Aaj dashahara shubh dinn neekau vijay karo piya pyaaripe aaj..

Pustak1-317

आज दशहरा शुभ दिन नीकौ विजय करो पिय प्यारीपे आज॥ घेरी है बिकट मदन गढ़ गाढ़ें तोर मेंड्र लालन कर हो राज ॥१॥ इत्तनी बात सुनत नँदनंदन बिहँसि उठे दल कीनों साज | रसिकप्रभु पिय रति पति जीत्यो नुपूर किकिणी रुनुझुनु बाज ॥२॥

Saarang

Boondaavan adrabhut nutt dekhiyat biharat kanhar pyaari ..

Pustak1-333

बूंदावन अद्रभुत नट देखियत बिहरत कान्हर प्यारी ॥ . गोवर्धनधर श्याम चंद्रमा युवतिन लोचनतारौ ॥१॥| सुखद किरण रोमावलि वैभव उर नव मणिगण हारा ॥ ललन युवति पर भेख बिराजत पान करत मधुधारा ॥२॥ ब्रजजन नवल चकोर अति लोचन अ्रवत अमृत अनुसारा ॥ भज कृष्णदास सुरत सुख जलनिधि हुलसतत बारंबारा ॥३॥

Malav

Jaware pahiren girivardhari .

Pustak1-317

जवारे पहिरें गिरिवरधारी । जुवती-जन-मन-ताप-निवारन आनंद मंगलकारी ॥ सुंदर लाल माल ललित तन देखि जननी कर वारी । मनमोहन के रसिक रूप पर 'परमानैंद” बलिहारी ॥

Saarang

Aisein sambre raine bihani.. bhor bhaye bandham chaley douu manman

NityaPad-049

ऐसेंई सांबरे रेन बिहानी॥ भोर भये बनधाम चले दोऊ मनमन नार सयानी ॥१॥ प्यारी गई वृषभान पुरातन स्थाम जात नंदधाम ॥ प्रमदा महलद्टवार व्है ठाढी बिनदेखी वेवाम ॥।२॥ प्रातभयो बनते ब्रज आबत मनमन करत विचार ॥ सुनहो सूर सकुचत ठठकत गृहगये नंदकुमार ।। ३॥।

Lalit

Anandsodedhimathi yashoda kanakamathaniyan ghoomen ..

NityaPad-182

आनंदसोदेधिमथति यशोदा कनकमथनियां घूमें ।। नृत्यतकान्ह ललितलोचन पगधरतअटपटे भूमें ॥१॥ चारुचकोडामध्य कुटिलकचश्रम मुक्ताताहूमें ॥ मानोमकरंदबिंदुलेमधुकर सुततहितप्यावत- झूमें ॥२॥| बोलतस्यामतोतरी बतियांहँसहँस दतियांदूमें || सूरसर्वस्ववारोंछबिपर जननीकमल मुख चूमें || ३॥।

Bilawal

Aaj gopal rasrus khelat pulin kalpataru teeraa .. sharad

Part1-335

आज गोपाल रासरस खेलत पुलिन कल्पतरु तीरा ॥ शरद विमल नभ चंद बिराजत रोचत त्रिविध समीरा ॥१॥ चंपक बकुल मालती मुकुलित मत्त मुदित अलि कीरा ॥ लेत सुधंग रागिन कों ब्रज युवतिनकी भीरा ॥२॥ मधवा मुदित निसान बजावत ब्रत छाँड़त मुनि धीरा ॥ हित हरिवंश मगन मन श्यामा हरत मदनमन पीरा ॥३॥

Malav

Laal main yaa chhabi oopar baari | bali gopal lagai inn nayanan

Part1-159

लाल मैं या छबि ऊपर बारी | बलि गोपाल लगै इन नयनन रोग बलाय तुम्हारी ॥१॥ कुटिल अलक मोहन मुख बिहँसन भ्रकुटी बिकट लिलारी । मनहूँ कमल अलि शावक पंगति उड़त मधुर छबि भारी ॥२॥ लोचन ललित कपोलनि काजर छवि उपजत अधिकारी | सुखमें सुख औरौ रुचि बाढृत हँसत देत किलकारी ॥३॥ अल्प दशन कलबल करि बोलत बुध नहीं परत बिचारी | निकसत जोत अधरनके बीच मानों विधिमें बिज्जु उजारी ॥४॥ सुंदरताकौ पार न पावत रूप देख महतारी । सूर सिधुकी बूंद भई मिलि मति गति दृष्टि हमारी ॥५॥

Dhanashri

Pragat bhaee vrishbhan nandini chalo badhaai baaje ree | bhaado maas

Part1-201

प्रगट भई वृषभान नंदिनी चलो बधाई बाजे री | भादो मास उजियारी आठे मंद मंद घन गाजे री ॥१॥ व्रजवनिता धावति कल गावति गांव गांव ते आई री । विगलित वसन लटकत लट ही नाचत पै नहीं लाजे री |॥२॥ आनंद भरी नंदजूकी रानी देत वसन पसु भ्राजे री । उदय भयो ब्रज वल्लभ कुलको “व्यास! वचन पर छाजे री ॥३॥

Kalayan

Kahau kinn deenau daan daheekau . sadaa sarvada bechat yeh mug

Part1-220

कहौ किन दीनौ दान दहीकौ । सदा सर्वदा बेचत यह मग है मारग नितहीकौ ॥१॥ भाजनही समेत शीशत्तें लेत छीनि सबहीकी । ऐसौ कबडूँ सुन्यों न देख्यों नयौ न्याय अबहीकौ ॥२॥ कमल नयन मुसिक्याय मंद हँसि अंचल पकस्थौ जबहीकौ । दास चतुर्भुज प्रभु गिरिधर मन चोर लियो तबहीको ॥३॥

Devgandhaar

Nandgop upnand gaye tahaan.. girigovardhan badey deva jahaan ..1 ..

Part2-071

नंदगोप उपनंद गये तहां॥ गिरिगोवर्धन बडे देव जहां ।।१ ॥ शिखर देख सब रीझे मनमन॥ ग्वाल कहत अतिही अचरज वन ॥२ ॥ अति ऊँचो गिरिराज विराजत॥ कोटिमदन निरखत छबिलाजत ॥३ ॥ पोहोंचे शकटन भरि भरि भोजन॥ को आये कोऊ कहूं महिखोजन ॥४ ॥ तिनके काज अहीर पठाये।॥ विलंब क्र जिन तुरत बुलाये॥५॥ आबत मारग पायें तिनकों॥ आतुरत्हे नंद जिनकों ॥६ ॥ तुरत लिवाय तिनहि तहां आये ॥ महर मनहि अति हरख बढाये ॥७ ॥ सूरदासप्रभु तहां अधिकारी ॥ जानतहें पूजा परकारी ॥८ ॥

Bilawal

Byaru keeje mohanrai |.

NityaPad-303

ब्यारु कीजे मोहनराय |। मधुमेवा पकवान मिठाई बिंजन सरस बनाय॥ १॥ दारभात ओर कढी बरीकी मिश्री पनो छनाय॥ परमानंददासको ठाकुर बलदाउ संग लाय ॥२॥

Kanharo

Aavabat sthaam tiyaa russ maate .. dorr jaat sanga koee

Part2-350

आवबत स्थाम तिया रस माते ॥ दोर जात संग कोई नाहि ज्यों गज मद झर चुचाते ॥१ ॥ कौन तिया के बचन बिथे हो कौन ही के घर जाते॥ साँच बचन तुम कबहु न बोलत जुठी बनावत बातें ॥२ ॥ कुटिल कपटी लबार लालची चोर चतुर रंग राते ॥ 'धोंधी' के प्रभु जाऊ जहाँ तहाँ चंचल नैंन सुहाते ॥३ ॥

Suha