असीस सबै मिलि सुंदरि परम उदार ! यह शोभा कछु कहत न आवै दास निरखि बलिहार ॥५॥

Sarang

Srivallabh merey manabase hoe lalana or naan kachhu

Part3-199

श्रीवललभ मेरे मनबसे हो ललना ओर न कछू सुहाय ॥ध्रु०॥| नवजोबन ब्रजभामिनी नवसत साज सिंगार ॥ प्रीतम सों खेलन चलीहो प्रेम मणन न संभार ॥१॥ बहुविध साज संवारकें अंजनली ने संग ॥| वसन विचित्र बनायकें पहरावत पिय अंग ॥|२॥ चंदन वंदन अरगजा मुदित खिलावत फाग ॥ अबीर गुलाल उडावत चहंंदिश छाय रह्यो अनुराग ॥३॥ केसर तिलक बनायकें ओर कुसुमनके हार ॥ आरती करें मनमोदसों लेत तंबोल उजार ॥४॥ वदन कमल ढिंग शोभहीं केशसचिक्कन स्याम ॥ ज्ञिनत्ान चजंचसस्व वरानकी प्रोह्नत क्ोटित्म, क्याम, ॥|०॥ <Further two stanza not available>

Kaafi

Vrajaraani hoe suta hulraavai . aachhi bhukh chumbat lalankau

Part1-092

व्रजरानी हो सुत हुलरावै । आछी भुख चुंबत लालनकौ अति रस मंगल गावै ॥११॥ निरखि निरखि सुंदर बदन तन फिरि फिरि ले उर लावै । कबहुँक नेंक लाल अपनेकों पलना मेलि झुलावै |२॥ रतन जटित बघना कर पोंहोंची लटकन अति छबि पावै। श्री विदलगिरिधर नंदनंदन जसुमतिके जिय भावै ॥३॥

Ramkali

Hiranyakashyap kahat putrason dheet tuu sabey chatsar

Part2-335

हिरण्यकश्यप कहत पुत्रसों ढीट तू सबे चटसार हरिनाम बोले ॥ रीस करि बांध करि डार दियो आगमें फिर जलमांझ पुनि गांठ खोले ॥१ ॥ सैलतें पटकि सब ठोर रच्छा भई तोहू अतित्राससों बहुत डॉटे॥ ल्‍याई घरबीच यों कहत हरि हे यहां भोंह टेढी होठ जीभ काढे ॥२ ॥ गज्यो तिहुँ लोक अरू भूमि कंपन भयो लात मारी सोई खंभ फाटे॥ धधुकि भाजत लोग बाट नहि पावही मेह आंधि चढी आंख आंटे ॥३ ॥ हिरण्यकश्यप करि डार लियो गोदमें नखनसों उदरको चीर डार्यो ॥ पर्यो हाहाकार ब्रह्मा शिव सुर डरें कर्यो मन सोच यह रूप न्यारो ॥४॥ देखि कमला लया चकित ठाडी भई सुनो प्रहाद अब तुम सिधारो ॥ विकट आनन्द न लगत जीभ पलपल करे कियो हु या रूप को क्रोध टारो ॥५ ॥ जायप्रह्नाद कर जोड ठाडे रहे बिनति बहु बिध करी करी बडाई॥ सुनतही देखके क्रोध दीनों डार कछुक मुसकाय करि भुज उठाई ॥६ ॥ टेरि उत्संगमें लई चाटत अंग भक्तवत्सल अभयहस्त दीने ॥ देव सब स्तुति करे रमा आई पास पुष्पकी वृष्टि गंधर्व कीने ॥७ ॥ भक्तको भीर जब जब परे आइके तबें तब आप अवतार लीने॥ कर जोरके द्वारकेस बंदन करे नरसिंहरूप यह आज चोीन्हें ८ ॥

Maru

Atar gulab neer parada lapate useer trividh sameer kii jhakor hain karein..

NityaPad-161

अतर गुलाब नीर परदा लपटे उसीर त्रिविध समीर की झकोर हैं करें॥ छूटति फुहारे हौद भरे अति भारे सारे नाना बिधि चादरन की धार बहवौ करें ॥।१॥ रंग जमें राग गुन रहत सारंग की धुनि ग्रीषम निवास गुनीगान कहवौ करें।। ऐसे निज मंदिर में बिराजे बालकृष्ण प्रभु ब्रजाधीस' आठों पहर दरसन देवौ करें | २॥।

Bilawal

Houn que‍yon jaaoonri dadhi vechanmai nand laal khelat

Part3-237

हों क्‍यों जाऊंरी दधि वेचनमाई नंद लाल खेलत होरी ॥ विन होरी होरी सी खेलत अबतो होरी करपाई ॥१॥ गोरस की मटुकी ले सीसते दौर कहत तूमोकों लाई ॥ कृष्ण जीवन लछी राम के प्रभुसो पकर पाये हैं तो करहें आप मन भाई ॥२॥

Sarang

Baajat rawal maanjh badhaai. shrivrishbhan gopaken pragati sriradha

Part1-185

बाजत रावल माँझ बधाई। श्रीवृषभान गोपकें प्रगटी श्रीराधा आनैँददाई ॥१॥ घरघरतें नर नारि मुदित मन सुनत चले उठि धाई । ललित वचन लोचन भरि निरखत मानों रंक निधि पाई ॥२॥ नाचत गावत करत कुलाहल घर घर बात लुटाई । फूले गात न मात कंजलों मानों तमरिषु दरसाई ॥३॥ कुलमंडन दुखखंडन सुंदरि श्याम शरीर सुहाई । निरबंधि नित्य स्नेह परायण प्रिय दयाल बलि जाई ॥४॥

Saarang

Bhojan karat piya aru pyaari .

NityaPad-080

भोजन करत पिय अरु प्यारी । रंग महल में धरी अंगीठी परदा परे सुखकारी ॥।१॥। दोउ परस्पर लेत देत हे बहुविध कर मनुहारी। रसिक प्रीतम प्रभु की यह लीला डारत तन मन बारि ॥ २॥

Lalit

Banyo doll manohar jhoolat nand koo laalaa .. sanga

Part3-379

बन्यो डोल मनोहर झूलत नंद को लाला ॥ संग बनी रसरंग सभी प्यारी सुंदर नयन बिशाला ॥१॥ प्रेम भरी ललितादि खरी फूली गावत गीत रसाला ॥ बाजत बेणु प्ावज झांझ रुंज मुरज डफ ताला ॥२॥ केसर नीर कपूर की धूरि उडावें अबीर भुलाला ॥ देखत्त हैं

Kafi

Manglehu kachh or padarath .. seva sabey bhaee absarath ..1 ..

Part2-075

मांगलेहु कछ ओर पदारथ ॥ सेवा सबे भई अबसारथ ॥१ ॥ फल मांग्यो बलराम कन्हाई॥ येद्दे रहें जु कुशल सदांई ॥२॥ इनहीतें हमतुमकों जान्यो॥ तवतुम गिरिगोवर्द्धन मान्यो ॥३ ॥ इंद्र आय चढहें व्रजउपर ॥ यहकहिकें नहीं राखों भूपर ॥४ ॥ नेक कछ नहि बासों व्हेहे। फिर पाछो अपने घर जेहे ॥५ ॥ सूरस्थाम - गिरिवरकी बानी ॥ ब्रजजन सुनत सत्यकर मानी ॥६ ॥

Bilawal

Dhenuduhat dekhat hari gwal .. aapun baith gaye tinake

NityaPad-187

धेनुदुहत देखत हरि ग्वाल ॥ आपुन बैठ गये तिनके ढिंगसिखवो मोहि कहत गोपाल ॥।१॥ काल देहों तोब गोदोहन सुखबे आज दुहींसबगाय॥ भोर दुहो जिननंद दुहाई उनसों कहत सुनायसुनाय ॥२॥ बडोभयो अब दुहतरहूंगो आप आपनी धेनुनिवेर ॥ सूरदासप्रभु कहतसीखदे मोहि लीजियेटेर ॥३॥

Bilawal