Gwalin kitt urahanau dehu .. boojhahu thaun yeh baat shyamason

Part1-290

ग्वालिन कित उराहनौ देहु ॥ बूझहु थौं यह बात श्यामसों जेते दुख जुरदौ सनेह ||९॥ जनमतही हम भईं बिरत चित छाँड़ि गाम गुण गेहु ॥ एकहि पाँय रहत नित ठाढ़ी ग्रीष्मशीत ऋतु मेह ॥२॥ तज्यौ मूल शास्त्रा सुपत्र सब सोच सुकानी देह ॥ मुरौ न तनमन अग्निसु लागत बिकट बनायौ वेह ॥३॥ क्ितहो बकत बाँसुरी जाने कर कर तामस तेह ॥ सूरश्यामकों तुमहुँ रिझ्ले कर क्यों न अधररस लेह ॥४॥

Saarang

Pyaritu mohanlal rijhaavat ..

Pustak1-354

प्यारीतू मोहनलाल रिझावत ॥ मधुर मधुर तानन गावत सुख समुह बढ़ावत ॥१॥ तेरे गुनरूप की सम नाँहि कोउ आवबे री उपमा कौं तुहि अंत न पावत ॥ जब तू भ्रुकुटी भंग करत कोटिक काम लजाबत ॥२॥। कोक कला संगीत निपुन उघटत त्रिबट गति तत थे ततथै थे थे मुदंग बजावत॥ सूरदास मदनमोहन रिज्ि दीयौ है अपने यौं बन वूंदा की रानी कहावत ॥३॥

Kedaro

Kahaa kahon laal sughar rung rakhyon murali

NityaPad-227

कहा कहों लाल सुघर रंग राख्यों मुरली में॥ तान बंधान स्वर भेदलेत अतिजत विचविचमिलवत विकट अवघर ॥१॥। चोख माखनीकी रेख तामें गायन मिलवत लांबेलांबे स्वर ॥ बिचबिच लेत तिहारों भाम सुनरी सयानी गोविंदप्रभु ब्रजरानी के कुंवर ॥२॥

Saarang

Nagri nutt narayan gaayau .. taana maan bandhan sapt swarrag

Pustak1-331

नागरी नट नारायण गायौ ॥ तान मान बंधान सप्त स्वरराग सों राग मिलायौ ॥१॥ चरण घुंघरू जंत्र भुनन पर नीकौ झमक जमायौ ॥ तत थेई तत थेई लेत गति में गति पति ब्रजराज रिञ्ञायी ॥३॥ सकल त्रियन में सहज चातुरी अंग सुधंग दिखायौ ॥ व्यास स्वामिनी धन्य धन्य राधा रास में रैंग मचायौ ॥३॥

Saarang

Aise reejhe bheeje ayerilal gaavtahain dhamaari ..

Part3-054

एसे रीझे भीजे आयेरीलाल गावतहैं धमारि ॥ होंजु गईरी भोर वृंदावन भरलीनी अंकवारि ॥९॥ सुधरी अलक बदनपर बिथुरी निजकरसों अली आपस कोरि ॥ हरिदास के स्वामी स्यामा कुंज बिहारी मिली है बिरह हिर दोरि ॥२॥

Basant

Aeye douu nirtat laalan giridhari pyaari ||

Pustak1-354

ए दोऊ निर्तत लालन गिरिधारी प्यारी || जोरी भली बनी एक सारी उपजत छबि न्यारी न्यारी ॥ किंकिनी नूपुर बाजें झनकक झनकारी प्यारी ॥१॥ ताल भेद जात तारी उरप तिरप गति न्यारी गावत केदारो राग सब सुधि बिसारी ।। प्यारी रीझ़् भरत अँकवारी चिततें न टरत टारी जुगल रसिक पर कृष्णदास बलिहारी ॥२॥

Kedaro

Khelat sonjhi rung rahou .. nandanandan vrishbhan nandini antarpatju

Part1-278

खेलत सॉँझी रंग रह्ौ ॥ नंदनंदन वृषभान नंदिनी अंतरपटजु दयौ ॥१॥ फूलन डलियाँ भर भर लीनी चित्रबिचित्र भयौ ॥ बहु प्रकार व्यंजन धर आगें बिनय करत नयोौ ॥२॥ आरती करत कोट की सुंदरी रागही रंग छयो ॥ श्रीविद्लगिरिधरन क्ृपानिधि व्रजजन सुखही दयौ ॥३॥

Malav

Shobhit sthaamatan peet jhaguliya ..

NityaPad-058

शोभित स्थामतन पीत झगुलिया ॥ कुलही लाल लटकन छविबघना चलन सिखावत मैया ॥ १॥ डगमगात पग धरत मनोहर अतिराजत पेंजनियां।। यशुमतिमन प्रफुल्लित अति आनंदसों लेत बलैयां पुन पुनियां ॥२॥। किलक किलक करलेत ख्रिलोना प्रेममग्न हुलसैयां | अडबराय देखत फिरपाछे चलत घुटुरुवन धैया । ३॥। गोपवधू मुखकमलनिहारत लालन सबसुख दैया ॥। ब्रजलीला ब्रह्मादिक दुर्लभ गावत दाससदैया ॥४।॥।

Dhanshree

Bhojan karjo oothe peeya pyaari ..|

NityaPad-220

भोजन करजो ऊठे पीय प्यारी ॥| कंचन नगन जराय कि झारी जमोदीक लाई ललतारी ॥ १ ॥ मुख परवार बिरीले ब्रजपत हीतसो कुंज बिहारी॥| छीत स्वामी नवकुंज सदन में विहेरत लाल बिहारी ॥२॥

Saarang

Shyam sanga radhika rasmondal bunny ..

Pustak1-351

श्याम संग राधिका रासमंडल बनी ॥ बीच नँदलाल ब्रजबाल चंपक बरण जनु घन त़तड़ित बिच कनक मरकत्त मणी ॥१॥ लेत गति मान तत थेई हस्तक भेद सारीगमपधनी ए सप्नस्वर मंदनी ॥ नृत्य रस पहिर पट नील प्रकटित छबि बदन जनु जलद में हिमकिरन की चाँदनी ॥२॥| रागरागणी तानमान संगीत मध्य थकित राकेश नभ शरदकी यामिनी ॥ मिलत हरिवंश प्रभु हंस कटि केहरी दूर कर मदन मत्त गजगामिनी ॥३॥

Kedaro

Balgopal shobhit atee khelat manimay anganaa. runak jhunak

Part1-160

बालगोपाल शोभित अति खेलत मनिमय अँगना। रुनक झुनक पग नूपुर बाजें मुखरित रव कटि किंकिनी राजें । पोहोंची कर हीरा बिच सोहै फुदना बिराजत घना ॥१॥ लटकन खुनखुना सोहे अलक जरूली लटकन मोह बालक बूंद सैगना । आसकरन प्रभु मोहन नागर देखि विमोहीं ब्रजकी बाल चितवत चित चोरि लियो मोहन छगन मगना ॥२॥

Todi

Samri paag viraj rahee sir benny bunny maano nagin kaaree ..

NityaPad-068

सामरी पाग विराज रही सिर बेनी बनी मानो नागिन कारी ॥ स्थामही भुषण छबि लागत स्याम कंचुकी लागत भारी ॥ १॥ फोंदना मखतूल को स्याम बन्यो छबि देखत ब्रषभान दुलारी॥ स्याम शृंगार की शोभा निरखत अपनो जियवार नोछावर डारी ॥२॥

Dhanshree